(൧) പച്ചുപ്പന്നവാരോ

(ക) അനുലോമപുഗ്ഗലോ

൯൯. (ക) യസ്സ കുസലാ ധമ്മാ നിരുജ്ഝന്തി തസ്സ അകുസലാ ധമ്മാ നിരുജ്ഝന്തീതി? നോ.

(ഖ) യസ്സ വാ പന അകുസലാ ധമ്മാ നിരുജ്ഝന്തി തസ്സ കുസലാ ധമ്മാ നിരുജ്ഝന്തീതി? നോ.

(ക) യസ്സ കുസലാ ധമ്മാ നിരുജ്ഝന്തി തസ്സ അബ്യാകതാ ധമ്മാ നിരുജ്ഝന്തീതി?

അരൂപേ കുസലാനം ഭങ്ഗക്ഖണേ തേസം കുസലാ ധമ്മാ നിരുജ്ഝന്തി, നോ ച തേസം അബ്യാകതാ ധമ്മാ നിരുജ്ഝന്തി. പഞ്ചവോകാരേ കുസലാനം ഭങ്ഗക്ഖണേ തേസം കുസലാ ച ധമ്മാ നിരുജ്ഝന്തി അബ്യാകതാ ച ധമ്മാ നിരുജ്ഝന്തി.

(ഖ) യസ്സ വാ പന അബ്യാകതാ ധമ്മാ നിരുജ്ഝന്തി തസ്സ കുസലാ ധമ്മാ നിരുജ്ഝന്തീതി?

സബ്ബേസം ചവന്താനം പവത്തേ കുസലവിപ്പയുത്തചിത്തസ്സ ഭങ്ഗക്ഖണേ തേസം അബ്യാകതാ ധമ്മാ നിരുജ്ഝന്തി, നോ ച തേസം കുസലാ ധമ്മാ നിരുജ്ഝന്തി. പഞ്ചവോകാരേ കുസലാനം ഭങ്ഗക്ഖണേ തേസം അബ്യാകതാ ച ധമ്മാ നിരുജ്ഝന്തി കുസലാ ച ധമ്മാ നിരുജ്ഝന്തി.

൧൦൦. (ക) യസ്സ അകുസലാ ധമ്മാ നിരുജ്ഝന്തി തസ്സ അബ്യാകതാ ധമ്മാ നിരുജ്ഝന്തീതി?

അരൂപേ അകുസലാനം ഭങ്ഗക്ഖണേ തേസം അകുസലാ ധമ്മാ നിരുജ്ഝന്തി, നോ ച തേസം അബ്യാകതാ ധമ്മാ നിരുജ്ഝന്തി. പഞ്ചവോകാരേ അകുസലാനം ഭങ്ഗക്ഖണേ തേസം അകുസലാ ച ധമ്മാ നിരുജ്ഝന്തി അബ്യാകതാ ച ധമ്മാ നിരുജ്ഝന്തി.

(ഖ) യസ്സ വാ പന അബ്യാകതാ ധമ്മാ നിരുജ്ഝന്തി തസ്സ അകുസലാ ധമ്മാ നിരുജ്ഝന്തീതി?

സബ്ബേസം ചവന്താനം പവത്തേ അകുസലവിപ്പയുത്തചിത്തസ്സ ഭങ്ഗക്ഖണേ തേസം അബ്യാകതാ ധമ്മാ നിരുജ്ഝന്തി, നോ ച തേസം അകുസലാ ധമ്മാ നിരുജ്ഝന്തി. പഞ്ചവോകാരേ അകുസലാനം ഭങ്ഗക്ഖണേ തേസം അബ്യാകതാ ച ധമ്മാ നിരുജ്ഝന്തി അകുസലാ ച ധമ്മാ നിരുജ്ഝന്തി.

(ഖ) അനുലോമഓകാസോ

൧൦൧. (ക) യത്ഥ കുസലാ ധമ്മാ നിരുജ്ഝന്തി തത്ഥ അകുസലാ ധമ്മാ നിരുജ്ഝന്തീതി? ആമന്താ.

(ഖ) യത്ഥ വാ പന അകുസലാ ധമ്മാ നിരുജ്ഝന്തി തത്ഥ കുസലാ ധമ്മാ നിരുജ്ഝന്തീതി? ആമന്താ.

(ക) യത്ഥ കുസലാ ധമ്മാ നിരുജ്ഝന്തി തത്ഥ അബ്യാകതാ ധമ്മാ നിരുജ്ഝന്തീതി? ആമന്താ.

(ഖ) യത്ഥ വാ പന അബ്യാകതാ ധമ്മാ നിരുജ്ഝന്തി തത്ഥ കുസലാ ധമ്മാ നിരുജ്ഝന്തീതി?

അസഞ്ഞസത്തേ തത്ഥ അബ്യാകതാ ധമ്മാ നിരുജ്ഝന്തി, നോ ച തത്ഥ കുസലാ ധമ്മാ നിരുജ്ഝന്തി. ചതുവോകാരേ പഞ്ചവോകാരേ തത്ഥ അബ്യാകതാ ച ധമ്മാ നിരുജ്ഝന്തി കുസലാ ച ധമ്മാ നിരുജ്ഝന്തി.

൧൦൨. (ക) യത്ഥ അകുസലാ ധമ്മാ നിരുജ്ഝന്തി തത്ഥ അബ്യാകതാ ധമ്മാ നിരുജ്ഝന്തീതി? ആമന്താ.

(ഖ) യത്ഥ വാ പന അബ്യാകതാ ധമ്മാ നിരുജ്ഝന്തി തത്ഥ അകുസലാ ധമ്മാ നിരുജ്ഝന്തീതി?

അസഞ്ഞസത്തേ തത്ഥ അബ്യാകതാ ധമ്മാ നിരുജ്ഝന്തി, നോ ച തത്ഥ അകുസലാ ധമ്മാ നിരുജ്ഝന്തി. ചതുവോകാരേ പഞ്ചവോകാരേ തത്ഥ അബ്യാകതാ ച ധമ്മാ നിരുജ്ഝന്തി അകുസലാ ച ധമ്മാ നിരുജ്ഝന്തി.

(ഗ) അനുലോമപുഗ്ഗലോകാസാ

൧൦൩. (ക) യസ്സ യത്ഥ കുസലാ ധമ്മാ നിരുജ്ഝന്തി തസ്സ തത്ഥ അകുസലാ ധമ്മാ നിരുജ്ഝന്തീതി? നോ.

(ഖ) യസ്സ വാ പന യത്ഥ അകുസലാ ധമ്മാ നിരുജ്ഝന്തി തസ്സ തത്ഥ കുസലാ ധമ്മാ നിരുജ്ഝന്തീതി? നോ.

(ക) യസ്സ യത്ഥ കുസലാ ധമ്മാ നിരുജ്ഝന്തി തസ്സ തത്ഥ അബ്യാകതാ ധമ്മാ നിരുജ്ഝന്തീതി?

അരൂപേ കുസലാനം ഭങ്ഗക്ഖണേ തേസം തത്ഥ കുസലാ ധമ്മാ നിരുജ്ഝന്തി, നോ ച തേസം തത്ഥ അബ്യാകതാ ധമ്മാ നിരുജ്ഝന്തി. പഞ്ചവോകാരേ കുസലാനം ഭങ്ഗക്ഖണേ തേസം തത്ഥ കുസലാ ച ധമ്മാ നിരുജ്ഝന്തി അബ്യാകതാ ച ധമ്മാ നിരുജ്ഝന്തി.

(ഖ) യസ്സ വാ പന യത്ഥ അബ്യാകതാ ധമ്മാ നിരുജ്ഝന്തി തസ്സ തത്ഥ കുസലാ ധമ്മാ നിരുജ്ഝന്തീതി?

സബ്ബേസം ചവന്താനം പവത്തേ കുസലവിപ്പയുത്തചിത്തസ്സ ഭങ്ഗക്ഖണേ തേസം തത്ഥ അബ്യാകതാ ധമ്മാ നിരുജ്ഝന്തി, നോ ച തേസം തത്ഥ കുസലാ ധമ്മാ നിരുജ്ഝന്തി. പഞ്ചവോകാരേ കുസലാനം ഭങ്ഗക്ഖണേ തേസം തത്ഥ അബ്യാകതാ ച ധമ്മാ നിരുജ്ഝന്തി കുസലാ ച ധമ്മാ നിരുജ്ഝന്തി.

൧൦൪. (ക) യസ്സ യത്ഥ അകുസലാ ധമ്മാ നിരുജ്ഝന്തി തസ്സ തത്ഥ അബ്യാകതാ ധമ്മാ നിരുജ്ഝന്തീതി?

അരൂപേ അകുസലാനം ഭങ്ഗക്ഖണേ തേസം തത്ഥ അകുസലാ ധമ്മാ നിരുജ്ഝന്തി, നോ ച തേസം തത്ഥ അബ്യാകതാ ധമ്മാ നിരുജ്ഝന്തി. പഞ്ചവോകാരേ അകുസലാനം ഭങ്ഗക്ഖണേ തേസം തത്ഥ അകുസലാ ച ധമ്മാ നിരുജ്ഝന്തി അബ്യാകതാ ച ധമ്മാ നിരുജ്ഝന്തി.

(ഖ) യസ്സ വാ പന യത്ഥ അബ്യാകതാ ധമ്മാ നിരുജ്ഝന്തി തസ്സ തത്ഥ അകുസലാ ധമ്മാ നിരുജ്ഝന്തീതി?

സബ്ബേസം ചവന്താനം പവത്തേ അകുസലവിപ്പയുത്തചിത്തസ്സ ഭങ്ഗക്ഖണേ തേസം തത്ഥ അബ്യാകതാ ധമ്മാ നിരുജ്ഝന്തി, നോ ച തേസം തത്ഥ അകുസലാ ധമ്മാ നിരുജ്ഝന്തി. പഞ്ചവോകാരേ അകുസലാനം ഭങ്ഗക്ഖണേ തേസം തത്ഥ അബ്യാകതാ ച ധമ്മാ നിരുജ്ഝന്തി അകുസലാ ച ധമ്മാ നിരുജ്ഝന്തി.

(ഘ) പച്ചനീകപുഗ്ഗലോ

൧൦൫. (ക) യസ്സ കുസലാ ധമ്മാ ന നിരുജ്ഝന്തി തസ്സ അകുസലാ ധമ്മാ ന നിരുജ്ഝന്തീതി?

അകുസലാനം ഭങ്ഗക്ഖണേ തേസം കുസലാ ധമ്മാ ന നിരുജ്ഝന്തി, നോ ച തേസം അകുസലാ ധമ്മാ ന നിരുജ്ഝന്തി. സബ്ബേസം ചിത്തസ്സ ഉപ്പാദക്ഖണേ കുസലവിപ്പയുത്തഅകുസലവിപ്പയുത്തചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം കുസലാ ച ധമ്മാ ന നിരുജ്ഝന്തി അകുസലാ ച ധമ്മാ ന നിരുജ്ഝന്തി.

(ഖ) യസ്സ വാ പന അകുസലാ ധമ്മാ ന നിരുജ്ഝന്തി തസ്സ കുസലാ ധമ്മാ ന നിരുജ്ഝന്തീതി?

കുസലാനം ഭങ്ഗക്ഖണേ തേസം അകുസലാ ധമ്മാ ന നിരുജ്ഝന്തി, നോ ച തേസം കുസലാ ധമ്മാ ന നിരുജ്ഝന്തി. സബ്ബേസം ചിത്തസ്സ ഉപ്പാദക്ഖണേ അകുസലവിപ്പയുത്തകുസലവിപ്പയുത്തചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം അകുസലാ ച ധമ്മാ ന നിരുജ്ഝന്തി കുസലാ ച ധമ്മാ ന നിരുജ്ഝന്തി.

(ക) യസ്സ കുസലാ ധമ്മാ ന നിരുജ്ഝന്തി തസ്സ അബ്യാകതാ ധമ്മാ ന നിരുജ്ഝന്തീതി?

സബ്ബേസം ചവന്താനം പവത്തേ കുസലവിപ്പയുത്തചിത്തസ്സ ഭങ്ഗക്ഖണേ തേസം കുസലാ ധമ്മാ ന നിരുജ്ഝന്തി, നോ ച തേസം അബ്യാകതാ ധമ്മാ ന നിരുജ്ഝന്തി. സബ്ബേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ അകുസലാനം ഭങ്ഗക്ഖണേ തേസം കുസലാ ച ധമ്മാ ന നിരുജ്ഝന്തി അബ്യാകതാ ച ധമ്മാ ന നിരുജ്ഝന്തി.

(ഖ) യസ്സ വാ പന അബ്യാകതാ ധമ്മാ ന നിരുജ്ഝന്തി തസ്സ കുസലാ ധമ്മാ ന നിരുജ്ഝന്തീതി?

അരൂപേ കുസലാനം ഭങ്ഗക്ഖണേ തേസം അബ്യാകതാ ധമ്മാ ന നിരുജ്ഝന്തി, നോ ച തേസം കുസലാ ധമ്മാ ന നിരുജ്ഝന്തി. സബ്ബേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ അകുസലാനം ഭങ്ഗക്ഖണേ തേസം അബ്യാകതാ ച ധമ്മാ ന നിരുജ്ഝന്തി കുസലാ ച ധമ്മാ ന നിരുജ്ഝന്തി.

൧൦൬. (ക) യസ്സ അകുസലാ ധമ്മാ ന നിരുജ്ഝന്തി തസ്സ അബ്യാകതാ ധമ്മാ ന നിരുജ്ഝന്തീതി?

സബ്ബേസം ചവന്താനം പവത്തേ അകുസലവിപ്പയുത്തചിത്തസ്സ ഭങ്ഗക്ഖണേ തേസം അകുസലാ ധമ്മാ ന നിരുജ്ഝന്തി, നോ ച തേസം അബ്യാകതാ ധമ്മാ ന നിരുജ്ഝന്തി. സബ്ബേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ കുസലാനം ഭങ്ഗക്ഖണേ തേസം അകുസലാ ച ധമ്മാ ന നിരുജ്ഝന്തി അബ്യാകതാ ച ധമ്മാ ന നിരുജ്ഝന്തി.

(ഖ) യസ്സ വാ പന അബ്യാകതാ ധമ്മാ ന നിരുജ്ഝന്തി തസ്സ അകുസലാ ധമ്മാ ന നിരുജ്ഝന്തീതി?

അരൂപേ അകുസലാനം ഭങ്ഗക്ഖണേ തേസം അബ്യാകതാ ധമ്മാ ന നിരുജ്ഝന്തി, നോ ച തേസം അകുസലാ ധമ്മാ ന നിരുജ്ഝന്തി. സബ്ബേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ കുസലാനം ഭങ്ഗക്ഖണേ തേസം അബ്യാകതാ ച ധമ്മാ ന നിരുജ്ഝന്തി അകുസലാ ച ധമ്മാ ന നിരുജ്ഝന്തി.

(ങ) പച്ചനീകഓകാസോ

൧൦൭. (ക) യത്ഥ കുസലാ ധമ്മാ ന നിരുജ്ഝന്തി തത്ഥ അകുസലാ ധമ്മാ ന നിരുജ്ഝന്തീതി? ആമന്താ.

(ഖ) യത്ഥ വാ പന അകുസലാ ധമ്മാ ന നിരുജ്ഝന്തി തത്ഥ കുസലാ ധമ്മാ ന നിരുജ്ഝന്തീതി? ആമന്താ.

(ക) യത്ഥ കുസലാ ധമ്മാ ന നിരുജ്ഝന്തി തത്ഥ അബ്യാകതാ ധമ്മാ ന നിരുജ്ഝന്തീതി? നിരുജ്ഝന്തി.

(ഖ) യത്ഥ വാ പന അബ്യാകതാ ധമ്മാ ന നിരുജ്ഝന്തി തത്ഥ കുസലാ ധമ്മാ ന നിരുജ്ഝന്തീതി? നത്ഥി.

൧൦൮. (ക) യത്ഥ അകുസലാ ധമ്മാ ന നിരുജ്ഝന്തി തത്ഥ അബ്യാകതാ ധമ്മാ ന നിരുജ്ഝന്തീതി? നിരുജ്ഝന്തി.

(ഖ) യത്ഥ വാ പന അബ്യാകതാ ധമ്മാ ന നിരുജ്ഝന്തി തത്ഥ അകുസലാ ധമ്മാ ന നിരുജ്ഝന്തീതി? നത്ഥി.

(ച) പച്ചനീകപുഗ്ഗലോകാസാ

൧൦൯. (ക) യസ്സ യത്ഥ കുസലാ ധമ്മാ ന നിരുജ്ഝന്തി തസ്സ തത്ഥ അകുസലാ ധമ്മാ ന നിരുജ്ഝന്തീതി?

അകുസലാനം ഭങ്ഗക്ഖണേ തേസം തത്ഥ കുസലാ ധമ്മാ ന നിരുജ്ഝന്തി, നോ ച തേസം തത്ഥ അകുസലാ ധമ്മാ ന നിരുജ്ഝന്തി. സബ്ബേസം ചിത്തസ്സ ഉപ്പാദക്ഖണേ കുസലവിപ്പയുത്തഅകുസലവിപ്പയുത്തചിത്തസ്സ ഭങ്ഗക്ഖണേ അസഞ്ഞസത്താനം തേസം തത്ഥ കുസലാ ച ധമ്മാ ന നിരുജ്ഝന്തി അകുസലാ ച ധമ്മാ ന നിരുജ്ഝന്തി.

(ഖ) യസ്സ വാ പന യത്ഥ അകുസലാ ധമ്മാ ന നിരുജ്ഝന്തി തസ്സ തത്ഥ കുസലാ ധമ്മാ ന നിരുജ്ഝന്തീതി?

കുസലാനം ഭങ്ഗക്ഖണേ തേസം തത്ഥ അകുസലാ ധമ്മാ ന നിരുജ്ഝന്തി, നോ ച തേസം തത്ഥ കുസലാ ധമ്മാ ന നിരുജ്ഝന്തി. സബ്ബേസം ചിത്തസ്സ ഉപ്പാദക്ഖണേ അകുസലവിപ്പയുത്തകുസലവിപ്പയുത്തചിത്തസ്സ ഭങ്ഗക്ഖണേ അസഞ്ഞസത്താനം തേസം തത്ഥ അകുസലാ ച ധമ്മാ ന നിരുജ്ഝന്തി കുസലാ ച ധമ്മാ ന നിരുജ്ഝന്തി.

(ക) യസ്സ യത്ഥ കുസലാ ധമ്മാ ന നിരുജ്ഝന്തി തസ്സ തത്ഥ അബ്യാകതാ ധമ്മാ ന നിരുജ്ഝന്തീതി?

സബ്ബേസം ചവന്താനം പവത്തേ കുസലവിപ്പയുത്തചിത്തസ്സ ഭങ്ഗക്ഖണേ തേസം തത്ഥ കുസലാ ധമ്മാ ന നിരുജ്ഝന്തി, നോ ച തേസം തത്ഥ അബ്യാകതാ ധമ്മാ ന നിരുജ്ഝന്തി. സബ്ബേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ അകുസലാനം ഭങ്ഗക്ഖണേ തേസം തത്ഥ കുസലാ ച ധമ്മാ ന നിരുജ്ഝന്തി അബ്യാകതാ ച ധമ്മാ ന നിരുജ്ഝന്തി.

(ഖ) യസ്സ വാ പന യത്ഥ അബ്യാകതാ ധമ്മാ ന നിരുജ്ഝന്തി തസ്സ തത്ഥ കുസലാ ധമ്മാ ന നിരുജ്ഝന്തീതി?

അരൂപേ കുസലാനം ഭങ്ഗക്ഖണേ തേസം തത്ഥ അബ്യാകതാ ധമ്മാ ന നിരുജ്ഝന്തി, നോ ച തേസം തത്ഥ കുസലാ ധമ്മാ ന നിരുജ്ഝന്തി. സബ്ബേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ അകുസലാനം ഭങ്ഗക്ഖണേ തേസം തത്ഥ അബ്യാകതാ ച ധമ്മാ ന നിരുജ്ഝന്തി കുസലാ ച ധമ്മാ ന നിരുജ്ഝന്തി.

൧൧൦. (ക) യസ്സ യത്ഥ അകുസലാ ധമ്മാ ന നിരുജ്ഝന്തി തസ്സ തത്ഥ അബ്യാകതാ ധമ്മാ ന നിരുജ്ഝന്തീതി?

സബ്ബേസം ചവന്താനം പവത്തേ അകുസലവിപ്പയുത്തചിത്തസ്സ ഭങ്ഗക്ഖണേ തേസം തത്ഥ അകുസലാ ധമ്മാ ന നിരുജ്ഝന്തി, നോ ച തേസം തത്ഥ അബ്യാകതാ ധമ്മാ ന നിരുജ്ഝന്തി. സബ്ബേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ കുസലാനം ഭങ്ഗക്ഖണേ തേസം തത്ഥ അകുസലാ ച ധമ്മാ ന നിരുജ്ഝന്തി അബ്യാകതാ ച ധമ്മാ ന നിരുജ്ഝന്തി.

(ഖ) യസ്സ വാ പന യത്ഥ അബ്യാകതാ ധമ്മാ ന നിരുജ്ഝന്തി തസ്സ തത്ഥ അകുസലാ ധമ്മാ ന നിരുജ്ഝന്തീതി?

അരൂപേ അകുസലാനം ഭങ്ഗക്ഖണേ തേസം തത്ഥ അബ്യാകതാ ധമ്മാ ന നിരുജ്ഝന്തി, നോ ച തേസം തത്ഥ അകുസലാ ധമ്മാ ന നിരുജ്ഝന്തി. സബ്ബേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ കുസലാനം ഭങ്ഗക്ഖണേ തേസം തത്ഥ അബ്യാകതാ ച ധമ്മാ ന നിരുജ്ഝന്തി അകുസലാ ച ധമ്മാ ന നിരുജ്ഝന്തി.