(൧) പച്ചുപ്പന്നവാരോ

(ക) അനുലോമപുഗ്ഗലോ

൩൩. (ക) യസ്സ കുസലാ ധമ്മാ ഉപ്പജ്ജന്തി തസ്സ അകുസലാ ധമ്മാ ഉപ്പജ്ജന്തീതി? നോ.

(ഖ) യസ്സ വാ പന അകുസലാ ധമ്മാ ഉപ്പജ്ജന്തി തസ്സ കുസലാ ധമ്മാ ഉപ്പജ്ജന്തീതി? നോ.

(ക) യസ്സ കുസലാ ധമ്മാ ഉപ്പജ്ജന്തി തസ്സ അബ്യാകതാ ധമ്മാ ഉപ്പജ്ജന്തീതി?

അരൂപേ കുസലാനം ഉപ്പാദക്ഖണേ തേസം കുസലാ ധമ്മാ ഉപ്പജ്ജന്തി, നോ ച തേസം അബ്യാകതാ ധമ്മാ ഉപ്പജ്ജന്തി. പഞ്ചവോകാരേ കുസലാനം ഉപ്പാദക്ഖണേ തേസം കുസലാ ച ധമ്മാ ഉപ്പജ്ജന്തി അബ്യാകതാ ച ധമ്മാ ഉപ്പജ്ജന്തി.

(ഖ) യസ്സ വാ പന അബ്യാകതാ ധമ്മാ ഉപ്പജ്ജന്തി തസ്സ കുസലാ ധമ്മാ ഉപ്പജ്ജന്തീതി?

സബ്ബേസം ഉപപജ്ജന്താനം പവത്തേ കുസലവിപ്പയുത്തചിത്തസ്സ ഉപ്പാദക്ഖണേ തേസം അബ്യാകതാ ധമ്മാ ഉപ്പജ്ജന്തി, നോ ച തേസം കുസലാ ധമ്മാ ഉപ്പജ്ജന്തി. പഞ്ചവോകാരേ കുസലാനം ഉപ്പാദക്ഖണേ തേസം അബ്യാകതാ ച ധമ്മാ ഉപ്പജ്ജന്തി കുസലാ ച ധമ്മാ ഉപ്പജ്ജന്തി.

൩൪. (ക) യസ്സ അകുസലാ ധമ്മാ ഉപ്പജ്ജന്തി തസ്സ അബ്യാകതാ ധമ്മാ ഉപ്പജ്ജന്തീതി?

അരൂപേ അകുസലാനം ഉപ്പാദക്ഖണേ തേസം അകുസലാ ധമ്മാ ഉപ്പജ്ജന്തി, നോ ച തേസം അബ്യാകതാ ധമ്മാ ഉപ്പജ്ജന്തി. പഞ്ചവോകാരേ അകുസലാനം ഉപ്പാദക്ഖണേ തേസം അകുസലാ ച ധമ്മാ ഉപ്പജ്ജന്തി അബ്യാകതാ ച ധമ്മാ ഉപ്പജ്ജന്തി.

(ഖ) യസ്സ വാ പന അബ്യാകതാ ധമ്മാ ഉപ്പജ്ജന്തി തസ്സ അകുസലാ ധമ്മാ ഉപ്പജ്ജന്തീതി?

സബ്ബേസം ഉപപജ്ജന്താനം പവത്തേ അകുസലവിപ്പയുത്തചിത്തസ്സ ഉപ്പാദക്ഖണേ തേസം അബ്യാകതാ ധമ്മാ ഉപ്പജ്ജന്തി, നോ ച തേസം അകുസലാ ധമ്മാ ഉപ്പജ്ജന്തി. പഞ്ചവോകാരേ അകുസലാനം ഉപ്പാദക്ഖണേ തേസം അബ്യാകതാ ച ധമ്മാ ഉപ്പജ്ജന്തി അകുസലാ ച ധമ്മാ ഉപ്പജ്ജന്തി.

(ഖ) അനുലോമഓകാസോ

൩൫. (ക) യത്ഥ കുസലാ ധമ്മാ ഉപ്പജ്ജന്തി തത്ഥ അകുസലാ ധമ്മാ ഉപ്പജ്ജന്തീതി? ആമന്താ.

(ഖ) യത്ഥ വാ പന അകുസലാ ധമ്മാ ഉപ്പജ്ജന്തി തത്ഥ കുസലാ ധമ്മാ ഉപ്പജ്ജന്തീതി? ആമന്താ.

(ക) യത്ഥ കുസലാ ധമ്മാ ഉപ്പജ്ജന്തി തത്ഥ അബ്യാകതാ ധമ്മാ ഉപ്പജ്ജന്തീതി? ആമന്താ.

(ഖ) യത്ഥ വാ പന അബ്യാകതാ ധമ്മാ ഉപ്പജ്ജന്തി തത്ഥ കുസലാ ധമ്മാ ഉപ്പജ്ജന്തീതി?

അസഞ്ഞസത്തേ തത്ഥ അബ്യാകതാ ധമ്മാ ഉപ്പജ്ജന്തി, നോ ച തത്ഥ കുസലാ ധമ്മാ ഉപ്പജ്ജന്തി. ചതുവോകാരേ പഞ്ചവോകാരേ തത്ഥ അബ്യാകതാ ച ധമ്മാ ഉപ്പജ്ജന്തി കുസലാ ച ധമ്മാ ഉപ്പജ്ജന്തി.

൩൬. (ക) യത്ഥ അകുസലാ ധമ്മാ ഉപ്പജ്ജന്തി തത്ഥ അബ്യാകതാ ധമ്മാ ഉപ്പജ്ജന്തീതി? ആമന്താ.

(ഖ) യത്ഥ വാ പന അബ്യാകതാ ധമ്മാ ഉപ്പജ്ജന്തി തത്ഥ അകുസലാ ധമ്മാ ഉപ്പജ്ജന്തീതി?

അസഞ്ഞസത്തേ തത്ഥ അബ്യാകതാ ധമ്മാ ഉപ്പജ്ജന്തി, നോ ച തത്ഥ അകുസലാ ധമ്മാ ഉപ്പജ്ജന്തി. ചതുവോകാരേ പഞ്ചവോകാരേ തത്ഥ അബ്യാകതാ ച ധമ്മാ ഉപ്പജ്ജന്തി അകുസലാ ച ധമ്മാ ഉപ്പജ്ജന്തി.

(ഗ) അനുലോമപുഗ്ഗലോകാസാ

൩൭. (ക) യസ്സ യത്ഥ കുസലാ ധമ്മാ ഉപ്പജ്ജന്തി തസ്സ തത്ഥ അകുസലാ ധമ്മാ ഉപ്പജ്ജന്തീതി? നോ.

(ഖ) യസ്സ വാ പന യത്ഥ അകുസലാ ധമ്മാ ഉപ്പജ്ജന്തി തസ്സ തത്ഥ കുസലാ ധമ്മാ ഉപ്പജ്ജന്തീതി? നോ.

(ക) യസ്സ യത്ഥ കുസലാ ധമ്മാ ഉപ്പജ്ജന്തി തസ്സ തത്ഥ അബ്യാകതാ ധമ്മാ ഉപ്പജ്ജന്തീതി?

അരൂപേ കുസലാനം ഉപ്പാദക്ഖണേ തേസം തത്ഥ കുസലാ ധമ്മാ ഉപ്പജ്ജന്തി, നോ ച തേസം തത്ഥ അബ്യാകതാ ധമ്മാ ഉപ്പജ്ജന്തി. പഞ്ചവോകാരേ കുസലാനം ഉപ്പാദക്ഖണേ തേസം തത്ഥ കുസലാ ച ധമ്മാ ഉപ്പജ്ജന്തി അബ്യാകതാ ച ധമ്മാ ഉപ്പജ്ജന്തി.

(ഖ) യസ്സ വാ പന യത്ഥ അബ്യാകതാ ധമ്മാ ഉപ്പജ്ജന്തി തസ്സ തത്ഥ കുസലാ ധമ്മാ ഉപ്പജ്ജന്തീതി?

സബ്ബേസം ഉപപജ്ജന്താനം പവത്തേ കുസലവിപ്പയുത്തചിത്തസ്സ ഉപ്പാദക്ഖണേ തേസം തത്ഥ അബ്യാകതാ ധമ്മാ ഉപ്പജ്ജന്തി, നോ ച തേസം തത്ഥ കുസലാ ധമ്മാ ഉപ്പജ്ജന്തി. പഞ്ചവോകാരേ കുസലാനം ഉപ്പാദക്ഖണേ തേസം തത്ഥ അബ്യാകതാ ച ധമ്മാ ഉപ്പജ്ജന്തി കുസലാ ച ധമ്മാ ഉപ്പജ്ജന്തി.

൩൮. (ക) യസ്സ യത്ഥ അകുസലാ ധമ്മാ ഉപ്പജ്ജന്തി തസ്സ തത്ഥ അബ്യാകതാ ധമ്മാ ഉപ്പജ്ജന്തീതി?

അരൂപേ അകുസലാനം ഉപ്പാദക്ഖണേ തേസം തത്ഥ അകുസലാ ധമ്മാ ഉപ്പജ്ജന്തി, നോ ച തേസം തത്ഥ അബ്യാകതാ ധമ്മാ ഉപ്പജ്ജന്തി. പഞ്ചവോകാരേ അകുസലാനം ഉപ്പാദക്ഖണേ തേസം തത്ഥ അകുസലാ ച ധമ്മാ ഉപ്പജ്ജന്തി അബ്യാകതാ ച ധമ്മാ ഉപ്പജ്ജന്തി.

(ഖ) യസ്സ വാ പന യത്ഥ അബ്യാകതാ ധമ്മാ ഉപ്പജ്ജന്തി തസ്സ തത്ഥ അകുസലാ ധമ്മാ ഉപ്പജ്ജന്തീതി?

സബ്ബേസം ഉപപജ്ജന്താനം പവത്തേ അകുസലവിപ്പയുത്തചിത്തസ്സ ഉപ്പാദക്ഖണേ തേസം തത്ഥ അബ്യാകതാ ധമ്മാ ഉപ്പജ്ജന്തി, നോ ച തേസം തത്ഥ അകുസലാ ധമ്മാ ഉപ്പജ്ജന്തി. പഞ്ചവോകാരേ അകുസലാനം ഉപ്പാദക്ഖണേ തേസം തത്ഥ അബ്യാകതാ ച ധമ്മാ ഉപ്പജ്ജന്തി അകുസലാ ച ധമ്മാ ഉപ്പജ്ജന്തി.

(ഘ) പച്ചനീകപുഗ്ഗലോ

൩൯. (ക) യസ്സ കുസലാ ധമ്മാ ന ഉപ്പജ്ജന്തി തസ്സ അകുസലാ ധമ്മാ ന ഉപ്പജ്ജന്തീതി?

അകുസലാനം ഉപ്പാദക്ഖണേ തേസം കുസലാ ധമ്മാ ന ഉപ്പജ്ജന്തി, നോ ച തേസം അകുസലാ ധമ്മാ ന ഉപ്പജ്ജന്തി. സബ്ബേസം ചിത്തസ്സ ഭങ്ഗക്ഖണേ കുസലവിപ്പയുത്തഅകുസലവിപ്പയുത്തചിത്തസ്സ ഉപ്പാദക്ഖണേ നിരോധസമാപന്നാനം അസഞ്ഞസത്താനം തേസം കുസലാ ച ധമ്മാ ന ഉപ്പജ്ജന്തി അകുസലാ ച ധമ്മാ ന ഉപ്പജ്ജന്തി.

(ഖ) യസ്സ വാ പന അകുസലാ ധമ്മാ ന ഉപ്പജ്ജന്തി തസ്സ കുസലാ ധമ്മാ ന ഉപ്പജ്ജന്തീതി?

കുസലാനം ഉപ്പാദക്ഖണേ തേസം അകുസലാ ധമ്മാ ന ഉപ്പജ്ജന്തി, നോ ച തേസം കുസലാ ധമ്മാ ന ഉപ്പജ്ജന്തി. സബ്ബേസം ചിത്തസ്സ ഭങ്ഗക്ഖണേ അകുസലവിപ്പയുത്തകുസലവിപ്പയുത്തചിത്തസ്സ ഉപ്പാദക്ഖണേ നിരോധസമാപന്നാനം അസഞ്ഞസത്താനം തേസം അകുസലാ ച ധമ്മാ ന ഉപ്പജ്ജന്തി കുസലാ ച ധമ്മാ ന ഉപ്പജ്ജന്തി.

(ക) യസ്സ കുസലാ ധമ്മാ ന ഉപ്പജ്ജന്തി തസ്സ അബ്യാകതാ ധമ്മാ ന ഉപ്പജ്ജന്തീതി?

സബ്ബേസം ഉപപജ്ജന്താനം പവത്തേ കുസലവിപ്പയുത്തചിത്തസ്സ ഉപ്പാദക്ഖണേ തേസം കുസലാ ധമ്മാ ന ഉപ്പജ്ജന്തി, നോ ച തേസം അബ്യാകതാ ധമ്മാ ന ഉപ്പജ്ജന്തി. സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ അകുസലാനം ഉപ്പാദക്ഖണേ തേസം കുസലാ ച ധമ്മാ ന ഉപ്പജ്ജന്തി അബ്യാകതാ ച ധമ്മാ ന ഉപ്പജ്ജന്തി.

(ഖ) യസ്സ വാ പന അബ്യാകതാ ധമ്മാ ന ഉപ്പജ്ജന്തി തസ്സ കുസലാ ധമ്മാ ന ഉപ്പജ്ജന്തീതി?

അരൂപേ കുസലാനം ഉപ്പാദക്ഖണേ തേസം അബ്യാകതാ ധമ്മാ ന ഉപ്പജ്ജന്തി, നോ ച തേസം കുസലാ ധമ്മാ ന ഉപ്പജ്ജന്തി. സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ അകുസലാനം ഉപ്പാദക്ഖണേ തേസം അബ്യാകതാ ച ധമ്മാ ന ഉപ്പജ്ജന്തി കുസലാ ച ധമ്മാ ന ഉപ്പജ്ജന്തി.

൪൦. (ക) യസ്സ അകുസലാ ധമ്മാ ന ഉപ്പജ്ജന്തി തസ്സ അബ്യാകതാ ധമ്മാ ന ഉപ്പജ്ജന്തീതി?

സബ്ബേസം ഉപപജ്ജന്താനം പവത്തേ അകുസലവിപ്പയുത്തചിത്തസ്സ ഉപ്പാദക്ഖണേ തേസം അകുസലാ ധമ്മാ ന ഉപ്പജ്ജന്തി, നോ ച തേസം അബ്യാകതാ ധമ്മാ ന ഉപ്പജ്ജന്തി. സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ കുസലാനം ഉപ്പാദക്ഖണേ തേസം അകുസലാ ച ധമ്മാ ന ഉപ്പജ്ജന്തി അബ്യാകതാ ച ധമ്മാ ന ഉപ്പജ്ജന്തി.

(ഖ) യസ്സ വാ പന അബ്യാകതാ ധമ്മാ ന ഉപ്പജ്ജന്തി തസ്സ അകുസലാ ധമ്മാ ന ഉപ്പജ്ജന്തീതി?

അരൂപേ അകുസലാനം ഉപ്പാദക്ഖണേ തേസം അബ്യാകതാ ധമ്മാ ന ഉപ്പജ്ജന്തി, നോ ച തേസം അകുസലാ ധമ്മാ ന ഉപ്പജ്ജന്തി. സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ കുസലാനം ഉപ്പാദക്ഖണേ തേസം അബ്യാകതാ ച ധമ്മാ ന ഉപ്പജ്ജന്തി അകുസലാ ച ധമ്മാ ന ഉപ്പജ്ജന്തി.

(ങ) പച്ചനീകഓകാസോ

൪൧. (ക) യത്ഥ കുസലാ ധമ്മാ ന ഉപ്പജ്ജന്തി തത്ഥ അകുസലാ ധമ്മാ ന ഉപ്പജ്ജന്തീതി? ആമന്താ.

(ഖ) യത്ഥ വാ പന അകുസലാ ധമ്മാ ന ഉപ്പജ്ജന്തി തത്ഥ കുസലാ ധമ്മാ ന ഉപ്പജ്ജന്തീതി? ആമന്താ.

(ക) യത്ഥ കുസലാ ധമ്മാ ന ഉപ്പജ്ജന്തി തത്ഥ അബ്യാകതാ ധമ്മാ ന ഉപ്പജ്ജന്തീതി? ഉപ്പജ്ജന്തി.

(ഖ) യത്ഥ വാ പന അബ്യാകതാ ധമ്മാ ന ഉപ്പജ്ജന്തി തത്ഥ കുസലാ ധമ്മാ ന ഉപ്പജ്ജന്തീതി? നത്ഥി.

൪൨. (ക) യത്ഥ അകുസലാ ധമ്മാ ന ഉപ്പജ്ജന്തി തത്ഥ അബ്യാകതാ ധമ്മാ ന ഉപ്പജ്ജന്തീതി? ഉപ്പജ്ജന്തി.

(ഖ) യത്ഥ വാ പന അബ്യാകതാ ധമ്മാ ന ഉപ്പജ്ജന്തി തത്ഥ അകുസലാ ധമ്മാ ന ഉപ്പജ്ജന്തീതി? നത്ഥി.

(ച) പച്ചനീകപുഗ്ഗലോകാസാ

൪൩. (ക) യസ്സ യത്ഥ കുസലാ ധമ്മാ ന ഉപ്പജ്ജന്തി തസ്സ തത്ഥ അകുസലാ ധമ്മാ ന ഉപ്പജ്ജന്തീതി?

അകുസലാനം ഉപ്പാദക്ഖണേ തേസം തത്ഥ കുസലാ ധമ്മാ ന ഉപ്പജ്ജന്തി, നോ ച തേസം തത്ഥ അകുസലാ ധമ്മാ ന ഉപ്പജ്ജന്തി. സബ്ബേസം ചിത്തസ്സ ഭങ്ഗക്ഖണേ കുസലവിപ്പയുത്തഅകുസലവിപ്പയുത്തചിത്തസ്സ ഉപ്പാദക്ഖണേ അസഞ്ഞസത്താനം തേസം തത്ഥ കുസലാ ച ധമ്മാ ന ഉപ്പജ്ജന്തി അകുസലാ ച ധമ്മാ ന ഉപ്പജ്ജന്തി.

(ഖ) യസ്സ വാ പന യത്ഥ അകുസലാ ധമ്മാ ന ഉപ്പജ്ജന്തി തസ്സ തത്ഥ കുസലാ ധമ്മാ ന ഉപ്പജ്ജന്തീതി?

കുസലാനം ഉപ്പാദക്ഖണേ തേസം തത്ഥ അകുസലാ ധമ്മാ ന ഉപ്പജ്ജന്തി, നോ ച തേസം തത്ഥ കുസലാ ധമ്മാ ന ഉപ്പജ്ജന്തി. സബ്ബേസം ചിത്തസ്സ ഭങ്ഗക്ഖണേ അകുസലവിപ്പയുത്തകുസലവിപ്പയുത്തചിത്തസ്സ ഉപ്പാദക്ഖണേ അസഞ്ഞസത്താനം തേസം തത്ഥ അകുസലാ ച ധമ്മാ ന ഉപ്പജ്ജന്തി കുസലാ ച ധമ്മാ ന ഉപ്പജ്ജന്തി.

(ക) യസ്സ യത്ഥ കുസലാ ധമ്മാ ന ഉപ്പജ്ജന്തി തസ്സ തത്ഥ അബ്യാകതാ ധമ്മാ ന ഉപ്പജ്ജന്തീതി?

സബ്ബേസം ഉപപജ്ജന്താനം പവത്തേ കുസലവിപ്പയുത്തചിത്തസ്സ ഉപ്പാദക്ഖണേ തേസം തത്ഥ കുസലാ ധമ്മാ ന ഉപ്പജ്ജന്തി, നോ ച തേസം തത്ഥ അബ്യാകതാ ധമ്മാ ന ഉപ്പജ്ജന്തി. സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ അകുസലാനം ഉപ്പാദക്ഖണേ തേസം തത്ഥ കുസലാ ച ധമ്മാ ന ഉപ്പജ്ജന്തി അബ്യാകതാ ച ധമ്മാ ന ഉപ്പജ്ജന്തി.

(ഖ) യസ്സ വാ പന യത്ഥ അബ്യാകതാ ധമ്മാ ന ഉപ്പജ്ജന്തി തസ്സ തത്ഥ കുസലാ ധമ്മാ ന ഉപ്പജ്ജന്തീതി?

അരൂപേ കുസലാനം ഉപ്പാദക്ഖണേ തേസം തത്ഥ അബ്യാകതാ ധമ്മാ ന ഉപ്പജ്ജന്തി, നോ ച തേസം തത്ഥ കുസലാ ധമ്മാ ന ഉപ്പജ്ജന്തി. സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ അകുസലാനം ഉപ്പാദക്ഖണേ തേസം തത്ഥ അബ്യാകതാ ച ധമ്മാ ന ഉപ്പജ്ജന്തി കുസലാ ച ധമ്മാ ന ഉപ്പജ്ജന്തി.

൪൪. (ക) യസ്സ യത്ഥ അകുസലാ ധമ്മാ ന ഉപ്പജ്ജന്തി തസ്സ തത്ഥ അബ്യാകതാ ധമ്മാ ന ഉപ്പജ്ജന്തീതി?

സബ്ബേസം ഉപപജ്ജന്താനം പവത്തേ അകുസലവിപ്പയുത്തചിത്തസ്സ ഉപ്പാദക്ഖണേ തേസം തത്ഥ അകുസലാ ധമ്മാ ന ഉപ്പജ്ജന്തി, നോ ച തേസം തത്ഥ അബ്യാകതാ ധമ്മാ ന ഉപ്പജ്ജന്തി. സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ കുസലാനം ഉപ്പാദക്ഖണേ തേസം തത്ഥ അകുസലാ ച ധമ്മാ ന ഉപ്പജ്ജന്തി അബ്യാകതാ ച ധമ്മാ ന ഉപ്പജ്ജന്തി.

(ഖ) യസ്സ വാ പന യത്ഥ അബ്യാകതാ ധമ്മാ ന ഉപ്പജ്ജന്തി തസ്സ തത്ഥ അകുസലാ ധമ്മാ ന ഉപ്പജ്ജന്തീതി?

അരൂപേ അകുസലാനം ഉപ്പാദക്ഖണേ തേസം തത്ഥ അബ്യാകതാ ധമ്മാ ന ഉപ്പജ്ജന്തി, നോ ച തേസം തത്ഥ അകുസലാ ധമ്മാ ന ഉപ്പജ്ജന്തി. സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ കുസലാനം ഉപ്പാദക്ഖണേ തേസം തത്ഥ അബ്യാകതാ ച ധമ്മാ ന ഉപ്പജ്ജന്തി അകുസലാ ച ധമ്മാ ന ഉപ്പജ്ജന്തി.