൧. പുഗ്ഗലവാരോ

(൧) ഉപ്പാദനിരോധകാലസമ്ഭേദവാരോ

൬൩. (ക) യസ്സ ചിത്തം ഉപ്പജ്ജതി ന നിരുജ്ഝതി തസ്സ ചിത്തം നിരുജ്ഝിസ്സതി ന ഉപ്പജ്ജിസ്സതീതി?

പച്ഛിമചിത്തസ്സ ഉപ്പാദക്ഖണേ തേസം ചിത്തം ഉപ്പജ്ജതി ന നിരുജ്ഝതി, നിരുജ്ഝിസ്സതി ന ഉപ്പജ്ജിസ്സതി. ഇതരേസം ചിത്തസ്സ ഉപ്പാദക്ഖണേ തേസം ചിത്തം ഉപ്പജ്ജതി ന നിരുജ്ഝതി, നിരുജ്ഝിസ്സതി ചേവ ഉപ്പജ്ജിസ്സതി ച.

(ഖ) യസ്സ വാ പന ചിത്തം നിരുജ്ഝിസ്സതി ന ഉപ്പജ്ജിസ്സതി തസ്സ ചിത്തം ഉപ്പജ്ജതി ന നിരുജ്ഝതീതി? ആമന്താ.

(ക) യസ്സ ചിത്തം ന ഉപ്പജ്ജതി നിരുജ്ഝതി തസ്സ ചിത്തം ന നിരുജ്ഝിസ്സതി ഉപ്പജ്ജിസ്സതീതി? നോ.

(ഖ) യസ്സ വാ പന ചിത്തം ന നിരുജ്ഝിസ്സതി ഉപ്പജ്ജിസ്സതി തസ്സ ചിത്തം ന ഉപ്പജ്ജതി നിരുജ്ഝതീതി? നത്ഥി.

(൨) ഉപ്പാദുപ്പന്നവാരോ

൬൪. (ക) യസ്സ ചിത്തം ഉപ്പജ്ജതി തസ്സ ചിത്തം ഉപ്പന്നന്തി? ആമന്താ.

(ഖ) യസ്സ വാ പന ചിത്തം ഉപ്പന്നം തസ്സ ചിത്തം ഉപ്പജ്ജതീതി?

ചിത്തസ്സ ഭങ്ഗക്ഖണേ തേസം ചിത്തം ഉപ്പന്നം, നോ ച തേസം ചിത്തം ഉപ്പജ്ജതി. ചിത്തസ്സ ഉപ്പാദക്ഖണേ തേസം ചിത്തം ഉപ്പന്നഞ്ചേവ ഉപ്പജ്ജതി ച.

(ക) യസ്സ ചിത്തം ന ഉപ്പജ്ജതി തസ്സ ചിത്തം ന ഉപ്പന്നന്തി?

ചിത്തസ്സ ഭങ്ഗക്ഖണേ തേസം ചിത്തം ന ഉപ്പജ്ജതി, നോ ച തേസം ചിത്തം ന ഉപ്പന്നം. നിരോധസമാപന്നാനം അസഞ്ഞസത്താനം തേസം ചിത്തം ന ചേവ ഉപ്പജ്ജതി ന ച ഉപ്പന്നം.

(ഖ) യസ്സ വാ പന ചിത്തം ന ഉപ്പന്നം തസ്സ ചിത്തം ന ഉപ്പജ്ജതീതി? ആമന്താ.

(൩) നിരോധുപ്പന്നവാരോ

൬൫. (ക) യസ്സ ചിത്തം നിരുജ്ഝതി തസ്സ ചിത്തം ഉപ്പന്നന്തി? ആമന്താ.

(ഖ) യസ്സ വാ പന ചിത്തം ഉപ്പന്നം തസ്സ ചിത്തം നിരുജ്ഝതീതി?

ചിത്തസ്സ ഉപ്പാദക്ഖണേ തേസം ചിത്തം ഉപ്പന്നം, നോ ച തേസം ചിത്തം നിരുജ്ഝതി. ചിത്തസ്സ ഭങ്ഗക്ഖണേ തേസം ചിത്തം ഉപ്പന്നഞ്ചേവ നിരുജ്ഝതി ച.

(ക) യസ്സ ചിത്തം ന നിരുജ്ഝതി തസ്സ ചിത്തം ന ഉപ്പന്നന്തി?

ചിത്തസ്സ ഉപ്പാദക്ഖണേ തേസം ചിത്തം ന നിരുജ്ഝതി, നോ ച തേസം ചിത്തം ന ഉപ്പന്നം. നിരോധസമാപന്നാനം അസഞ്ഞസത്താനം തേസം ചിത്തം ന ചേവ നിരുജ്ഝതി ന ച ഉപ്പന്നം.

(ഖ) യസ്സ വാ പന ചിത്തം ന ഉപ്പന്നം തസ്സ ചിത്തം ന നിരുജ്ഝതീതി? ആമന്താ.

(൪) ഉപ്പാദവാരോ

൬൬. (ക) യസ്സ ചിത്തം ഉപ്പജ്ജതി തസ്സ ചിത്തം ഉപ്പജ്ജിത്ഥാതി? ആമന്താ.

(ഖ) യസ്സ വാ പന ചിത്തം ഉപ്പജ്ജിത്ഥ തസ്സ ചിത്തം ഉപ്പജ്ജതീതി?

ചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം ചിത്തം ഉപ്പജ്ജിത്ഥ, നോ ച തേസം ചിത്തം ഉപ്പജ്ജതി. ചിത്തസ്സ ഉപ്പാദക്ഖണേ തേസം ചിത്തം ഉപ്പജ്ജിത്ഥ ചേവ ഉപ്പജ്ജതി ച.

(ക) യസ്സ ചിത്തം ന ഉപ്പജ്ജതി തസ്സ ചിത്തം ന ഉപ്പജ്ജിത്ഥാതി? ഉപ്പജ്ജിത്ഥ.

(ഖ) യസ്സ വാ പന ചിത്തം ന ഉപ്പജ്ജിത്ഥ തസ്സ ചിത്തം ന ഉപ്പജ്ജതീതി? നത്ഥി.

൬൭. (ക) യസ്സ ചിത്തം ഉപ്പജ്ജതി തസ്സ ചിത്തം ഉപ്പജ്ജിസ്സതീതി?

പച്ഛിമചിത്തസ്സ ഉപ്പാദക്ഖണേ തേസം ചിത്തം ഉപ്പജ്ജതി, നോ ച തേസം ചിത്തം ഉപ്പജ്ജിസ്സതി. ഇതരേസം ചിത്തസ്സ ഉപ്പാദക്ഖണേ തേസം ചിത്തം ഉപ്പജ്ജതി ചേവ ഉപ്പജ്ജിസ്സതി ച.

(ഖ) യസ്സ വാ പന ചിത്തം ഉപ്പജ്ജിസ്സതി തസ്സ ചിത്തം ഉപ്പജ്ജതീതി?

ചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം ചിത്തം ഉപ്പജ്ജിസ്സതി, നോ ച തേസം ചിത്തം ഉപ്പജ്ജതി. ചിത്തസ്സ ഉപ്പാദക്ഖണേ തേസം ചിത്തം ഉപ്പജ്ജിസ്സതി ചേവ ഉപ്പജ്ജതി ച.

(ക) യസ്സ ചിത്തം ന ഉപ്പജ്ജതി തസ്സ ചിത്തം ന ഉപ്പജ്ജിസ്സതീതി?

ചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം ചിത്തം ന ഉപ്പജ്ജതി, നോ ച തേസം ചിത്തം ന ഉപ്പജ്ജിസ്സതി. പച്ഛിമചിത്തസ്സ ഭങ്ഗക്ഖണേ തേസം ചിത്തം ന ചേവ ഉപ്പജ്ജതി ന ച ഉപ്പജ്ജിസ്സതി.

(ഖ) യസ്സ വാ പന ചിത്തം ന ഉപ്പജ്ജിസ്സതി തസ്സ ചിത്തം ന ഉപ്പജ്ജതീതി?

പച്ഛിമചിത്തസ്സ ഉപ്പാദക്ഖണേ തേസം ചിത്തം ന ഉപ്പജ്ജിസ്സതി, നോ ച തേസം ചിത്തം ന ഉപ്പജ്ജതി. പച്ഛിമചിത്തസ്സ ഭങ്ഗക്ഖണേ തേസം ചിത്തം ന ചേവ ഉപ്പജ്ജിസ്സതി ന ച ഉപ്പജ്ജതി.

൬൮. (ക) യസ്സ ചിത്തം ഉപ്പജ്ജിത്ഥ തസ്സ ചിത്തം ഉപ്പജ്ജിസ്സതീതി?

പച്ഛിമചിത്തസമങ്ഗീനം തേസം ചിത്തം ഉപ്പജ്ജിത്ഥ, നോ ച തേസം ചിത്തം ഉപ്പജ്ജിസ്സതി. ഇതരേസം തേസം ചിത്തം ഉപ്പജ്ജിത്ഥ ചേവ ഉപ്പജ്ജിസ്സതി ച.

(ഖ) യസ്സ വാ പന ചിത്തം ഉപ്പജ്ജിസ്സതി തസ്സ ചിത്തം ഉപ്പജ്ജിത്ഥാതി? ആമന്താ.

(ക) യസ്സ ചിത്തം ന ഉപ്പജ്ജിത്ഥ തസ്സ ചിത്തം ന ഉപ്പജ്ജിസ്സതീതി? നത്ഥി.

(ഖ) യസ്സ വാ പന ചിത്തം ന ഉപ്പജ്ജിസ്സതി തസ്സ ചിത്തം ന ഉപ്പജ്ജിത്ഥാതി? ഉപ്പജ്ജിത്ഥ.

(൫) നിരോധവാരോ

൬൯. (ക) യസ്സ ചിത്തം നിരുജ്ഝതി തസ്സ ചിത്തം നിരുജ്ഝിത്ഥാതി? ആമന്താ.

(ഖ) യസ്സ വാ പന ചിത്തം നിരുജ്ഝിത്ഥ തസ്സ ചിത്തം നിരുജ്ഝതീതി?

ചിത്തസ്സ ഉപ്പാദക്ഖണേ നിരോധസമാപന്നാനം അസഞ്ഞസത്താനം തേസം ചിത്തം നിരുജ്ഝിത്ഥ, നോ ച തേസം ചിത്തം നിരുജ്ഝതി. ചിത്തസ്സ ഭങ്ഗക്ഖണേ തേസം ചിത്തം നിരുജ്ഝിത്ഥ ചേവ നിരുജ്ഝതി ച.

(ക) യസ്സ ചിത്തം ന നിരുജ്ഝതി തസ്സ ചിത്തം ന നിരുജ്ഝിത്ഥാതി? നിരുജ്ഝിത്ഥ.

(ഖ) യസ്സ വാ പന ചിത്തം ന നിരുജ്ഝിത്ഥ തസ്സ ചിത്തം ന നിരുജ്ഝതീതി? നത്ഥി.

൭൦. (ക) യസ്സ ചിത്തം നിരുജ്ഝതി തസ്സ ചിത്തം നിരുജ്ഝിസ്സതീതി?

പച്ഛിമചിത്തസ്സ ഭങ്ഗക്ഖണേ തേസം ചിത്തം നിരുജ്ഝതി, നോ ച തേസം ചിത്തം നിരുജ്ഝിസ്സതി. ഇതരേസം ചിത്തസ്സ ഭങ്ഗക്ഖണേ തേസം ചിത്തം നിരുജ്ഝതി ചേവ നിരുജ്ഝിസ്സതി ച.

(ഖ) യസ്സ വാ പന ചിത്തം നിരുജ്ഝിസ്സതി തസ്സ ചിത്തം നിരുജ്ഝതീതി?

ചിത്തസ്സ ഉപ്പാദക്ഖണേ നിരോധസമാപന്നാനം അസഞ്ഞസത്താനം തേസം ചിത്തം നിരുജ്ഝിസ്സതി, നോ ച തേസം ചിത്തം നിരുജ്ഝതി. ചിത്തസ്സ ഭങ്ഗക്ഖണേ തേസം ചിത്തം നിരുജ്ഝിസ്സതി ചേവ നിരുജ്ഝതി ച.

(ക) യസ്സ ചിത്തം ന നിരുജ്ഝതി തസ്സ ചിത്തം ന നിരുജ്ഝിസ്സതീതി? നിരുജ്ഝിസ്സതി.

(ഖ) യസ്സ വാ പന ചിത്തം ന നിരുജ്ഝിസ്സതി തസ്സ ചിത്തം ന നിരുജ്ഝതീതി? നിരുജ്ഝതി.

൭൧. (ക) യസ്സ ചിത്തം നിരുജ്ഝിത്ഥ തസ്സ ചിത്തം നിരുജ്ഝിസ്സതീതി?

പച്ഛിമചിത്തസ്സ ഭങ്ഗക്ഖണേ തേസം ചിത്തം നിരുജ്ഝിത്ഥ, നോ ച തേസം ചിത്തം നിരുജ്ഝിസ്സതി. ഇതരേസം തേസം ചിത്തം നിരുജ്ഝിത്ഥ ചേവ നിരുജ്ഝിസ്സതി ച.

(ഖ) യസ്സ വാ പന ചിത്തം നിരുജ്ഝിസ്സതി തസ്സ ചിത്തം നിരുജ്ഝിത്ഥാതി? ആമന്താ.

(ക) യസ്സ ചിത്തം ന നിരുജ്ഝിത്ഥ തസ്സ ചിത്തം ന നിരുജ്ഝിസ്സതീതി? നത്ഥി.

(ഖ) യസ്സ വാ പന ചിത്തം ന നിരുജ്ഝിസ്സതി തസ്സ ചിത്തം ന നിരുജ്ഝിത്ഥാതി? നിരുജ്ഝിത്ഥ.

(൬) ഉപ്പാദനിരോധവാരോ

൭൨. (ക) യസ്സ ചിത്തം ഉപ്പജ്ജതി തസ്സ ചിത്തം നിരുജ്ഝിത്ഥാതി? ആമന്താ.

(ഖ) യസ്സ വാ പന ചിത്തം നിരുജ്ഝിത്ഥ തസ്സ ചിത്തം ഉപ്പജ്ജതീതി?

ചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം ചിത്തം നിരുജ്ഝിത്ഥ, നോ ച തേസം ചിത്തം ഉപ്പജ്ജതി. ചിത്തസ്സ ഉപ്പാദക്ഖണേ തേസം ചിത്തം നിരുജ്ഝിത്ഥ ചേവ ഉപ്പജ്ജതി ച.

(ക) യസ്സ ചിത്തം ന ഉപ്പജ്ജതി തസ്സ ചിത്തം ന നിരുജ്ഝിത്ഥാതി? നിരുജ്ഝിത്ഥ.

(ഖ) യസ്സ വാ പന ചിത്തം ന നിരുജ്ഝിത്ഥ തസ്സ ചിത്തം ന ഉപ്പജ്ജതീതി? നത്ഥി.

൭൩. (ക) യസ്സ ചിത്തം ഉപ്പജ്ജതി തസ്സ ചിത്തം നിരുജ്ഝിസ്സതീതി? ആമന്താ.

(ഖ) യസ്സ വാ പന ചിത്തം നിരുജ്ഝിസ്സതി തസ്സ ചിത്തം ഉപ്പജ്ജതീതി?

ചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം ചിത്തം നിരുജ്ഝിസ്സതി, നോ ച തേസം ചിത്തം ഉപ്പജ്ജതി. ചിത്തസ്സ ഉപ്പാദക്ഖണേ തേസം ചിത്തം നിരുജ്ഝിസ്സതി ചേവ ഉപ്പജ്ജതി ച.

(ക) യസ്സ ചിത്തം ന ഉപ്പജ്ജതി തസ്സ ചിത്തം ന നിരുജ്ഝിസ്സതീതി?

ചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം ചിത്തം ന ഉപ്പജ്ജതി, നോ ച തേസം ചിത്തം ന നിരുജ്ഝിസ്സതി. പച്ഛിമചിത്തസ്സ ഭങ്ഗക്ഖണേ തേസം ചിത്തം ന ചേവ ഉപ്പജ്ജതി ന ച നിരുജ്ഝിസ്സതി.

(ഖ) യസ്സ വാ പന ചിത്തം ന നിരുജ്ഝിസ്സതി തസ്സ ചിത്തം ന ഉപ്പജ്ജതീതി? ആമന്താ.

൭൪. (ക) യസ്സ ചിത്തം ഉപ്പജ്ജിത്ഥ തസ്സ ചിത്തം നിരുജ്ഝിസ്സതീതി?

പച്ഛിമചിത്തസ്സ ഭങ്ഗക്ഖണേ തേസം ചിത്തം ഉപ്പജ്ജിത്ഥ, നോ ച തേസം ചിത്തം നിരുജ്ഝിസ്സതി. ഇതരേസം തേസം ചിത്തം ഉപ്പജ്ജിത്ഥ ചേവ നിരുജ്ഝിസ്സതി ച.

(ഖ) യസ്സ വാ പന ചിത്തം നിരുജ്ഝിസ്സതി തസ്സ ചിത്തം ഉപ്പജ്ജിത്ഥാതി? ആമന്താ.

(ക) യസ്സ ചിത്തം ന ഉപ്പജ്ജിത്ഥ തസ്സ ചിത്തം ന നിരുജ്ഝിസ്സതീതി? നത്ഥി.

(ഖ) യസ്സ വാ പന ചിത്തം ന നിരുജ്ഝിസ്സതി തസ്സ ചിത്തം ന ഉപ്പജ്ജിത്ഥാതി? ഉപ്പജ്ജിത്ഥ.

(൭) ഉപ്പജ്ജമാനനനിരോധവാരോ

൭൫. (ക) യസ്സ ചിത്തം ഉപ്പജ്ജതി തസ്സ ചിത്തം ന നിരുജ്ഝതീതി? ആമന്താ.

(ഖ) യസ്സ വാ പന ചിത്തം ന നിരുജ്ഝതി തസ്സ ചിത്തം ഉപ്പജ്ജതീതി?

നിരോധസമാപന്നാനം അസഞ്ഞസത്താനം തേസം ചിത്തം ന നിരുജ്ഝതി, നോ ച തേസം ചിത്തം ഉപ്പജ്ജതി. ചിത്തസ്സ ഉപ്പാദക്ഖണേ തേസം ചിത്തം ന നിരുജ്ഝതി ചേവ ഉപ്പജ്ജതി ച.

(ക) യസ്സ ചിത്തം ന ഉപ്പജ്ജതി തസ്സ ചിത്തം നിരുജ്ഝതീതി?

നിരോധസമാപന്നാനം അസഞ്ഞസത്താനം തേസം ചിത്തം ന ഉപ്പജ്ജതി, നോ ച തേസം ചിത്തം നിരുജ്ഝതി. ചിത്തസ്സ ഭങ്ഗക്ഖണേ തേസം ചിത്തം ന ഉപ്പജ്ജതി ചേവ നിരുജ്ഝതി ച.

(ഖ) യസ്സ വാ പന ചിത്തം നിരുജ്ഝതി തസ്സ ചിത്തം ന ഉപ്പജ്ജതീതി? ആമന്താ.

(൮) ഉപ്പജ്ജമാനുപ്പന്നവാരോ

൭൬. (ക) യസ്സ ചിത്തം ഉപ്പജ്ജമാനം തസ്സ ചിത്തം ഉപ്പന്നന്തി? ആമന്താ.

(ഖ) യസ്സ വാ പന ചിത്തം ഉപ്പന്നം തസ്സ ചിത്തം ഉപ്പജ്ജമാനന്തി?

ചിത്തസ്സ ഭങ്ഗക്ഖണേ തേസം ചിത്തം ഉപ്പന്നം, നോ ച തേസം ചിത്തം ഉപ്പജ്ജമാനം. ചിത്തസ്സ ഉപ്പാദക്ഖണേ തേസം ചിത്തം ഉപ്പന്നഞ്ചേവ ഉപ്പജ്ജമാനഞ്ച.

(ക) യസ്സ ചിത്തം ന ഉപ്പജ്ജമാനം തസ്സ ചിത്തം ന ഉപ്പന്നന്തി?

ചിത്തസ്സ ഭങ്ഗക്ഖണേ തേസം ചിത്തം ന ഉപ്പജ്ജമാനം, നോ ച തേസം ചിത്തം ന ഉപ്പന്നം. നിരോധസമാപന്നാനം അസഞ്ഞസത്താനം തേസം ചിത്തം ന ചേവ ഉപ്പജ്ജമാനം ന ച ഉപ്പന്നം.

(ഖ) യസ്സ വാ പന ചിത്തം ന ഉപ്പന്നം തസ്സ ചിത്തം ന ഉപ്പജ്ജമാനന്തി? ആമന്താ.

(൯) നിരുജ്ഝമാനുപ്പന്നവാരോ

൭൭. (ക) യസ്സ ചിത്തം നിരുജ്ഝമാനം തസ്സ ചിത്തം ഉപ്പന്നന്തി? ആമന്താ.

(ഖ) യസ്സ വാ പന ചിത്തം ഉപ്പന്നം തസ്സ ചിത്തം നിരുജ്ഝമാനന്തി?

ചിത്തസ്സ ഉപ്പാദക്ഖണേ തേസം ചിത്തം ഉപ്പന്നം, നോ ച തേസം ചിത്തം നിരുജ്ഝമാനം. ചിത്തസ്സ ഭങ്ഗക്ഖണേ തേസം ചിത്തം ഉപ്പന്നഞ്ചേവ നിരുജ്ഝമാനഞ്ച.

(ക) യസ്സ ചിത്തം ന നിരുജ്ഝമാനം തസ്സ ചിത്തം ന ഉപ്പന്നന്തി?

ചിത്തസ്സ ഉപ്പാദക്ഖണേ തേസം ചിത്തം ന നിരുജ്ഝമാനം, നോ ച തേസം ചിത്തം ന ഉപ്പന്നം. നിരോധസമാപന്നാനം അസഞ്ഞസത്താനം തേസം ചിത്തം ന ചേവ നിരുജ്ഝമാനം ന ച ഉപ്പന്നം.

(ഖ) യസ്സ വാ പന ചിത്തം ന ഉപ്പന്നം തസ്സ ചിത്തം ന നിരുജ്ഝമാനന്തി? ആമന്താ.

(൧൦) ഉപ്പന്നുപ്പാദവാരോ

൭൮. (ക) യസ്സ ചിത്തം ഉപ്പന്നം തസ്സ ചിത്തം ഉപ്പജ്ജിത്ഥാതി? ആമന്താ.

(ഖ) യസ്സ വാ പന ചിത്തം ഉപ്പജ്ജിത്ഥ തസ്സ ചിത്തം ഉപ്പന്നന്തി?

നിരോധസമാപന്നാനം അസഞ്ഞസത്താനം തേസം ചിത്തം ഉപ്പജ്ജിത്ഥ, നോ ച തേസം ചിത്തം ഉപ്പന്നം. ചിത്തസമങ്ഗീനം തേസം ചിത്തം ഉപ്പജ്ജിത്ഥ ചേവ ഉപ്പന്നഞ്ച.

(ക) യസ്സ ചിത്തം ന ഉപ്പന്നം തസ്സ ചിത്തം ന ഉപ്പജ്ജിത്ഥാതി? ഉപ്പജ്ജിത്ഥ.

(ഖ) യസ്സ വാ പന ചിത്തം ന ഉപ്പജ്ജിത്ഥ തസ്സ ചിത്തം ന ഉപ്പന്നന്തി? നത്ഥി.

൭൯. (ക) യസ്സ ചിത്തം ഉപ്പന്നം തസ്സ ചിത്തം ഉപ്പജ്ജിസ്സതീതി?

പച്ഛിമചിത്തസമങ്ഗീനം തേസം ചിത്തം ഉപ്പന്നം, നോ ച തേസം ചിത്തം ഉപ്പജ്ജിസ്സതി. ഇതരേസം ചിത്തസമങ്ഗീനം തേസം ചിത്തം ഉപ്പന്നഞ്ചേവ ഉപ്പജ്ജിസ്സതി ച.

(ഖ) യസ്സ വാ പന ചിത്തം ഉപ്പജ്ജിസ്സതി തസ്സ ചിത്തം ഉപ്പന്നന്തി?

നിരോധസമാപന്നാനം അസഞ്ഞസത്താനം തേസം ചിത്തം ഉപ്പജ്ജിസ്സതി, നോ ച തേസം ചിത്തം ഉപ്പന്നം. ചിത്തസമങ്ഗീനം തേസം ചിത്തം ഉപ്പജ്ജിസ്സതി ചേവ ഉപ്പന്നഞ്ച.

(ക) യസ്സ ചിത്തം ന ഉപ്പന്നം തസ്സ ചിത്തം ന ഉപ്പജ്ജിസ്സതീതി? ഉപ്പജ്ജിസ്സതി.

(ഖ) യസ്സ വാ പന ചിത്തം ന ഉപ്പജ്ജിസ്സതി തസ്സ ചിത്തം ന ഉപ്പന്നന്തി? ഉപ്പന്നം.

(൧൧) അതീതാനാഗതവാരോ

൮൦. (ക) യസ്സ ചിത്തം ഉപ്പജ്ജിത്ഥ നോ ച തസ്സ ചിത്തം ഉപ്പന്നം, തസ്സ ചിത്തം ഉപ്പജ്ജിസ്സതീതി? ആമന്താ.

(ഖ) യസ്സ വാ പന ചിത്തം ഉപ്പജ്ജിസ്സതി നോ ച തസ്സ ചിത്തം ഉപ്പന്നം, തസ്സ ചിത്തം ഉപ്പജ്ജിത്ഥാതി? ആമന്താ.

(ക) യസ്സ ചിത്തം ന ഉപ്പജ്ജിത്ഥ നോ ച തസ്സ ചിത്തം ന ഉപ്പന്നം, തസ്സ ചിത്തം ന ഉപ്പജ്ജിസ്സതീതി? നത്ഥി.

(ഖ) യസ്സ വാ പന ചിത്തം ന ഉപ്പജ്ജിസ്സതി നോ ച തസ്സ ചിത്തം ന ഉപ്പന്നം, തസ്സ ചിത്തം ന ഉപ്പജ്ജിത്ഥാതി? ഉപ്പജ്ജിത്ഥ.

(൧൨) ഉപ്പന്നുപ്പജ്ജമാനവാരോ

൮൧. (ക) ഉപ്പന്നം ഉപ്പജ്ജമാനന്തി?

ഭങ്ഗക്ഖണേ ഉപ്പന്നം, നോ ച ഉപ്പജ്ജമാനം. ഉപ്പാദക്ഖണേ ഉപ്പന്നഞ്ചേവ ഉപ്പജ്ജമാനഞ്ച.

(ഖ) ഉപ്പജ്ജമാനം ഉപ്പന്നന്തി? ആമന്താ.

(ക) ന ഉപ്പന്നം ന ഉപ്പജ്ജമാനന്തി? ആമന്താ.

(ഖ) ന ഉപ്പജ്ജമാനം ന ഉപ്പന്നന്തി?

ഭങ്ഗക്ഖണേ ന ഉപ്പജ്ജമാനം, നോ ച ന ഉപ്പന്നം. അതീതാനാഗതം ചിത്തം ന ചേവ ഉപ്പജ്ജമാനം ന ച ഉപ്പന്നം.

(൧൩) നിരുദ്ധനിരുജ്ഝമാനവാരോ

൮൨. (ക) നിരുദ്ധം നിരുജ്ഝമാനന്തി? നോ.

(ഖ) നിരുജ്ഝമാനം നിരുദ്ധന്തി? നോ.

(ക) ന നിരുദ്ധം ന നിരുജ്ഝമാനന്തി?

ഭങ്ഗക്ഖണേ ന നിരുദ്ധം, നോ ച ന നിരുജ്ഝമാനം. ഉപ്പാദക്ഖണേ അനാഗതഞ്ച ചിത്തം ന ചേവ നിരുദ്ധം ന ച നിരുജ്ഝമാനം.

(ഖ) ന നിരുജ്ഝമാനം ന നിരുദ്ധന്തി?

അതീതം ചിത്തം ന നിരുജ്ഝമാനം, നോ ച ന നിരുദ്ധം. ഉപ്പാദക്ഖണേ അനാഗതഞ്ച ചിത്തം ന ചേവ നിരുജ്ഝമാനം ന ച നിരുദ്ധം.

(൧൪) അതിക്കന്തകാലവാരോ

൮൩. (ക) യസ്സ ചിത്തം ഉപ്പജ്ജമാനം ഖണം ഖണം വീതിക്കന്തം അതിക്കന്തകാലം, നിരുജ്ഝമാനം ഖണം ഖണം വീതിക്കന്തം അതിക്കന്തകാലം തസ്സ ചിത്തന്തി?

ഭങ്ഗക്ഖണേ ചിത്തം ഉപ്പാദക്ഖണം വീതക്കന്തം ഭങ്ഗക്ഖണം അവീതിക്കന്തം, അതീതം ചിത്തം ഉപ്പാദക്ഖണഞ്ച വീതിക്കന്തം ഭങ്ഗക്ഖണഞ്ച വീതിക്കന്തം.

(ഖ) യസ്സ വാ പന ചിത്തം നിരുജ്ഝമാനം ഖണം ഖണം വീതിക്കന്തം അതിക്കന്തകാലം, ഉപ്പജ്ജമാനം ഖണം ഖണം വീതിക്കന്തം അതിക്കന്തകാലം തസ്സ ചിത്തന്തി?

അതീതം ചിത്തം.

(ക) യസ്സ ചിത്തം ന ഉപ്പജ്ജമാനം ഖണം ഖണം വീതിക്കന്തം അതിക്കന്തകാലം, ന നിരുജ്ഝമാനം ഖണം ഖണം വീതിക്കന്തം അതിക്കന്തകാലം തസ്സ ചിത്തന്തി?

ഉപ്പാദക്ഖണേ അനാഗതം ചിത്തം.

(ഖ) യസ്സ വാ പന ചിത്തം ന നിരുജ്ഝമാനം ഖണം ഖണം വീതിക്കന്തം അതിക്കന്തകാലം, ന ഉപ്പജ്ജമാനം ഖണം ഖണം വീതിക്കന്തം അതിക്കന്തകാലം തസ്സ ചിത്തന്തി?

ഭങ്ഗക്ഖണേ ചിത്തം ഭങ്ഗക്ഖണം അവീതിക്കന്തം നോ ച ഉപ്പാദക്ഖണം അവീതിക്കന്തം, ഉപ്പാദക്ഖണേ അനാഗതഞ്ച ചിത്തം ഭങ്ഗക്ഖണഞ്ച അവീതിക്കന്തം ഉപ്പാദക്ഖണഞ്ച അവീതിക്കന്തം.