൬. ഉപ്പജ്ജനവാരോ

൩൩൦. (ക) യസ്സ കാമരാഗാനുസയോ ഉപ്പജ്ജതി തസ്സ പടിഘാനുസയോ ഉപ്പജ്ജതീതി? ആമന്താ.

(ഖ) യസ്സ വാ പന പടിഘാനുസയോ ഉപ്പജ്ജതി തസ്സ കാമരാഗാനുസയോ ഉപ്പജ്ജതീതി? ആമന്താ.

(ക) യസ്സ കാമരാഗാനുസയോ ഉപ്പജ്ജതി തസ്സ മാനാനുസയോ ഉപ്പജ്ജതീതി? ആമന്താ.

(ഖ) യസ്സ വാ പന മാനാനുസയോ ഉപ്പജ്ജതി തസ്സ കാമരാഗാനുസയോ ഉപ്പജ്ജതീതി?

അനാഗാമിസ്സ മാനാനുസയോ ഉപ്പജ്ജതി, നോ ച തസ്സ കാമരാഗാനുസയോ ഉപ്പജ്ജതി. തിണ്ണം പുഗ്ഗലാനം മാനാനുസയോ ച ഉപ്പജ്ജതി കാമരാഗാനുസയോ ച ഉപ്പജ്ജതി (വിത്ഥാരേതബ്ബം).

൩൩൧. (ക) യസ്സ കാമരാഗാനുസയോ നുപ്പജ്ജതി തസ്സ പടിഘാനുസയോ നുപ്പജ്ജതീതി? ആമന്താ.

(ഖ) യസ്സ വാ പന പടിഘാനുസയോ നുപ്പജ്ജതി തസ്സ കാമരാഗാനുസയോ നുപ്പജ്ജതീതി? ആമന്താ.

(ക) യസ്സ കാമരാഗാനുസയോ നുപ്പജ്ജതി തസ്സ മാനാനുസയോ നുപ്പജ്ജതീതി?

അനാഗാമിസ്സ കാമരാഗാനുസയോ നുപ്പജ്ജതി, നോ ച തസ്സ മാനാനുസയോ നുപ്പജ്ജതി. അരഹതോ കാമരാഗാനുസയോ ച നുപ്പജ്ജതി മാനാനുസയോ ച നുപ്പജ്ജതി.

(ഖ) യസ്സ വാ പന മാനാനുസയോ നുപ്പജ്ജതി തസ്സ കാമരാഗാനുസയോ നുപ്പജ്ജതീതി? ആമന്താ. (വിത്ഥാരേതബ്ബം).

ഉപ്പജ്ജനവാരോ.