(൧) പച്ചുപ്പന്നവാരോ

(ക) അനുലോമപുഗ്ഗലോ

൧൨൮. (ക) യസ്സ കായസങ്ഖാരോ ഉപ്പജ്ജതി തസ്സ വചീസങ്ഖാരോ നിരുജ്ഝതീതി? നോ.

(ഖ) യസ്സ വാ പന വചീസങ്ഖാരോ നിരുജ്ഝതി തസ്സ കായസങ്ഖാരോ ഉപ്പജ്ജതീതി? നോ.

(ക) യസ്സ കായസങ്ഖാരോ ഉപ്പജ്ജതി തസ്സ ചിത്തസങ്ഖാരോ നിരുജ്ഝതീതി? നോ.

(ഖ) യസ്സ വാ പന ചിത്തസങ്ഖാരോ നിരുജ്ഝതി തസ്സ കായസങ്ഖാരോ ഉപ്പജ്ജതീതി? നോ.

൧൨൯. (ക) യസ്സ വചീസങ്ഖാരോ ഉപ്പജ്ജതി തസ്സ ചിത്തസങ്ഖാരോ നിരുജ്ഝതീതി? നോ.

(ഖ) യസ്സ വാ പന…പേ…? നോ.

(ഖ) അനുലോമഓകാസോ

൧൩൦. യത്ഥ കായസങ്ഖാരോ ഉപ്പജ്ജതി തത്ഥ വചീസങ്ഖാരോ നിരുജ്ഝതീതി?

ദുതിയജ്ഝാനേ തതിയജ്ഝാനേ തത്ഥ…പേ… (ഇതരേസം യത്ഥകാനം സദിസം).

(ഗ) അനുലോമപുഗ്ഗലോകാസാ

൧൩൧. യസ്സ യത്ഥ കായസങ്ഖാരോ ഉപ്പജ്ജതി…പേ… (യസ്സകമ്പി യസ്സയത്ഥകമ്പി സദിസം).

(ഘ) പച്ചനീകപുഗ്ഗലോ

൧൩൨. (ക) യസ്സ കായസങ്ഖാരോ നുപ്പജ്ജതി തസ്സ വചീസങ്ഖാരോ ന നിരുജ്ഝതീതി?

വിതക്കവിചാരാനം ഭങ്ഗക്ഖണേ തേസം കായസങ്ഖാരോ നുപ്പജ്ജതി, നോ ച തേസം വചീസങ്ഖാരോ ന നിരുജ്ഝതി. വിനാ അസ്സാസപസ്സാസേഹി ചിത്തസ്സ ഉപ്പാദക്ഖണേ വിനാ വിതക്കവിചാരേഹി ചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം കായസങ്ഖാരോ ച നുപ്പജ്ജതി വചീസങ്ഖാരോ ച ന നിരുജ്ഝതി.

(ഖ) യസ്സ വാ പന വചീസങ്ഖാരോ ന നിരുജ്ഝതി തസ്സ കായസങ്ഖാരോ നുപ്പജ്ജതീതി?

അസ്സാസപസ്സാസാനം ഉപ്പാദക്ഖണേ തേസം വചീസങ്ഖാരോ ന നിരുജ്ഝതി, നോ ച തേസം കായസങ്ഖാരോ നുപ്പജ്ജതി. വിനാ അസ്സാസപസ്സാസേഹി ചിത്തസ്സ ഉപ്പാദക്ഖണേ വിനാ വിതക്കവിചാരേഹി ചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം വചീസങ്ഖാരോ ച ന നിരുജ്ഝതി കായസങ്ഖാരോ ച നുപ്പജ്ജതി.

(ക) യസ്സ കായസങ്ഖാരോ നുപ്പജ്ജതി തസ്സ ചിത്തസങ്ഖാരോ നിരുജ്ഝതീതി?

സബ്ബേസം ചിത്തസ്സ ഭങ്ഗക്ഖണേ തേസം കായസങ്ഖാരോ നുപ്പജ്ജതി, നോ ച തേസം ചിത്തസങ്ഖാരോ ന നിരുജ്ഝതി. വിനാ അസ്സാസപസ്സാസേഹി ചിത്തസ്സ ഉപ്പാദക്ഖണേ നിരോധസമാപന്നാനം അസഞ്ഞസത്താനം തേസം കായസങ്ഖാരോ ച നുപ്പജ്ജതി ചിത്തസങ്ഖാരോ ച ന നിരുജ്ഝതി.

(ഖ) യസ്സ വാ പന ചിത്തസങ്ഖാരോ ന നിരുജ്ഝതി തസ്സ കായസങ്ഖാരോ നുപ്പജ്ജതീതി?

അസ്സാസപസ്സാസാനം ഉപ്പാദക്ഖണേ തേസം ചിത്തസങ്ഖാരോ ന നിരുജ്ഝതി, നോ ച തേസം കായസങ്ഖാരോ നുപ്പജ്ജതി. വിനാ അസ്സാസപസ്സാസേഹി ചിത്തസ്സ ഉപ്പാദക്ഖണേ നിരോധസമാപന്നാനം അസഞ്ഞസത്താനം തേസം ചിത്തസങ്ഖാരോ ച ന നിരുജ്ഝതി കായസങ്ഖാരോ ച നുപ്പജ്ജതി.

൧൩൩. (ക) യസ്സ വചീസങ്ഖാരോ നുപ്പജ്ജതി തസ്സ ചിത്തസങ്ഖാരോ ന നിരുജ്ഝതീതി?

സബ്ബേസം ചിത്തസ്സ ഭങ്ഗക്ഖണേ തേസം വചീസങ്ഖാരോ നുപ്പജ്ജതി, നോ ച തേസം ചിത്തസങ്ഖാരോ ന നിരുജ്ഝതി. വിനാ വിതക്കവിചാരേഹി ചിത്തസ്സ ഉപ്പാദക്ഖണേ നിരോധസമാപന്നാനം അസഞ്ഞസത്താനം തേസം വചീസങ്ഖാരോ ച നുപ്പജ്ജതി ചിത്തസങ്ഖാരോ ച ന നിരുജ്ഝതി.

(ഖ) യസ്സ വാ പന ചിത്തസങ്ഖാരോ ന നിരുജ്ഝതി തസ്സ വചീസങ്ഖാരോ നുപ്പജ്ജതീതി?

വിതക്കവിചാരാനം ഉപ്പാദക്ഖണേ തേസം ചിത്തസങ്ഖാരോ ന നിരുജ്ഝതി, നോ ച തേസം വചീസങ്ഖാരോ നുപ്പജ്ജതി. വിനാ വിതക്കവിചാരേഹി ചിത്തസ്സ ഉപ്പാദക്ഖണേ നിരോധസമാപന്നാനം അസഞ്ഞസത്താനം തേസം ചിത്തസങ്ഖാരോ ച ന നിരുജ്ഝതി വചീസങ്ഖാരോ ച നുപ്പജ്ജതി.

(ങ) പച്ചനീകഓകാസോ

൧൩൪. യത്ഥ കായസങ്ഖാരോ നുപ്പജ്ജതി…പേ….

(ച) പച്ചനീകപുഗ്ഗലോകാസാ

൧൩൫. യസ്സ യത്ഥ കായസങ്ഖാരോ നുപ്പജ്ജതി…പേ….

(യസ്സകമ്പി യസ്സയത്ഥകമ്പി സദിസം, യസ്സയത്ഥകേ നിരോധസമാപന്നാനന്തി ന ലബ്ഭതി).