(൬) അതീതാനാഗതവാരോ

(ക) അനുലോമപുഗ്ഗലോ

൧൧൮. (ക) യസ്സ കായസങ്ഖാരോ നിരുജ്ഝിത്ഥ തസ്സ വചീസങ്ഖാരോ നിരുജ്ഝിസ്സതീതി?

സവിതക്കസവിചാരപച്ഛിമചിത്തസ്സ ഭങ്ഗക്ഖണേ അവിതക്കഅവിചാരപച്ഛിമചിത്തസമങ്ഗീനം യസ്സ ചിത്തസ്സ അനന്തരാ അവിതക്കഅവിചാരം പച്ഛിമചിത്തം ഉപ്പജ്ജിസ്സതി തേസം കായസങ്ഖാരോ നിരുജ്ഝിത്ഥ, നോ ച തേസം വചീസങ്ഖാരോ നിരുജ്ഝിസ്സതി. ഇതരേസം തേസം കായസങ്ഖാരോ ച നിരുജ്ഝിത്ഥ വചീസങ്ഖാരോ ച നിരുജ്ഝിസ്സതി.

(ഖ) യസ്സ വാ പന…പേ…? ആമന്താ.

(ക) യസ്സ കായസങ്ഖാരോ നിരുജ്ഝിത്ഥ തസ്സ ചിത്തസങ്ഖാരോ നിരുജ്ഝിസ്സതീതി?

പച്ഛിമചിത്തസ്സ ഭങ്ഗക്ഖണേ തേസം കായസങ്ഖാരോ നിരുജ്ഝിത്ഥ, നോ ച തേസം ചിത്തസങ്ഖാരോ നിരുജ്ഝിസ്സതി. ഇതരേസം തേസം കായസങ്ഖാരോ ച നിരുജ്ഝിത്ഥ ചിത്തസങ്ഖാരോ ച നിരുജ്ഝിസ്സതി.

(ഖ) യസ്സ വാ പന…പേ…? ആമന്താ.

൧൧൯. (ക) യസ്സ വചീസങ്ഖാരോ നിരുജ്ഝിത്ഥ തസ്സ ചിത്തസങ്ഖാരോ നിരുജ്ഝിസ്സതീതി?

പച്ഛിമചിത്തസ്സ ഭങ്ഗക്ഖണേ തേസം വചീസങ്ഖാരോ നിരുജ്ഝിത്ഥ, നോ ച തേസം ചിത്തസങ്ഖാരോ നിരുജ്ഝിസ്സതി. ഇതരേസം തേസം വചീസങ്ഖാരോ ച നിരുജ്ഝിത്ഥ ചിത്തസങ്ഖാരോ ച നിരുജ്ഝിസ്സതി.

(ഖ) യസ്സ വാ പന…പേ…? ആമന്താ.

(ഖ) അനുലോമഓകാസോ

൧൨൦. യത്ഥ കായസങ്ഖാരോ നിരുജ്ഝിത്ഥ…പേ….

(ഗ) അനുലോമപുഗ്ഗലോകാസാ

൧൨൧. (ക) യസ്സ യത്ഥ കായസങ്ഖാരോ നിരുജ്ഝിത്ഥ തസ്സ തത്ഥ വചീസങ്ഖാരോ നിരുജ്ഝിസ്സതീതി?

കാമാവചരേ പച്ഛിമചിത്തസ്സ ഭങ്ഗക്ഖണേ ദുതിയജ്ഝാനം തതിയജ്ഝാനം സമാപന്നാനം തേസം തത്ഥ കായസങ്ഖാരോ നിരുജ്ഝിത്ഥ, നോ ച തേസം തത്ഥ വചീസങ്ഖാരോ നിരുജ്ഝിസ്സതി. പഠമജ്ഝാനം സമാപന്നാനം ഇതരേസം കാമാവചരാനം തേസം തത്ഥ കായസങ്ഖാരോ ന നിരുജ്ഝിത്ഥ വചീസങ്ഖാരോ ച നിരുജ്ഝിസ്സതി.

(ഖ) യസ്സ വാ പന യത്ഥ വചീസങ്ഖാരോ നിരുജ്ഝിസ്സതി തസ്സ തത്ഥ കായസങ്ഖാരോ നിരുജ്ഝിത്ഥാതി?

രൂപാവചരാനം അരൂപാവചരാനം തേസം തത്ഥ വചീസങ്ഖാരോ നിരുജ്ഝിസ്സതി, നോ ച തേസം തത്ഥ കായസങ്ഖാരോ നിരുജ്ഝിത്ഥ. പഠമജ്ഝാനം സമാപന്നാനം കാമാവചരാനം തേസം തത്ഥ വചീസങ്ഖാരോ ച നിരുജ്ഝിസ്സതി കായസങ്ഖാരോ ച നിരുജ്ഝിത്ഥ.

(ക) യസ്സ യത്ഥ കായസങ്ഖാരോ നിരുജ്ഝിത്ഥ തസ്സ തത്ഥ ചിത്തസങ്ഖാരോ നിരുജ്ഝിസ്സതീതി?

കാമാവചരേ പച്ഛിമചിത്തസ്സ ഭങ്ഗക്ഖണേ തേസം തത്ഥ കായസങ്ഖാരോ നിരുജ്ഝിത്ഥ, നോ ച തേസം തത്ഥ ചിത്തസങ്ഖാരോ നിരുജ്ഝിസ്സതി. പഠമജ്ഝാനം ദുതിയജ്ഝാനം തതിയജ്ഝാനം സമാപന്നാനം ഇതരേസം കാമാവചരാനം തേസം തത്ഥ കായസങ്ഖാരോ ച നിരുജ്ഝിത്ഥ ചിത്തസങ്ഖാരോ ച നിരുജ്ഝിസ്സതി.

(ഖ) യസ്സ വാ പന യത്ഥ ചിത്തസങ്ഖാരോ നിരുജ്ഝിസ്സതി തസ്സ തത്ഥ കായസങ്ഖാരോ നിരുജ്ഝിത്ഥാതി?

ചതുത്ഥജ്ഝാനം സമാപന്നാനം രൂപാവചരാനം അരൂപാവചരാനം തേസം തത്ഥ ചിത്തസങ്ഖാരോ നിരുജ്ഝിസ്സതി, നോ ച തേസം തത്ഥ കായസങ്ഖാരോ നിരുജ്ഝിത്ഥ. പഠമജ്ഝാനം ദുതിയജ്ഝാനം തതിയജ്ഝാനം സമാപന്നാനം കാമാവചരാനം തേസം തത്ഥ ചിത്തസങ്ഖാരോ ച നിരുജ്ഝിസ്സതി കായസങ്ഖാരോ ച നിരുജ്ഝിത്ഥ.

൧൨൨. (ക) യസ്സ യത്ഥ വചീസങ്ഖാരോ നിരുജ്ഝിത്ഥ തസ്സ തത്ഥ ചിത്തസങ്ഖാരോ നിരുജ്ഝിസ്സതീതി?

സവിതക്കസവിചാരഭൂമിയം പച്ഛിമചിത്തസ്സ ഭങ്ഗക്ഖണേ തേസം തത്ഥ വചീസങ്ഖാരോ നിരുജ്ഝിത്ഥ, നോ ച തേസം തത്ഥ ചിത്തസങ്ഖാരോ നിരുജ്ഝിസ്സതി. ഇതരേസം സവിതക്കസവിചാരഭൂമിയം തേസം തത്ഥ വചീസങ്ഖാരോ ച നിരുജ്ഝിത്ഥ ചിത്തസങ്ഖാരോ ച നിരുജ്ഝിസ്സതി.

(ഖ) യസ്സ വാ പന യത്ഥ ചിത്തസങ്ഖാരോ നിരുജ്ഝിസ്സതി തസ്സ തത്ഥ വചീസങ്ഖാരോ നിരുജ്ഝിത്ഥാതി?

അവിതക്കഅവിചാരഭൂമിയം തേസം തത്ഥ ചിത്തസങ്ഖാരോ നിരുജ്ഝിസ്സതി, നോ ച തേസം തത്ഥ വചീസങ്ഖാരോ നിരുജ്ഝിത്ഥ. സവിതക്കസവിചാരഭൂമിയം തേസം തത്ഥ ചിത്തസങ്ഖാരോ ച നിരുജ്ഝിസ്സതി വചീസങ്ഖാരോ ച നിരുജ്ഝിത്ഥ.

(ഘ) പച്ചനീകപുഗ്ഗലോ

൧൨൩. (ക) യസ്സ കായസങ്ഖാരോ ന നിരുജ്ഝിത്ഥ തസ്സ വചീസങ്ഖാരോ ന നിരുജ്ഝിസ്സതീതി? നത്ഥി.

(ഖ) യസ്സ വാ പന വചീസങ്ഖാരോ ന നിരുജ്ഝിസ്സതി തസ്സ കായസങ്ഖാരോ ന നിരുജ്ഝിത്ഥാതി? നിരുജ്ഝിത്ഥ.

(ക) യസ്സ കായസങ്ഖാരോ ന നിരുജ്ഝിത്ഥ തസ്സ ചിത്തസങ്ഖാരോ ന നിരുജ്ഝിസ്സതീതി? നത്ഥി.

(ഖ) യസ്സ വാ പന ചിത്തസങ്ഖാരോ ന നിരുജ്ഝിസ്സതി തസ്സ കായസങ്ഖാരോ ന നിരുജ്ഝിത്ഥാതി? നിരുജ്ഝിത്ഥ.

൧൨൪. (ക) യസ്സ വചീസങ്ഖാരോ ന നിരുജ്ഝിത്ഥ തസ്സ ചിത്തസങ്ഖാരോ ന നിരുജ്ഝിസ്സതീതി? നത്ഥി.

(ഖ) യസ്സ വാ പന ചിത്തസങ്ഖാരോ ന നിരുജ്ഝിസ്സതി തസ്സ വചീസങ്ഖാരോ ന നിരുജ്ഝിത്ഥാതി? നിരുജ്ഝിത്ഥ.

(ങ) പച്ചനീകഓകാസോ

൧൨൫. യത്ഥ കായസങ്ഖാരോ ന നിരുജ്ഝിത്ഥ…പേ….

(ച) പച്ചനീകപുഗ്ഗലോകാസാ

൧൨൬. (ക) യസ്സ യത്ഥ കായസങ്ഖാരോ ന നിരുജ്ഝിത്ഥ തസ്സ തത്ഥ വചീസങ്ഖാരോ ന നിരുജ്ഝിസ്സതീതി?

രൂപാവചരാനം അരൂപാവചരാനം തേസം തത്ഥ കായസങ്ഖാരോ ന നിരുജ്ഝിത്ഥ, നോ ച തേസം തത്ഥ വചീസങ്ഖാരോ ന നിരുജ്ഝിസ്സതി. രൂപാവചരേ അരൂപാവചരേ സവിതക്കസവിചാരപച്ഛിമചിത്തസ്സ ഭങ്ഗക്ഖണേ അവിതക്കഅവിചാരപച്ഛിമചിത്തസമങ്ഗീനം യസ്സ ചിത്തസ്സ അനന്തരാ അവിതക്കഅവിചാരം പച്ഛിമചിത്തം ഉപ്പജ്ജിസ്സതി ചതുത്ഥജ്ഝാനം സമാപന്നാനം അസഞ്ഞസത്താനം തേസം തത്ഥ കായസങ്ഖാരോ ച ന നിരുജ്ഝിത്ഥ വചീസങ്ഖാരോ ച ന നിരുജ്ഝിസ്സതി.

(ഖ) യസ്സ വാ പന യത്ഥ വചീസങ്ഖാരോ ന നിരുജ്ഝിസ്സതി തസ്സ തത്ഥ കായസങ്ഖാരോ ന നിരുജ്ഝിത്ഥാതി?

കാമാവചരേ പച്ഛിമചിത്തസ്സ ഭങ്ഗക്ഖണേ ദുതിയജ്ഝാനം തതിയജ്ഝാനം സമാപന്നാനം തേസം തത്ഥ വചീസങ്ഖാരോ ന നിരുജ്ഝിസ്സതി, നോ ച തേസം തത്ഥ കായസങ്ഖാരോ ന നിരുജ്ഝിത്ഥ. രൂപാവചരേ അരൂപാവചരേ സവിതക്കസവിചാരപച്ഛിമചിത്തസ്സ ഭങ്ഗക്ഖണേ അവിതക്കഅവിചാരപച്ഛിമചിത്തസമങ്ഗീനം യസ്സ ചിത്തസ്സ അനന്തരാ അവിതക്കഅവിചാരം പച്ഛിമചിത്തം ഉപ്പജ്ജിസ്സതി ചതുത്ഥജ്ഝാനം സമാപന്നാനം അസഞ്ഞസത്താനം തേസം തത്ഥ വചീസങ്ഖാരോ ച ന നിരുജ്ഝിസ്സതി കായസങ്ഖാരോ ച ന നിരുജ്ഝിത്ഥ.

(ക) യസ്സ യത്ഥ കായസങ്ഖാരോ ന നിരുജ്ഝിത്ഥ തസ്സ തത്ഥ ചിത്തസങ്ഖാരോ ന നിരുജ്ഝിസ്സതീതി?

ചതുത്ഥജ്ഝാനം സമാപന്നാനം രൂപാവചരാനം അരൂപാവചരാനം തേസം തത്ഥ കായസങ്ഖാരോ ന നിരുജ്ഝിത്ഥ, നോ ച തേസം തത്ഥ ചിത്തസങ്ഖാരോ ന നിരുജ്ഝിസ്സതി. രൂപാവചരേ അരൂപാവചരേ പച്ഛിമചിത്തസ്സ ഭങ്ഗക്ഖണേ അസഞ്ഞസത്താനം തേസം തത്ഥ കായസങ്ഖാരോ ച ന നിരുജ്ഝിത്ഥ ചിത്തസങ്ഖാരോ ച ന നിരുജ്ഝിസ്സതി.

(ഖ) യസ്സ വാ പന യത്ഥ ചിത്തസങ്ഖാരോ ന നിരുജ്ഝിസ്സതി തസ്സ തത്ഥ കായസങ്ഖാരോ ന നിരുജ്ഝിത്ഥാതി?

കാമാവചരേ പച്ഛിമചിത്തസ്സ ഭങ്ഗക്ഖണേ തേസം തത്ഥ ചിത്തസങ്ഖാരോ ന നിരുജ്ഝിസ്സതി, നോ ച തേസം തത്ഥ കായസങ്ഖാരോ ന നിരുജ്ഝിത്ഥ. രൂപാവചരേ അരൂപാവചരേ പച്ഛിമചിത്തസ്സ ഭങ്ഗക്ഖണേ അസഞ്ഞസത്താനം തേസം തത്ഥ ചിത്തസങ്ഖാരോ ച ന നിരുജ്ഝിസ്സതി കായസങ്ഖാരോ ച ന നിരുജ്ഝിത്ഥ.

൧൨൭. (ക) യസ്സ യത്ഥ വചീസങ്ഖാരോ ന നിരുജ്ഝിത്ഥ തസ്സ തത്ഥ ചിത്തസങ്ഖാരോ ന നിരുജ്ഝിസ്സതീതി?

അവിതക്കഅവിചാരഭൂമിയം തേസം തത്ഥ വചീസങ്ഖാരോ ന നിരുജ്ഝിത്ഥ, നോ ച തേസം തത്ഥ ചിത്തസങ്ഖാരോ ന നിരുജ്ഝിസ്സതി. അവിതക്കഅവിചാരഭൂമിയം പച്ഛിമചിത്തസ്സ ഭങ്ഗക്ഖണേ അസഞ്ഞസത്താനം തേസം തത്ഥ വചീസങ്ഖാരോ ച ന നിരുജ്ഝിത്ഥ ചിത്തസങ്ഖാരോ ച ന നിരുജ്ഝിസ്സതി.

(ഖ) യസ്സ വാ പന യത്ഥ ചിത്തസങ്ഖാരോ ന നിരുജ്ഝിസ്സതി തസ്സ തത്ഥ വചീസങ്ഖാരോ ന നിരുജ്ഝിത്ഥാതി?

സവിതക്കസവിചാരഭൂമിയം പച്ഛിമചിത്തസ്സ ഭങ്ഗക്ഖണേ തേസം തത്ഥ ചിത്തസങ്ഖാരോ ന നിരുജ്ഝിസ്സതി, നോ ച തേസം തത്ഥ വചീസങ്ഖാരോ ന നിരുജ്ഝിത്ഥ. അവിതക്കഅവിചാരഭൂമിയം പച്ഛിമചിത്തസ്സ ഭങ്ഗക്ഖണേ അസഞ്ഞസത്താനം തേസം തത്ഥ ചിത്തസങ്ഖാരോ ച ന നിരുജ്ഝിസ്സതി വചീസങ്ഖാരോ ച ന നിരുജ്ഝിത്ഥ.

നിരോധവാരോ.