(൧) പച്ചുപ്പന്നവാരോ

(ക) അനുലോമപുഗ്ഗലോ

൭൯. (ക) യസ്സ കായസങ്ഖാരോ നിരുജ്ഝതി തസ്സ വചീസങ്ഖാരോ നിരുജ്ഝതീതി?

വിനാ വിതക്കവിചാരേഹി അസ്സാസപസ്സാസാനം ഭങ്ഗക്ഖണേ തേസം കായസങ്ഖാരോ നിരുജ്ഝതി, നോ ച തേസം വചീസങ്ഖാരോ നിരുജ്ഝതി. പഠമജ്ഝാനം സമാപന്നാനം കാമാവചരാനം അസ്സാസപസ്സാസാനം ഭങ്ഗക്ഖണേ തേസം കായസങ്ഖാരോ ച നിരുജ്ഝതി വചീസങ്ഖാരോ ച നിരുജ്ഝതി.

(ഖ) യസ്സ വാ പന വചീസങ്ഖാരോ നിരുജ്ഝതി തസ്സ കായസങ്ഖാരോ നിരുജ്ഝതീതി?

വിനാ അസ്സാസപസ്സാസേഹി വിതക്കവിചാരാനം ഭങ്ഗക്ഖണേ തേസം വചീസങ്ഖാരോ നിരുജ്ഝതി, നോ ച തേസം കായസങ്ഖാരോ നിരുജ്ഝതി. പഠമജ്ഝാനം സമാപന്നാനം കാമാവചരാനം അസ്സാസപസ്സാസാനം ഭങ്ഗക്ഖണേ തേസം വചീസങ്ഖാരോ ച നിരുജ്ഝതി കായസങ്ഖാരോ ച നിരുജ്ഝതി.

(ക) യസ്സ കായസങ്ഖാരോ നിരുജ്ഝതി തസ്സ ചിത്തസങ്ഖാരോ നിരുജ്ഝതീതി? ആമന്താ.

(ഖ) യസ്സ വാ പന ചിത്തസങ്ഖാരോ നിരുജ്ഝതി തസ്സ കായസങ്ഖാരോ നിരുജ്ഝതീതി?

വിനാ അസ്സാസപസ്സാസേഹി ചിത്തസ്സ ഭങ്ഗക്ഖണേ തേസം ചിത്തസങ്ഖാരോ നിരുജ്ഝതി, നോ ച തേസം കായസങ്ഖാരോ നിരുജ്ഝതി. അസ്സാസപസ്സാസാനം ഭങ്ഗക്ഖണേ തേസം ചിത്തസങ്ഖാരോ ച നിരുജ്ഝതി കായസങ്ഖാരോ ച നിരുജ്ഝതി.

൮൦. (ക) യസ്സ വചീസങ്ഖാരോ നിരുജ്ഝതി തസ്സ ചിത്തസങ്ഖാരോ നിരുജ്ഝതീതി? ആമന്താ.

(ഖ) യസ്സ വാ പന ചിത്തസങ്ഖാരോ നിരുജ്ഝതി തസ്സ വചീസങ്ഖാരോ നിരുജ്ഝതീതി?

വിനാ വിതക്കവിചാരേഹി ചിത്തസ്സ ഭങ്ഗക്ഖണേ തേസം ചിത്തസങ്ഖാരോ നിരുജ്ഝതി, നോ ച തേസം വചീസങ്ഖാരോ നിരുജ്ഝതി. വിതക്കവിചാരാനം ഭങ്ഗക്ഖണേ തേസം ചിത്തസങ്ഖാരോ ച നിരുജ്ഝതി വചീസങ്ഖാരോ ച നിരുജ്ഝതി.

(ഖ) അനുലോമഓകാസോ

൮൧. യത്ഥ കായസങ്ഖാരോ നിരുജ്ഝതി തത്ഥ വചീസങ്ഖാരോ നിരുജ്ഝതീതി?…പേ….

(ഗ) അനുലോമപുഗ്ഗലോകാസാ

൮൨. യസ്സ യത്ഥ കായസങ്ഖാരോ നിരുജ്ഝതി തസ്സ തത്ഥ വചീസങ്ഖാരോ നിരുജ്ഝതീതി?…പേ…. (യസ്സകമ്പി യസ്സയത്ഥകമ്പി സദിസം.)

(ഘ) പച്ചനീകപുഗ്ഗലോ

൮൩. (ക) യസ്സ കായസങ്ഖാരോ ന നിരുജ്ഝതി തസ്സ വചീസങ്ഖാരോ ന നിരുജ്ഝതീതി?

വിനാ അസ്സാസപസ്സാസേഹി വിതക്കവിചാരാനം ഭങ്ഗക്ഖണേ തേസം കായസങ്ഖാരോ ന നിരുജ്ഝതി, നോ ച തേസം വചീസങ്ഖാരോ ന നിരുജ്ഝതി. സബ്ബേസം ചിത്തസ്സ ഉപ്പാദക്ഖണേ വിനാ അസ്സാസപസ്സാസേഹി അവിതക്കഅവിചാരചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം കായസങ്ഖാരോ ച ന നിരുജ്ഝതി വചീസങ്ഖാരോ ച ന നിരുജ്ഝതി.

(ഖ) യസ്സ വാ പന വചീസങ്ഖാരോ ന നിരുജ്ഝതി തസ്സ കായസങ്ഖാരോ ന നിരുജ്ഝതീതി?

വിനാ വിതക്കവിചാരേഹി അസ്സാസപസ്സാസാനം ഭങ്ഗക്ഖണേ തേസം വചീസങ്ഖാരോ ന നിരുജ്ഝതി, നോ ച തേസം കായസങ്ഖാരോ ന നിരുജ്ഝതി. സബ്ബേസം ചിത്തസ്സ ഉപ്പാദക്ഖണേ വിനാ അസ്സാസപസ്സാസേഹി അവിതക്കഅവിചാരചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം വചീസങ്ഖാരോ ച ന നിരുജ്ഝതി കായസങ്ഖാരോ ച ന നിരുജ്ഝതി.

(ക) യസ്സ കായസങ്ഖാരോ ന നിരുജ്ഝതി തസ്സ ചിത്തസങ്ഖാരോ ന നിരുജ്ഝതീതി?

വിനാ അസ്സാസപസ്സാസേഹി ചിത്തസ്സ ഭങ്ഗക്ഖണേ തേസം കായസങ്ഖാരോ ന നിരുജ്ഝതി, നോ ച തേസം ചിത്തസങ്ഖാരോ ന നിരുജ്ഝതി. സബ്ബേസം ചിത്തസ്സ ഉപ്പാദക്ഖണേ നിരോധസമാപന്നാനം അസഞ്ഞസത്താനം തേസം കായസങ്ഖാരോ ച ന നിരുജ്ഝതി ചിത്തസങ്ഖാരോ ച ന നിരുജ്ഝതി.

(ഖ) യസ്സ വാ പന…പേ…? ആമന്താ.

൮൪. (ക) യസ്സ വചീസങ്ഖാരോ ന നിരുജ്ഝതി തസ്സ ചിത്തസങ്ഖാരോ ന നിരുജ്ഝതീതി?

വിനാ വിതക്കവിചാരേഹി ചിത്തസ്സ ഭങ്ഗക്ഖണേ തേസം വചീസങ്ഖാരോ ന നിരുജ്ഝതി, നോ ച തേസം ചിത്തസങ്ഖാരോ ന നിരുജ്ഝതി. സബ്ബേസം ചിത്തസ്സ ഉപ്പാദക്ഖണേ നിരോധസമാപന്നാനം അസഞ്ഞസത്താനം തേസം വചീസങ്ഖാരോ ച ന നിരുജ്ഝതി ചിത്തസങ്ഖാരോ ച ന നിരുജ്ഝതി.

(ഖ) യസ്സ വാ പന…പേ…? ആമന്താ.

(ങ) പച്ചനീകഓകാസാ

൮൫. യത്ഥ കായസങ്ഖാരോ ന നിരുജ്ഝതി…പേ….

(ച) പച്ചനീകപുഗ്ഗലോകാസാ

൮൬. യസ്സ യത്ഥ കായസങ്ഖാരോ ന നിരുജ്ഝതി തസ്സ തത്ഥ വചീസങ്ഖാരോ ന നിരുജ്ഝതീതി?

വിനാ അസ്സാസപസ്സാസേഹി വിതക്കവിചാരാനം ഭങ്ഗക്ഖണേ തേസം തത്ഥ കായസങ്ഖാരോ ന നിരുജ്ഝതി, നോ ച തേസം തത്ഥ വചീസങ്ഖാരോ ന നിരുജ്ഝതി. സബ്ബേസം ചിത്തസ്സ ഉപ്പാദക്ഖണേ വിനാ അസ്സാസപസ്സാസേഹി അവിതക്കഅവിചാരചിത്തസ്സ ഭങ്ഗക്ഖണേ അസഞ്ഞസത്താനം തേസം തത്ഥ കായസങ്ഖാരോ ച ന നിരുജ്ഝതി വചീസങ്ഖാരോ ച ന നിരുജ്ഝതി.

യസ്സ വാ പന യത്ഥ വചീസങ്ഖാരോ ന നിരുജ്ഝതി…പേ….

(യസ്സകമ്പി യസ്സയത്ഥകമ്പി സദിസം വിത്ഥാരേതബ്ബം, യസ്സയത്ഥകേ നിരോധസമാപന്നാനന്തി ന കാതബ്ബം.)