(൬) അതീതാനാഗതവാരോ

(ക) അനുലോമപുഗ്ഗലോ

൬൯. (ക) യസ്സ കായസങ്ഖാരോ ഉപ്പജ്ജിത്ഥ തസ്സ വചീസങ്ഖാരോ ഉപ്പജ്ജിസ്സതീതി?

പച്ഛിമചിത്തസമങ്ഗീനം യസ്സ ചിത്തസ്സ അനന്തരാ അവിതക്കഅവിചാരം പച്ഛിമചിത്തം ഉപ്പജ്ജിസ്സതി തേസം കായസങ്ഖാരോ ഉപ്പജ്ജിത്ഥ, നോ ച തേസം വചീസങ്ഖാരോ ഉപ്പജ്ജിസ്സതി. ഇതരേസം തേസം കായസങ്ഖാരോ ച ഉപ്പജ്ജിത്ഥ വചീസങ്ഖാരോ ച ഉപ്പജ്ജിസ്സതി.

(ഖ) യസ്സ വാ പന…പേ…? ആമന്താ.

(ക) യസ്സ കായസങ്ഖാരോ ഉപ്പജ്ജിത്ഥ തസ്സ ചിത്തസങ്ഖാരോ ഉപ്പജ്ജിസ്സതീതി?

പച്ഛിമചിത്തസമങ്ഗീനം തേസം കായസങ്ഖാരോ ഉപ്പജ്ജിത്ഥ, നോ ച തേസം ചിത്തസങ്ഖാരോ ഉപ്പജ്ജിസ്സതി. ഇതരേസം തേസം കായസങ്ഖാരോ ച ഉപ്പജ്ജിത്ഥ ചിത്തസങ്ഖാരോ ച ഉപ്പജ്ജിസ്സതി.

(ഖ) യസ്സ വാ പന…പേ…. ആമന്താ.

൭൦. (ക) യസ്സ വചീസങ്ഖാരോ ഉപ്പജ്ജിത്ഥ തസ്സ ചിത്തസങ്ഖാരോ ഉപ്പജ്ജിസ്സതീതി?

പച്ഛിമചിത്തസമങ്ഗീനം തേസം വചീസങ്ഖാരോ ഉപ്പജ്ജിത്ഥ, നോ ച തേസം ചിത്തസങ്ഖാരോ ഉപ്പജ്ജിസ്സതി. ഇതരേസം തേസം വചീസങ്ഖാരോ ച ഉപ്പജ്ജിത്ഥ ചിത്തസങ്ഖാരോ ച ഉപ്പജ്ജിസ്സതി.

(ഖ) യസ്സ വാ പന…പേ…? ആമന്താ.

(ഖ) അനുലോമഓകാസോ

൭൧. യത്ഥ കായസങ്ഖാരോ ഉപ്പജ്ജിത്ഥ…പേ….

(ഗ) അനുലോമപുഗ്ഗലോകാസാ

൭൨. (ക) യസ്സ യത്ഥ കായസങ്ഖാരോ ഉപ്പജ്ജിത്ഥ തസ്സ തത്ഥ വചീസങ്ഖാരോ ഉപ്പജ്ജിസ്സതീതി?

കാമാവചരേ പച്ഛിമചിത്തസമങ്ഗീനം ദുതിയജ്ഝാനം തതിയജ്ഝാനം സമാപന്നാനം തേസം തത്ഥ കായസങ്ഖാരോ ഉപ്പജ്ജിത്ഥ, നോ ച തേസം തത്ഥ വചീസങ്ഖാരോ ഉപ്പജ്ജിസ്സതി. പഠമജ്ഝാനം സമാപന്നാനം ഇതരേസം കാമാവചരാനം തേസം തത്ഥ കായസങ്ഖാരോ ച ഉപ്പജ്ജിത്ഥ വചീസങ്ഖാരോ ച ഉപ്പജ്ജിസ്സതി.

(ഖ) യസ്സ വാ പന യത്ഥ വചീസങ്ഖാരോ ഉപ്പജ്ജിസ്സതി തസ്സ തത്ഥ കായസങ്ഖാരോ ഉപ്പജ്ജിത്ഥാതി?

രൂപാവചരാനം അരൂപാവചരാനം തേസം തത്ഥ വചീസങ്ഖാരോ ഉപ്പജ്ജിസ്സതി, നോ ച തേസം തത്ഥ കായസങ്ഖാരോ ഉപ്പജ്ജിത്ഥ. പഠമജ്ഝാനം സമാപന്നാനം കാമാവചരാനം തേസം തത്ഥ വചീസങ്ഖാരോ ച ഉപ്പജ്ജിസ്സതി കായസങ്ഖാരോ ച ഉപ്പജ്ജിത്ഥ.

(ക) യസ്സ യത്ഥ കായസങ്ഖാരോ ഉപ്പജ്ജിത്ഥ തസ്സ തത്ഥ ചിത്തസങ്ഖാരോ ഉപ്പജ്ജിസ്സതീതി?

കാമാവചരേ പച്ഛിമചിത്തസമങ്ഗീനം തേസം തത്ഥ കായസങ്ഖാരോ ഉപ്പജ്ജിത്ഥ, നോ ച തേസം തത്ഥ ചിത്തസങ്ഖാരോ ഉപ്പജ്ജിസ്സതി. പഠമജ്ഝാനം ദുതിയജ്ഝാനം തതിയജ്ഝാനം സമാപന്നാനം ഇതരേസം കാമാവചരാനം തേസം തത്ഥ കായസങ്ഖാരോ ച ഉപ്പജ്ജിത്ഥ ചിത്തസങ്ഖാരോ ച ഉപ്പജ്ജിസ്സതി.

(ഖ) യസ്സ വാ പന യത്ഥ ചിത്തസങ്ഖാരോ ഉപ്പജ്ജിസ്സതി തസ്സ തത്ഥ കായസങ്ഖാരോ ഉപ്പജ്ജിത്ഥാതി?

ചതുത്ഥജ്ഝാനം സമാപന്നാനം രൂപാവചരാനം അരൂപാവചരാനം തേസം തത്ഥ ചിത്തസങ്ഖാരോ ഉപ്പജ്ജിസ്സതി, നോ ച തേസം തത്ഥ കായസങ്ഖാരോ ഉപ്പജ്ജിത്ഥ. പഠമജ്ഝാനം ദുതിയജ്ഝാനം തതിയജ്ഝാനം സമാപന്നാനം കാമാവചരാനം തേസം തത്ഥ ചിത്തസങ്ഖാരോ ച ഉപ്പജ്ജിസ്സതി കായസങ്ഖാരോ ച ഉപ്പജ്ജിത്ഥ.

൭൩. (ക) യസ്സ യത്ഥ വചീസങ്ഖാരോ ഉപ്പജ്ജിത്ഥ തസ്സ തത്ഥ ചിത്തസങ്ഖാരോ ഉപ്പജ്ജിസ്സതീതി?

സവിതക്കസവിചാരഭൂമിയം പച്ഛിമചിത്തസമങ്ഗീനം തേസം തത്ഥ വചീസങ്ഖാരോ ഉപ്പജ്ജിത്ഥ, നോ ച തേസം തത്ഥ ചിത്തസങ്ഖാരോ ഉപ്പജ്ജിസ്സതി. ഇതരേസം സവിതക്കസവിചാരഭൂമിയം തേസം തത്ഥ വചീസങ്ഖാരോ ച ഉപ്പജ്ജിത്ഥ ചിത്തസങ്ഖാരോ ച ഉപ്പജ്ജിസ്സതി.

(ഖ) യസ്സ വാ പന യത്ഥ ചിത്തസങ്ഖാരോ ഉപ്പജ്ജിസ്സതി തസ്സ തത്ഥ വചീസങ്ഖാരോ ഉപ്പജ്ജിത്ഥാതി?

അവിതക്കഅവിചാരഭൂമിയം തേസം തത്ഥ ചിത്തസങ്ഖാരോ ഉപ്പജ്ജിസ്സതി, നോ ച തേസം തത്ഥ വചീസങ്ഖാരോ ഉപ്പജ്ജിത്ഥ. സവിതക്കസവിചാരഭൂമിയം തേസം തത്ഥ ചിത്തസങ്ഖാരോ ച ഉപ്പജ്ജിസ്സതി വചീസങ്ഖാരോ ച ഉപ്പജ്ജിത്ഥ.

(ഘ) പച്ചനീകപുഗ്ഗലോ

൭൪. (ക) യസ്സ കായസങ്ഖാരോ നുപ്പജ്ജിത്ഥ തസ്സ വചീസങ്ഖാരോ നുപ്പജ്ജിസ്സതീതി? നത്ഥി.

(ഖ) യസ്സ വാ പന വചീസങ്ഖാരോ നുപ്പജ്ജിസ്സതി തസ്സ കായസങ്ഖാരോ നുപ്പജ്ജിത്ഥാതി? ഉപ്പജ്ജിത്ഥ.

(ക) യസ്സ കായസങ്ഖാരോ നുപ്പജ്ജിത്ഥ തസ്സ ചിത്തസങ്ഖാരോ നുപ്പജ്ജിസ്സതീതി? നത്ഥി.

(ഖ) യസ്സ വാ പന ചിത്തസങ്ഖാരോ നുപ്പജ്ജിസ്സതി തസ്സ കായസങ്ഖാരോ നുപ്പജ്ജിത്ഥാതി? ഉപ്പജ്ജിത്ഥ.

൭൫. (ക) യസ്സ വചീസങ്ഖാരോ നുപ്പജ്ജിത്ഥ തസ്സ ചിത്തസങ്ഖാരോ നുപ്പജ്ജിസ്സതീതി? നത്ഥി.

(ഖ) യസ്സ വാ പന ചിത്തസങ്ഖാരോ നുപ്പജ്ജിസ്സതി തസ്സ വചീസങ്ഖാരോ നുപ്പജ്ജിത്ഥാതി? ഉപ്പജ്ജിത്ഥ.

(ങ) പച്ചനീകഓകാസോ

൭൬. യത്ഥ കായസങ്ഖാരോ നുപ്പജ്ജിത്ഥ…പേ….

(ച) പച്ചനീകപുഗ്ഗലോകാസാ

൭൭. (ക) യസ്സ യത്ഥ കായസങ്ഖാരോ നുപ്പജ്ജിത്ഥ തസ്സ തത്ഥ വചീസങ്ഖാരോ നുപ്പജ്ജിസ്സതീതി?

രൂപാവചരാനം അരൂപാവചരാനം തേസം തത്ഥ കായസങ്ഖാരോ നുപ്പജ്ജിത്ഥ, നോ ച തേസം തത്ഥ വചീസങ്ഖാരോ നുപ്പജ്ജിസ്സതി. രൂപാവചരേ അരൂപാവചരേ പച്ഛിമചിത്തസമങ്ഗീനം യസ്സ ചിത്തസ്സ അനന്തരാ അവിതക്കഅവിചാരം പച്ഛിമചിത്തം ഉപ്പജ്ജിസ്സതി ചതുത്ഥജ്ഝാനം സമാപന്നാനം അസഞ്ഞസത്താനം തേസം തത്ഥ കായസങ്ഖാരോ ച നുപ്പജ്ജിത്ഥ വചീസങ്ഖാരോ ച നുപ്പജ്ജിസ്സതി.

(ഖ) യസ്സ വാ പന യത്ഥ വചീസങ്ഖാരോ നുപ്പജ്ജിസ്സതി തസ്സ തത്ഥ കായസങ്ഖാരോ നുപ്പജ്ജിത്ഥാതി?

കാമാവചരേ പച്ഛിമചിത്തസമങ്ഗീനം ദുതിയജ്ഝാനം തതിയജ്ഝാനം സമാപന്നാനം തേസം തത്ഥ വചീസങ്ഖാരോ നുപ്പജ്ജിസ്സതി, നോ ച തേസം തത്ഥ കായസങ്ഖാരോ നുപ്പജ്ജിത്ഥ. രൂപാവചരേ അരൂപാവചരേ പച്ഛിമചിത്തസമങ്ഗീനം യസ്സ ചിത്തസ്സ അനന്തരാ അവിതക്കഅവിചാരം പച്ഛിമചിത്തം ഉപ്പജ്ജിസ്സതി ചതുത്ഥജ്ഝാനം സമാപന്നാനം അസഞ്ഞസത്താനം തേസം തത്ഥ വചീസങ്ഖാരോ ച നുപ്പജ്ജിസ്സതി കായസങ്ഖാരോ ച നുപ്പജ്ജിത്ഥ.

(ക) യസ്സ യത്ഥ കായസങ്ഖാരോ നുപ്പജ്ജിത്ഥ തസ്സ തത്ഥ ചിത്തസങ്ഖാരോ നുപ്പജ്ജിസ്സതീതി?

ചതുത്ഥജ്ഝാനം സമാപന്നാനം രൂപാവചരാനം അരൂപാവചരാനം തേസം തത്ഥ കായസങ്ഖാരോ നുപ്പജ്ജിത്ഥ, നോ ച തേസം തത്ഥ ചിത്തസങ്ഖാരോ നുപ്പജ്ജിസ്സതി. രൂപാവചരേ അരൂപാവചരേ പച്ഛിമചിത്തസമങ്ഗീനം അസഞ്ഞസത്താനം തേസം തത്ഥ കായസങ്ഖാരോ ച നുപ്പജ്ജിത്ഥ ചിത്തസങ്ഖാരോ ച നുപ്പജ്ജിസ്സതി.

(ഖ) യസ്സ വാ പന യത്ഥ ചിത്തസങ്ഖാരോ നുപ്പജ്ജിസ്സതി തസ്സ തത്ഥ കായസങ്ഖാരോ നുപ്പജ്ജിത്ഥാതി?

കാമാവചരേ പച്ഛിമചിത്തസമങ്ഗീനം തേസം തത്ഥ ചിത്തസങ്ഖാരോ നുപ്പജ്ജിസ്സതി, നോ ച തേസം തത്ഥ കായസങ്ഖാരോ നുപ്പജ്ജിത്ഥ. രൂപാവചരേ അരൂപാവചരേ പച്ഛിമചിത്തസമങ്ഗീനം അസഞ്ഞസത്താനം തേസം തത്ഥ ചിത്തസങ്ഖാരോ ച നുപ്പജ്ജിസ്സതി കായസങ്ഖാരോ ച നുപ്പജ്ജിത്ഥ.

൭൮. (ക) യസ്സ യത്ഥ വചീസങ്ഖാരോ നുപ്പജ്ജിത്ഥ തസ്സ തത്ഥ ചിത്തസങ്ഖാരോ നുപ്പജ്ജിസ്സതീതി?

അവിതക്കഅവിചാരഭൂമിയം തേസം തത്ഥ വചീസങ്ഖാരോ നുപ്പജ്ജിത്ഥ, നോ ച തേസം തത്ഥ ചിത്തസങ്ഖാരോ നുപ്പജ്ജിസ്സതി. അവിതക്കഅവിചാരഭൂമിയം പച്ഛിമചിത്തസമങ്ഗീനം അസഞ്ഞസത്താനം തേസം തത്ഥ വചീസങ്ഖാരോ ച നുപ്പജ്ജിത്ഥ ചിത്തസങ്ഖാരോ ച നുപ്പജ്ജിസ്സതി.

(ഖ) യസ്സ വാ പന യത്ഥ ചിത്തസങ്ഖാരോ നുപ്പജ്ജിസ്സതി തസ്സ തത്ഥ വചീസങ്ഖാരോ നുപ്പജ്ജിത്ഥാതി?

സവിതക്കസവിചാരഭൂമിയം പച്ഛിമചിത്തസമങ്ഗീനം തേസം തത്ഥ ചിത്തസങ്ഖാരോ നുപ്പജ്ജിസ്സതി, നോ ച തേസം തത്ഥ വചീസങ്ഖാരോ നുപ്പജ്ജിത്ഥ. അവിതക്കഅവിചാരഭൂമിയം പച്ഛിമചിത്തസമങ്ഗീനം അസഞ്ഞസത്താനം തേസം തത്ഥ ചിത്തസങ്ഖാരോ ച നുപ്പജ്ജിസ്സതി വചീസങ്ഖാരോ ച നുപ്പജ്ജിത്ഥ.

ഉപ്പാദവാരോ.