(൨) അതീതവാരോ

(ക) അനുലോമപുഗ്ഗലോ

൩൮. (ക) യസ്സ ദുക്ഖസച്ചം ഉപ്പജ്ജിത്ഥ തസ്സ സമുദയസച്ചം ഉപ്പജ്ജിത്ഥാതി? ആമന്താ.

(ഖ) യസ്സ വാ പന സമുദയസച്ചം ഉപ്പജ്ജിത്ഥ തസ്സ ദുക്ഖസച്ചം ഉപ്പജ്ജിത്ഥാതി? ആമന്താ.

(ക) യസ്സ ദുക്ഖസച്ചം ഉപ്പജ്ജിത്ഥ തസ്സ മഗ്ഗസച്ചം ഉപ്പജ്ജിത്ഥാതി?

അനഭിസമേതാവീനം തേസം ദുക്ഖസച്ചം ഉപ്പജ്ജിത്ഥ, നോ ച തേസം മഗ്ഗസച്ചം ഉപ്പജ്ജിത്ഥ. അഭിസമേതാവീനം തേസം ദുക്ഖസച്ചഞ്ച ഉപ്പജ്ജിത്ഥ മഗ്ഗസച്ചഞ്ച ഉപ്പജ്ജിത്ഥ.

(ഖ) യസ്സ വാ പന…പേ… ഉപ്പജ്ജിത്ഥാതി? ആമന്താ.

൩൯. (ക) യസ്സ സമുദയസച്ചം ഉപ്പജ്ജിത്ഥ തസ്സ മഗ്ഗസച്ചം ഉപ്പജ്ജിത്ഥാതി?

അനഭിസമേതാവീനം തേസം സമുദയസച്ചം ഉപ്പജ്ജിത്ഥ, നോ ച തേസം മഗ്ഗസച്ചം ഉപ്പജ്ജിത്ഥ. അഭിസമേതാവീനം തേസം സമുദയസച്ചഞ്ച ഉപ്പജ്ജിത്ഥ മഗ്ഗസച്ചഞ്ച ഉപ്പജ്ജിത്ഥ.

(ഖ) യസ്സ വാ പന…പേ… ഉപ്പജ്ജിത്ഥാതി? ആമന്താ.

(ഖ) അനുലോമഓകാസോ

൪൦. യത്ഥ ദുക്ഖസച്ചം ഉപ്പജ്ജിത്ഥ…പേ….

(യത്ഥകമ്പി സബ്ബത്ഥ സദിസം. തന്തിനാനാകരണം ഹേട്ഠാ യത്ഥകസദിസം).

(ഗ) അനുലോമപുഗ്ഗലോകാസാ

൪൧. (ക) യസ്സ യത്ഥ ദുക്ഖസച്ചം ഉപ്പജ്ജിത്ഥ തസ്സ തത്ഥ സമുദയസച്ചം ഉപ്പജ്ജിത്ഥാതി?

സുദ്ധാവാസാനം ദുതിയേ ചിത്തേ വത്തമാനേ അസഞ്ഞസത്താനം തേസം തത്ഥ ദുക്ഖസച്ചം ഉപ്പജ്ജിത്ഥ, നോ ച തേസം തത്ഥ സമുദയസച്ചം ഉപ്പജ്ജിത്ഥ. ഇതരേസം ചതുവോകാരാനം പഞ്ചവോകാരാനം തേസം തത്ഥ ദുക്ഖസച്ചഞ്ച ഉപ്പജ്ജിത്ഥ സമുദയസച്ചഞ്ച ഉപ്പജ്ജിത്ഥ.

(ഖ) യസ്സ വാ പന യത്ഥ…പേ… ഉപ്പജ്ജിത്ഥാതി? ആമന്താ.

(ക) യസ്സ യത്ഥ ദുക്ഖസച്ചം ഉപ്പജ്ജിത്ഥ തസ്സ തത്ഥ മഗ്ഗസച്ചം ഉപ്പജ്ജിത്ഥാതി?

സുദ്ധാവാസാനം ദുതിയേ ചിത്തേ വത്തമാനേ അനഭിസമേതാവീനം അസഞ്ഞസത്താനം തേസം തത്ഥ ദുക്ഖസച്ചം ഉപ്പജ്ജിത്ഥ, നോ ച തേസം തത്ഥ മഗ്ഗസച്ചം ഉപ്പജ്ജിത്ഥ. അഭിസമേതാവീനം തേസം തത്ഥ ദുക്ഖസച്ചഞ്ച ഉപ്പജ്ജിത്ഥ മഗ്ഗസച്ചഞ്ച ഉപ്പജ്ജിത്ഥ.

(ഖ) യസ്സ വാ പന യത്ഥ…പേ… ഉപ്പജ്ജിത്ഥാതി? ആമന്താ.

൪൨. (ക) യസ്സ യത്ഥ സമുദയസച്ചം ഉപ്പജ്ജിത്ഥ തസ്സ തത്ഥ മഗ്ഗസച്ചം ഉപ്പജ്ജിത്ഥാതി?

സുദ്ധാവാസാനം ദുതിയേ അകുസലേ ചിത്തേ വത്തമാനേ അനഭിസമേതാവീനം തേസം തത്ഥ സമുദയസച്ചം ഉപ്പജ്ജിത്ഥ, നോ ച തേസം തത്ഥ മഗ്ഗസച്ചം ഉപ്പജ്ജിത്ഥ. അഭിസമേതാവീനം തേസം തത്ഥ സമുദയസച്ചഞ്ച ഉപ്പജ്ജിത്ഥ മഗ്ഗസച്ചഞ്ച ഉപ്പജ്ജിത്ഥ.

(ഖ) യസ്സ വാ പന യത്ഥ…പേ… ഉപ്പജ്ജിത്ഥാതി? ആമന്താ.

(ഘ) പച്ചനീകപുഗ്ഗലോ

൪൩. (ക) യസ്സ ദുക്ഖസച്ചം നുപ്പജ്ജിത്ഥ തസ്സ സമുദയസച്ചം നുപ്പജ്ജിത്ഥാതി? നത്ഥി.

(ഖ) യസ്സ വാ പന…പേ… നുപ്പജ്ജിത്ഥാതി? നത്ഥി.

(ക) യസ്സ ദുക്ഖസച്ചം നുപ്പജ്ജിത്ഥ തസ്സ മഗ്ഗസച്ചം നുപ്പജ്ജിത്ഥാതി? നത്ഥി.

(ഖ) യസ്സ വാ പന മഗ്ഗസച്ചം നുപ്പജ്ജിത്ഥ തസ്സ ദുക്ഖസച്ചം നുപ്പജ്ജിത്ഥാതി? ഉപ്പജ്ജിത്ഥ.

൪൪. (ക) യസ്സ സമുദയസച്ചം നുപ്പജ്ജിത്ഥ തസ്സ മഗ്ഗസച്ചം നുപ്പജ്ജിത്ഥാതി? നത്ഥി.

(ഖ) യസ്സ വാ പന…പേ… നുപ്പജ്ജിത്ഥാതി? ഉപ്പജ്ജിത്ഥ.

(ങ) പച്ചനീകഓകാസോ

൪൫. യത്ഥ ദുക്ഖസച്ചം നുപ്പജ്ജിത്ഥ…പേ….

(ച) പച്ചനീകപുഗ്ഗലോകാസാ

൪൬. (ക) യസ്സ യത്ഥ ദുക്ഖസച്ചം നുപ്പജ്ജിത്ഥ തസ്സ തത്ഥ സമുദയസച്ചം നുപ്പജ്ജിത്ഥാതി? ആമന്താ.

(ഖ) യസ്സ വാ പന യത്ഥ സമുദയസച്ചം നുപ്പജ്ജിത്ഥ തസ്സ തത്ഥ ദുക്ഖസച്ചം നുപ്പജ്ജിത്ഥാതി?

സുദ്ധാവാസാനം ദുതിയേ ചിത്തേ വത്തമാനേ അസഞ്ഞസത്താനം തേസം തത്ഥ സമുദയസച്ചം നുപ്പജ്ജിത്ഥ, നോ ച തേസം തത്ഥ ദുക്ഖസച്ചം നുപ്പജ്ജിത്ഥ. സുദ്ധാവാസം ഉപപജ്ജന്താനം തേസം തത്ഥ സമുദയസച്ചഞ്ച നുപ്പജ്ജിത്ഥ ദുക്ഖസച്ചഞ്ച നുപ്പജ്ജിത്ഥ.

(ക) യസ്സ യത്ഥ ദുക്ഖസച്ചം നുപ്പജ്ജിത്ഥ തസ്സ തത്ഥ മഗ്ഗസച്ചം നുപ്പജ്ജിത്ഥാതി? ആമന്താ.

(ഖ) യസ്സ വാ പന യത്ഥ മഗ്ഗസച്ചം നുപ്പജ്ജിത്ഥ തസ്സ തത്ഥ ദുക്ഖസച്ചം നുപ്പജ്ജിത്ഥാതി?

സുദ്ധാവാസാനം ദുതിയേ ചിത്തേ വത്തമാനേ അനഭിസമേതാവീനം അസഞ്ഞസത്താനം തേസം തത്ഥ മഗ്ഗസച്ചം നുപ്പജ്ജിത്ഥ, നോ ച തേസം തത്ഥ ദുക്ഖസച്ചം നുപ്പജ്ജിത്ഥ. സുദ്ധാവാസം ഉപപജ്ജന്താനം തേസം തത്ഥ മഗ്ഗസച്ചഞ്ച നുപ്പജ്ജിത്ഥ ദുക്ഖസച്ചഞ്ച നുപ്പജ്ജിത്ഥ.

൪൭. (ക) യസ്സ യത്ഥ സമുദയസച്ചം നുപ്പജ്ജിത്ഥ തസ്സ തത്ഥ മഗ്ഗസച്ചം നുപ്പജ്ജിത്ഥാതി? ആമന്താ.

(ഖ) യസ്സ വാ പന യത്ഥ മഗ്ഗസച്ചം നുപ്പജ്ജിത്ഥ തസ്സ തത്ഥ സമുദയസച്ചം നുപ്പജ്ജിത്ഥാതി?

സുദ്ധാവാസാനം ദുതിയേ അകുസലേ ചിത്തേ വത്തമാനേ അനഭിസമേതാവീനം തേസം തത്ഥ മഗ്ഗസച്ചം നുപ്പജ്ജിത്ഥ, നോ ച തേസം തത്ഥ സമുദയസച്ചം നുപ്പജ്ജിത്ഥ. സുദ്ധാവാസാനം ദുതിയേ ചിത്തേ വത്തമാനേ അസഞ്ഞസത്താനം തേസം തത്ഥ മഗ്ഗസച്ചഞ്ച നുപ്പജ്ജിത്ഥ സമുദയസച്ചഞ്ച നുപ്പജ്ജിത്ഥ.