(൩) അനാഗതവാരോ
(ക) അനുലോമപുഗ്ഗലോ
൧൩൩. (ക) യസ്സ ചക്ഖായതനം നിരുജ്ഝിസ്സതി തസ്സ സോതായതനം നിരുജ്ഝിസ്സതീതി? ആമന്താ.
(ഖ) യസ്സ വാ പന സോതായതനം നിരുജ്ഝിസ്സതി തസ്സ ചക്ഖായതനം നിരുജ്ഝിസ്സതീതി? ആമന്താ.
(ക) യസ്സ ചക്ഖായതനം നിരുജ്ഝിസ്സതി തസ്സ ഘാനായതനം നിരുജ്ഝിസ്സതീതി?
പച്ഛിമഭവികാനം രൂപാവചരം ഉപപജ്ജന്താനം യേ ച രൂപാവചരം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ചക്ഖായതനം നിരുജ്ഝിസ്സതി, നോ ച തേസം ഘാനായതനം നിരുജ്ഝിസ്സതി. ഇതരേസം തേസം ചക്ഖായതനഞ്ച നിരുജ്ഝിസ്സതി ഘാനായതനഞ്ച നിരുജ്ഝിസ്സതി.
(ഖ) യസ്സ വാ പന ഘാനായതനം നിരുജ്ഝിസ്സതി തസ്സ ചക്ഖായതനം നിരുജ്ഝിസ്സതീതി? ആമന്താ.
(ക) യസ്സ ചക്ഖായതനം നിരുജ്ഝിസ്സതി തസ്സ രൂപായതനം നിരുജ്ഝിസ്സതീതി? ആമന്താ.
(ഖ) യസ്സ വാ പന രൂപായതനം നിരുജ്ഝിസ്സതി തസ്സ ചക്ഖായതനം നിരുജ്ഝിസ്സതീതി? ആമന്താ.
യസ്സ ചക്ഖായതനം നിരുജ്ഝിസ്സതി തസ്സ മനായതനം…പേ… ധമ്മായതനം നിരുജ്ഝിസ്സതീതി? ആമന്താ.
യസ്സ വാ പന ധമ്മായതനം നിരുജ്ഝിസ്സതി തസ്സ ചക്ഖായതനം നിരുജ്ഝിസ്സതീതി?
പച്ഛിമഭവികാനം അരൂപം ഉപപജ്ജന്താനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ധമ്മായതനം നിരുജ്ഝിസ്സതി, നോ ച തേസം ചക്ഖായതനം നിരുജ്ഝിസ്സതി. ഇതരേസം തേസം ധമ്മായതനഞ്ച നിരുജ്ഝിസ്സതി ചക്ഖായതനഞ്ച നിരുജ്ഝിസ്സതി. (ചക്ഖായതനമൂലകം)
൧൩൪. (ക) യസ്സ ഘാനായതനം നിരുജ്ഝിസ്സതി തസ്സ രൂപായതനം നിരുജ്ഝിസ്സതീതി? ആമന്താ.
(ഖ) യസ്സ വാ പന രൂപായതനം നിരുജ്ഝിസ്സതി തസ്സ ഘാനായതനം നിരുജ്ഝിസ്സതീതി?
പച്ഛിമഭവികാനം രൂപാവചരം ഉപപജ്ജന്താനം യേ ച രൂപാവചരം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം രൂപായതനം നിരുജ്ഝിസ്സതി, നോ ച തേസം ഘാനായതനം നിരുജ്ഝിസ്സതി. ഇതരേസം തേസം രൂപായതനഞ്ച നിരുജ്ഝിസ്സതി ഘാനായതനഞ്ച നിരുജ്ഝിസ്സതി.
യസ്സ ഘാനായതനം നിരുജ്ഝിസ്സതി തസ്സ മനായതനം…പേ… ധമ്മായതനം നിരുജ്ഝിസ്സതീതി? ആമന്താ.
യസ്സ വാ പന ധമ്മായതനം നിരുജ്ഝിസ്സതി തസ്സ ഘാനായതനം നിരുജ്ഝിസ്സതീതി?
പച്ഛിമഭവികാനം രൂപാവചരം അരൂപാവചരം ഉപപജ്ജന്താനം യേ ച രൂപാവചരം അരൂപാവചരം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ധമ്മായതനം നിരുജ്ഝിസ്സതി, നോ ച തേസം ഘാനായതനം നിരുജ്ഝിസ്സതി. ഇതരേസം തേസം ധമ്മായതനഞ്ച നിരുജ്ഝിസ്സതി ഘാനായതനഞ്ച നിരുജ്ഝിസ്സതി. (ഘാനായതനമൂലകം)
൧൩൫. യസ്സ രൂപായതനം നിരുജ്ഝിസ്സതി തസ്സ മനായതനം…പേ… ധമ്മായതനം നിരുജ്ഝിസ്സതീതി? ആമന്താ.
യസ്സ വാ പന ധമ്മായതനം നിരുജ്ഝിസ്സതി തസ്സ രൂപായതനം നിരുജ്ഝിസ്സതീതി?
പച്ഛിമഭവികാനം അരൂപം ഉപപജ്ജന്താനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ധമ്മായതനം നിരുജ്ഝിസ്സതി, നോ ച തേസം രൂപായതനം നിരുജ്ഝിസ്സതി. ഇതരേസം തേസം ധമ്മായതനഞ്ച നിരുജ്ഝിസ്സതി രൂപായതനഞ്ച നിരുജ്ഝിസ്സതി.
൧൩൬. (ക) യസ്സ മനായതനം നിരുജ്ഝിസ്സതി തസ്സ ധമ്മായതനം നിരുജ്ഝിസ്സതീതി? ആമന്താ.
(ഖ) യസ്സ വാ പന ധമ്മായതനം നിരുജ്ഝിസ്സതി തസ്സ മനായതനം നിരുജ്ഝിസ്സതീതി? ആമന്താ.
(ഖ) അനുലോമഓകാസോ
൧൩൭. യത്ഥ ചക്ഖായതനം നിരുജ്ഝിസ്സതി…പേ….
(ഗ) അനുലോമപുഗ്ഗലോകാസാ
൧൩൮. (ക) യസ്സ യത്ഥ ചക്ഖായതനം നിരുജ്ഝിസ്സതി തസ്സ തത്ഥ സോതായതനം നിരുജ്ഝിസ്സതീതി? ആമന്താ.
(ഖ) യസ്സ വാ പന യത്ഥ…പേ…? ആമന്താ.
(ക) യസ്സ യത്ഥ ചക്ഖായതനം നിരുജ്ഝിസ്സതി തസ്സ തത്ഥ ഘാനായതനം നിരുജ്ഝിസ്സതീതി?
രൂപാവചരാനം…പേ… കാമാവചരാനം…പേ….
(ഖ) യസ്സ വാ പന യത്ഥ…പേ…? ആമന്താ.
(ക) യസ്സ യത്ഥ ചക്ഖായതനം നിരുജ്ഝിസ്സതി തസ്സ തത്ഥ രൂപായതനം നിരുജ്ഝിസ്സതീതി? ആമന്താ.
(ഖ) യസ്സ വാ പന യത്ഥ രൂപായതനം നിരുജ്ഝിസ്സതി തസ്സ തത്ഥ ചക്ഖായതനം നിരുജ്ഝിസ്സതീതി?
അസഞ്ഞസത്താനം…പേ… പഞ്ചവോകാരാനം…പേ….
(ക) യസ്സ യത്ഥ ചക്ഖായതനം നിരുജ്ഝിസ്സതി തസ്സ തത്ഥ മനായതനം നിരുജ്ഝിസ്സതീതി? ആമന്താ.
(ഖ) യസ്സ വാ പന യത്ഥ…പേ…?
അരൂപാനം…പേ… പഞ്ചവോകാരാനം…പേ….
(ക) യസ്സ യത്ഥ ചക്ഖായതനം നിരുജ്ഝിസ്സതി തസ്സ തത്ഥ ധമ്മായതനം നിരുജ്ഝിസ്സതീതി? ആമന്താ.
(ഖ) യസ്സ വാ പന യത്ഥ…പേ…?
അസഞ്ഞസത്താനം അരൂപാനം…പേ… പഞ്ചവോകാരാനം…പേ…. (ചക്ഖായതനമൂലകം)
൧൩൯. (ക) യസ്സ യത്ഥ ഘാനായതനം നിരുജ്ഝിസ്സതി തസ്സ തത്ഥ രൂപായതനം നിരുജ്ഝിസ്സതീതി? ആമന്താ.
(ഖ) യസ്സ വാ പന യത്ഥ…പേ…?
രൂപാവചരാനം…പേ… കാമാവചരാനം…പേ….
(ക) യസ്സ യത്ഥ ഘാനായതനം നിരുജ്ഝിസ്സതി തസ്സ തത്ഥ മനായതനം നിരുജ്ഝിസ്സതീതി? ആമന്താ.
(ഖ) യസ്സ വാ പന യത്ഥ…പേ…?
രൂപാവചരാനം അരൂപാവചരാനം…പേ… കാമാവചരാനം…പേ….
(ക) യസ്സ യത്ഥ ഘാനായതനം നിരുജ്ഝിസ്സതി തസ്സ തത്ഥ ധമ്മായതനം നിരുജ്ഝിസ്സതീതി? ആമന്താ.
(ഖ) യസ്സ വാ പന യത്ഥ…പേ…?
രൂപാവചരാനം അരൂപാവചരാനം…പേ… കാമാവചരാനം…പേ…. (ഘാനായതനമൂലകം)
൧൪൦. (ക) യസ്സ യത്ഥ രൂപായതനം നിരുജ്ഝിസ്സതി തസ്സ തത്ഥ മനായതനം നിരുജ്ഝിസ്സതീതി?
അസഞ്ഞസത്താനം…പേ… പഞ്ചവോകാരാനം…പേ….
(ഖ) യസ്സ വാ പന യത്ഥ…പേ…?
അരൂപാനം…പേ… പഞ്ചവോകാരാനം…പേ….
(ക) യസ്സ യത്ഥ രൂപായതനം നിരുജ്ഝിസ്സതി തസ്സ തത്ഥ ധമ്മായതനം നിരുജ്ഝിസ്സതീതി? ആമന്താ.
(ഖ) യസ്സ വാ പന യത്ഥ…പേ…?
അരൂപാനം…പേ… പഞ്ചവോകാരാനം അസഞ്ഞസത്താനം…പേ…. (രൂപായതനമൂലകം)
൧൪൧. (ക) യസ്സ യത്ഥ മനായതനം…പേ…? ആമന്താ.
(ഖ) യസ്സ വാ പന യത്ഥ…പേ…?
അസഞ്ഞസത്താനം…പേ… ചതുവോകാരാനം പഞ്ചവോകാരാനം തേസം തത്ഥ ധമ്മായതനഞ്ച നിരുജ്ഝിസ്സതി മനായതനഞ്ച നിരുജ്ഝിസ്സതി. (യഥാ ഉപ്പാദവാരേ യസ്സ യത്ഥകേ അനാഗതാ പുച്ഛാ വിത്ഥാരിതാ, ഏവം നിരോധേപി വിത്ഥാരേതബ്ബാ).
(ഘ) പച്ചനീകപുഗ്ഗലോ
൧൪൨. (ക) യസ്സ ചക്ഖായതനം ന നിരുജ്ഝിസ്സതി തസ്സ സോതായതനം ന നിരുജ്ഝിസ്സതീതി? ആമന്താ.
(ഖ) യസ്സ വാ പന സോതായതനം ന നിരുജ്ഝിസ്സതി തസ്സ ചക്ഖായതനം ന നിരുജ്ഝിസ്സതീതി? ആമന്താ.
(ക) യസ്സ ചക്ഖായതനം ന നിരുജ്ഝിസ്സതി തസ്സ ഘാനായതനം ന നിരുജ്ഝിസ്സതീതി? ആമന്താ.
(ഖ) യസ്സ വാ പന ഘാനായതനം ന നിരുജ്ഝിസ്സതി തസ്സ ചക്ഖായതനം ന നിരുജ്ഝിസ്സതീതി?
പച്ഛിമഭവികാനം രൂപാവചരം ഉപപജ്ജന്താനം യേ ച രൂപാവചരം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ഘാനായതനം ന നിരുജ്ഝിസ്സതി, നോ ച തേസം ചക്ഖായതനം ന നിരുജ്ഝിസ്സതി. പഞ്ചവോകാരേ പരിനിബ്ബന്താനം അരൂപേ പച്ഛിമഭവികാനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ഘാനായതനഞ്ച ന നിരുജ്ഝിസ്സതി ചക്ഖായതനഞ്ച ന നിരുജ്ഝിസ്സതി.
(ക) യസ്സ ചക്ഖായതനം ന നിരുജ്ഝിസ്സതി തസ്സ രൂപായതനം ന നിരുജ്ഝിസ്സതീതി? ആമന്താ.
(ഖ) യസ്സ വാ പന രൂപായതനം ന നിരുജ്ഝിസ്സതി തസ്സ ചക്ഖായതനം ന നിരുജ്ഝിസ്സതീതി? ആമന്താ.
യസ്സ ചക്ഖായതനം ന നിരുജ്ഝിസ്സതി തസ്സ മനായതനം…പേ… ധമ്മായതനം ന നിരുജ്ഝിസ്സതീതി?
പച്ഛിമഭവികാനം അരൂപം ഉപപജ്ജന്താനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ചക്ഖായതനം ന നിരുജ്ഝിസ്സതി, നോ ച തേസം ധമ്മായതനം ന നിരുജ്ഝിസ്സതി. പരിനിബ്ബന്താനം തേസം ചക്ഖായതനഞ്ച ന നിരുജ്ഝിസ്സതി ധമ്മായതനഞ്ച ന നിരുജ്ഝിസ്സതി.
യസ്സ വാ പന ധമ്മായതനം ന നിരുജ്ഝിസ്സതി തസ്സ ചക്ഖായതനം ന നിരുജ്ഝിസ്സതീതി? ആമന്താ. (ചക്ഖായതനമൂലകം)
൧൪൩. (ക) യസ്സ ഘാനായതനം ന നിരുജ്ഝിസ്സതി തസ്സ രൂപായതനം ന നിരുജ്ഝിസ്സതീതി?
പച്ഛിമഭവികാനം രൂപാവചരം ഉപപജ്ജന്താനം യേ ച രൂപാവചരം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ഘാനായതനം ന നിരുജ്ഝിസ്സതി, നോ ച തേസം രൂപായതനം ന നിരുജ്ഝിസ്സതി. പഞ്ചവോകാരേ പരിനിബ്ബന്താനം അരൂപേ പച്ഛിമഭവികാനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ഘാനായതനഞ്ച ന നിരുജ്ഝിസ്സതി രൂപായതനഞ്ച ന നിരുജ്ഝിസ്സതി.
(ഖ) യസ്സ വാ പന രൂപായതനം ന നിരുജ്ഝിസ്സതി തസ്സ ഘാനായതനം ന നിരുജ്ഝിസ്സതീതി? ആമന്താ.
യസ്സ ഘാനായതനം ന നിരുജ്ഝിസ്സതി തസ്സ മനായതനം…പേ… ധമ്മായതനം ന നിരുജ്ഝിസ്സതീതി?
പച്ഛിമഭവികാനം രൂപാവചരം അരൂപാവചരം ഉപപജ്ജന്താനം യേ ച രൂപാവചരം അരൂപാവചരം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ഘാനായതനം ന നിരുജ്ഝിസ്സതി, നോ ച തേസം ധമ്മായതനം ന നിരുജ്ഝിസ്സതി. പരിനിബ്ബന്താനം തേസം ഘാനായതനഞ്ച ന നിരുജ്ഝിസ്സതി ധമ്മായതനഞ്ച ന നിരുജ്ഝിസ്സതി.
യസ്സ വാ പന ധമ്മായതനം ന നിരുജ്ഝിസ്സതി തസ്സ ഘാനായതനം ന നിരുജ്ഝിസ്സതീതി? ആമന്താ.
൧൪൪. യസ്സ രൂപായതനം ന നിരുജ്ഝിസ്സതി തസ്സ മനായതനം…പേ… ധമ്മായതനം ന നിരുജ്ഝിസ്സതീതി?
പച്ഛിമഭവികാനം അരൂപം ഉപപജ്ജന്താനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം രൂപായതനം ന നിരുജ്ഝിസ്സതി, നോ ച തേസം ധമ്മായതനം ന നിരുജ്ഝിസ്സതി. പരിനിബ്ബന്താനം തേസം രൂപായതനഞ്ച ന നിരുജ്ഝിസ്സതി ധമ്മായതനഞ്ച ന നിരുജ്ഝിസ്സതി.
യസ്സ വാ പന ധമ്മായതനം ന നിരുജ്ഝിസ്സതി തസ്സ രൂപായതനം ന നിരുജ്ഝിസ്സതീതി? ആമന്താ.
൧൪൫. (ക) യസ്സ മനായതനം ന നിരുജ്ഝിസ്സതി തസ്സ ധമ്മായതനം ന നിരുജ്ഝിസ്സതീതി? ആമന്താ.
(ഖ) യസ്സ വാ പന ധമ്മായതനം ന നിരുജ്ഝിസ്സതി തസ്സ മനായതനം ന നിരുജ്ഝിസ്സതീതി? ആമന്താ.
(ങ) പച്ചനീകഓകാസോ
൧൪൬. യത്ഥ ചക്ഖായതനം ന നിരുജ്ഝിസ്സതി…പേ….
(ച) പച്ചനീകപുഗ്ഗലോകാസാ
൧൪൭. (ക) യസ്സ യത്ഥ ചക്ഖായതനം ന നിരുജ്ഝിസ്സതി തസ്സ തത്ഥ സോതായതനം ന നിരുജ്ഝിസ്സതീതി? ആമന്താ.
(ഖ) യസ്സ വാ പന യത്ഥ സോതായതനം ന നിരുജ്ഝിസ്സതി തസ്സ തത്ഥ ചക്ഖായതനം ന നിരുജ്ഝിസ്സതീതി? ആമന്താ.
(ക) യസ്സ യത്ഥ ചക്ഖായതനം ന നിരുജ്ഝിസ്സതി തസ്സ തത്ഥ ഘാനായതനം ന നിരുജ്ഝിസ്സതീതി? ആമന്താ.
(ഖ) യസ്സ വാ പന യത്ഥ ഘാനായതനം ന നിരുജ്ഝിസ്സതി തസ്സ തത്ഥ ചക്ഖായതനം ന നിരുജ്ഝിസ്സതീതി?
രൂപാവചരാനം തേസം തത്ഥ ഘാനായതനം ന നിരുജ്ഝിസ്സതി, നോ ച തേസം തത്ഥ ചക്ഖായതനം ന നിരുജ്ഝിസ്സതി. പഞ്ചവോകാരേ പരിനിബ്ബന്താനം അസഞ്ഞസത്താനം അരൂപാനം തേസം തത്ഥ ഘാനായതനഞ്ച ന നിരുജ്ഝിസ്സതി ചക്ഖായതനഞ്ച ന നിരുജ്ഝിസ്സതി.
(ക) യസ്സ യത്ഥ ചക്ഖായതനം ന നിരുജ്ഝിസ്സതി തസ്സ തത്ഥ രൂപായതനം ന നിരുജ്ഝിസ്സതീതി?
അസഞ്ഞസത്താനം തേസം തത്ഥ ചക്ഖായതനം ന നിരുജ്ഝിസ്സതി, നോ ച തേസം തത്ഥ രൂപായതനം ന നിരുജ്ഝിസ്സതി. പഞ്ചവോകാരേ പരിനിബ്ബന്താനം അരൂപാനം തേസം തത്ഥ ചക്ഖായതനഞ്ച ന നിരുജ്ഝിസ്സതി രൂപായതനഞ്ച ന നിരുജ്ഝിസ്സതി.
(ഖ) യസ്സ വാ പന യത്ഥ രൂപായതനം ന നിരുജ്ഝിസ്സതി തസ്സ തത്ഥ ചക്ഖായതനം ന നിരുജ്ഝിസ്സതീതി? ആമന്താ.
(ക) യസ്സ യത്ഥ ചക്ഖായതനം ന നിരുജ്ഝിസ്സതി തസ്സ തത്ഥ മനായതനം ന നിരുജ്ഝിസ്സതീതി?
അരൂപാനം തേസം തത്ഥ ചക്ഖായതനം ന നിരുജ്ഝിസ്സതി, നോ ച തേസം തത്ഥ മനായതനം ന നിരുജ്ഝിസ്സതി. പരിനിബ്ബന്താനം അസഞ്ഞസത്താനം തേസം തത്ഥ ചക്ഖായതനഞ്ച ന നിരുജ്ഝിസ്സതി മനായതനഞ്ച ന നിരുജ്ഝിസ്സതി.
(ഖ) യസ്സ വാ പന യത്ഥ മനായതനം ന നിരുജ്ഝിസ്സതി തസ്സ തത്ഥ ചക്ഖായതനം ന നിരുജ്ഝിസ്സതീതി? ആമന്താ.
(ക) യസ്സ യത്ഥ ചക്ഖായതനം ന നിരുജ്ഝിസ്സതി തസ്സ തത്ഥ ധമ്മായതനം ന നിരുജ്ഝിസ്സതീതി?
അസഞ്ഞസത്താനം അരൂപാനം തേസം തത്ഥ ചക്ഖായതനം ന നിരുജ്ഝിസ്സതി, നോ ച തേസം തത്ഥ ധമ്മായതനം ന നിരുജ്ഝിസ്സതി. പരിനിബ്ബന്താനം തേസം തത്ഥ ചക്ഖായതനഞ്ച ന നിരുജ്ഝിസ്സതി ധമ്മായതനഞ്ച ന നിരുജ്ഝിസ്സതി.
(ഖ) യസ്സ വാ പന യത്ഥ ധമ്മായതനം ന നിരുജ്ഝിസ്സതി തസ്സ തത്ഥ ചക്ഖായതനം ന നിരുജ്ഝിസ്സതീതി? ആമന്താ. (ചക്ഖായതനമൂലകം)
൧൪൮. (ക) യസ്സ യത്ഥ ഘാനായതനം ന നിരുജ്ഝിസ്സതി തസ്സ തത്ഥ രൂപായതനം ന നിരുജ്ഝിസ്സതീതി?
രൂപാവചരാനം തേസം തത്ഥ ഘാനായതനം ന നിരുജ്ഝിസ്സതി, നോ ച തേസം തത്ഥ രൂപായതനം ന നിരുജ്ഝിസ്സതി. പഞ്ചവോകാരേ പരിനിബ്ബന്താനം അരൂപാനം തേസം തത്ഥ ഘാനായതനഞ്ച ന നിരുജ്ഝിസ്സതി രൂപായതനഞ്ച ന നിരുജ്ഝിസ്സതി.
(ഖ) യസ്സ വാ പന യത്ഥ രൂപായതനം ന നിരുജ്ഝിസ്സതി തസ്സ തത്ഥ ഘാനായതനം ന നിരുജ്ഝിസ്സതീതി? ആമന്താ.
(ക) യസ്സ യത്ഥ ഘാനായതനം ന നിരുജ്ഝിസ്സതി തസ്സ തത്ഥ മനായതനം ന നിരുജ്ഝിസ്സതീതി?
രൂപാവചരാനം അരൂപാവചരാനം തേസം തത്ഥ ഘാനായതനം ന നിരുജ്ഝിസ്സതി, നോ ച തേസം തത്ഥ മനായതനം ന നിരുജ്ഝിസ്സതി, പരിനിബ്ബന്താനം അസഞ്ഞസത്താനം തേസം തത്ഥ ഘാനായതനഞ്ച ന നിരുജ്ഝിസ്സതി മനായതനഞ്ച ന നിരുജ്ഝിസ്സതി.
(ഖ) യസ്സ വാ പന യത്ഥ മനായതനം ന നിരുജ്ഝിസ്സതി തസ്സ തത്ഥ ഘാനായതനം ന നിരുജ്ഝിസ്സതീതി? ആമന്താ.
(ക) യസ്സ യത്ഥ ഘാനായതനം ന നിരുജ്ഝിസ്സതി തസ്സ തത്ഥ ധമ്മായതനം ന നിരുജ്ഝിസ്സതീതി?
രൂപാവചരാനം അരൂപാവചരാനം തേസം തത്ഥ ഘാനായതനം ന നിരുജ്ഝിസ്സതി, നോ ച തേസം തത്ഥ ധമ്മായതനം ന നിരുജ്ഝിസ്സതി. പരിനിബ്ബന്താനം തേസം തത്ഥ ഘാനായതനഞ്ച ന നിരുജ്ഝിസ്സതി ധമ്മായതനഞ്ച ന നിരുജ്ഝിസ്സതി.
(ഖ) യസ്സ വാ പന യത്ഥ ധമ്മായതനം ന നിരുജ്ഝിസ്സതി തസ്സ തത്ഥ ഘാനായതനം ന നിരുജ്ഝിസ്സതീതി?
ആമന്താ. (ഘാനായതനമൂലകം)
൧൪൯. (ക) യസ്സ യത്ഥ രൂപായതനം ന നിരുജ്ഝിസ്സതി തസ്സ തത്ഥ മനായതനം ന നിരുജ്ഝിസ്സതീതി?
അരൂപാനം തേസം തത്ഥ രൂപായതനം ന നിരുജ്ഝിസ്സതി, നോ ച തേസം തത്ഥ മനായതനം ന നിരുജ്ഝിസ്സതി. പരിനിബ്ബന്താനം തേസം തത്ഥ രൂപായതനഞ്ച ന നിരുജ്ഝിസ്സതി മനായതനഞ്ച ന നിരുജ്ഝിസ്സതി.
(ഖ) യസ്സ വാ പന യത്ഥ മനായതനം ന നിരുജ്ഝിസ്സതി തസ്സ തത്ഥ രൂപായതനം ന നിരുജ്ഝിസ്സതീതി?
അസഞ്ഞസത്താനം തേസം തത്ഥ മനായതനം ന നിരുജ്ഝിസ്സതി, നോ ച തേസം തത്ഥ രൂപായതനം ന നിരുജ്ഝിസ്സതി. പരിനിബ്ബന്താനം തേസം തത്ഥ മനായതനഞ്ച ന നിരുജ്ഝിസ്സതി രൂപായതനഞ്ച ന നിരുജ്ഝിസ്സതി.
(ക) യസ്സ യത്ഥ രൂപായതനം ന നിരുജ്ഝിസ്സതി തസ്സ തത്ഥ ധമ്മായതനം ന നിരുജ്ഝിസ്സതീതി?
അരൂപാനം തേസം തത്ഥ രൂപായതനം ന നിരുജ്ഝിസ്സതി, നോ ച തേസം തത്ഥ ധമ്മായതനം ന നിരുജ്ഝിസ്സതി. പരിനിബ്ബന്താനം തേസം തത്ഥ രൂപായതനഞ്ച ന നിരുജ്ഝിസ്സതി ധമ്മായതനഞ്ച ന നിരുജ്ഝിസ്സതി.
(ഖ) യസ്സ വാ പന യത്ഥ ധമ്മായതനം ന നിരുജ്ഝിസ്സതി തസ്സ തത്ഥ രൂപായതനം ന നിരുജ്ഝിസ്സതീതി? ആമന്താ. (രൂപായതനമൂലകം)
൧൫൦. (ക) യസ്സ യത്ഥ മനായതനം ന നിരുജ്ഝിസ്സതി തസ്സ തത്ഥ ധമ്മായതനം ന നിരുജ്ഝിസ്സതീതി?
അസഞ്ഞസത്താനം തേസം തത്ഥ മനായതനം ന നിരുജ്ഝിസ്സതി, നോ ച തേസം തത്ഥ ധമ്മായതനം ന നിരുജ്ഝിസ്സതി. പരിനിബ്ബന്താനം തേസം തത്ഥ മനായതനഞ്ച ന നിരുജ്ഝിസ്സതി ധമ്മായതനഞ്ച ന നിരുജ്ഝിസ്സതി.
(ഖ) യസ്സ വാ പന യത്ഥ ധമ്മായതനം ന നിരുജ്ഝിസ്സതി തസ്സ തത്ഥ മനായതനം ന നിരുജ്ഝിസ്സതീതി? ആമന്താ.