(൧) പച്ചുപ്പന്നവാരോ

(ക) അനുലോമപുഗ്ഗലോ

൧൨൦. (ക) യസ്സ ചക്ഖായതനം നിരുജ്ഝതി തസ്സ സോതായതനം നിരുജ്ഝതീതി?

സചക്ഖുകാനം അസോതകാനം ചവന്താനം തേസം ചക്ഖായതനം നിരുജ്ഝതി, നോ ച തേസം സോതായതനം നിരുജ്ഝതി. സചക്ഖുകാനം സസോതകാനം ചവന്താനം തേസം ചക്ഖായതനഞ്ച നിരുജ്ഝതി സോതായതനഞ്ച നിരുജ്ഝതി.

(ഖ) യസ്സ വാ പന സോതായതനം നിരുജ്ഝതി തസ്സ ചക്ഖായതനം നിരുജ്ഝതീതി?

സസോതകാനം അചക്ഖുകാനം ചവന്താനം തേസം സോതായതനം നിരുജ്ഝതി, നോ ച തേസം ചക്ഖായതനം നിരുജ്ഝതി. സസോതകാനം സചക്ഖുകാനം ചവന്താനം തേസം സോതായതനഞ്ച നിരുജ്ഝതി ചക്ഖായതനഞ്ച നിരുജ്ഝതി.

(ക) യസ്സ ചക്ഖായതനം നിരുജ്ഝതി തസ്സ ഘാനായതനം നിരുജ്ഝതീതി?

സചക്ഖുകാനം അഘാനകാനം ചവന്താനം തേസം ചക്ഖായതനം നിരുജ്ഝതി, നോ ച തേസം ഘാനായതനം നിരുജ്ഝതി. സചക്ഖുകാനം സഘാനകാനം ചവന്താനം തേസം ചക്ഖായതനഞ്ച നിരുജ്ഝതി ഘാനായതനഞ്ച നിരുജ്ഝതി.

(ഖ) യസ്സ വാ പന ഘാനായതനം നിരുജ്ഝതി തസ്സ ചക്ഖായതനം നിരുജ്ഝതീതി?

സഘാനകാനം അചക്ഖുകാനം ചവന്താനം തേസം ഘാനായതനം നിരുജ്ഝതി, നോ ച തേസം ചക്ഖായതനം നിരുജ്ഝതി. സഘാനകാനം സചക്ഖുകാനം ചവന്താനം തേസം ഘാനായതനഞ്ച നിരുജ്ഝതി ചക്ഖായതനഞ്ച നിരുജ്ഝതി.

(ക) യസ്സ ചക്ഖായതനം നിരുജ്ഝതി തസ്സ രൂപായതനം നിരുജ്ഝതീതി? ആമന്താ.

(ഖ) യസ്സ വാ പന രൂപായതനം നിരുജ്ഝതി തസ്സ ചക്ഖായതനം നിരുജ്ഝതീതി?

സരൂപകാനം അചക്ഖുകാനം ചവന്താനം തേസം രൂപായതനം നിരുജ്ഝതി, നോ ച തേസം ചക്ഖായതനം നിരുജ്ഝതി. സചക്ഖുകാനം ചവന്താനം തേസം രൂപായതനഞ്ച നിരുജ്ഝതി ചക്ഖായതനഞ്ച നിരുജ്ഝതി.

(ക) യസ്സ ചക്ഖായതനം നിരുജ്ഝതി തസ്സ മനായതനം നിരുജ്ഝതീതി? ആമന്താ.

(ഖ) യസ്സ വാ പന മനായതനം നിരുജ്ഝതി തസ്സ ചക്ഖായതനം നിരുജ്ഝതീതി?

സചിത്തകാനം അചക്ഖുകാനം ചവന്താനം തേസം മനായതനം നിരുജ്ഝതി, നോ ച തേസം ചക്ഖായതനം നിരുജ്ഝതി. സചക്ഖുകാനം ചവന്താനം തേസം മനായതനഞ്ച നിരുജ്ഝതി ചക്ഖായതനഞ്ച നിരുജ്ഝതി.

(ക) യസ്സ ചക്ഖായതനം നിരുജ്ഝതി തസ്സ ധമ്മായതനം നിരുജ്ഝതീതി? ആമന്താ.

(ഖ) യസ്സ വാ പന ധമ്മായതനം നിരുജ്ഝതി തസ്സ ചക്ഖായതനം നിരുജ്ഝതീതി?

അചക്ഖുകാനം ചവന്താനം തേസം ധമ്മായതനം നിരുജ്ഝതി, നോ ച തേസം ചക്ഖായതനം നിരുജ്ഝതി. സചക്ഖുകാനം ചവന്താനം തേസം ധമ്മായതനഞ്ച നിരുജ്ഝതി ചക്ഖായതനഞ്ച നിരുജ്ഝതി. (ചക്ഖായതനമൂലകം)

൧൨൧. (ക) യസ്സ ഘാനായതനം നിരുജ്ഝതി തസ്സ രൂപായതനം നിരുജ്ഝതീതി? ആമന്താ.

(ഖ) യസ്സ വാ പന രൂപായതനം നിരുജ്ഝതി തസ്സ ഘാനായതനം നിരുജ്ഝതീതി?

സരൂപകാനം അഘാനകാനം ചവന്താനം തേസം രൂപായതനം നിരുജ്ഝതി, നോ ച തേസം ഘാനായതനം നിരുജ്ഝതി. സഘാനകാനം ചവന്താനം തേസം രൂപായതനഞ്ച നിരുജ്ഝതി ഘാനായതനഞ്ച നിരുജ്ഝതി.

(ക) യസ്സ ഘാനായതനം നിരുജ്ഝതി തസ്സ മനായതനം നിരുജ്ഝതീതി? ആമന്താ.

(ഖ) യസ്സ വാ പന മനായതനം നിരുജ്ഝതി തസ്സ ഘാനായതനം നിരുജ്ഝതീതി?

സചിത്തകാനം അഘാനകാനം ചവന്താനം തേസം മനായതനം നിരുജ്ഝതി, നോ ച തേസം ഘാനായതനം നിരുജ്ഝതി. സഘാനകാനം ചവന്താനം തേസം മനായതനഞ്ച നിരുജ്ഝതി ഘാനായതനഞ്ച നിരുജ്ഝതി.

(ക) യസ്സ ഘാനായതനം നിരുജ്ഝതി തസ്സ ധമ്മായതനം നിരുജ്ഝതീതി? ആമന്താ.

(ഖ) യസ്സ വാ പന ധമ്മായതനം നിരുജ്ഝതി തസ്സ ഘാനായതനം നിരുജ്ഝതീതി?

അഘാനകാനം ചവന്താനം തേസം ധമ്മായതനം നിരുജ്ഝതി, നോ ച തേസം ഘാനായതനം നിരുജ്ഝതി. സഘാനകാനം ചവന്താനം തേസം ധമ്മായതനഞ്ച നിരുജ്ഝതി ഘാനായതനഞ്ച നിരുജ്ഝതി. (ഘാനായതനമൂലകം)

൧൨൨. (ക) യസ്സ രൂപായതനം നിരുജ്ഝതി തസ്സ മനായതനം നിരുജ്ഝതീതി?

അചിത്തകാനം ചവന്താനം തേസം രൂപായതനം നിരുജ്ഝതി, നോ ച തേസം മനായതനം നിരുജ്ഝതി. സരൂപകാനം സചിത്തകാനം ചവന്താനം തേസം രൂപായതനഞ്ച നിരുജ്ഝതി മനായതനഞ്ച നിരുജ്ഝതി.

(ഖ) യസ്സ വാ പന മനായതനം നിരുജ്ഝതി തസ്സ രൂപായതനം നിരുജ്ഝതീതി?

അരൂപകാനം ചവന്താനം തേസം മനായതനം നിരുജ്ഝതി, നോ ച തേസം രൂപായതനം നിരുജ്ഝതി. സരൂപകാനം സചിത്തകാനം ചവന്താനം തേസം മനായതനഞ്ച നിരുജ്ഝതി രൂപായതനഞ്ച നിരുജ്ഝതി.

(ക) യസ്സ രൂപായതനം നിരുജ്ഝതി തസ്സ ധമ്മായതനം നിരുജ്ഝതീതി? ആമന്താ.

(ഖ) യസ്സ വാ പന ധമ്മായതനം നിരുജ്ഝതി തസ്സ രൂപായതനം നിരുജ്ഝതീതി?

അരൂപകാനം ചവന്താനം തേസം ധമ്മായതനം നിരുജ്ഝതി, നോ ച തേസം രൂപായതനം നിരുജ്ഝതി. സരൂപകാനം ചവന്താനം തേസം ധമ്മായതനഞ്ച നിരുജ്ഝതി രൂപായതനഞ്ച നിരുജ്ഝതി.

൧൨൩. (ക) യസ്സ മനായതനം നിരുജ്ഝതി തസ്സ ധമ്മായതനം നിരുജ്ഝതീതി? ആമന്താ.

(ഖ) യസ്സ വാ പന ധമ്മായതനം നിരുജ്ഝതി തസ്സ മനായതനം നിരുജ്ഝതീതി?

അചിത്തകാനം ചവന്താനം തേസം ധമ്മായതനം നിരുജ്ഝതി, നോ ച തേസം മനായതനം നിരുജ്ഝതി. സചിത്തകാനം ചവന്താനം തേസം ധമ്മായതനഞ്ച നിരുജ്ഝതി മനായതനഞ്ച നിരുജ്ഝതി.

(ഖ) അനുലോമഓകാസോ

൧൨൪. യത്ഥ ചക്ഖായതനം നിരുജ്ഝതി…പേ… (ഉപ്പാദേപി നിരോധേപി ഉപ്പാദനിരോധേപി യത്ഥകം സബ്ബത്ഥ സദിസം).

(ഗ) അനുലോമപുഗ്ഗലോകാസാ

൧൨൫. യസ്സ യത്ഥ ചക്ഖായതനം നിരുജ്ഝതി തസ്സ തത്ഥ സോതായതനം നിരുജ്ഝതീതി…പേ… ഘാനായതനം… രൂപായതനം… മനായതനം… ധമ്മായതനം നിരുജ്ഝതീതി? (യസ്സ യത്ഥകമ്പി സദിസം വിത്ഥാരേതബ്ബം).

(ഘ) പച്ചനീകപുഗ്ഗലോ

൧൨൬. (ക) യസ്സ ചക്ഖായതനം ന നിരുജ്ഝതി തസ്സ സോതായതനം ന നിരുജ്ഝതീതി?

അചക്ഖുകാനം സസോതകാനം ചവന്താനം തേസം ചക്ഖായതനം ന നിരുജ്ഝതി, നോ ച തേസം സോതായതനം ന നിരുജ്ഝതി. സബ്ബേസം ഉപപജ്ജന്താനം അചക്ഖുകാനം അസോതകാനം ചവന്താനം തേസം ചക്ഖായതനഞ്ച ന നിരുജ്ഝതി സോതായതനഞ്ച ന നിരുജ്ഝതി.

(ഖ) യസ്സ വാ പന സോതായതനം ന നിരുജ്ഝതി തസ്സ ചക്ഖായതനം ന നിരുജ്ഝതീതി?

അസോതകാനം സചക്ഖുകാനം ചവന്താനം തേസം സോതായതനം ന നിരുജ്ഝതി, നോ ച തേസം ചക്ഖായതനം ന നിരുജ്ഝതി. സബ്ബേസം ഉപപജ്ജന്താനം അസോതകാനം അചക്ഖുകാനം ചവന്താനം തേസം സോതായതനഞ്ച ന നിരുജ്ഝതി ചക്ഖായതനഞ്ച ന നിരുജ്ഝതി.

(ക) യസ്സ ചക്ഖായതനം ന നിരുജ്ഝതി തസ്സ ഘാനായതനം ന നിരുജ്ഝതീതി?

അചക്ഖുകാനം സഘാനകാനം ചവന്താനം തേസം ചക്ഖായതനം ന നിരുജ്ഝതി, നോ ച തേസം ഘാനായതനം ന നിരുജ്ഝതി. സബ്ബേസം ഉപപജ്ജന്താനം അചക്ഖുകാനം അഘാനകാനം ചവന്താനം തേസം ചക്ഖായതനഞ്ച ന നിരുജ്ഝതി ഘാനായതനഞ്ച ന നിരുജ്ഝതി.

(ഖ) യസ്സ വാ പന ഘാനായതനം ന നിരുജ്ഝതി തസ്സ ചക്ഖായതനം ന നിരുജ്ഝതീതി?

അഘാനകാനം സചക്ഖുകാനം ചവന്താനം തേസം ഘാനായതനം ന നിരുജ്ഝതി, നോ ച തേസം ചക്ഖായതനം ന നിരുജ്ഝതി. സബ്ബേസം ഉപപജ്ജന്താനം അഘാനകാനം അചക്ഖുകാനം ചവന്താനം തേസം ഘാനായതനഞ്ച ന നിരുജ്ഝതി ചക്ഖായതനഞ്ച ന നിരുജ്ഝതി.

(ക) യസ്സ ചക്ഖായതനം ന നിരുജ്ഝതി തസ്സ രൂപായതനം ന നിരുജ്ഝതീതി?

അചക്ഖുകാനം സരൂപകാനം ചവന്താനം തേസം ചക്ഖായതനം ന നിരുജ്ഝതി, നോ ച തേസം രൂപായതനം ന നിരുജ്ഝതി. സബ്ബേസം ഉപപജ്ജന്താനം അരൂപകാനം ചവന്താനം തേസം ചക്ഖായതനഞ്ച ന നിരുജ്ഝതി രൂപായതനഞ്ച ന നിരുജ്ഝതി.

(ഖ) യസ്സ വാ പന രൂപായതനം ന നിരുജ്ഝതി തസ്സ ചക്ഖായതനം ന നിരുജ്ഝതീതി? ആമന്താ.

(ക) യസ്സ ചക്ഖായതനം ന നിരുജ്ഝതി തസ്സ മനായതനം ന നിരുജ്ഝതീതി?

അചക്ഖുകാനം സചിത്തകാനം ചവന്താനം തേസം ചക്ഖായതനം ന നിരുജ്ഝതി, നോ ച തേസം മനായതനം ന നിരുജ്ഝതി. സബ്ബേസം ഉപപജ്ജന്താനം അചിത്തകാനം ചവന്താനം തേസം ചക്ഖായതനഞ്ച ന നിരുജ്ഝതി മനായതനഞ്ച ന നിരുജ്ഝതി.

(ഖ) യസ്സ വാ പന മനായതനം ന നിരുജ്ഝതി തസ്സ ചക്ഖായതനം ന നിരുജ്ഝതീതി? ആമന്താ.

(ക) യസ്സ ചക്ഖായതനം ന നിരുജ്ഝതി തസ്സ ധമ്മായതനം ന നിരുജ്ഝതീതി?

അചക്ഖുകാനം ചവന്താനം തേസം ചക്ഖായതനം ന നിരുജ്ഝതി, നോ ച തേസം ധമ്മായതനം ന നിരുജ്ഝതി. സബ്ബേസം ഉപപജ്ജന്താനം തേസം ചക്ഖായതനഞ്ച ന നിരുജ്ഝതി ധമ്മായതനഞ്ച ന നിരുജ്ഝതി.

(ഖ) യസ്സ വാ പന ധമ്മായതനം ന നിരുജ്ഝതി തസ്സ ചക്ഖായതനം ന നിരുജ്ഝതീതി? ആമന്താ. (ചക്ഖായതനമൂലകം)

൧൨൭. (ക) യസ്സ ഘാനായതനം ന നിരുജ്ഝതി തസ്സ രൂപായതനം ന നിരുജ്ഝതീതി?

അഘാനകാനം സരൂപകാനം ചവന്താനം തേസം ഘാനായതനം ന നിരുജ്ഝതി, നോ ച തേസം രൂപായതനം ന നിരുജ്ഝതി. സബ്ബേസം ഉപപജ്ജന്താനം അരൂപകാനം ചവന്താനം തേസം ഘാനായതനഞ്ച ന നിരുജ്ഝതി രൂപായതനഞ്ച ന നിരുജ്ഝതി.

(ഖ) യസ്സ വാ പന രൂപായതനം ന നിരുജ്ഝതി തസ്സ ഘാനായതനം ന നിരുജ്ഝതീതി? ആമന്താ.

(ക) യസ്സ ഘാനായതനം ന നിരുജ്ഝതി തസ്സ മനായതനം ന നിരുജ്ഝതീതി?

അഘാനകാനം സചിത്തകാനം ചവന്താനം തേസം ഘാനായതനം ന നിരുജ്ഝതി, നോ ച തേസം മനായതനം ന നിരുജ്ഝതി. സബ്ബേസം ഉപപജ്ജന്താനം അചിത്തകാനം ചവന്താനം തേസം ഘാനായതനഞ്ച ന നിരുജ്ഝതി മനായതനഞ്ച ന നിരുജ്ഝതി.

(ഖ) യസ്സ വാ പന മനായതനം ന നിരുജ്ഝതി തസ്സ ഘാനായതനം ന നിരുജ്ഝതീതി? ആമന്താ.

(ക) യസ്സ ഘാനായതനം ന നിരുജ്ഝതി തസ്സ ധമ്മായതനം ന നിരുജ്ഝതീതി?

അഘാനകാനം ചവന്താനം തേസം ഘാനായതനം ന നിരുജ്ഝതി, നോ ച തേസം ധമ്മായതനം ന നിരുജ്ഝതി. സബ്ബേസം ഉപപജ്ജന്താനം തേസം ഘാനായതനഞ്ച ന നിരുജ്ഝതി ധമ്മായതനഞ്ച ന നിരുജ്ഝതി.

(ഖ) യസ്സ വാ പന ധമ്മായതനം ന നിരുജ്ഝതി തസ്സ ഘാനായതനം ന നിരുജ്ഝതീതി? ആമന്താ. (ഘാനായതനമൂലകം)

൧൨൮. (ക) യസ്സ രൂപായതനം ന നിരുജ്ഝതി തസ്സ മനായതനം ന നിരുജ്ഝതീതി?

അരൂപകാനം ചവന്താനം തേസം രൂപായതനം ന നിരുജ്ഝതി, നോ ച തേസം മനായതനം ന നിരുജ്ഝതി. സബ്ബേസം ഉപപജ്ജന്താനം തേസം രൂപായതനഞ്ച ന നിരുജ്ഝതി മനായതനഞ്ച ന നിരുജ്ഝതി.

(ഖ) യസ്സ വാ പന മനായതനം ന നിരുജ്ഝതി തസ്സ രൂപായതനം ന നിരുജ്ഝതീതി?

അചിത്തകാനം ചവന്താനം തേസം മനായതനം ന നിരുജ്ഝതി, നോ ച തേസം രൂപായതനം ന നിരുജ്ഝതി. സബ്ബേസം ഉപപജ്ജന്താനം തേസം മനായതനഞ്ച ന നിരുജ്ഝതി രൂപായതനഞ്ച ന നിരുജ്ഝതി.

(ക) യസ്സ രൂപായതനം ന നിരുജ്ഝതി തസ്സ ധമ്മായതനം ന നിരുജ്ഝതീതി?

അരൂപകാനം ചവന്താനം തേസം രൂപായതനം ന നിരുജ്ഝതി, നോ ച തേസം ധമ്മായതനം ന നിരുജ്ഝതി. സബ്ബേസം ഉപപജ്ജന്താനം തേസം രൂപായതനഞ്ച ന നിരുജ്ഝതി ധമ്മായതനഞ്ച ന നിരുജ്ഝതി.

(ഖ) യസ്സ വാ പന ധമ്മായതനം ന നിരുജ്ഝതി തസ്സ രൂപായതനം ന നിരുജ്ഝതീതി? ആമന്താ. (രൂപായതനമൂലകം)

൧൨൯. (ക) യസ്സ മനായതനം ന നിരുജ്ഝതി തസ്സ ധമ്മായതനം ന നിരുജ്ഝതീതി?

അചിത്തകാനം ചവന്താനം തേസം മനായതനം ന നിരുജ്ഝതി, നോ ച തേസം ധമ്മായതനം ന നിരുജ്ഝതി. സബ്ബേസം ഉപപജ്ജന്താനം തേസം മനായതനഞ്ച ന നിരുജ്ഝതി ധമ്മായതനഞ്ച ന നിരുജ്ഝതി.

(ഖ) യസ്സ വാ പന ധമ്മായതനം ന നിരുജ്ഝതി തസ്സ മനായതനം ന നിരുജ്ഝതീതി? ആമന്താ.

(ങ) പച്ചനീകഓകാസോ

൧൩൦. യത്ഥ ചക്ഖായതനം ന നിരുജ്ഝതി…പേ….

(ച) പച്ചനീകപുഗ്ഗലോകാസാ

൧൩൧. യസ്സ യത്ഥ ചക്ഖായതനം ന നിരുജ്ഝതി തസ്സ തത്ഥ സോതായതനം ന നിരുജ്ഝതീ തി…പേ… (യസ്സ യത്ഥകമ്പി യസ്സകസദിസം).