(൬) അതീതാനാഗതവാരോ
(ക) അനുലോമപുഗ്ഗലോ
൧൦൪. (ക) യസ്സ ചക്ഖായതനം ഉപ്പജ്ജിത്ഥ തസ്സ സോതായതനം ഉപ്പജ്ജിസ്സതീതി?
പച്ഛിമഭവികാനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചക്ഖായതനം ഉപ്പജ്ജിത്ഥ, നോ ച തേസം സോതായതനം ഉപ്പജ്ജിസ്സതി. ഇതരേസം തേസം ചക്ഖായതനഞ്ച ഉപ്പജ്ജിത്ഥ സോതായതനഞ്ച ഉപ്പജ്ജിസ്സതി.
(ഖ) യസ്സ വാ പന സോതായതനം ഉപ്പജ്ജിസ്സതി തസ്സ ചക്ഖായതനം ഉപ്പജ്ജിത്ഥാതി? ആമന്താ.
(ക) യസ്സ ചക്ഖായതനം ഉപ്പജ്ജിത്ഥ തസ്സ ഘാനായതനം ഉപ്പജ്ജിസ്സതീതി?
പച്ഛിമഭവികാനം യേ ച രൂപാവചരം അരൂപാവചരം ഉപപജ്ജിത്വാ പരിനിബ്ബായിസ്സന്തി തേസം ചക്ഖായതനം ഉപ്പജ്ജിത്ഥ, നോ ച തേസം ഘാനായതനം ഉപ്പജ്ജിസ്സതി. ഇതരേസം തേസം ചക്ഖായതനഞ്ച ഉപ്പജ്ജിത്ഥ ഘാനായതനഞ്ച ഉപ്പജ്ജിസ്സതി.
(ഖ) യസ്സ വാ പന…പേ… ഉപ്പജ്ജിത്ഥാതി? ആമന്താ.
(ക) യസ്സ ചക്ഖായതനം ഉപ്പജ്ജിത്ഥ തസ്സ രൂപായതനം ഉപ്പജ്ജിസ്സതീതി?
പച്ഛിമഭവികാനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചക്ഖായതനം ഉപ്പജ്ജിത്ഥ, നോ ച തേസം രൂപായതനം ഉപ്പജ്ജിസ്സതി. ഇതരേസം തേസം ചക്ഖായതനഞ്ച ഉപ്പജ്ജിത്ഥ രൂപായതനഞ്ച ഉപ്പജ്ജിസ്സതി.
(ഖ) യസ്സ വാ പന…പേ… ഉപ്പജ്ജിത്ഥാതി? ആമന്താ.
യസ്സ ചക്ഖായതനം ഉപ്പജ്ജിത്ഥ തസ്സ മനായതനം…പേ… ധമ്മായതനം ഉപ്പജ്ജിസ്സതീതി?
പച്ഛിമഭവികാനം തേസം ചക്ഖായതനം ഉപ്പജ്ജിത്ഥ, നോ ച തേസം ധമ്മായതനം ഉപ്പജ്ജിസ്സതി. ഇതരേസം തേസം ചക്ഖായതനഞ്ച ഉപ്പജ്ജിത്ഥ ധമ്മായതനഞ്ച ഉപ്പജ്ജിസ്സതി. യസ്സ വാ പന…പേ… ഉപ്പജ്ജിത്ഥാതി? ആമന്താ. (ചക്ഖായതനമൂലകം)
൧൦൫. (ക) യസ്സ ഘാനായതനം ഉപ്പജ്ജിത്ഥ തസ്സ രൂപായതനം ഉപ്പജ്ജിസ്സതീതി?
പച്ഛിമഭവികാനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ഘാനായതനം ഉപ്പജ്ജിത്ഥ, നോ ച തേസം രൂപായതനം ഉപ്പജ്ജിസ്സതി. ഇതരേസം തേസം ഘാനായതനഞ്ച ഉപ്പജ്ജിത്ഥ രൂപായതനഞ്ച ഉപ്പജ്ജിസ്സതി.
(ഖ) യസ്സ വാ പന…പേ… ഉപ്പജ്ജിത്ഥാതി? ആമന്താ.
യസ്സ ഘാനായതനം ഉപ്പജ്ജിത്ഥ തസ്സ മനായതനം…പേ… ധമ്മായതനം ഉപ്പജ്ജിസ്സതീതി?
പച്ഛിമഭവികാനം തേസം ഘാനായതനം ഉപ്പജ്ജിത്ഥ, നോ ച തേസം ധമ്മായതനം ഉപ്പജ്ജിസ്സതി. ഇതരേസം തേസം ഘാനായതനഞ്ച ഉപ്പജ്ജിത്ഥ ധമ്മായതനഞ്ച ഉപ്പജ്ജിസ്സതി.
യസ്സ വാ പന ധമ്മായതനം…പേ… ഉപ്പജ്ജിത്ഥാതി? ആമന്താ.
൧൦൬. യസ്സ രൂപായതനം ഉപ്പജ്ജിത്ഥ തസ്സ മനായതനം…പേ… ധമ്മായതനം ഉപ്പജ്ജിസ്സതീതി?
പച്ഛിമഭവികാനം തേസം രൂപായതനം ഉപ്പജ്ജിത്ഥ, നോ ച തേസം ധമ്മായതനം ഉപ്പജ്ജിസ്സതി. ഇതരേസം തേസം രൂപായതനഞ്ച ഉപ്പജ്ജിത്ഥ ധമ്മായതനഞ്ച ഉപ്പജ്ജിസ്സതി.
യസ്സ വാ പന…പേ… ഉപ്പജ്ജിത്ഥാതി? ആമന്താ.
൧൦൭. (ക) യസ്സ മനായതനം ഉപ്പജ്ജിത്ഥ തസ്സ ധമ്മായതനം ഉപ്പജ്ജിസ്സതീതി?
പച്ഛിമഭവികാനം തേസം മനായതനം ഉപ്പജ്ജിത്ഥ, നോ ച തേസം ധമ്മായതനം ഉപ്പജ്ജിസ്സതി. ഇതരേസം തേസം മനായതനഞ്ച ഉപ്പജ്ജിത്ഥ ധമ്മായതനഞ്ച ഉപ്പജ്ജിസ്സതി.
(ഖ) യസ്സ വാ പന ധമ്മായതനം ഉപ്പജ്ജിസ്സതി തസ്സ മനായതനം ഉപ്പജ്ജിത്ഥാതി? ആമന്താ.
(ഖ) അനുലോമഓകാസോ
൧൦൮. യത്ഥ ചക്ഖായതനം ഉപ്പജ്ജിത്ഥ…പേ….
(ഗ) അനുലോമപുഗ്ഗലോകാസാ
൧൦൯. (ക) യസ്സ യത്ഥ ചക്ഖായതനം ഉപ്പജ്ജിത്ഥ തസ്സ തത്ഥ സോതായതനം ഉപ്പജ്ജിസ്സതീതി?
പഞ്ചവോകാരേ പച്ഛിമഭവികാനം തേസം തത്ഥ ചക്ഖായതനം ഉപ്പജ്ജിത്ഥ, നോ ച തേസം തത്ഥ സോതായതനം ഉപ്പജ്ജിസ്സതി. ഇതരേസം പഞ്ചവോകാരാനം തേസം തത്ഥ ചക്ഖായതനഞ്ച ഉപ്പജ്ജിത്ഥ സോതായതനഞ്ച ഉപ്പജ്ജിസ്സതി.
(ഖ) യസ്സ വാ പന യത്ഥ സോതായതനം ഉപ്പജ്ജിസ്സതി തസ്സ തത്ഥ ചക്ഖായതനം ഉപ്പജ്ജിത്ഥാതി? ആമന്താ.
(ക) യസ്സ യത്ഥ ചക്ഖായതനം ഉപ്പജ്ജിത്ഥ തസ്സ തത്ഥ ഘാനായതനം ഉപ്പജ്ജിസ്സതീതി?
കാമാവചരേ പച്ഛിമഭവികാനം രൂപാവചരാനം തേസം തത്ഥ ചക്ഖായതനം ഉപ്പജ്ജിത്ഥ, നോ ച തേസം തത്ഥ ഘാനായതനം ഉപ്പജ്ജിസ്സതി. ഇതരേസം കാമാവചരാനം തേസം തത്ഥ ചക്ഖായതനഞ്ച ഉപ്പജ്ജിത്ഥ ഘാനായതനഞ്ച ഉപ്പജ്ജിസ്സതി.
(ഖ) യസ്സ വാ പന യത്ഥ…പേ… ഉപ്പജ്ജിത്ഥാതി? ആമന്താ.
(ക) യസ്സ യത്ഥ ചക്ഖായതനം ഉപ്പജ്ജിത്ഥ തസ്സ തത്ഥ രൂപായതനം ഉപ്പജ്ജിസ്സതീതി?
പഞ്ചവോകാരേ പച്ഛിമഭവികാനം തേസം തത്ഥ ചക്ഖായതനം ഉപ്പജ്ജിത്ഥ, നോ ച തേസം തത്ഥ രൂപായതനം ഉപ്പജ്ജിസ്സതി. ഇതരേസം പഞ്ചവോകാരാനം തേസം തത്ഥ ചക്ഖായതനഞ്ച ഉപ്പജ്ജിത്ഥ രൂപായതനഞ്ച ഉപ്പജ്ജിസ്സതി.
(ഖ) യസ്സ വാ പന യത്ഥ രൂപായതനം ഉപ്പജ്ജിസ്സതി തസ്സ തത്ഥ ചക്ഖായതനം ഉപ്പജ്ജിത്ഥാതി?
അസഞ്ഞസത്താനം തേസം തത്ഥ രൂപായതനം ഉപ്പജ്ജിസ്സതി, നോ ച തേസം തത്ഥ ചക്ഖായതനം ഉപ്പജ്ജിത്ഥ. പഞ്ചവോകാരാനം തേസം തത്ഥ രൂപായതനഞ്ച ഉപ്പജ്ജിസ്സതി ചക്ഖായതനഞ്ച ഉപ്പജ്ജിത്ഥ.
(ക) യസ്സ യത്ഥ ചക്ഖായതനം ഉപ്പജ്ജിത്ഥ തസ്സ തത്ഥ മനായതനം ഉപ്പജ്ജിസ്സതീതി?
പഞ്ചവോകാരേ പച്ഛിമഭവികാനം തേസം തത്ഥ ചക്ഖായതനം ഉപ്പജ്ജിത്ഥ, നോ ച തേസം തത്ഥ മനായതനം ഉപ്പജ്ജിസ്സതി. ഇതരേസം പഞ്ചവോകാരാനം തേസം തത്ഥ ചക്ഖായതനഞ്ച ഉപ്പജ്ജിത്ഥ മനായതനഞ്ച ഉപ്പജ്ജിസ്സതി.
(ഖ) യസ്സ വാ പന യത്ഥ മനായതനം ഉപ്പജ്ജിസ്സതി തസ്സ തത്ഥ ചക്ഖായതനം ഉപ്പജ്ജിത്ഥാതി?
അരൂപാനം തേസം തത്ഥ മനായതനം ഉപ്പജ്ജിസ്സതി, നോ ച തേസം തത്ഥ ചക്ഖായതനം ഉപ്പജ്ജിത്ഥ. പഞ്ചവോകാരാനം തേസം തത്ഥ മനായതനഞ്ച ഉപ്പജ്ജിസ്സതി ചക്ഖായതനഞ്ച ഉപ്പജ്ജിത്ഥ.
(ക) യസ്സ യത്ഥ ചക്ഖായതനം ഉപ്പജ്ജിത്ഥ തസ്സ തത്ഥ ധമ്മായതനം ഉപ്പജ്ജിസ്സതീതി?
പഞ്ചവോകാരേ പച്ഛിമഭവികാനം തേസം തത്ഥ ചക്ഖായതനം ഉപ്പജ്ജിത്ഥ, നോ ച തേസം തത്ഥ ധമ്മായതനം ഉപ്പജ്ജിസ്സതി. ഇതരേസം പഞ്ചവോകാരാനം തേസം തത്ഥ ചക്ഖായതനഞ്ച ഉപ്പജ്ജിത്ഥ ധമ്മായതനഞ്ച ഉപ്പജ്ജിസ്സതി.
(ഖ) യസ്സ വാ പന യത്ഥ ധമ്മായതനം ഉപ്പജ്ജിസ്സതി തസ്സ തത്ഥ ചക്ഖായതനം ഉപ്പജ്ജിത്ഥാതി?
അസഞ്ഞസത്താനം അരൂപാനം തേസം തത്ഥ ധമ്മായതനം ഉപ്പജ്ജിസ്സതി, നോ ച തേസം തത്ഥ ചക്ഖായതനം ഉപ്പജ്ജിത്ഥ. പഞ്ചവോകാരാനം തേസം തത്ഥ ധമ്മായതനഞ്ച ഉപ്പജ്ജിസ്സതി ചക്ഖായതനഞ്ച ഉപ്പജ്ജിത്ഥ. (ചക്ഖായതനമൂലകം)
൧൧൦. (ക) യസ്സ യത്ഥ ഘാനായതനം ഉപ്പജ്ജിത്ഥ തസ്സ തത്ഥ രൂപായതനം ഉപ്പജ്ജിസ്സതീതി?
കാമാവചരേ പച്ഛിമഭവികാനം തേസം തത്ഥ ഘാനായതനം ഉപ്പജ്ജിത്ഥ, നോ ച തേസം തത്ഥ രൂപായതനം ഉപ്പജ്ജിസ്സതി. ഇതരേസം കാമാവചരാനം തേസം തത്ഥ ഘാനായതനഞ്ച ഉപ്പജ്ജിത്ഥ രൂപായതനഞ്ച ഉപ്പജ്ജിസ്സതി.
(ഖ) യസ്സ വാ പന യത്ഥ രൂപായതനം ഉപ്പജ്ജിസ്സതി തസ്സ തത്ഥ ഘാനായതനം ഉപ്പജ്ജിത്ഥാതി?
രൂപാവചരാനം തേസം തത്ഥ രൂപായതനം ഉപ്പജ്ജിസ്സതി, നോ ച തേസം തത്ഥ ഘാനായതനം ഉപ്പജ്ജിത്ഥ. കാമാവചരാനം തേസം തത്ഥ രൂപായതനഞ്ച ഉപ്പജ്ജിസ്സതി ഘാനായതനഞ്ച ഉപ്പജ്ജിത്ഥ.
യസ്സ യത്ഥ ഘാനായതനം ഉപ്പജ്ജിത്ഥ തസ്സ തത്ഥ മനായതനം…പേ… ധമ്മായതനം ഉപ്പജ്ജിസ്സതീതി?
കാമാവചരേ പച്ഛിമഭവികാനം തേസം തത്ഥ ഘാനായതനം ഉപ്പജ്ജിത്ഥ, നോ ച തേസം തത്ഥ ധമ്മായതനം ഉപ്പജ്ജിസ്സതി. ഇതരേസം കാമാവചരാനം തേസം തത്ഥ ഘാനായതനഞ്ച ഉപ്പജ്ജിത്ഥ ധമ്മായതനഞ്ച ഉപ്പജ്ജിസ്സതി.
യസ്സ വാ പന യത്ഥ ധമ്മായതനം ഉപ്പജ്ജിസ്സതി തസ്സ തത്ഥ ഘാനായതനം ഉപ്പജ്ജിത്ഥാതി?
രൂപാവചരാനം അരൂപാവചരാനം തേസം തത്ഥ ധമ്മായതനം ഉപ്പജ്ജിസ്സതി, നോ ച തേസം തത്ഥ ഘാനായതനം ഉപ്പജ്ജിത്ഥ. കാമാവചരാനം തേസം തത്ഥ ധമ്മായതനഞ്ച ഉപ്പജ്ജിസ്സതി ഘാനായതനഞ്ച ഉപ്പജ്ജിത്ഥ. (ഘാനായതനമൂലകം)
൧൧൧. (ക) യസ്സ യത്ഥ രൂപായതനം ഉപ്പജ്ജിത്ഥ തസ്സ തത്ഥ മനായതനം ഉപ്പജ്ജിസ്സതീതി?
പഞ്ചവോകാരേ പച്ഛിമഭവികാനം അസഞ്ഞസത്താനം തേസം തത്ഥ രൂപായതനം ഉപ്പജ്ജിത്ഥ, നോ ച തേസം തത്ഥ മനായതനം ഉപ്പജ്ജിസ്സതി. ഇതരേസം പഞ്ചവോകാരാനം തേസം തത്ഥ രൂപായതനഞ്ച ഉപ്പജ്ജിത്ഥ മനായതനഞ്ച ഉപ്പജ്ജിസ്സതി.
(ഖ) യസ്സ വാ പന യത്ഥ മനായതനം ഉപ്പജ്ജിസ്സതി തസ്സ തത്ഥ രൂപായതനം ഉപ്പജ്ജിത്ഥാതി?
അരൂപാനം തേസം തത്ഥ മനായതനം ഉപ്പജ്ജിസ്സതി, നോ ച തേസം തത്ഥ രൂപായതനം ഉപ്പജ്ജിത്ഥ. പഞ്ചവോകാരാനം തേസം തത്ഥ മനായതനഞ്ച ഉപ്പജ്ജിസ്സതി രൂപായതനഞ്ച ഉപ്പജ്ജിത്ഥ.
(ക) യസ്സ യത്ഥ രൂപായതനം ഉപ്പജ്ജിത്ഥ തസ്സ തത്ഥ ധമ്മായതനം ഉപ്പജ്ജിസ്സതീതി?
പഞ്ചവോകാരേ പച്ഛിമഭവികാനം തേസം തത്ഥ രൂപായതനം ഉപ്പജ്ജിത്ഥ, നോ ച തേസം തത്ഥ ധമ്മായതനം ഉപ്പജ്ജിസ്സതി. ഇതരേസം പഞ്ചവോകാരാനം അസഞ്ഞസത്താനം തേസം തത്ഥ രൂപായതനഞ്ച ഉപ്പജ്ജിത്ഥ ധമ്മായതനഞ്ച ഉപ്പജ്ജിസ്സതി.
(ഖ) യസ്സ വാ പന യത്ഥ ധമ്മായതനം ഉപ്പജ്ജിസ്സതി തസ്സ തത്ഥ രൂപായതനം ഉപ്പജ്ജിത്ഥാതി?
അരൂപാനം തേസം തത്ഥ ധമ്മായതനം ഉപ്പജ്ജിസ്സതി, നോ ച തേസം തത്ഥ രൂപായതനം ഉപ്പജ്ജിത്ഥ. പഞ്ചവോകാരാനം അസഞ്ഞസത്താനം തേസം തത്ഥ ധമ്മായതനഞ്ച ഉപ്പജ്ജിസ്സതി രൂപായതനഞ്ച ഉപ്പജ്ജിത്ഥ. (രൂപായതനമൂലകം)
൧൧൨. (ക) യസ്സ യത്ഥ മനായതനം ഉപ്പജ്ജിത്ഥ തസ്സ തത്ഥ ധമ്മായതനം ഉപ്പജ്ജിസ്സതീതി?
പച്ഛിമഭവികാനം തേസം തത്ഥ മനായതനം ഉപ്പജ്ജിത്ഥ, നോ ച തേസം തത്ഥ ധമ്മായതനം ഉപ്പജ്ജിസ്സതി. ഇതരേസം ചതുവോകാരാനം പഞ്ചവോകാരാനം തേസം തത്ഥ മനായതനഞ്ച ഉപ്പജ്ജിത്ഥ ധമ്മായതനഞ്ച ഉപ്പജ്ജിസ്സതി.
(ഖ) യസ്സ വാ പന യത്ഥ ധമ്മായതനം ഉപ്പജ്ജിസ്സതി തസ്സ തത്ഥ മനായതനം ഉപ്പജ്ജിത്ഥാതി?
അസഞ്ഞസത്താനം തേസം തത്ഥ ധമ്മായതനം ഉപ്പജ്ജിസ്സതി, നോ ച തേസം തത്ഥ മനായതനം ഉപ്പജ്ജിത്ഥ. ചതുവോകാരാനം പഞ്ചവോകാരാനം തേസം തത്ഥ ധമ്മായതനഞ്ച ഉപ്പജ്ജിസ്സതി മനായതനഞ്ച ഉപ്പജ്ജിത്ഥ. (മനായതനമൂലകം)
(ഘ) പച്ചനീകപുഗ്ഗലോ
൧൧൩. (ക) യസ്സ ചക്ഖായതനം നുപ്പജ്ജിത്ഥ തസ്സ സോതായതനം നുപ്പജ്ജിസ്സതീതി? നത്ഥി.
(ഖ) യസ്സ വാ പന സോതായതനം നുപ്പജ്ജിസ്സതി തസ്സ ചക്ഖായതനം നുപ്പജ്ജിത്ഥാതി? ഉപ്പജ്ജിത്ഥ.
യസ്സ ചക്ഖായതനം നുപ്പജ്ജിത്ഥ തസ്സ ഘാനായതനം…പേ… രൂപായതനം… മനായതനം… ധമ്മായതനം നുപ്പജ്ജിസ്സതീതി? നത്ഥി.
യസ്സ വാ പന ധമ്മായതനം നുപ്പജ്ജിസ്സതി തസ്സ ചക്ഖായതനം നുപ്പജ്ജിത്ഥാതി? ഉപ്പജ്ജിത്ഥ.
൧൧൪. യസ്സ ഘാനായതനം…പേ… രൂപായതനം… മനായതനം നുപ്പജ്ജിത്ഥ തസ്സ ധമ്മായതനം നുപ്പജ്ജിസ്സതീതി? നത്ഥി. യസ്സ വാ പന ധമ്മായതനം നുപ്പജ്ജിസ്സതി തസ്സ മനായതനം നുപ്പജ്ജിത്ഥാതി? ഉപ്പജ്ജിത്ഥ.
(ങ) പച്ചനീകഓകാസോ
൧൧൫. യത്ഥ ചക്ഖായതനം നുപ്പജ്ജിത്ഥ…പേ….
(ച) പച്ചനീകപുഗ്ഗലോകാസാ
൧൧൬. (ക) യസ്സ യത്ഥ ചക്ഖായതനം നുപ്പജ്ജിത്ഥ തസ്സ തത്ഥ സോതായതനം നുപ്പജ്ജിസ്സതീതി? ആമന്താ.
(ഖ) യസ്സ വാ പന യത്ഥ സോതായതനം നുപ്പജ്ജിസ്സതി തസ്സ തത്ഥ ചക്ഖായതനം നുപ്പജ്ജിത്ഥാതി?
പഞ്ചവോകാരേ പച്ഛിമഭവികാനം തേസം തത്ഥ സോതായതനം നുപ്പജ്ജിസ്സതി, നോ ച തേസം തത്ഥ ചക്ഖായതനം നുപ്പജ്ജിത്ഥ. സുദ്ധാവാസാനം അസഞ്ഞസത്താനം അരൂപാനം തേസം തത്ഥ സോതായതനഞ്ച നുപ്പജ്ജിസ്സതി ചക്ഖായതനഞ്ച നുപ്പജ്ജിത്ഥ.
(ക) യസ്സ യത്ഥ ചക്ഖായതനം നുപ്പജ്ജിത്ഥ തസ്സ തത്ഥ ഘാനായതനം നുപ്പജ്ജിസ്സതീതി? ആമന്താ.
(ഖ) യസ്സ വാ പന യത്ഥ ഘാനായതനം നുപ്പജ്ജിസ്സതി തസ്സ തത്ഥ ചക്ഖായതനം നുപ്പജ്ജിത്ഥാതി?
കാമാവചരേ പച്ഛിമഭവികാനം രൂപാവചരാനം തേസം തത്ഥ ഘാനായതനം നുപ്പജ്ജിസ്സതി, നോ ച തേസം തത്ഥ ചക്ഖായതനം നുപ്പജ്ജിത്ഥ. സുദ്ധാവാസാനം അസഞ്ഞസത്താനം അരൂപാനം തേസം തത്ഥ ഘാനായതനഞ്ച നുപ്പജ്ജിസ്സതി ചക്ഖായതനഞ്ച നുപ്പജ്ജിത്ഥ.
(ക) യസ്സ യത്ഥ ചക്ഖായതനം നുപ്പജ്ജിത്ഥ തസ്സ തത്ഥ രൂപായതനം നുപ്പജ്ജിസ്സതീതി?
അസഞ്ഞസത്താനം തേസം തത്ഥ ചക്ഖായതനം നുപ്പജ്ജിത്ഥ, നോ ച തേസം തത്ഥ രൂപായതനം നുപ്പജ്ജിസ്സതി. സുദ്ധാവാസാനം അരൂപാനം തേസം തത്ഥ ചക്ഖായതനഞ്ച നുപ്പജ്ജിത്ഥ രൂപായതനഞ്ച നുപ്പജ്ജിസ്സതി.
(ഖ) യസ്സ വാ പന യത്ഥ രൂപായതനം നുപ്പജ്ജിസ്സതി തസ്സ തത്ഥ ചക്ഖായതനം നുപ്പജ്ജിത്ഥാതി?
പഞ്ചവോകാരേ പച്ഛിമഭവികാനം തേസം തത്ഥ രൂപായതനം നുപ്പജ്ജിസ്സതി, നോ ച തേസം തത്ഥ ചക്ഖായതനം നുപ്പജ്ജിത്ഥ. സുദ്ധാവാസാനം അരൂപാനം തേസം തത്ഥ രൂപായതനഞ്ച നുപ്പജ്ജിസ്സതി ചക്ഖായതനഞ്ച നുപ്പജ്ജിത്ഥ.
(ക) യസ്സ യത്ഥ ചക്ഖായതനം നുപ്പജ്ജിത്ഥ തസ്സ തത്ഥ മനായതനം നുപ്പജ്ജിസ്സതീതി?
അരൂപാനം തേസം തത്ഥ ചക്ഖായതനം നുപ്പജ്ജിത്ഥ, നോ ച തേസം തത്ഥ മനായതനം നുപ്പജ്ജിസ്സതി. സുദ്ധാവാസാനം അരൂപേ പച്ഛിമഭവികാനം അസഞ്ഞസത്താനം തേസം തത്ഥ ചക്ഖായതനഞ്ച നുപ്പജ്ജിത്ഥ മനായതനഞ്ച നുപ്പജ്ജിസ്സതി.
(ഖ) യസ്സ വാ പന യത്ഥ മനായതനം നുപ്പജ്ജിസ്സതി തസ്സ തത്ഥ ചക്ഖായതനം നുപ്പജ്ജിത്ഥാതി?
പഞ്ചവോകാരേ പച്ഛിമഭവികാനം തേസം തത്ഥ മനായതനം നുപ്പജ്ജിസ്സതി, നോ ച തേസം തത്ഥ ചക്ഖായതനം നുപ്പജ്ജിത്ഥ. സുദ്ധാവാസാനം അരൂപേ പച്ഛിമഭവികാനം അസഞ്ഞസത്താനം തേസം തത്ഥ മനായതനഞ്ച നുപ്പജ്ജിസ്സതി ചക്ഖായതനഞ്ച നുപ്പജ്ജിത്ഥ.
(ക) യസ്സ യത്ഥ ചക്ഖായതനം നുപ്പജ്ജിത്ഥ തസ്സ തത്ഥ ധമ്മായതനം നുപ്പജ്ജിസ്സതീതി?
അസഞ്ഞസത്താനം അരൂപാനം തേസം തത്ഥ ചക്ഖായതനം നുപ്പജ്ജിത്ഥ, നോ ച തേസം തത്ഥ ധമ്മായതനം നുപ്പജ്ജിസ്സതി. സുദ്ധാവാസാനം അരൂപേ പച്ഛിമഭവികാനം തേസം തത്ഥ ചക്ഖായതനഞ്ച നുപ്പജ്ജിത്ഥ ധമ്മായതനം നുപ്പജ്ജിസ്സതി.
(ഖ) യസ്സ വാ പന യത്ഥ ധമ്മായതനം നുപ്പജ്ജിസ്സതി തസ്സ തത്ഥ ചക്ഖായതനം നുപ്പജ്ജിത്ഥാതി?
പഞ്ചവോകാരേ പച്ഛിമഭവികാനം തേസം തത്ഥ ധമ്മായതനം നുപ്പജ്ജിസ്സതി, നോ ച തേസം തത്ഥ ചക്ഖായതനം നുപ്പജ്ജിത്ഥ. സുദ്ധാവാസാനം അരൂപേ പച്ഛിമഭവികാനം തേസം തത്ഥ ധമ്മായതനഞ്ച നുപ്പജ്ജിസ്സതി ചക്ഖായതനഞ്ച നുപ്പജ്ജിത്ഥ. (ചക്ഖായതനമൂലകം)
൧൧൭. (ക) യസ്സ യത്ഥ ഘാനായതനം നുപ്പജ്ജിത്ഥ തസ്സ തത്ഥ രൂപായതനം നുപ്പജ്ജിസ്സതീതി?
രൂപാവചരാനം തേസം തത്ഥ ഘാനായതനം നുപ്പജ്ജിത്ഥ, നോ ച തേസം തത്ഥ രൂപായതനം നുപ്പജ്ജിസ്സതി. രൂപാവചരേ പച്ഛിമഭവികാനം അരൂപാനം തേസം തത്ഥ ഘാനായതനഞ്ച നുപ്പജ്ജിത്ഥ രൂപായതനഞ്ച നുപ്പജ്ജിസ്സതി.
(ഖ) യസ്സ വാ പന യത്ഥ രൂപായതനം നുപ്പജ്ജിസ്സതി തസ്സ തത്ഥ ഘാനായതനം നുപ്പജ്ജിത്ഥാതി?
കാമാവചരേ പച്ഛിമഭവികാനം തേസം തത്ഥ രൂപായതനം നുപ്പജ്ജിസ്സതി, നോ ച തേസം തത്ഥ ഘാനായതനം നുപ്പജ്ജിത്ഥ. രൂപാവചരേ പച്ഛിമഭവികാനം അരൂപാനം തേസം തത്ഥ രൂപായതനഞ്ച നുപ്പജ്ജിസ്സതി ഘാനായതനഞ്ച നുപ്പജ്ജിത്ഥ.
(ക) യസ്സ യത്ഥ ഘാനായതനം നുപ്പജ്ജിത്ഥ തസ്സ തത്ഥ മനായതനം നുപ്പജ്ജിസ്സതീതി?
രൂപാവചരാനം അരൂപാവചരാനം തേസം തത്ഥ ഘാനായതനം നുപ്പജ്ജിത്ഥ, നോ ച തേസം തത്ഥ മനായതനം നുപ്പജ്ജിസ്സതി. രൂപാവചരേ അരൂപാവചരേ പച്ഛിമഭവികാനം അസഞ്ഞസത്താനം തേസം തത്ഥ ഘാനായതനഞ്ച നുപ്പജ്ജിത്ഥ മനായതനഞ്ച നുപ്പജ്ജിസ്സതി.
(ഖ) യസ്സ വാ പന യത്ഥ മനായതനം നുപ്പജ്ജിസ്സതി തസ്സ തത്ഥ ഘാനായതനം നുപ്പജ്ജിത്ഥാതി?
കാമാവചരേ പച്ഛിമഭവികാനം തേസം തത്ഥ മനായതനം നുപ്പജ്ജിസ്സതി, നോ ച തേസം തത്ഥ ഘാനായതനം നുപ്പജ്ജിത്ഥ. രൂപാവചരേ അരൂപാവചരേ പച്ഛിമഭവികാനം അസഞ്ഞസത്താനം തേസം തത്ഥ മനായതനഞ്ച നുപ്പജ്ജിസ്സതി ഘാനായതനഞ്ച നുപ്പജ്ജിത്ഥ.
(ക) യസ്സ യത്ഥ ഘാനായതനം നുപ്പജ്ജിത്ഥ തസ്സ തത്ഥ ധമ്മായതനം നുപ്പജ്ജിസ്സതീതി?
രൂപാവചരാനം അരൂപാവചരാനം തേസം തത്ഥ ഘാനായതനം നുപ്പജ്ജിത്ഥ, നോ ച തേസം തത്ഥ ധമ്മായതനം നുപ്പജ്ജിസ്സതി. രൂപാവചരേ അരൂപാവചരേ പച്ഛിമഭവികാനം തേസം തത്ഥ ഘാനായതനഞ്ച നുപ്പജ്ജിത്ഥ ധമ്മായതനഞ്ച നുപ്പജ്ജിസ്സതി.
(ഖ) യസ്സ വാ പന യത്ഥ ധമ്മായതനം നുപ്പജ്ജിസ്സതി തസ്സ തത്ഥ ഘാനായതനം നുപ്പജ്ജിത്ഥാതി?
കാമാവചരേ പച്ഛിമഭവികാനം തേസം തത്ഥ ധമ്മായതനം നുപ്പജ്ജിസ്സതി, നോ ച തേസം തത്ഥ ഘാനായതനം നുപ്പജ്ജിത്ഥ. രൂപാവചരേ അരൂപാവചരേ പച്ഛിമഭവികാനം തേസം തത്ഥ ധമ്മായതനഞ്ച നുപ്പജ്ജിസ്സതി ഘാനായതനഞ്ച നുപ്പജ്ജിത്ഥ. (ഘാനായതനമൂലകം)
൧൧൮. (ക) യസ്സ യത്ഥ രൂപായതനം നുപ്പജ്ജിത്ഥ തസ്സ തത്ഥ മനായതനം നുപ്പജ്ജിസ്സതീതി?
അരൂപാനം തേസം തത്ഥ രൂപായതനം നുപ്പജ്ജിത്ഥ, നോ ച തേസം തത്ഥ മനായതനം നുപ്പജ്ജിസ്സതി. സുദ്ധാവാസാനം അരൂപേ പച്ഛിമഭവികാനം തേസം തത്ഥ രൂപായതനഞ്ച നുപ്പജ്ജിത്ഥ മനായതനഞ്ച നുപ്പജ്ജിസ്സതി.
(ഖ) യസ്സ വാ പന യത്ഥ മനായതനം നുപ്പജ്ജിസ്സതി തസ്സ തത്ഥ രൂപായതനം നുപ്പജ്ജിത്ഥാതി?
പഞ്ചവോകാരേ പച്ഛിമഭവികാനം അസഞ്ഞസത്താനം തേസം തത്ഥ മനായതനം നുപ്പജ്ജിസ്സതി, നോ ച തേസം തത്ഥ രൂപായതനം നുപ്പജ്ജിത്ഥ. സുദ്ധാവാസാനം അരൂപേ പച്ഛിമഭവികാനം തേസം തത്ഥ മനായതനഞ്ച നുപ്പജ്ജിസ്സതി രൂപായതനഞ്ച നുപ്പജ്ജിത്ഥ.
(ക) യസ്സ =൯൩ യത്ഥ രൂപായതനം നുപ്പജ്ജിത്ഥ തസ്സ തത്ഥ ധമ്മായതനം നുപ്പജ്ജിസ്സതീതി?
അരൂപാനം തേസം തത്ഥ രൂപായതനം നുപ്പജ്ജിത്ഥ, നോ ച തേസം തത്ഥ ധമ്മായതനം നുപ്പജ്ജിസ്സതി. സുദ്ധാവാസാനം അരൂപേ പച്ഛിമഭവികാനം തേസം തത്ഥ രൂപായതനഞ്ച നുപ്പജ്ജിത്ഥ ധമ്മായതനഞ്ച നുപ്പജ്ജിസ്സതി.
(ഖ) യസ്സ വാ പന യത്ഥ ധമ്മായതനം നുപ്പജ്ജിസ്സതി തസ്സ തത്ഥ രൂപായതനം നുപ്പജ്ജിത്ഥാതി?
പഞ്ചവോകാരേ പച്ഛിമഭവികാനം തേസം തത്ഥ ധമ്മായതനം നുപ്പജ്ജിസ്സതി, നോ ച തേസം തത്ഥ രൂപായതനം നുപ്പജ്ജിത്ഥ. സുദ്ധാവാസാനം അരൂപേ പച്ഛിമഭവികാനം തേസം തത്ഥ ധമ്മായതനഞ്ച നുപ്പജ്ജിസ്സതി രൂപായതനഞ്ച നുപ്പജ്ജിത്ഥ. (രൂപായതനമൂലകം)
൧൧൯. (ക) യസ്സ യത്ഥ മനായതനം നുപ്പജ്ജിത്ഥ തസ്സ തത്ഥ ധമ്മായതനം നുപ്പജ്ജിസ്സതീതി?
അസഞ്ഞസത്താനം തേസം തത്ഥ മനായതനം നുപ്പജ്ജിത്ഥ, നോ ച തേസം തത്ഥ ധമ്മായതനം നുപ്പജ്ജിസ്സതി. സുദ്ധാവാസാനം തേസം തത്ഥ മനായതനഞ്ച നുപ്പജ്ജിത്ഥ ധമ്മായതനഞ്ച നുപ്പജ്ജിസ്സതി.
(ഖ) യസ്സ വാ പന യത്ഥ ധമ്മായതനം നുപ്പജ്ജിസ്സതി തസ്സ തത്ഥ മനായതനം നുപ്പജ്ജിത്ഥാതി?
പച്ഛിമഭവികാനം തേസം തത്ഥ ധമ്മായതനം നുപ്പജ്ജിസ്സതി, നോ ച തേസം തത്ഥ മനായതനം നുപ്പജ്ജിത്ഥ. സുദ്ധാവാസാനം തേസം തത്ഥ ധമ്മായതനഞ്ച നുപ്പജ്ജിസ്സതി മനായതനഞ്ച നുപ്പജ്ജിത്ഥ.
ഉപ്പാദവാരോ.