(൪) പച്ചുപ്പന്നാതീതവാരോ

(ക) അനുലോമപുഗ്ഗലോ

൭൦. (ക) യസ്സ ചക്ഖായതനം ഉപ്പജ്ജതി തസ്സ സോതായതനം ഉപ്പജ്ജിത്ഥാതി? ആമന്താ.

(ഖ) യസ്സ വാ പന സോതായതനം ഉപ്പജ്ജിത്ഥ തസ്സ ചക്ഖായതനം ഉപ്പജ്ജതീതി?

സബ്ബേസം ചവന്താനം അചക്ഖുകാനം ഉപപജ്ജന്താനം തേസം സോതായതനം ഉപ്പജ്ജിത്ഥ, നോ ച തേസം ചക്ഖായതനം ഉപ്പജ്ജതി. സചക്ഖുകാനം ഉപപജ്ജന്താനം തേസം സോതായതനഞ്ച ഉപ്പജ്ജിത്ഥ ചക്ഖായതനഞ്ച ഉപ്പജ്ജതി.

യസ്സ ചക്ഖായതനം ഉപ്പജ്ജതി തസ്സ ഘാനായതനം…പേ… രൂപായതനം… മനായതനം… ധമ്മായതനം ഉപ്പജ്ജിത്ഥാതി? ആമന്താ.

യസ്സ വാ പന ധമ്മായതനം ഉപ്പജ്ജിത്ഥ തസ്സ ചക്ഖായതനം ഉപ്പജ്ജതീതി?

സബ്ബേസം ചവന്താനം അചക്ഖുകാനം ഉപപജ്ജന്താനം തേസം ധമ്മായതനം ഉപ്പജ്ജിത്ഥ, നോ ച തേസം ചക്ഖായതനം ഉപ്പജ്ജതി. സചക്ഖുകാനം ഉപപജ്ജന്താനം തേസം ധമ്മായതനഞ്ച ഉപ്പജ്ജിത്ഥ ചക്ഖായതനഞ്ച ഉപ്പജ്ജതി. (ചക്ഖായതനമൂലകം)

൭൧. യസ്സ ഘാനായതനം ഉപ്പജ്ജതി തസ്സ രൂപായതനം…പേ… മനായതനം… ധമ്മായതനം ഉപ്പജ്ജിത്ഥാതി? ആമന്താ.

യസ്സ വാ പന ധമ്മായതനം ഉപ്പജ്ജിത്ഥ തസ്സ ഘാനായതനം ഉപ്പജ്ജതീതി?

സബ്ബേസം ചവന്താനം അഘാനകാനം ഉപപജ്ജന്താനം തേസം ധമ്മായതനം ഉപ്പജ്ജിത്ഥ, നോ ച തേസം ഘാനായതനം ഉപ്പജ്ജതി. സഘാനകാനം ഉപപജ്ജന്താനം തേസം ധമ്മായതനഞ്ച ഉപ്പജ്ജിത്ഥ ഘാനായതനഞ്ച ഉപ്പജ്ജതി. (ഘാനായതനമൂലകം)

൭൨. യസ്സ രൂപായതനം ഉപ്പജ്ജതി തസ്സ മനായതനം…പേ… ധമ്മായതനം ഉപ്പജ്ജിത്ഥാതി? ആമന്താ.

യസ്സ വാ പന ധമ്മായതനം ഉപ്പജ്ജിത്ഥ തസ്സ രൂപായതനം ഉപ്പജ്ജതീതി?

സബ്ബേസം ചവന്താനം അരൂപകാനം ഉപപജ്ജന്താനം തേസം ധമ്മായതനം ഉപ്പജ്ജിത്ഥ, നോ ച തേസം രൂപായതനം ഉപ്പജ്ജതി. സരൂപകാനം ഉപപജ്ജന്താനം തേസം ധമ്മായതനഞ്ച ഉപ്പജ്ജിത്ഥ രൂപായതനഞ്ച ഉപ്പജ്ജതി. (രൂപായതനമൂലകം)

൭൩. (ക) യസ്സ മനായതനം ഉപ്പജ്ജതി തസ്സ ധമ്മായതനം ഉപ്പജ്ജിത്ഥാതി? ആമന്താ.

(ഖ) യസ്സ വാ പന ധമ്മായതനം ഉപ്പജ്ജിത്ഥ തസ്സ മനായതനം ഉപ്പജ്ജതീതി?

സബ്ബേസം ചവന്താനം അചിത്തകാനം ഉപപജ്ജന്താനം തേസം ധമ്മായതനം ഉപ്പജ്ജിത്ഥ, നോ ച തേസം മനായതനം ഉപ്പജ്ജതി. സചിത്തകാനം ഉപപജ്ജന്താനം തേസം ധമ്മായതനഞ്ച ഉപ്പജ്ജിത്ഥ മനായതനഞ്ച ഉപ്പജ്ജതി. (മനായതനമൂലകം)

(ഖ) അനുലോമഓകാസോ

൭൪. യത്ഥ ചക്ഖായതനം ഉപ്പജ്ജതി തത്ഥ സോതായതനം ഉപ്പജ്ജിത്ഥാതി? ആമന്താ.…പേ….

(ഗ) അനുലോമപുഗ്ഗലോകാസാ

൭൫. (ക) യസ്സ യത്ഥ ചക്ഖായതനം ഉപ്പജ്ജതി തസ്സ തത്ഥ സോതായതനം ഉപ്പജ്ജിത്ഥാതി?

സുദ്ധാവാസം ഉപപജ്ജന്താനം തേസം തത്ഥ ചക്ഖായതനം ഉപ്പജ്ജതി, നോ ച തേസം തത്ഥ സോതായതനം ഉപ്പജ്ജിത്ഥ. ഇതരേസം സചക്ഖുകാനം ഉപപജ്ജന്താനം തേസം തത്ഥ ചക്ഖായതനഞ്ച ഉപ്പജ്ജതി സോതായതനഞ്ച ഉപ്പജ്ജിത്ഥ.

(ഖ) യസ്സ വാ പന യത്ഥ സോതായതനം ഉപ്പജ്ജിത്ഥ തസ്സ തത്ഥ ചക്ഖായതനം ഉപ്പജ്ജതീതി?

പഞ്ചവോകാരാ ചവന്താനം അചക്ഖുകാനം കാമാവചരം ഉപപജ്ജന്താനം തേസം തത്ഥ സോതായതനം ഉപ്പജ്ജിത്ഥ, നോ ച തേസം തത്ഥ ചക്ഖായതനം ഉപ്പജ്ജതി. സചക്ഖുകാനം ഉപപജ്ജന്താനം തേസം തത്ഥ സോതായതനഞ്ച ഉപ്പജ്ജിത്ഥ ചക്ഖായതനഞ്ച ഉപ്പജ്ജതി.

(ക) യസ്സ യത്ഥ ചക്ഖായതനം ഉപ്പജ്ജതി തസ്സ തത്ഥ ഘാനായതനം ഉപ്പജ്ജിത്ഥാതി?

രൂപാവചരം ഉപപജ്ജന്താനം തേസം തത്ഥ ചക്ഖായതനം ഉപ്പജ്ജതി, നോ ച തേസം തത്ഥ ഘാനായതനം ഉപ്പജ്ജിത്ഥ. സചക്ഖുകാനം കാമാവചരം ഉപപജ്ജന്താനം തേസം തത്ഥ ചക്ഖായതനഞ്ച ഉപ്പജ്ജതി ഘാനായതനഞ്ച ഉപ്പജ്ജിത്ഥ.

(ഖ) യസ്സ വാ പന യത്ഥ ഘാനായതനം ഉപ്പജ്ജിത്ഥ തസ്സ തത്ഥ ചക്ഖായതനം ഉപ്പജ്ജതീതി?

കാമാവചരാ ചവന്താനം അചക്ഖുകാനം കാമാവചരം ഉപപജ്ജന്താനം തേസം തത്ഥ ഘാനായതനം ഉപ്പജ്ജിത്ഥ, നോ ച തേസം തത്ഥ ചക്ഖായതനം ഉപ്പജ്ജതി. സചക്ഖുകാനം കാമാവചരം ഉപപജ്ജന്താനം തേസം തത്ഥ ഘാനായതനഞ്ച ഉപ്പജ്ജിത്ഥ ചക്ഖായതനഞ്ച ഉപ്പജ്ജതി.

(ക) യസ്സ യത്ഥ ചക്ഖായതനം ഉപ്പജ്ജതി തസ്സ തത്ഥ രൂപായതനം ഉപ്പജ്ജിത്ഥാതി?

സുദ്ധാവാസം ഉപപജ്ജന്താനം തേസം തത്ഥ ചക്ഖായതനം ഉപ്പജ്ജതി, നോ ച തേസം തത്ഥ രൂപായതനം ഉപ്പജ്ജിത്ഥ. ഇതരേസം സചക്ഖുകാനം ഉപപജ്ജന്താനം തേസം തത്ഥ ചക്ഖായതനഞ്ച ഉപ്പജ്ജതി രൂപായതനഞ്ച ഉപ്പജ്ജിത്ഥ.

(ഖ) യസ്സ വാ പന യത്ഥ രൂപായതനം ഉപ്പജ്ജിത്ഥ തസ്സ തത്ഥ ചക്ഖായതനം ഉപ്പജ്ജതീതി?

പഞ്ചവോകാരാ ചവന്താനം അചക്ഖുകാനം കാമാവചരം ഉപപജ്ജന്താനം അസഞ്ഞസത്താനം തേസം തത്ഥ രൂപായതനം ഉപ്പജ്ജിത്ഥ, നോ ച തേസം തത്ഥ ചക്ഖായതനം ഉപ്പജ്ജതി. സചക്ഖുകാനം ഉപപജ്ജന്താനം തേസം തത്ഥ രൂപായതനഞ്ച ച ഉപ്പജ്ജിത്ഥ ചക്ഖായതനഞ്ച ഉപ്പജ്ജതി.

(ക) യസ്സ യത്ഥ ചക്ഖായതനം ഉപ്പജ്ജതി തസ്സ തത്ഥ മനായതനം ഉപ്പജ്ജിത്ഥാതി?

സുദ്ധാവാസം ഉപപജ്ജന്താനം തേസം തത്ഥ ചക്ഖായതനം ഉപ്പജ്ജതി, നോ ച തേസം തത്ഥ മനായതനം ഉപ്പജ്ജിത്ഥ. ഇതരേസം സചക്ഖുകാനം ഉപപജ്ജന്താനം തേസം തത്ഥ ചക്ഖായതനഞ്ച ഉപ്പജ്ജതി മനായതനഞ്ച ഉപ്പജ്ജിത്ഥ.

(ഖ) യസ്സ വാ പന യത്ഥ മനായതനം ഉപ്പജ്ജിത്ഥ തസ്സ തത്ഥ ചക്ഖായതനം ഉപ്പജ്ജതീതി?

പഞ്ചവോകാരാ ചവന്താനം അചക്ഖുകാനം കാമാവചരം ഉപപജ്ജന്താനം അരൂപാനം തേസം തത്ഥ മനായതനം ഉപ്പജ്ജിത്ഥ, നോ ച തേസം തത്ഥ ചക്ഖായതനം ഉപ്പജ്ജതി. സചക്ഖുകാനം ഉപപജ്ജന്താനം തേസം തത്ഥ മനായതനഞ്ച ഉപ്പജ്ജിത്ഥ ചക്ഖായതനഞ്ച ഉപ്പജ്ജതി.

(ക) യസ്സ യത്ഥ ചക്ഖായതനം ഉപ്പജ്ജതി തസ്സ തത്ഥ ധമ്മായതനം ഉപ്പജ്ജിത്ഥാതി?

സുദ്ധാവാസം ഉപപജ്ജന്താനം തേസം തത്ഥ ചക്ഖായതനം ഉപ്പജ്ജതി, നോ ച തേസം തത്ഥ ധമ്മായതനം ഉപ്പജ്ജിത്ഥ. ഇതരേസം സചക്ഖുകാനം ഉപപജ്ജന്താനം തേസം തത്ഥ ചക്ഖായതനഞ്ച ഉപ്പജ്ജതി ധമ്മായതനഞ്ച ഉപ്പജ്ജിത്ഥ.

(ഖ) യസ്സ വാ പന യത്ഥ ധമ്മായതനം ഉപ്പജ്ജിത്ഥ തസ്സ തത്ഥ ചക്ഖായതനം ഉപ്പജ്ജതീതി?

സബ്ബേസം ചവന്താനം അചക്ഖുകാനം ഉപപജ്ജന്താനം തേസം തത്ഥ ധമ്മായതനം ഉപ്പജ്ജിത്ഥ, നോ ച തേസം തത്ഥ ചക്ഖായതനം ഉപ്പജ്ജതി. സചക്ഖുകാനം ഉപപജ്ജന്താനം തേസം തത്ഥ ധമ്മായതനഞ്ച ഉപ്പജ്ജിത്ഥ ചക്ഖായതനഞ്ച ഉപ്പജ്ജതി. (ചക്ഖായതനമൂലകം)

൭൬. (ക) യസ്സ യത്ഥ ഘാനായതനം ഉപ്പജ്ജതി തസ്സ തത്ഥ രൂപായതനം ഉപ്പജ്ജിത്ഥാതി? ആമന്താ.

(ഖ) യസ്സ വാ പന യത്ഥ രൂപായതനം ഉപ്പജ്ജിത്ഥ തസ്സ തത്ഥ ഘാനായതനം ഉപ്പജ്ജതീതി?

കാമാവചരാ ചവന്താനം അഘാനകാനം കാമാവചരം ഉപപജ്ജന്താനം രൂപാവചരാനം തേസം തത്ഥ രൂപായതനം ഉപ്പജ്ജിത്ഥ, നോ ച തേസം തത്ഥ ഘാനായതനം ഉപ്പജ്ജതി. സഘാനകാനം ഉപപജ്ജന്താനം തേസം തത്ഥ രൂപായതനഞ്ച ഉപ്പജ്ജിത്ഥ ഘാനായതനഞ്ച ഉപ്പജ്ജതി.

(ക) യസ്സ യത്ഥ ഘാനായതനം ഉപ്പജ്ജതി തസ്സ തത്ഥ മനായതനം ഉപ്പജ്ജിത്ഥാതി? ആമന്താ.

(ഖ) യസ്സ വാ പന യത്ഥ മനായതനം ഉപ്പജ്ജിത്ഥ തസ്സ തത്ഥ ഘാനായതനം ഉപ്പജ്ജതീതി?

കാമാവചരാ ചവന്താനം അഘാനകാനം കാമാവചരം ഉപപജ്ജന്താനം രൂപാവചരാനം അരൂപാവചരാനം തേസം തത്ഥ മനായതനം ഉപ്പജ്ജിത്ഥ, നോ ച തേസം തത്ഥ ഘാനായതനം ഉപ്പജ്ജതി. സഘാനകാനം ഉപപജ്ജന്താനം തേസം തത്ഥ മനായതനഞ്ച ഉപ്പജ്ജിത്ഥ ഘാനായതനഞ്ച ഉപ്പജ്ജതി.

(ക) യസ്സ യത്ഥ ഘാനായതനം ഉപ്പജ്ജതി തസ്സ തത്ഥ ധമ്മായതനം ഉപ്പജ്ജിത്ഥാതി? ആമന്താ.

(ഖ) യസ്സ വാ പന യത്ഥ ധമ്മായതനം ഉപ്പജ്ജിത്ഥ തസ്സ തത്ഥ ഘാനായതനം ഉപ്പജ്ജതീതി?

സബ്ബേസം ചവന്താനം അഘാനകാനം ഉപപജ്ജന്താനം തേസം തത്ഥ ധമ്മായതനം ഉപ്പജ്ജിത്ഥ, നോ ച തേസം തത്ഥ ഘാനായതനം ഉപ്പജ്ജതി. സഘാനകാനം ഉപപജ്ജന്താനം തേസം തത്ഥ ധമ്മായതനഞ്ച ഉപ്പജ്ജിത്ഥ ഘാനായതനഞ്ച ഉപ്പജ്ജതി. (ഘാനായതനമൂലകം)

൭൭. (ക) യസ്സ യത്ഥ രൂപായതനം ഉപ്പജ്ജതി തസ്സ തത്ഥ മനായതനം ഉപ്പജ്ജിത്ഥാതി?

സുദ്ധാവാസം ഉപപജ്ജന്താനം അസഞ്ഞസത്തം ഉപപജ്ജന്താനം തേസം തത്ഥ രൂപായതനം ഉപ്പജ്ജതി, നോ ച തേസം തത്ഥ മനായതനം ഉപ്പജ്ജിത്ഥ. ഇതരേസം പഞ്ചവോകാരം ഉപപജ്ജന്താനം തേസം തത്ഥ രൂപായതനഞ്ച ഉപ്പജ്ജതി മനായതനഞ്ച ഉപ്പജ്ജിത്ഥ.

(ഖ) യസ്സ വാ പന യത്ഥ മനായതനം ഉപ്പജ്ജിത്ഥ തസ്സ തത്ഥ രൂപായതനം ഉപ്പജ്ജതീതി?

പഞ്ചവോകാരാ ചവന്താനം അരൂപാനം തേസം തത്ഥ മനായതനം ഉപ്പജ്ജിത്ഥ, നോ ച തേസം തത്ഥ രൂപായതനം ഉപ്പജ്ജതി. പഞ്ചവോകാരം ഉപപജ്ജന്താനം തേസം തത്ഥ മനായതനഞ്ച ഉപ്പജ്ജിത്ഥ രൂപായതനഞ്ച ഉപ്പജ്ജതി.

(ക) യസ്സ യത്ഥ രൂപായതനം ഉപ്പജ്ജതി തസ്സ തത്ഥ ധമ്മായതനം ഉപ്പജ്ജിത്ഥാതി?

സുദ്ധാവാസം ഉപപജ്ജന്താനം തേസം തത്ഥ രൂപായതനം ഉപ്പജ്ജതി, നോ ച തേസം തത്ഥ ധമ്മായതനം ഉപ്പജ്ജിത്ഥ. ഇതരേസം സരൂപകാനം ഉപപജ്ജന്താനം തേസം തത്ഥ രൂപായതനഞ്ച ഉപ്പജ്ജതി ധമ്മായതനഞ്ച ഉപ്പജ്ജിത്ഥ.

(ഖ) യസ്സ വാ പന യത്ഥ ധമ്മായതനം ഉപ്പജ്ജിത്ഥ തസ്സ തത്ഥ രൂപായതനം ഉപ്പജ്ജതീതി?

സബ്ബേസം ചവന്താനം അരൂപകാനം ഉപപജ്ജന്താനം തേസം തത്ഥ ധമ്മായതനം ഉപ്പജ്ജിത്ഥ, നോ ച തേസം തത്ഥ രൂപായതനം ഉപ്പജ്ജതി. സരൂപകാനം ഉപപജ്ജന്താനം തേസം തത്ഥ ധമ്മായതനഞ്ച ഉപ്പജ്ജിത്ഥ രൂപായതനഞ്ച ഉപ്പജ്ജതി. (രൂപായതനമൂലകം)

൭൮. (ക) യസ്സ യത്ഥ മനായതനം ഉപ്പജ്ജതി തസ്സ തത്ഥ ധമ്മായതനം ഉപ്പജ്ജിത്ഥാതി?

സുദ്ധാവാസം ഉപപജ്ജന്താനം തേസം തത്ഥ മനായതനം ഉപ്പജ്ജതി, നോ ച തേസം തത്ഥ ധമ്മായതനം ഉപ്പജ്ജിത്ഥ. ഇതരേസം സചിത്തകാനം ഉപപജ്ജന്താനം തേസം തത്ഥ മനായതനഞ്ച ഉപ്പജ്ജതി ധമ്മായതനഞ്ച ഉപ്പജ്ജിത്ഥ.

(ഖ) യസ്സ വാ പന യത്ഥ ധമ്മായതനം ഉപ്പജ്ജിത്ഥ തസ്സ തത്ഥ മനായതനം ഉപ്പജ്ജതീതി?

സബ്ബേസം ചവന്താനം അചിത്തകാനം ഉപപജ്ജന്താനം തേസം തത്ഥ ധമ്മായതനം ഉപ്പജ്ജിത്ഥ, നോ ച തേസം തത്ഥ മനായതനം ഉപ്പജ്ജതി. സചിത്തകാനം ഉപപജ്ജന്താനം തേസം തത്ഥ ധമ്മായതനഞ്ച ഉപ്പജ്ജിത്ഥ മനായതനഞ്ച ഉപ്പജ്ജതി. (മനായതനമൂലകം)

(ഘ) പച്ചനീകപുഗ്ഗലോ

൭൯. (ക) യസ്സ ചക്ഖായതനം നുപ്പജ്ജതി തസ്സ സോതായതനം നുപ്പജ്ജിത്ഥാതി? ഉപ്പജ്ജിത്ഥ.

(ഖ) യസ്സ വാ പന സോതായതനം നുപ്പജ്ജിത്ഥ തസ്സ ചക്ഖായതനം നുപ്പജ്ജതീതി? നത്ഥി.

യസ്സ ചക്ഖായതനം നുപ്പജ്ജതി തസ്സ ഘാനായതനം…പേ… രൂപായതനം… മനായതനം… ധമ്മായതനം നുപ്പജ്ജിത്ഥാതി? ഉപ്പജ്ജിത്ഥ.

യസ്സ വാ പന ധമ്മായതനം നുപ്പജ്ജിത്ഥ തസ്സ ചക്ഖായതനം നുപ്പജ്ജതീതി? നത്ഥി.

൮൦. യസ്സ ഘാനായതനം…പേ… രൂപായതനം… മനായതനം നുപ്പജ്ജതി തസ്സ ധമ്മായതനം നുപ്പജ്ജിത്ഥാതി? ഉപ്പജ്ജിത്ഥ.

യസ്സ വാ പന ധമ്മായതനം നുപ്പജ്ജിത്ഥ തസ്സ മനായതനം നുപ്പജ്ജതീതി? നത്ഥി.

(ങ) പച്ചനീകഓകാസോ

൮൧. യത്ഥ ചക്ഖായതനം നുപ്പജ്ജതി…പേ….

(ച) പച്ചനീകപുഗ്ഗലോകാസാ

൮൨. (ക) യസ്സ യത്ഥ ചക്ഖായതനം നുപ്പജ്ജതി തസ്സ തത്ഥ സോതായതനം നുപ്പജ്ജിത്ഥാതി?

പഞ്ചവോകാരാ ചവന്താനം അചക്ഖുകാനം കാമാവചരം ഉപപജ്ജന്താനം തേസം തത്ഥ ചക്ഖായതനം നുപ്പജ്ജതി, നോ ച തേസം തത്ഥ സോതായതനം നുപ്പജ്ജിത്ഥ. സുദ്ധാവാസേ പരിനിബ്ബന്താനം അസഞ്ഞസത്താനം അരൂപാനം തേസം തത്ഥ ചക്ഖായതനഞ്ച നുപ്പജ്ജതി സോതായതനഞ്ച നുപ്പജ്ജിത്ഥ.

(ഖ) യസ്സ വാ പന യത്ഥ സോതായതനം നുപ്പജ്ജിത്ഥ തസ്സ തത്ഥ ചക്ഖായതനം നുപ്പജ്ജതീതി?

സുദ്ധാവാസം ഉപപജ്ജന്താനം തേസം തത്ഥ സോതായതനം നുപ്പജ്ജിത്ഥ, നോ ച തേസം തത്ഥ ചക്ഖായതനം നുപ്പജ്ജതി. സുദ്ധാവാസേ പരിനിബ്ബന്താനം അസഞ്ഞസത്താനം അരൂപാനം തേസം തത്ഥ സോതായതനഞ്ച നുപ്പജ്ജിത്ഥ ചക്ഖായതനഞ്ച നുപ്പജ്ജതി.

(ക) യസ്സ യത്ഥ ചക്ഖായതനം നുപ്പജ്ജതി തസ്സ തത്ഥ ഘാനായതനം നുപ്പജ്ജിത്ഥാതി?

കാമാവചരാ ചവന്താനം അചക്ഖുകാനം കാമാവചരം ഉപപജ്ജന്താനം തേസം തത്ഥ ചക്ഖായതനം നുപ്പജ്ജതി, നോ ച തേസം തത്ഥ ഘാനായതനം നുപ്പജ്ജിത്ഥ. രൂപാവചരാ ചവന്താനം അസഞ്ഞസത്താനം അരൂപാനം തേസം തത്ഥ ചക്ഖായതനഞ്ച നുപ്പജ്ജതി ഘാനായതനഞ്ച നുപ്പജ്ജിത്ഥ.

(ഖ) യസ്സ വാ പന യത്ഥ ഘാനായതനം നുപ്പജ്ജിത്ഥ തസ്സ തത്ഥ ചക്ഖായതനം നുപ്പജ്ജതീതി?

രൂപാവചരം ഉപപജ്ജന്താനം തേസം തത്ഥ ഘാനായതനം നുപ്പജ്ജിത്ഥ, നോ ച തേസം തത്ഥ ചക്ഖായതനം നുപ്പജ്ജതി. രൂപാവചരാ ചവന്താനം അസഞ്ഞസത്താനം അരൂപാനം തേസം തത്ഥ ഘാനായതനഞ്ച നുപ്പജ്ജിത്ഥ ചക്ഖായതനഞ്ച നുപ്പജ്ജതി.

(ക) യസ്സ യത്ഥ ചക്ഖായതനം നുപ്പജ്ജതി തസ്സ തത്ഥ രൂപായതനം നുപ്പജ്ജിത്ഥാതി?

പഞ്ചവോകാരാ ചവന്താനം അചക്ഖുകാനം കാമാവചരം ഉപപജ്ജന്താനം അസഞ്ഞസത്താനം തേസം തത്ഥ ചക്ഖായതനം നുപ്പജ്ജതി, നോ ച തേസം തത്ഥ രൂപായതനം നുപ്പജ്ജിത്ഥ. സുദ്ധാവാസേ പരിനിബ്ബന്താനം അരൂപാനം തേസം തത്ഥ ചക്ഖായതനഞ്ച നുപ്പജ്ജതി രൂപായതനഞ്ച നുപ്പജ്ജിത്ഥ.

(ഖ) യസ്സ വാ പന യത്ഥ രൂപായതനം നുപ്പജ്ജിത്ഥ തസ്സ തത്ഥ ചക്ഖായതനം നുപ്പജ്ജതീതി?

സുദ്ധാവാസം ഉപപജ്ജന്താനം തേസം തത്ഥ രൂപായതനം നുപ്പജ്ജിത്ഥ, നോ ച തേസം തത്ഥ ചക്ഖായതനം നുപ്പജ്ജതി. സുദ്ധാവാസേ പരിനിബ്ബന്താനം അരൂപാനം തേസം തത്ഥ രൂപായതനഞ്ച നുപ്പജ്ജിത്ഥ ചക്ഖായതനഞ്ച നുപ്പജ്ജതി.

(ക) യസ്സ യത്ഥ ചക്ഖായതനം നുപ്പജ്ജതി തസ്സ തത്ഥ മനായതനം നുപ്പജ്ജിത്ഥാതി?

പഞ്ചവോകാരാ ചവന്താനം അചക്ഖുകാനം കാമാവചരം ഉപപജ്ജന്താനം അരൂപാനം തേസം തത്ഥ ചക്ഖായതനം നുപ്പജ്ജതി, നോ ച തേസം തത്ഥ മനായതനം നുപ്പജ്ജിത്ഥ. സുദ്ധാവാസേ പരിനിബ്ബന്താനം അസഞ്ഞസത്താനം തേസം തത്ഥ ചക്ഖായതനഞ്ച നുപ്പജ്ജതി മനായതനഞ്ച നുപ്പജ്ജിത്ഥ.

(ഖ) യസ്സ വാ പന യത്ഥ മനായതനം നുപ്പജ്ജിത്ഥ തസ്സ തത്ഥ ചക്ഖായതനം നുപ്പജ്ജതീതി?

സുദ്ധാവാസം ഉപപജ്ജന്താനം തേസം തത്ഥ മനായതനം നുപ്പജ്ജിത്ഥ, നോ ച തേസം തത്ഥ ചക്ഖായതനം നുപ്പജ്ജതി. സുദ്ധാവാസേ പരിനിബ്ബന്താനം അസഞ്ഞസത്താനം തേസം തത്ഥ മനായതനഞ്ച നുപ്പജ്ജിത്ഥ ചക്ഖായതനഞ്ച നുപ്പജ്ജതി.

(ക) യസ്സ യത്ഥ ചക്ഖായതനം നുപ്പജ്ജതി തസ്സ തത്ഥ ധമ്മായതനം നുപ്പജ്ജിത്ഥാതി?

സബ്ബേസം ചവന്താനം അചക്ഖുകാനം ഉപപജ്ജന്താനം തേസം തത്ഥ ചക്ഖായതനം നുപ്പജ്ജതി, നോ ച തേസം തത്ഥ ധമ്മായതനം നുപ്പജ്ജിത്ഥ. സുദ്ധാവാസേ പരിനിബ്ബന്താനം തേസം തത്ഥ ചക്ഖായതനഞ്ച നുപ്പജ്ജതി ധമ്മായതനഞ്ച നുപ്പജ്ജിത്ഥ.

(ഖ) യസ്സ വാ പന യത്ഥ ധമ്മായതനം നുപ്പജ്ജിത്ഥ തസ്സ തത്ഥ ചക്ഖായതനം നുപ്പജ്ജതീതി?

സുദ്ധാവാസം ഉപപജ്ജന്താനം തേസം തത്ഥ ധമ്മായതനം നുപ്പജ്ജിത്ഥ, നോ ച തേസം തത്ഥ ചക്ഖായതനം നുപ്പജ്ജതി. സുദ്ധാവാസേ പരിനിബ്ബന്താനം തേസം തത്ഥ ധമ്മായതനഞ്ച നുപ്പജ്ജിത്ഥ ചക്ഖായതനഞ്ച നുപ്പജ്ജതി. (ചക്ഖായതനമൂലകം)

൮൩. (ക) യസ്സ യത്ഥ ഘാനായതനം നുപ്പജ്ജതി തസ്സ തത്ഥ രൂപായതനം നുപ്പജ്ജിത്ഥാതി?

കാമാവചരാ ചവന്താനം അഘാനകാനം കാമാവചരം ഉപപജ്ജന്താനം രൂപാവചരാനം തേസം തത്ഥ ഘാനായതനം നുപ്പജ്ജതി, നോ ച തേസം തത്ഥ രൂപായതനം നുപ്പജ്ജിത്ഥ. സുദ്ധാവാസാനം അരൂപാനം തേസം തത്ഥ ഘാനായതനഞ്ച നുപ്പജ്ജതി രൂപായതനഞ്ച നുപ്പജ്ജിത്ഥ.

(ഖ) യസ്സ വാ പന യത്ഥ രൂപായതനം നുപ്പജ്ജിത്ഥ തസ്സ തത്ഥ ഘാനായതനം നുപ്പജ്ജതീതി? ആമന്താ.

(ക) യസ്സ യത്ഥ ഘാനായതനം നുപ്പജ്ജതി തസ്സ തത്ഥ മനായതനം നുപ്പജ്ജിത്ഥാതി?

കാമാവചരാ ചവന്താനം അഘാനകാനം കാമാവചരം ഉപപജ്ജന്താനം രൂപാവചരാനം അരൂപാവചരാനം തേസം തത്ഥ ഘാനായതനം നുപ്പജ്ജതി, നോ ച തേസം തത്ഥ മനായതനം നുപ്പജ്ജിത്ഥ. സുദ്ധാവാസാനം അസഞ്ഞസത്താനം തേസം തത്ഥ ഘാനായതനഞ്ച നുപ്പജ്ജതി മനായതനഞ്ച നുപ്പജ്ജിത്ഥ.

(ഖ) യസ്സ വാ പന യത്ഥ മനായതനം നുപ്പജ്ജിത്ഥ തസ്സ തത്ഥ ഘാനായതനം നുപ്പജ്ജതീതി? ആമന്താ.

(ക) യസ്സ യത്ഥ ഘാനായതനം നുപ്പജ്ജതി തസ്സ തത്ഥ ധമ്മായതനം നുപ്പജ്ജിത്ഥാതി?

സബ്ബേസം ചവന്താനം അഘാനകാനം ഉപപജ്ജന്താനം തേസം തത്ഥ ഘാനായതനം നുപ്പജ്ജതി, നോ ച തേസം തത്ഥ ധമ്മായതനം നുപ്പജ്ജിത്ഥ. സുദ്ധാവാസാനം തേസം തത്ഥ ഘാനായതനഞ്ച നുപ്പജ്ജതി ധമ്മായതനഞ്ച നുപ്പജ്ജിത്ഥ.

(ഖ) യസ്സ വാ പന യത്ഥ ധമ്മായതനം നുപ്പജ്ജിത്ഥ തസ്സ തത്ഥ ഘാനായതനം നുപ്പജ്ജതീതി? ആമന്താ. (ഘാനായതനമൂലകം)

൮൪. (ക) യസ്സ യത്ഥ രൂപായതനം നുപ്പജ്ജതി തസ്സ തത്ഥ മനായതനം നുപ്പജ്ജിത്ഥാതി?

പഞ്ചവോകാരാ ചവന്താനം അരൂപാനം തേസം തത്ഥ രൂപായതനം നുപ്പജ്ജതി, നോ ച തേസം തത്ഥ മനായതനം നുപ്പജ്ജിത്ഥ. സുദ്ധാവാസേ പരിനിബ്ബന്താനം അസഞ്ഞസത്താ ചവന്താനം തേസം തത്ഥ രൂപായതനഞ്ച നുപ്പജ്ജതി മനായതനഞ്ച നുപ്പജ്ജിത്ഥ.

(ഖ) യസ്സ വാ പന യത്ഥ മനായതനം നുപ്പജ്ജിത്ഥ തസ്സ തത്ഥ രൂപായതനം നുപ്പജ്ജതീതി?

സുദ്ധാവാസം ഉപപജ്ജന്താനം അസഞ്ഞസത്തം ഉപപജ്ജന്താനം തേസം തത്ഥ മനായതനം നുപ്പജ്ജിത്ഥ, നോ ച തേസം തത്ഥ രൂപായതനം നുപ്പജ്ജതി. സുദ്ധാവാസേ പരിനിബ്ബന്താനം അസഞ്ഞസത്താ ചവന്താനം തേസം തത്ഥ മനായതനഞ്ച നുപ്പജ്ജിത്ഥ രൂപായതനഞ്ച നുപ്പജ്ജതി.

(ക) യസ്സ യത്ഥ രൂപായതനം നുപ്പജ്ജതി തസ്സ തത്ഥ ധമ്മായതനം നുപ്പജ്ജിത്ഥാതി?

സബ്ബേസം ചവന്താനം അരൂപകാനം ഉപപജ്ജന്താനം തേസം തത്ഥ രൂപായതനം നുപ്പജ്ജതി, നോ ച തേസം തത്ഥ ധമ്മായതനം നുപ്പജ്ജിത്ഥ. സുദ്ധാവാസേ പരിനിബ്ബന്താനം തേസം തത്ഥ രൂപായതനഞ്ച നുപ്പജ്ജതി ധമ്മായതനഞ്ച നുപ്പജ്ജിത്ഥ.

(ഖ) യസ്സ വാ പന യത്ഥ ധമ്മായതനം നുപ്പജ്ജിത്ഥ തസ്സ തത്ഥ രൂപായതനം നുപ്പജ്ജതീതി?

സുദ്ധാവാസം ഉപപജ്ജന്താനം തേസം തത്ഥ ധമ്മായതനം നുപ്പജ്ജിത്ഥ, നോ ച തേസം തത്ഥ രൂപായതനം നുപ്പജ്ജതി. സുദ്ധാവാസേ പരിനിബ്ബന്താനം തേസം തത്ഥ ധമ്മായതനഞ്ച നുപ്പജ്ജിത്ഥ രൂപായതനഞ്ച നുപ്പജ്ജതി. (രൂപായതനമൂലകം)

൮൫. (ക) യസ്സ യത്ഥ മനായതനം നുപ്പജ്ജതി തസ്സ തത്ഥ ധമ്മായതനം നുപ്പജ്ജിത്ഥാതി?

സബ്ബേസം ചവന്താനം അചിത്തകാനം ഉപപജ്ജന്താനം തേസം തത്ഥ മനായതനം നുപ്പജ്ജതി, നോ ച തേസം തത്ഥ ധമ്മായതനം നുപ്പജ്ജിത്ഥ. സുദ്ധാവാസേ പരിനിബ്ബന്താനം തേസം തത്ഥ മനായതനഞ്ച നുപ്പജ്ജതി ധമ്മായതനഞ്ച നുപ്പജ്ജിത്ഥ.

(ഖ) യസ്സ വാ പന യത്ഥ ധമ്മായതനം നുപ്പജ്ജിത്ഥ തസ്സ തത്ഥ മനായതനം നുപ്പജ്ജതീതി?

സുദ്ധാവാസം ഉപപജ്ജന്താനം തേസം തത്ഥ ധമ്മായതനം നുപ്പജ്ജിത്ഥ, നോ ച തേസം തത്ഥ മനായതനം നുപ്പജ്ജതി. സുദ്ധാവാസേ പരിനിബ്ബന്താനം തേസം തത്ഥ ധമ്മായതനഞ്ച നുപ്പജ്ജിത്ഥ മനായതനഞ്ച നുപ്പജ്ജതി. (മനായതനമൂലകം)