(൧) പച്ചുപ്പന്നവാരോ

(ക) അനുലോമപുഗ്ഗലോ

൧൮. (ക) യസ്സ ചക്ഖായതനം ഉപ്പജ്ജതി തസ്സ സോതായതനം ഉപ്പജ്ജതീതി?

സചക്ഖുകാനം അസോതകാനം ഉപപജ്ജന്താനം തേസം ചക്ഖായതനം ഉപ്പജ്ജതി, നോ ച തേസം സോതായതനം ഉപ്പജ്ജതി. സചക്ഖുകാനം സസോതകാനം ഉപപജ്ജന്താനം തേസം ചക്ഖായതനഞ്ച ഉപ്പജ്ജതി സോതായതനഞ്ച ഉപ്പജ്ജതി.

(ഖ) യസ്സ വാ പന സോതായതനം ഉപ്പജ്ജതി തസ്സ ചക്ഖായതനം ഉപ്പജ്ജതീതി?

സസോതകാനം അചക്ഖുകാനം ഉപപജ്ജന്താനം തേസം സോതായതനം ഉപ്പജ്ജതി, നോ ച തേസം ചക്ഖായതനം ഉപ്പജ്ജതി. സസോതകാനം സചക്ഖുകാനം ഉപപജ്ജന്താനം തേസം സോതായതനഞ്ച ഉപ്പജ്ജതി ചക്ഖായതനഞ്ച ഉപ്പജ്ജതി.

(ക) യസ്സ ചക്ഖായതനം ഉപ്പജ്ജതി തസ്സ ഘാനായതനം ഉപ്പജ്ജതീതി?

സചക്ഖുകാനം അഘാനകാനം ഉപപജ്ജന്താനം തേസം ചക്ഖായതനം ഉപ്പജ്ജതി, നോ ച തേസം ഘാനായതനം ഉപ്പജ്ജതി. സചക്ഖുകാനം സഘാനകാനം ഉപപജ്ജന്താനം തേസം ചക്ഖായതനഞ്ച ഉപ്പജ്ജതി ഘാനായതനഞ്ച ഉപ്പജ്ജതി.

(ഖ) യസ്സ വാ പന ഘാനായതനം ഉപ്പജ്ജതി തസ്സ ചക്ഖായതനം ഉപ്പജ്ജതീതി?

സഘാനകാനം അചക്ഖുകാനം ഉപപജ്ജന്താനം തേസം ഘാനായതനം ഉപ്പജ്ജതി, നോ ച തേസം ചക്ഖായതനം ഉപ്പജ്ജതി. സഘാനകാനം സചക്ഖുകാനം ഉപപജ്ജന്താനം തേസം ഘാനായതനഞ്ച ഉപ്പജ്ജതി ചക്ഖായതനഞ്ച ഉപ്പജ്ജതി.

(ക) യസ്സ ചക്ഖായതനം ഉപ്പജ്ജതി തസ്സ രൂപായതനം ഉപ്പജ്ജതീതി? ആമന്താ.

(ഖ) യസ്സ വാ പന രൂപായതനം ഉപ്പജ്ജതി തസ്സ ചക്ഖായതനം ഉപ്പജ്ജതീതി?

സരൂപകാനം അചക്ഖുകാനം ഉപപജ്ജന്താനം തേസം രൂപായതനം ഉപ്പജ്ജതി, നോ ച തേസം ചക്ഖായതനം ഉപ്പജ്ജതി. സചക്ഖുകാനം ഉപപജ്ജന്താനം തേസം രൂപായതനഞ്ച ഉപ്പജ്ജതി ചക്ഖായതനഞ്ച ഉപ്പജ്ജതി.

(ക) യസ്സ ചക്ഖായതനം ഉപ്പജ്ജതി തസ്സ മനായതനം ഉപ്പജ്ജതീതി? ആമന്താ.

(ഖ) യസ്സ വാ പന മനായതനം ഉപ്പജ്ജതി തസ്സ ചക്ഖായതനം ഉപ്പജ്ജതീതി?

സചിത്തകാനം അചക്ഖുകാനം ഉപപജ്ജന്താനം തേസം മനായതനം ഉപ്പജ്ജതി, നോ ച തേസം ചക്ഖായതനം ഉപ്പജ്ജതി. സചക്ഖുകാനം ഉപപജ്ജന്താനം തേസം മനായതനഞ്ച ഉപ്പജ്ജതി ചക്ഖായതനഞ്ച ഉപ്പജ്ജതി.

(ക) യസ്സ ചക്ഖായതനം ഉപ്പജ്ജതി തസ്സ ധമ്മായതനം ഉപ്പജ്ജതീതി? ആമന്താ.

(ഖ) യസ്സ വാ പന ധമ്മായതനം ഉപ്പജ്ജതി തസ്സ ചക്ഖായതനം ഉപ്പജ്ജതീതി?

അചക്ഖുകാനം ഉപപജ്ജന്താനം തേസം ധമ്മായതനം ഉപ്പജ്ജതി, നോ ച തേസം ചക്ഖായതനം ഉപ്പജ്ജതി. സചക്ഖുകാനം ഉപപജ്ജന്താനം തേസം ധമ്മായതനഞ്ച ഉപ്പജ്ജതി ചക്ഖായതനഞ്ച ഉപ്പജ്ജതി. (ചക്ഖായതനമൂലകം)

൧൯. (ക) യസ്സ ഘാനായതനം ഉപ്പജ്ജതി തസ്സ രൂപായതനം ഉപ്പജ്ജതീതി? ആമന്താ.

(ഖ) യസ്സ വാ പന രൂപായതനം ഉപ്പജ്ജതി തസ്സ ഘാനായതനം ഉപ്പജ്ജതീതി?

സരൂപകാനം അഘാനകാനം ഉപപജ്ജന്താനം തേസം രൂപായതനം ഉപ്പജ്ജതി, നോ ച തേസം ഘാനായതനം ഉപ്പജ്ജതി. സഘാനകാനം ഉപപജ്ജന്താനം തേസം രൂപായതനഞ്ച ഉപ്പജ്ജതി ഘാനായതനഞ്ച ഉപ്പജ്ജതി.

(ക) യസ്സ ഘാനായതനം ഉപ്പജ്ജതി തസ്സ മനായതനം ഉപ്പജ്ജതീതി? ആമന്താ.

(ഖ) യസ്സ വാ പന മനായതനം ഉപ്പജ്ജതി തസ്സ ഘാനായതനം ഉപ്പജ്ജതീതി?

സചിത്തകാനം അഘാനകാനം ഉപപജ്ജന്താനം തേസം മനായതനം ഉപ്പജ്ജതി, നോ ച തേസം ഘാനായതനം ഉപ്പജ്ജതി. സഘാനകാനം ഉപപജ്ജന്താനം തേസം മനായതനഞ്ച ഉപ്പജ്ജതി ഘാനായതനഞ്ച ഉപ്പജ്ജതി.

(ക) യസ്സ ഘാനായതനം ഉപ്പജ്ജതി തസ്സ ധമ്മായതനം ഉപ്പജ്ജതീതി? ആമന്താ.

(ഖ) യസ്സ വാ പന ധമ്മായതനം ഉപ്പജ്ജതി തസ്സ ഘാനായതനം ഉപ്പജ്ജതീതി?

അഘാനകാനം ഉപപജ്ജന്താനം തേസം ധമ്മായതനം ഉപ്പജ്ജതി, നോ ച തേസം ഘാനായതനം ഉപ്പജ്ജതി. സഘാനകാനം ഉപപജ്ജന്താനം തേസം ധമ്മായതനഞ്ച ഉപ്പജ്ജതി ഘാനായതനഞ്ച ഉപ്പജ്ജതി. (ഘാനായതനമൂലകം)

൨൦. (ക) യസ്സ രൂപായതനം ഉപ്പജ്ജതി തസ്സ മനായതനം ഉപ്പജ്ജതീതി?

അചിത്തകാനം ഉപപജ്ജന്താനം തേസം രൂപായതനം ഉപ്പജ്ജതി, നോ ച തേസം മനായതനം ഉപ്പജ്ജതി. സരൂപകാനം സചിത്തകാനം ഉപപജ്ജന്താനം തേസം രൂപായതനഞ്ച ഉപ്പജ്ജതി മനായതനഞ്ച ഉപ്പജ്ജതി.

(ഖ) യസ്സ വാ പന മനായതനം ഉപ്പജ്ജതി തസ്സ രൂപായതനം ഉപ്പജ്ജതീതി?

അരൂപകാനം ഉപപജ്ജന്താനം തേസം മനായതനം ഉപ്പജ്ജതി, നോ ച തേസം രൂപായതനം ഉപ്പജ്ജതി. സചിത്തകാനം സരൂപകാനം ഉപപജ്ജന്താനം തേസം മനായതനഞ്ച ഉപ്പജ്ജതി രൂപായതനഞ്ച ഉപ്പജ്ജതി.

(ക) യസ്സ രൂപായതനം ഉപ്പജ്ജതി തസ്സ ധമ്മായതനം ഉപ്പജ്ജതീതി? ആമന്താ.

(ഖ) യസ്സ വാ പന ധമ്മായതനം ഉപ്പജ്ജതി തസ്സ രൂപായതനം ഉപ്പജ്ജതീതി?

അരൂപകാനം ഉപപജ്ജന്താനം തേസം ധമ്മായതനം ഉപ്പജ്ജതി, നോ ച തേസം രൂപായതനം ഉപ്പജ്ജതി. സരൂപകാനം ഉപപജ്ജന്താനം തേസം ധമ്മായതനഞ്ച ഉപ്പജ്ജതി രൂപായതനഞ്ച ഉപ്പജ്ജതി. (രൂപായതനമൂലകം)

൨൧. (ക) യസ്സ മനായതനം ഉപ്പജ്ജതി തസ്സ ധമ്മായതനം ഉപ്പജ്ജതീതി? ആമന്താ.

(ഖ) യസ്സ വാ പന ധമ്മായതനം ഉപ്പജ്ജതി തസ്സ മനായതനം ഉപ്പജ്ജതീതി?

അചിത്തകാനം ഉപപജ്ജന്താനം തേസം ധമ്മായതനം ഉപ്പജ്ജതി, നോ ച തേസം മനായതനം ഉപ്പജ്ജതി. സചിത്തകാനം ഉപപജ്ജന്താനം തേസം ധമ്മായതനഞ്ച ഉപ്പജ്ജതി മനായതനഞ്ച ഉപ്പജ്ജതി. (മനായതനമൂലകം)

(ഖ) അനുലോമഓകാസോ

൨൨. (ക) യത്ഥ ചക്ഖായതനം ഉപ്പജ്ജതി തത്ഥ സോതായതനം ഉപ്പജ്ജതീതി? ആമന്താ.

(ഖ) യത്ഥ വാ പന സോതായതനം ഉപ്പജ്ജതി തത്ഥ ചക്ഖായതനം ഉപ്പജ്ജതീതി? ആമന്താ.

(ക) യത്ഥ ചക്ഖായതനം ഉപ്പജ്ജതി തത്ഥ ഘാനായതനം ഉപ്പജ്ജതീതി?

രൂപാവചരേ തത്ഥ ചക്ഖായതനം ഉപ്പജ്ജതി, നോ ച തത്ഥ ഘാനായതനം ഉപ്പജ്ജതി. കാമാവചരേ തത്ഥ ചക്ഖായതനഞ്ച ഉപ്പജ്ജതി ഘാനായതനഞ്ച ഉപ്പജ്ജതി.

(ഖ) യത്ഥ വാ പന ഘാനായതനം ഉപ്പജ്ജതി തത്ഥ ചക്ഖായതനം ഉപ്പജ്ജതീതി? ആമന്താ.

(ക) യത്ഥ ചക്ഖായതനം ഉപ്പജ്ജതി തത്ഥ രൂപായതനം ഉപ്പജ്ജതീതി? ആമന്താ.

(ഖ) യത്ഥ വാ പന രൂപായതനം ഉപ്പജ്ജതി തത്ഥ ചക്ഖായതനം ഉപ്പജ്ജതീതി?

അസഞ്ഞസത്തേ തത്ഥ രൂപായതനം ഉപ്പജ്ജതി, നോ ച തത്ഥ ചക്ഖായതനം ഉപ്പജ്ജതി. പഞ്ചവോകാരേ തത്ഥ രൂപായതനഞ്ച ഉപ്പജ്ജതി ചക്ഖായതനഞ്ച ഉപ്പജ്ജതി.

(ക) യത്ഥ ചക്ഖായതനം ഉപ്പജ്ജതി തത്ഥ മനായതനം ഉപ്പജ്ജതീതി? ആമന്താ.

(ഖ) യത്ഥ വാ പന മനായതനം ഉപ്പജ്ജതി തത്ഥ ചക്ഖായതനം ഉപ്പജ്ജതീതി?

അരൂപേ തത്ഥ മനായതനം ഉപ്പജ്ജതി, നോ ച തത്ഥ ചക്ഖായതനം ഉപ്പജ്ജതി. പഞ്ചവോകാരേ തത്ഥ മനായതനഞ്ച ഉപ്പജ്ജതി ചക്ഖായതനഞ്ച ഉപ്പജ്ജതി.

(ക) യത്ഥ ചക്ഖായതനം ഉപ്പജ്ജതി തത്ഥ ധമ്മായതനം ഉപ്പജ്ജതീതി? ആമന്താ.

(ഖ) യത്ഥ വാ പന ധമ്മായതനം ഉപ്പജ്ജതി തത്ഥ ചക്ഖായതനം ഉപ്പജ്ജതീതി?

അസഞ്ഞസത്തേ അരൂപേ തത്ഥ ധമ്മായതനം ഉപ്പജ്ജതി, നോ ച തത്ഥ ചക്ഖായതനം ഉപ്പജ്ജതി. പഞ്ചവോകാരേ തത്ഥ ധമ്മായതനഞ്ച ഉപ്പജ്ജതി ചക്ഖായതനഞ്ച ഉപ്പജ്ജതി. (ചക്ഖായതനമൂലകം)

൨൩. (ക) യത്ഥ ഘാനായതനം ഉപ്പജ്ജതി തത്ഥ രൂപായതനം ഉപ്പജ്ജതീതി? ആമന്താ.

(ഖ) യത്ഥ വാ പന രൂപായതനം ഉപ്പജ്ജതി തത്ഥ ഘാനായതനം ഉപ്പജ്ജതീതി?

രൂപാവചരേ തത്ഥ രൂപായതനം ഉപ്പജ്ജതി, നോ ച തത്ഥ ഘാനായതനം ഉപ്പജ്ജതി. കാമാവചരേ തത്ഥ രൂപായതനഞ്ച ഉപ്പജ്ജതി ഘാനായതനഞ്ച ഉപ്പജ്ജതി.

(യത്ഥ ഘാനായതനം ഉപ്പജ്ജതി തത്ഥ മനായതനം ധമ്മായതനഞ്ച ഏകസദിസം, നാനം നത്ഥി, ഉപരി പന വാരസങ്ഖേപോ [ഉപരിവാരേ സങ്ഖേപോ (സ്യാ.), ഉപരിവാരേ സങ്ഖേപം (സീ. ക.)] തീതി ജാനിതബ്ബം.)

(ക) യത്ഥ ഘാനായതനം ഉപ്പജ്ജതി തത്ഥ ധമ്മായതനം ഉപ്പജ്ജതീതി? ആമന്താ.

(ഖ) യത്ഥ വാ പന ധമ്മായതനം ഉപ്പജ്ജതി തത്ഥ ഘാനായതനം ഉപ്പജ്ജതീതി?

രൂപാവചരേ അരൂപാവചരേ തത്ഥ ധമ്മായതനം ഉപ്പജ്ജതി, നോ ച തത്ഥ ഘാനായതനം ഉപ്പജ്ജതി. കാമാവചരേ തത്ഥ ധമ്മായതനഞ്ച ഉപ്പജ്ജതി ഘാനായതനഞ്ച ഉപ്പജ്ജതി. (ഘാനായതനമൂലകം)

൨൪. (ക) യത്ഥ രൂപായതനം ഉപ്പജ്ജതി തത്ഥ മനായതനം ഉപ്പജ്ജതീതി?

അസഞ്ഞസത്തേ തത്ഥ രൂപായതനം ഉപ്പജ്ജതി, നോ ച തത്ഥ മനായതനം ഉപ്പജ്ജതി. പഞ്ചവോകാരേ തത്ഥ രൂപായതനഞ്ച ഉപ്പജ്ജതി മനായതനഞ്ച ഉപ്പജ്ജതി.

(ഖ) യത്ഥ വാ പന മനായതനം ഉപ്പജ്ജതി തത്ഥ രൂപായതനം ഉപ്പജ്ജതീതി?

അരൂപേ തത്ഥ മനായതനം ഉപ്പജ്ജതി, നോ ച തത്ഥ രൂപായതനം ഉപ്പജ്ജതി. പഞ്ചവോകാരേ തത്ഥ മനായതനഞ്ച ഉപ്പജ്ജതി രൂപായതനഞ്ച ഉപ്പജ്ജതി.

(ക) യത്ഥ രൂപായതനം ഉപ്പജ്ജതി തത്ഥ ധമ്മായതനം ഉപ്പജ്ജതീതി? ആമന്താ.

(ഖ) യത്ഥ വാ പന ധമ്മായതനം ഉപ്പജ്ജതി തത്ഥ രൂപായതനം ഉപ്പജ്ജതീതി?

അരൂപേ തത്ഥ ധമ്മായതനം ഉപ്പജ്ജതി, നോ ച തത്ഥ രൂപായതനം ഉപ്പജ്ജതി. പഞ്ചവോകാരേ അസഞ്ഞസത്തേ തത്ഥ ധമ്മായതനഞ്ച ഉപ്പജ്ജതി രൂപായതനഞ്ച ഉപ്പജ്ജതി. (രൂപായതനമൂലകം)

൨൫. (ക) യത്ഥ മനായതനം ഉപ്പജ്ജതി തത്ഥ ധമ്മായതനം ഉപ്പജ്ജതീതി? ആമന്താ.

(ഖ) യത്ഥ വാ പന ധമ്മായതനം ഉപ്പജ്ജതി തത്ഥ മനായതനം ഉപ്പജ്ജതീതി?

അസഞ്ഞസത്തേ തത്ഥ ധമ്മായതനം ഉപ്പജ്ജതി, നോ ച തത്ഥ മനായതനം ഉപ്പജ്ജതി. ചതുവോകാരേ പഞ്ചവോകാരേ തത്ഥ ധമ്മായതനഞ്ച ഉപ്പജ്ജതി മനായതനഞ്ച ഉപ്പജ്ജതി. (മനായതനമൂലകം)

(ഗ) അനുലോമപുഗ്ഗലോകാസാ

൨൬. (ക) യസ്സ യത്ഥ ചക്ഖായതനം ഉപ്പജ്ജതി തസ്സ തത്ഥ സോതായതനം ഉപ്പജ്ജതീതി?

സചക്ഖുകാനം അസോതകാനം ഉപപജ്ജന്താനം തേസം തത്ഥ ചക്ഖായതനം ഉപ്പജ്ജതി, നോ ച തേസം തത്ഥ സോതായതനം ഉപ്പജ്ജതി. സചക്ഖുകാനം സസോതകാനം ഉപപജ്ജന്താനം തേസം തത്ഥ ചക്ഖായതനഞ്ച ഉപ്പജ്ജതി സോതായതനഞ്ച ഉപ്പജ്ജതി.

(ഖ) യസ്സ വാ പന യത്ഥ സോതായതനം ഉപ്പജ്ജതി തസ്സ തത്ഥ ചക്ഖായതനം ഉപ്പജ്ജതീതി?

സസോതകാനം അചക്ഖുകാനം ഉപപജ്ജന്താനം തേസം തത്ഥ സോതായതനം ഉപ്പജ്ജതി, നോ ച തേസം തത്ഥ ചക്ഖായതനം ഉപ്പജ്ജതി. സസോതകാനം സചക്ഖുകാനം ഉപപജ്ജന്താനം തേസം തത്ഥ സോതായതനഞ്ച ഉപ്പജ്ജതി ചക്ഖായതനഞ്ച ഉപ്പജ്ജതി (സംഖിത്തം യസ്സകസദിസം [യസ്സകമ്പി സദിസം (സീ.), യസ്സേകസദിസം (സ്യാ.)] ).

൨൭. (ക) യസ്സ യത്ഥ മനായതനം ഉപ്പജ്ജതി തസ്സ തത്ഥ ധമ്മായതനം ഉപ്പജ്ജതീതി? ആമന്താ.

(ഖ) യസ്സ വാ പന യത്ഥ ധമ്മായതനം ഉപ്പജ്ജതി തസ്സ തത്ഥ മനായതനം ഉപ്പജ്ജതീതി?

അചിത്തകാനം ഉപപജ്ജന്താനം തേസം തത്ഥ ധമ്മായതനം ഉപ്പജ്ജതി, നോ ച തേസം തത്ഥ മനായതനം ഉപ്പജ്ജതി. സചിത്തകാനം ഉപപജ്ജന്താനം തേസം തത്ഥ ധമ്മായതനഞ്ച ഉപ്പജ്ജതി മനായതനഞ്ച ഉപ്പജ്ജതി.

(ഘ) പച്ചനീകപുഗ്ഗലോ

൨൮. (ക) യസ്സ ചക്ഖായതനം നുപ്പജ്ജതി തസ്സ സോതായതനം നുപ്പജ്ജതീതി?

അചക്ഖുകാനം സസോതകാനം ഉപപജ്ജന്താനം തേസം ചക്ഖായതനം നുപ്പജ്ജതി, നോ ച തേസം സോതായതനം നുപ്പജ്ജതി. സബ്ബേസം ചവന്താനം അചക്ഖുകാനം അസോതകാനം ഉപപജ്ജന്താനം തേസം ചക്ഖായതനഞ്ച നുപ്പജ്ജതി സോതായതനഞ്ച നുപ്പജ്ജതി.

(ഖ) യസ്സ വാ പന സോതായതനം നുപ്പജ്ജതി തസ്സ ചക്ഖായതനം നുപ്പജ്ജതീതി?

അസോതകാനം സചക്ഖുകാനം ഉപപജ്ജന്താനം തേസം സോതായതനം നുപ്പജ്ജതി, നോ ച തേസം ചക്ഖായതനം നുപ്പജ്ജതി. സബ്ബേസം ചവന്താനം അസോതകാനം അചക്ഖുകാനം ഉപപജ്ജന്താനം തേസം സോതായതനഞ്ച നുപ്പജ്ജതി ചക്ഖായതനഞ്ച നുപ്പജ്ജതി.

(ക) യസ്സ ചക്ഖായതനം നുപ്പജ്ജതി തസ്സ ഘാനായതനം നുപ്പജ്ജതീതി?

അചക്ഖുകാനം സഘാനകാനം ഉപപജ്ജന്താനം തേസം ചക്ഖായതനം നുപ്പജ്ജതി, നോ ച തേസം ഘാനായതനം നുപ്പജ്ജതി. സബ്ബേസം ചവന്താനം അചക്ഖുകാനം അഘാനകാനം ഉപപജ്ജന്താനം തേസം ചക്ഖായതനഞ്ച നുപ്പജ്ജതി ഘാനായതനഞ്ച നുപ്പജ്ജതി.

(ഖ) യസ്സ വാ പന ഘാനായതനം നുപ്പജ്ജതി തസ്സ ചക്ഖായതനം നുപ്പജ്ജതീതി?

അഘാനകാനം സചക്ഖുകാനം ഉപപജ്ജന്താനം തേസം ഘാനായതനം നുപ്പജ്ജതി, നോ ച തേസം ചക്ഖായതനം നുപ്പജ്ജതി. സബ്ബേസം ചവന്താനം അഘാനകാനം അചക്ഖുകാനം ഉപപജ്ജന്താനം തേസം ഘാനായതനഞ്ച നുപ്പജ്ജതി ചക്ഖായതനഞ്ച നുപ്പജ്ജതി.

(ക) യസ്സ ചക്ഖായതനം നുപ്പജ്ജതി തസ്സ രൂപായതനം നുപ്പജ്ജതീതി?

അചക്ഖുകാനം സരൂപകാനം ഉപപജ്ജന്താനം തേസം ചക്ഖായതനം നുപ്പജ്ജതി, നോ ച തേസം രൂപായതനം നുപ്പജ്ജതി. സബ്ബേസം ചവന്താനം അരൂപകാനം ഉപപജ്ജന്താനം തേസം ചക്ഖായതനഞ്ച നുപ്പജ്ജതി രൂപായതനഞ്ച നുപ്പജ്ജതി.

(ഖ) യസ്സ വാ പന രൂപായതനം നുപ്പജ്ജതി തസ്സ ചക്ഖായതനം നുപ്പജ്ജതീതി? ആമന്താ.

(ക) യസ്സ ചക്ഖായതനം നുപ്പജ്ജതി തസ്സ മനായതനം നുപ്പജ്ജതീതി?

അചക്ഖുകാനം സചിത്തകാനം ഉപപജ്ജന്താനം തേസം ചക്ഖായതനം നുപ്പജ്ജതി, നോ ച തേസം മനായതനം നുപ്പജ്ജതി. സബ്ബേസം ചവന്താനം അചിത്തകാനം ഉപപജ്ജന്താനം തേസം ചക്ഖായതനഞ്ച നുപ്പജ്ജതി മനായതനഞ്ച നുപ്പജ്ജതി.

(ഖ) യസ്സ വാ പന മനായതനം നുപ്പജ്ജതി തസ്സ ചക്ഖായതനം നുപ്പജ്ജതീതി? ആമന്താ.

(ക) യസ്സ ചക്ഖായതനം നുപ്പജ്ജതി തസ്സ ധമ്മായതനം നുപ്പജ്ജതീതി?

അചക്ഖുകാനം ഉപപജ്ജന്താനം തേസം ചക്ഖായതനം നുപ്പജ്ജതി, നോ ച തേസം ധമ്മായതനം നുപ്പജ്ജതി. സബ്ബേസം ചവന്താനം തേസം ചക്ഖായതനഞ്ച നുപ്പജ്ജതി ധമ്മായതനഞ്ച നുപ്പജ്ജതി.

(ഖ) യസ്സ വാ പന ധമ്മായതനം നുപ്പജ്ജതി തസ്സ ചക്ഖായതനം നുപ്പജ്ജതീതി? ആമന്താ. (ചക്ഖായതനമൂലകം)

൨൯. (ക) യസ്സ ഘാനായതനം നുപ്പജ്ജതി തസ്സ രൂപായതനം നുപ്പജ്ജതീതി?

അഘാനകാനം സരൂപകാനം ഉപപജ്ജന്താനം തേസം ഘാനായതനം നുപ്പജ്ജതി, നോ ച തേസം രൂപായതനം നുപ്പജ്ജതി. സബ്ബേസം ചവന്താനം അരൂപകാനം ഉപപജ്ജന്താനം തേസം ഘാനായതനഞ്ച നുപ്പജ്ജതി രൂപായതനഞ്ച നുപ്പജ്ജതി.

(ഖ) യസ്സ വാ പന രൂപായതനം നുപ്പജ്ജതി തസ്സ ഘാനായതനം നുപ്പജ്ജതീതി? ആമന്താ.

(ക) യസ്സ ഘാനായതനം നുപ്പജ്ജതി തസ്സ മനായതനം നുപ്പജ്ജതീതി?

അഘാനകാനം സചിത്തകാനം ഉപപജ്ജന്താനം തേസം ഘാനായതനം നുപ്പജ്ജതി, നോ ച തേസം മനായതനം നുപ്പജ്ജതി. സബ്ബേസം ചവന്താനം അചിത്തകാനം ഉപപജ്ജന്താനം തേസം ഘാനായതനഞ്ച നുപ്പജ്ജതി മനായതനഞ്ച നുപ്പജ്ജതി.

(ഖ) യസ്സ വാ പന മനായതനം നുപ്പജ്ജതി തസ്സ ഘാനായതനം നുപ്പജ്ജതീതി? ആമന്താ.

(ക) യസ്സ ഘാനായതനം നുപ്പജ്ജതി തസ്സ ധമ്മായതനം നുപ്പജ്ജതീതി?

അഘാനകാനം ഉപപജ്ജന്താനം തേസം ഘാനായതനം നുപ്പജ്ജതി, നോ ച തേസം ധമ്മായതനം നുപ്പജ്ജതി. സബ്ബേസം ചവന്താനം തേസം ഘാനായതനഞ്ച നുപ്പജ്ജതി ധമ്മായതനഞ്ച നുപ്പജ്ജതി.

(ഖ) യസ്സ വാ പന ധമ്മായതനം നുപ്പജ്ജതി തസ്സ ഘാനായതനം നുപ്പജ്ജതീതി? ആമന്താ. (ഘാനായതനമൂലകം)

൩൦. (ക) യസ്സ രൂപായതനം നുപ്പജ്ജതി തസ്സ മനായതനം നുപ്പജ്ജതീതി?

അരൂപകാനം ഉപപജ്ജന്താനം തേസം രൂപായതനം നുപ്പജ്ജതി, നോ ച തേസം മനായതനം നുപ്പജ്ജതി. സബ്ബേസം ചവന്താനം തേസം രൂപായതനഞ്ച നുപ്പജ്ജതി മനായതനഞ്ച നുപ്പജ്ജതി.

(ഖ) യസ്സ വാ പന മനായതനം നുപ്പജ്ജതി തസ്സ രൂപായതനം നുപ്പജ്ജതീതി?

അചിത്തകാനം ഉപപജ്ജന്താനം തേസം മനായതനം നുപ്പജ്ജതി, നോ ച തേസം രൂപായതനം നുപ്പജ്ജതി. സബ്ബേസം ചവന്താനം തേസം മനായതനഞ്ച നുപ്പജ്ജതി രൂപായതനഞ്ച നുപ്പജ്ജതി.

(ക) യസ്സ രൂപായതനം നുപ്പജ്ജതി തസ്സ ധമ്മായതനം നുപ്പജ്ജതീതി?

അരൂപകാനം ഉപപജ്ജന്താനം തേസം രൂപായതനം നുപ്പജ്ജതി, നോ ച തേസം ധമ്മായതനം നുപ്പജ്ജതി. സബ്ബേസം ചവന്താനം തേസം രൂപായതനഞ്ച നുപ്പജ്ജതി ധമ്മായതനഞ്ച നുപ്പജ്ജതി.

(ഖ) യസ്സ വാ പന ധമ്മായതനം നുപ്പജ്ജതി തസ്സ രൂപായതനം നുപ്പജ്ജതീതി? ആമന്താ. (രൂപായതനമൂലകം)

൩൧. (ക) യസ്സ മനായതനം നുപ്പജ്ജതി തസ്സ ധമ്മായതനം നുപ്പജ്ജതീതി?

അചിത്തകാനം ഉപപജ്ജന്താനം തേസം മനായതനം നുപ്പജ്ജതി, നോ ച തേസം ധമ്മായതനം നുപ്പജ്ജതി. സബ്ബേസം ചവന്താനം തേസം മനായതനഞ്ച നുപ്പജ്ജതി ധമ്മായതനഞ്ച നുപ്പജ്ജതി.

(ഖ) യസ്സ വാ പന ധമ്മായതനം നുപ്പജ്ജതി തസ്സ മനായതനം നുപ്പജ്ജതീതി? ആമന്താ. (മനായതനമൂലകം)

(ങ) പച്ചനീകഓകാസോ

൩൨. (ക) യത്ഥ ചക്ഖായതനം നുപ്പജ്ജതി തത്ഥ സോതായതനം നുപ്പജ്ജതീതി? ആമന്താ.

(ഖ) യത്ഥ വാ പന സോതായതനം നുപ്പജ്ജതി തത്ഥ ചക്ഖായതനം നുപ്പജ്ജതീതി? ആമന്താ.

(ക) യത്ഥ ചക്ഖായതനം നുപ്പജ്ജതി തത്ഥ ഘാനായതനം നുപ്പജ്ജതീതി? ആമന്താ.

(ഖ) യത്ഥ വാ പന ഘാനായതനം നുപ്പജ്ജതി തത്ഥ ചക്ഖായതനം നുപ്പജ്ജതീതി?

രൂപാവചരേ തത്ഥ ഘാനായതനം നുപ്പജ്ജതി, നോ ച തത്ഥ ചക്ഖായതനം നുപ്പജ്ജതി. അസഞ്ഞസത്തേ അരൂപേ തത്ഥ ഘാനായതനഞ്ച നുപ്പജ്ജതി ചക്ഖായതനഞ്ച നുപ്പജ്ജതി.

(ക) യത്ഥ ചക്ഖായതനം നുപ്പജ്ജതി തത്ഥ രൂപായതനം നുപ്പജ്ജതീതി?

അസഞ്ഞസത്തേ തത്ഥ ചക്ഖായതനം നുപ്പജ്ജതി, നോ ച തത്ഥ രൂപായതനം നുപ്പജ്ജതി. അരൂപേ തത്ഥ ചക്ഖായതനഞ്ച നുപ്പജ്ജതി രൂപായതനഞ്ച നുപ്പജ്ജതി.

(ഖ) യത്ഥ വാ പന രൂപായതനം നുപ്പജ്ജതി തത്ഥ ചക്ഖായതനം നുപ്പജ്ജതീതി? ആമന്താ.

(ക) യത്ഥ ചക്ഖായതനം നുപ്പജ്ജതി തത്ഥ മനായതനം നുപ്പജ്ജതീതി?

അരൂപേ തത്ഥ ചക്ഖായതനം നുപ്പജ്ജതി, നോ ച തത്ഥ മനായതനം നുപ്പജ്ജതി. അസഞ്ഞസത്തേ തത്ഥ ചക്ഖായതനഞ്ച നുപ്പജ്ജതി മനായതനഞ്ച നുപ്പജ്ജതി.

(ഖ) യത്ഥ വാ പന മനായതനം നുപ്പജ്ജതി തത്ഥ ചക്ഖായതനം നുപ്പജ്ജതീതി? ആമന്താ.

(ക) യത്ഥ ചക്ഖായതനം നുപ്പജ്ജതി തത്ഥ ധമ്മായതനം നുപ്പജ്ജതീതി? ഉപ്പജ്ജതി.

(ഖ) യത്ഥ വാ പന ധമ്മായതനം നുപ്പജ്ജതി തത്ഥ ചക്ഖായതനം നുപ്പജ്ജതീതി? നത്ഥി. (ചക്ഖായതനമൂലകം)

൩൩. (ക) യത്ഥ ഘാനായതനം നുപ്പജ്ജതി തത്ഥ രൂപായതനം നുപ്പജ്ജതീതി?

രൂപാവചരേ തത്ഥ ഘാനായതനം നുപ്പജ്ജതി, നോ ച തത്ഥ രൂപായതനം നുപ്പജ്ജതി. അരൂപേ തത്ഥ ഘാനായതനഞ്ച നുപ്പജ്ജതി രൂപായതനഞ്ച നുപ്പജ്ജതി.

(ഖ) യത്ഥ വാ പന രൂപായതനം നുപ്പജ്ജതി തത്ഥ ഘാനായതനം നുപ്പജ്ജതീതി? ആമന്താ.

(ക) യത്ഥ ഘാനായതനം നുപ്പജ്ജതി തത്ഥ മനായതനം നുപ്പജ്ജതീതി?

രൂപാവചരേ അരൂപാവചരേ തത്ഥ ഘാനായതനം നുപ്പജ്ജതി, നോ ച തത്ഥ മനായതനം നുപ്പജ്ജതി. അസഞ്ഞസത്തേ തത്ഥ ഘാനായതനഞ്ച നുപ്പജ്ജതി മനായതനഞ്ച നുപ്പജ്ജതി.

(ഖ) യത്ഥ വാ പന മനായതനം നുപ്പജ്ജതി തത്ഥ ഘാനായതനം നുപ്പജ്ജതീതി? ആമന്താ.

(ക) യത്ഥ ഘാനായതനം നുപ്പജ്ജതി തത്ഥ ധമ്മായതനം നുപ്പജ്ജതീതി? ഉപ്പജ്ജതി.

(ഖ) യത്ഥ വാ പന ധമ്മായതനം നുപ്പജ്ജതി തത്ഥ ഘാനായതനം നുപ്പജ്ജതീതി? നത്ഥി. (ഘാനായതനമൂലകം)

൩൪. (ക) യത്ഥ രൂപായതനം നുപ്പജ്ജതി തത്ഥ മനായതനം നുപ്പജ്ജതീതി? ഉപ്പജ്ജതി.

(ഖ) യത്ഥ വാ പന മനായതനം നുപ്പജ്ജതി തത്ഥ രൂപായതനം നുപ്പജ്ജതീതി? ഉപ്പജ്ജതി.

(ക) യത്ഥ രൂപായതനം നുപ്പജ്ജതി തത്ഥ ധമ്മായതനം നുപ്പജ്ജതീതി? ഉപ്പജ്ജതി.

(ഖ) യത്ഥ വാ പന ധമ്മായതനം നുപ്പജ്ജതി തത്ഥ രൂപായതനം നുപ്പജ്ജതീതി? നത്ഥി. (രൂപായതനമൂലകം)

൩൫. (ക) യത്ഥ മനായതനം നുപ്പജ്ജതി തത്ഥ ധമ്മായതനം നുപ്പജ്ജതീതി? ഉപ്പജ്ജതി.

(ഖ) യത്ഥ വാ പന ധമ്മായതനം നുപ്പജ്ജതി തത്ഥ മനായതനം നുപ്പജ്ജതീതി? നത്ഥി. (മനായതനമൂലകം)

(ച) പച്ചനീകപുഗ്ഗലോകാസാ

൩൬. (ക) യസ്സ യത്ഥ ചക്ഖായതനം നുപ്പജ്ജതി തസ്സ തത്ഥ സോതായതനം നുപ്പജ്ജതീതി?

അചക്ഖുകാനം സസോതകാനം ഉപപജ്ജന്താനം തേസം തത്ഥ ചക്ഖായതനം നുപ്പജ്ജതി, നോ ച തേസം തത്ഥ സോതായതനം നുപ്പജ്ജതി. സബ്ബേസം ചവന്താനം അചക്ഖുകാനം അസോതകാനം ഉപപജ്ജന്താനം തേസം തത്ഥ ചക്ഖായതനഞ്ച നുപ്പജ്ജതി സോതായതനഞ്ച നുപ്പജ്ജതി.

(ഖ) യസ്സ വാ പന യത്ഥ സോതായതനം നുപ്പജ്ജതി തസ്സ തത്ഥ ചക്ഖായതനം നുപ്പജ്ജതീതി?

അസോതകാനം സചക്ഖുകാനം ഉപപജ്ജന്താനം തേസം തത്ഥ സോതായതനം നുപ്പജ്ജതി, നോ ച തേസം തത്ഥ ചക്ഖായതനം നുപ്പജ്ജതി. സബ്ബേസം ചവന്താനം അസോതകാനം അചക്ഖുകാനം ഉപപജ്ജന്താനം തേസം തത്ഥ സോതായതനഞ്ച നുപ്പജ്ജതി ചക്ഖായതനഞ്ച നുപ്പജ്ജതി…പേ….

൩൭. (ക) യസ്സ യത്ഥ മനായതനം നുപ്പജ്ജതി തസ്സ തത്ഥ ധമ്മായതനം നുപ്പജ്ജതീതി?

അചിത്തകാനം ഉപപജ്ജന്താനം തേസം തത്ഥ മനായതനം നുപ്പജ്ജതി, നോ ച തേസം തത്ഥ ധമ്മായതനം നുപ്പജ്ജതി. സബ്ബേസം ചവന്താനം തേസം തത്ഥ മനായതനഞ്ച നുപ്പജ്ജതി ധമ്മായതനഞ്ച നുപ്പജ്ജതി.