(൬) അതീതാനാഗതവാരോ

(ക) അനുലോമപുഗ്ഗലോ

൧൯൬. (ക) യസ്സ രൂപക്ഖന്ധോ ഉപ്പജ്ജിത്ഥ തസ്സ വേദനാക്ഖന്ധോ നിരുജ്ഝിസ്സതീതി?

പരിനിബ്ബന്താനം തേസം രൂപക്ഖന്ധോ ഉപ്പജ്ജിത്ഥ, നോ ച തേസം വേദനാക്ഖന്ധോ നിരുജ്ഝിസ്സതി. ഇതരേസം തേസം രൂപക്ഖന്ധോ ച ഉപ്പജ്ജിത്ഥ വേദനാക്ഖന്ധോ ച നിരുജ്ഝിസ്സതി.

(ഖ) യസ്സ വാ പന വേദനാക്ഖന്ധോ നിരുജ്ഝിസ്സതി തസ്സ രൂപക്ഖന്ധോ ഉപ്പജ്ജിത്ഥാതി? ആമന്താ.

൧൯൭. (ക) യസ്സ വേദനാക്ഖന്ധോ ഉപ്പജ്ജിത്ഥ തസ്സ സഞ്ഞാക്ഖന്ധോ നിരുജ്ഝിസ്സതീതി?

പരിനിബ്ബന്താനം തേസം വേദനാക്ഖന്ധോ ഉപ്പജ്ജിത്ഥ, നോ ച തേസം സഞ്ഞാക്ഖന്ധോ നിരുജ്ഝിസ്സതി. ഇതരേസം തേസം വേദനാക്ഖന്ധോ ച ഉപ്പജ്ജിത്ഥ സഞ്ഞാക്ഖന്ധോ ച നിരുജ്ഝിസ്സതി.

(ഖ) യസ്സ വാ പന സഞ്ഞാക്ഖന്ധോ നിരുജ്ഝിസ്സതി തസ്സ വേദനാക്ഖന്ധോ ഉപ്പജ്ജിത്ഥാതി? ആമന്താ.

(ഖ) അനുലോമഓകാസോ

൧൯൮. യത്ഥ രൂപക്ഖന്ധോ ഉപ്പജ്ജിത്ഥ…പേ….

(ഗ) അനുലോമപുഗ്ഗലോകാസാ

൧൯൯. (ക) യസ്സ യത്ഥ രൂപക്ഖന്ധോ ഉപ്പജ്ജിത്ഥ തസ്സ തത്ഥ വേദനാക്ഖന്ധോ നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം അസഞ്ഞസത്താനം തേസം തത്ഥ രൂപക്ഖന്ധോ ഉപ്പജ്ജിത്ഥ, നോ ച തേസം തത്ഥ വേദനാക്ഖന്ധോ നിരുജ്ഝിസ്സതി. ഇതരേസം പഞ്ചവോകാരാനം തേസം തത്ഥ രൂപക്ഖന്ധോ ച ഉപ്പജ്ജിത്ഥ വേദനാക്ഖന്ധോ ച നിരുജ്ഝിസ്സതി.

(ഖ) യസ്സ വാ പന യത്ഥ വേദനാക്ഖന്ധോ നിരുജ്ഝിസ്സതി തസ്സ തത്ഥ രൂപക്ഖന്ധോ ഉപ്പജ്ജിത്ഥാതി?

സുദ്ധാവാസം ഉപപജ്ജന്താനം അരൂപാനം തേസം തത്ഥ വേദനാക്ഖന്ധോ നിരുജ്ഝിസ്സതി, നോ ച തേസം തത്ഥ രൂപക്ഖന്ധോ ഉപ്പജ്ജിത്ഥ. ഇതരേസം പഞ്ചവോകാരാനം തേസം തത്ഥ വേദനാക്ഖന്ധോ ച നിരുജ്ഝിസ്സതി രൂപക്ഖന്ധോ ച ഉപ്പജ്ജിത്ഥ.

൨൦൦. (ക) യസ്സ യത്ഥ വേദനാക്ഖന്ധോ ഉപ്പജ്ജിത്ഥ തസ്സ തത്ഥ സഞ്ഞാക്ഖന്ധോ നിരുജ്ഝിസ്സതീതി?

പരിനിബ്ബന്താനം തേസം തത്ഥ വേദനാക്ഖന്ധോ ഉപ്പജ്ജിത്ഥ, നോ ച തേസം തത്ഥ സഞ്ഞാക്ഖന്ധോ നിരുജ്ഝിസ്സതി. ഇതരേസം ചതുവോകാരാനം പഞ്ചവോകാരാനം തേസം തത്ഥ വേദനാക്ഖന്ധോ ച ഉപ്പജ്ജിത്ഥ സഞ്ഞാക്ഖന്ധോ ച നിരുജ്ഝിസ്സതി.

(ഖ) യസ്സ വാ പന യത്ഥ സഞ്ഞാക്ഖന്ധോ നിരുജ്ഝിസ്സതി തസ്സ തത്ഥ വേദനാക്ഖന്ധോ ഉപ്പജ്ജിത്ഥാതി?

സുദ്ധാവാസം ഉപപജ്ജന്താനം തേസം തത്ഥ സഞ്ഞാക്ഖന്ധോ നിരുജ്ഝിസ്സതി, നോ ച തേസം തത്ഥ വേദനാക്ഖന്ധോ ഉപ്പജ്ജിത്ഥ. ഇതരേസം ചതുവോകാരാനം പഞ്ചവോകാരാനം തേസം തത്ഥ സഞ്ഞാക്ഖന്ധോ ച നിരുജ്ഝിസ്സതി വേദനാക്ഖന്ധോ ച ഉപ്പജ്ജിത്ഥ.

(ഘ) പച്ചനീകപുഗ്ഗലോ

൨൦൧. (ക) യസ്സ രൂപക്ഖന്ധോ നുപ്പജ്ജിത്ഥ തസ്സ വേദനാക്ഖന്ധോ ന നിരുജ്ഝിസ്സതീതി? നത്ഥി.

(ഖ) യസ്സ വാ പന വേദനാക്ഖന്ധോ ന നിരുജ്ഝിസ്സതി തസ്സ രൂപക്ഖന്ധോ നുപ്പജ്ജിത്ഥാതി? ഉപ്പജ്ജിത്ഥ.

൨൦൨. (ക) യസ്സ വേദനാക്ഖന്ധോ നുപ്പജ്ജിത്ഥ തസ്സ സഞ്ഞാക്ഖന്ധോ ന നിരുജ്ഝിസ്സതീതി? നത്ഥി.

(ഖ) യസ്സ വാ പന സഞ്ഞാക്ഖന്ധോ ന നിരുജ്ഝിസ്സതി തസ്സ വേദനാക്ഖന്ധോ നുപ്പജ്ജിത്ഥാതി? ഉപ്പജ്ജിത്ഥ.

(ങ) പച്ചനീകഓകാസോ

൨൦൩. യത്ഥ രൂപക്ഖന്ധോ നുപ്പജ്ജിത്ഥ…പേ….

(ച) പച്ചനീകപുഗ്ഗലോകാസാ

൨൦൪. (ക) യസ്സ യത്ഥ രൂപക്ഖന്ധോ നുപ്പജ്ജിത്ഥ തസ്സ തത്ഥ വേദനാക്ഖന്ധോ ന നിരുജ്ഝിസ്സതീതി?

സുദ്ധാവാസം ഉപപജ്ജന്താനം അരൂപാനം തേസം തത്ഥ രൂപക്ഖന്ധോ നുപ്പജ്ജിത്ഥ, നോ ച തേസം തത്ഥ വേദനാക്ഖന്ധോ ന നിരുജ്ഝിസ്സതി. സുദ്ധാവാസേ പരിനിബ്ബന്താനം അരൂപേ പരിനിബ്ബന്താനം തേസം തത്ഥ രൂപക്ഖന്ധോ ച നുപ്പജ്ജിത്ഥ വേദനാക്ഖന്ധോ ച ന നിരുജ്ഝിസ്സതി.

(ഖ) യസ്സ വാ പന യത്ഥ വേദനാക്ഖന്ധോ ന നിരുജ്ഝിസ്സതി തസ്സ തത്ഥ രൂപക്ഖന്ധോ നുപ്പജ്ജിത്ഥാതി?

പഞ്ചവോകാരേ പരിനിബ്ബന്താനം അസഞ്ഞസത്താനം തേസം തത്ഥ വേദനാക്ഖന്ധോ ന നിരുജ്ഝിസ്സതി, നോ ച തേസം തത്ഥ രൂപക്ഖന്ധോ നുപ്പജ്ജിത്ഥ. സുദ്ധാവാസേ പരിനിബ്ബന്താനം അരൂപേ പരിനിബ്ബന്താനം തേസം തത്ഥ വേദനാക്ഖന്ധോ ച ന നിരുജ്ഝിസ്സതി രൂപക്ഖന്ധോ ച നുപ്പജ്ജിത്ഥ.

൨൦൫. (ക) യസ്സ യത്ഥ വേദനാക്ഖന്ധോ നുപ്പജ്ജിത്ഥ തസ്സ തത്ഥ സഞ്ഞാക്ഖന്ധോ ന നിരുജ്ഝിസ്സതീതി?

സുദ്ധാവാസം ഉപപജ്ജന്താനം തേസം തത്ഥ വേദനാക്ഖന്ധോ നുപ്പജ്ജിത്ഥ, നോ ച തേസം തത്ഥ സഞ്ഞാക്ഖന്ധോ ന നിരുജ്ഝിസ്സതി. സുദ്ധാവാസേ പരിനിബ്ബന്താനം അസഞ്ഞസത്താനം തേസം തത്ഥ വേദനാക്ഖന്ധോ ച നുപ്പജ്ജിത്ഥ സഞ്ഞാക്ഖന്ധോ ച ന നിരുജ്ഝിസ്സതി.

(ഖ) യസ്സ വാ പന യത്ഥ സഞ്ഞാക്ഖന്ധോ ന നിരുജ്ഝിസ്സതി തസ്സ തത്ഥ വേദനാക്ഖന്ധോ നുപ്പജ്ജിത്ഥാതി?

പരിനിബ്ബന്താനം തേസം തത്ഥ സഞ്ഞാക്ഖന്ധോ ന നിരുജ്ഝിസ്സതി, നോ ച തേസം തത്ഥ വേദനാക്ഖന്ധോ നുപ്പജ്ജിത്ഥ. സുദ്ധാവാസേ പരിനിബ്ബന്താനം അസഞ്ഞസത്താനം തേസം തത്ഥ സഞ്ഞാക്ഖന്ധോ ച ന നിരുജ്ഝിസ്സതി വേദനാക്ഖന്ധോ ച നുപ്പജ്ജിത്ഥ.

ഉപ്പാദനിരോധവാരോ.

പവത്തിവാരോ നിട്ഠിതോ.