(൬) അതീതാനാഗതവാരോ

(ക) അനുലോമപുഗ്ഗലോ

൯൨. (ക) യസ്സ രൂപക്ഖന്ധോ ഉപ്പജ്ജിത്ഥ തസ്സ വേദനാക്ഖന്ധോ ഉപ്പജ്ജിസ്സതീതി?

പച്ഛിമഭവികാനം തേസം രൂപക്ഖന്ധോ ഉപ്പജ്ജിത്ഥ, നോ ച തേസം വേദനാക്ഖന്ധോ ഉപ്പജ്ജിസ്സതി. ഇതരേസം തേസം രൂപക്ഖന്ധോ ച ഉപ്പജ്ജിത്ഥ വേദനാക്ഖന്ധോ ച ഉപ്പജ്ജിസ്സതി.

(ഖ) യസ്സ വാ പന വേദനാക്ഖന്ധോ ഉപ്പജ്ജിസ്സതി തസ്സ രൂപക്ഖന്ധോ ഉപ്പജ്ജിത്ഥാതി? ആമന്താ.

൯൩. (ക) യസ്സ വേദനാക്ഖന്ധോ ഉപ്പജ്ജിത്ഥ തസ്സ സഞ്ഞാക്ഖന്ധോ ഉപ്പജ്ജിസ്സതീതി?

പച്ഛിമഭവികാനം തേസം വേദനാക്ഖന്ധോ ഉപ്പജ്ജിത്ഥ, നോ ച തേസം സഞ്ഞാക്ഖന്ധോ ഉപ്പജ്ജിസ്സതി. ഇതരേസം തേസം വേദനാക്ഖന്ധോ ച ഉപ്പജ്ജിത്ഥ സഞ്ഞാക്ഖന്ധോ ച ഉപ്പജ്ജിസ്സതി.

(ഖ) യസ്സ വാ പന സഞ്ഞാക്ഖന്ധോ ഉപ്പജ്ജിസ്സതി തസ്സ വേദനാക്ഖന്ധോ ഉപ്പജ്ജിത്ഥാതി? ആമന്താ.

(ഖ) അനുലോമഓകാസോ

൯൪. (ക) യത്ഥ രൂപക്ഖന്ധോ ഉപ്പജ്ജിത്ഥ തത്ഥ വേദനാക്ഖന്ധോ ഉപ്പജ്ജിസ്സതീതി?

അസഞ്ഞസത്തേ തത്ഥ രൂപക്ഖന്ധോ ഉപ്പജ്ജിത്ഥ, നോ ച തത്ഥ വേദനാക്ഖന്ധോ ഉപ്പജ്ജിസ്സതി. പഞ്ചവോകാരേ തത്ഥ രൂപക്ഖന്ധോ ച ഉപ്പജ്ജിത്ഥ വേദനാക്ഖന്ധോ ച ഉപ്പജ്ജിസ്സതി.

(ഖ) യത്ഥ വാ പന വേദനാക്ഖന്ധോ ഉപ്പജ്ജിസ്സതി തത്ഥ രൂപക്ഖന്ധോ ഉപ്പജ്ജിത്ഥാതി?

അരൂപേ തത്ഥ വേദനാക്ഖന്ധോ ഉപ്പജ്ജിസ്സതി, നോ ച തത്ഥ രൂപക്ഖന്ധോ ഉപ്പജ്ജിത്ഥ. പഞ്ചവോകാരേ തത്ഥ വേദനാക്ഖന്ധോ ച ഉപ്പജ്ജിസ്സതി രൂപക്ഖന്ധോ ച ഉപ്പജ്ജിത്ഥ.

൯൫. (ക) യത്ഥ വേദനാക്ഖന്ധോ ഉപ്പജ്ജിത്ഥ തത്ഥ സഞ്ഞാക്ഖന്ധോ ഉപ്പജ്ജിസ്സതീതി? ആമന്താ.

(ഖ) യത്ഥ വാ പന സഞ്ഞാക്ഖന്ധോ ഉപ്പജ്ജിസ്സതി തത്ഥ വേദനാക്ഖന്ധോ ഉപ്പജ്ജിത്ഥാതി? ആമന്താ.

(ഗ) അനുലോമപുഗ്ഗലോകാസാ

൯൬. (ക) യസ്സ യത്ഥ രൂപക്ഖന്ധോ ഉപ്പജ്ജിത്ഥ തസ്സ തത്ഥ വേദനാക്ഖന്ധോ ഉപ്പജ്ജിസ്സതീതി?

പഞ്ചവോകാരേ പച്ഛിമഭവികാനം അസഞ്ഞസത്താനം തേസം തത്ഥ രൂപക്ഖന്ധോ ഉപ്പജ്ജിത്ഥ, നോ ച തേസം തത്ഥ വേദനാക്ഖന്ധോ ഉപ്പജ്ജിസ്സതി. ഇതരേസം പഞ്ചവോകാരാനം തേസം തത്ഥ രൂപക്ഖന്ധോ ച ഉപ്പജ്ജിത്ഥ വേദനാക്ഖന്ധോ ച ഉപ്പജ്ജിസ്സതി.

(ഖ) യസ്സ വാ പന യത്ഥ വേദനാക്ഖന്ധോ ഉപ്പജ്ജിസ്സതി തസ്സ തത്ഥ രൂപക്ഖന്ധോ ഉപ്പജ്ജിത്ഥാതി?

അരൂപാനം തേസം തത്ഥ വേദനാക്ഖന്ധോ ഉപ്പജ്ജിസ്സതി, നോ ച തേസം തത്ഥ രൂപക്ഖന്ധോ ഉപ്പജ്ജിത്ഥ. പഞ്ചവോകാരാനം തേസം തത്ഥ വേദനാക്ഖന്ധോ ച ഉപ്പജ്ജിസ്സതി രൂപക്ഖന്ധോ ച ഉപ്പജ്ജിത്ഥ.

൯൭. (ക) യസ്സ യത്ഥ വേദനാക്ഖന്ധോ ഉപ്പജ്ജിത്ഥ തസ്സ തത്ഥ സഞ്ഞാക്ഖന്ധോ ഉപ്പജ്ജിസ്സതീതി?

പച്ഛിമഭവികാനം തേസം തത്ഥ വേദനാക്ഖന്ധോ ഉപ്പജ്ജിത്ഥ, നോ ച തേസം തത്ഥ സഞ്ഞാക്ഖന്ധോ ഉപ്പജ്ജിസ്സതി. ഇതരേസം ചതുവോകാരാനം പഞ്ചവോകാരാനം തേസം തത്ഥ വേദനാക്ഖന്ധോ ച ഉപ്പജ്ജിത്ഥ സഞ്ഞാക്ഖന്ധോ ച ഉപ്പജ്ജിസ്സതി.

(ഖ) യസ്സ വാ പന യത്ഥ സഞ്ഞാക്ഖന്ധോ ഉപ്പജ്ജിസ്സതി തസ്സ തത്ഥ വേദനാക്ഖന്ധോ ഉപ്പജ്ജിത്ഥാതി? ആമന്താ.

(ഘ) പച്ചനീകപുഗ്ഗലോ

൯൮. (ക) യസ്സ രൂപക്ഖന്ധോ നുപ്പജ്ജിത്ഥ തസ്സ വേദനാക്ഖന്ധോ നുപ്പജ്ജിസ്സതീതി? നത്ഥി.

(ഖ) യസ്സ വാ പന വേദനാക്ഖന്ധോ നുപ്പജ്ജിസ്സതി തസ്സ രൂപക്ഖന്ധോ നുപ്പജ്ജിത്ഥാതി? ഉപ്പജ്ജിത്ഥ.

൯൯. (ക) യസ്സ വേദനാക്ഖന്ധോ നുപ്പജ്ജിത്ഥ തസ്സ സഞ്ഞാക്ഖന്ധോ നുപ്പജ്ജിസ്സതീതി? നത്ഥി.

(ഖ) യസ്സ വാ പന സഞ്ഞാക്ഖന്ധോ നുപ്പജ്ജിസ്സതി തസ്സ വേദനാക്ഖന്ധോ നുപ്പജ്ജിത്ഥാതി? ഉപ്പജ്ജിത്ഥ.

(ങ) പച്ചനീകഓകാസോ

൧൦൦. (ക) യത്ഥ രൂപക്ഖന്ധോ നുപ്പജ്ജിത്ഥ തത്ഥ വേദനാക്ഖന്ധോ നുപ്പജ്ജിസ്സതീതി? ഉപ്പജ്ജിസ്സതി.

(ഖ) യത്ഥ വാ പന വേദനാക്ഖന്ധോ നുപ്പജ്ജിസ്സതി തത്ഥ രൂപക്ഖന്ധോ നുപ്പജ്ജിത്ഥാതി? ഉപ്പജ്ജിത്ഥ.

൧൦൧. (ക) യത്ഥ വേദനാക്ഖന്ധോ നുപ്പജ്ജിത്ഥ തത്ഥ സഞ്ഞാക്ഖന്ധോ നുപ്പജ്ജിസ്സതീതി? ആമന്താ.

(ഖ) യത്ഥ വാ പന സഞ്ഞാക്ഖന്ധോ നുപ്പജ്ജിസ്സതി തത്ഥ വേദനാക്ഖന്ധോ നുപ്പജ്ജിത്ഥാതി? ആമന്താ.

(ച) പച്ചനീകപുഗ്ഗലോകാസാ

൧൦൨. (ക) യസ്സ യത്ഥ രൂപക്ഖന്ധോ നുപ്പജ്ജിത്ഥ തസ്സ തത്ഥ വേദനാക്ഖന്ധോ നുപ്പജ്ജിസ്സതീതി?

അരൂപാനം തേസം തത്ഥ രൂപക്ഖന്ധോ നുപ്പജ്ജിത്ഥ, നോ ച തേസം തത്ഥ വേദനാക്ഖന്ധോ നുപ്പജ്ജിസ്സതി. സുദ്ധാവാസാനം അരൂപേ പച്ഛിമഭവികാനം തേസം തത്ഥ രൂപക്ഖന്ധോ ച നുപ്പജ്ജിത്ഥ വേദനാക്ഖന്ധോ ച നുപ്പജ്ജിസ്സതി.

(ഖ) യസ്സ വാ പന യത്ഥ വേദനാക്ഖന്ധോ നുപ്പജ്ജിസ്സതി തസ്സ തത്ഥ രൂപക്ഖന്ധോ നുപ്പജ്ജിത്ഥാതി?

പഞ്ചവോകാരേ പച്ഛിമഭവികാനം അസഞ്ഞസത്താനം തേസം തത്ഥ വേദനാക്ഖന്ധോ നുപ്പജ്ജിസ്സതി, നോ ച തേസം തത്ഥ രൂപക്ഖന്ധോ നുപ്പജ്ജിത്ഥ. സുദ്ധാവാസാനം അരൂപേ പച്ഛിമഭവികാനം തേസം തത്ഥ വേദനാക്ഖന്ധോ ച നുപ്പജ്ജിസ്സതി രൂപക്ഖന്ധോ ച നുപ്പജ്ജിത്ഥ.

൧൦൩. (ക) യസ്സ യത്ഥ വേദനാക്ഖന്ധോ നുപ്പജ്ജിത്ഥ തസ്സ തത്ഥ സഞ്ഞാക്ഖന്ധോ നുപ്പജ്ജിസ്സതീതി? ആമന്താ.

(ഖ) യസ്സ വാ പന യത്ഥ സഞ്ഞാക്ഖന്ധോ നുപ്പജ്ജിസ്സതി തസ്സ തത്ഥ വേദനാക്ഖന്ധോ നുപ്പജ്ജിത്ഥാതി?

പച്ഛിമഭവികാനം തേസം തത്ഥ സഞ്ഞാക്ഖന്ധോ നുപ്പജ്ജിസ്സതി, നോ ച തേസം തത്ഥ വേദനാക്ഖന്ധോ നുപ്പജ്ജിത്ഥ. സുദ്ധാവാസാനം അസഞ്ഞസത്താനം തേസം തത്ഥ സഞ്ഞാക്ഖന്ധോ ച നുപ്പജ്ജിസ്സതി വേദനാക്ഖന്ധോ ച നുപ്പജ്ജിത്ഥ.

ഉപ്പാദവാരോ നിട്ഠിതോ.