൨. അകുസലാ ധമ്മാ (൧) മൂലനയോ

൧൩. (ക) യേ കേചി അകുസലാ ധമ്മാ, സബ്ബേ തേ അകുസലമൂലാ?

(ഖ) യേ വാ പന അകുസലമൂലാ, സബ്ബേ തേ ധമ്മാ അകുസലാ?

൧൪. (ക) യേ കേചി അകുസലാ ധമ്മാ, സബ്ബേ തേ അകുസലമൂലേന ഏകമൂലാ?

(ഖ) യേ വാ പന അകുസലമൂലേന ഏകമൂലാ, സബ്ബേ തേ ധമ്മാ അകുസലാ?

൧൫. (ക) യേ കേചി അകുസലമൂലേന ഏകമൂലാ ധമ്മാ, സബ്ബേ തേ അകുസലമൂലേന അഞ്ഞമഞ്ഞമൂലാ?

(ഖ) യേ വാ പന അകുസലമൂലേന അഞ്ഞമഞ്ഞമൂലാ, സബ്ബേ തേ ധമ്മാ അകുസലാ?

(൨) മൂലമൂലനയോ

൧൬. (ക) യേ കേചി അകുസലാ ധമ്മാ, സബ്ബേ തേ അകുസലമൂലമൂലാ?

(ഖ) യേ വാ പന അകുസലമൂലമൂലാ, സബ്ബേ തേ ധമ്മാ അകുസലാ?

൧൭. (ക) യേ കേചി അകുസലാ ധമ്മാ, സബ്ബേ തേ അകുസലമൂലേന ഏകമൂലമൂലാ?

(ഖ) യേ വാ പന അകുസലമൂലേന ഏകമൂലമൂലാ, സബ്ബേ തേ ധമ്മാ അകുസലാ?

൧൮. (ക) യേ കേചി അകുസലമൂലേന ഏകമൂലമൂലാ ധമ്മാ, സബ്ബേ തേ അകുസലമൂലേന അഞ്ഞമഞ്ഞമൂലമൂലാ?

(ഖ) യേ വാ പന അകുസലമൂലേന അഞ്ഞമഞ്ഞമൂലമൂലാ, സബ്ബേ തേ ധമ്മാ അകുസലാ?

(൩) മൂലകനയോ

൧൯. (ക) യേ കേചി അകുസലാ ധമ്മാ, സബ്ബേ തേ അകുസലമൂലകാ?

(ഖ) യേ വാ പന അകുസലമൂലകാ, സബ്ബേ തേ ധമ്മാ അകുസലാ?

൨൦. (ക) യേ കേചി അകുസലാ ധമ്മാ, സബ്ബേ തേ അകുസലമൂലേന ഏകമൂലകാ?

(ഖ) യേ വാ പന അകുസലമൂലേന ഏകമൂലകാ, സബ്ബേ തേ ധമ്മാ അകുസലാ?

൨൧. (ക) യേ കേചി അകുസലമൂലേന ഏകമൂലകാ ധമ്മാ, സബ്ബേ തേ അകുസലമൂലേന അഞ്ഞമഞ്ഞമൂലകാ?

(ഖ) യേ വാ പന അകുസലമൂലേന അഞ്ഞമഞ്ഞമൂലകാ, സബ്ബേ തേ ധമ്മാ അകുസലാ?

(൪) മൂലമൂലകനയോ

൨൨. (ക) യേ കേചി അകുസലാ ധമ്മാ, സബ്ബേ തേ അകുസലമൂലമൂലകാ?

(ഖ) യേ വാ പന അകുസലമൂലമൂലകാ, സബ്ബേ തേ ധമ്മാ അകുസലാ?

൨൩. (ക) യേ കേചി അകുസലാ ധമ്മാ, സബ്ബേ തേ അകുസലമൂലേന ഏകമൂലമൂലകാ?

(ഖ) യേ വാ പന അകുസലമൂലേന ഏകമൂലമൂലകാ, സബ്ബേ തേ ധമ്മാ അകുസലാ?

൨൪. (ക) യേ കേചി അകുസലമൂലേന ഏകമൂലമൂലകാ ധമ്മാ, സബ്ബേ തേ അകുസലമൂലേന അഞ്ഞമഞ്ഞമൂലമൂലകാ?

(ഖ) യേ വാ പന അകുസലമൂലേന അഞ്ഞമഞ്ഞമൂലമൂലകാ, സബ്ബേ തേ ധമ്മാ അകുസലാ?