൪. നാമാ ധമ്മാ (൧) മൂലനയോ
൮൬. (ക) യേ കേചി നാമാ ധമ്മാ, സബ്ബേ തേ നാമമൂലാതി?
നവേവ നാമമൂലാനി. അവസേസാ നാമാ ധമ്മാ ന നാമമൂലാ.
(ഖ) യേ വാ പന നാമമൂലാ, സബ്ബേ തേ ധമ്മാ നാമാതി? ആമന്താ.
൮൭. (ക) യേ കേചി നാമാ ധമ്മാ, സബ്ബേ തേ നാമമൂലേന ഏകമൂലാതി?
അഹേതുകം നാമം നാമമൂലേന ന ഏകമൂലം. സഹേതുകം നാമം നാമമൂലേന ഏകമൂലം.
(ഖ) യേ വാ പന നാമമൂലേന ഏകമൂലാ, സബ്ബേ തേ ധമ്മാ നാമാതി?
നാമസമുട്ഠാനം രൂപം നാമമൂലേന ഏകമൂലം, ന നാമം. നാമം നാമമൂലേന ഏകമൂലഞ്ചേവ നാമഞ്ച.
൮൮. (ക) യേ കേചി നാമമൂലേന ഏകമൂലാ ധമ്മാ, സബ്ബേ തേ നാമമൂലേന അഞ്ഞമഞ്ഞമൂലാതി?
മൂലാനി യാനി ഏകതോ ഉപ്പജ്ജന്തി നാമമൂലാനി ഏകമൂലാനി ചേവ അഞ്ഞമഞ്ഞമൂലാനി ച. അവസേസാ നാമമൂലസഹജാതാ ധമ്മാ നാമമൂലേന ഏകമൂലാ, ന ച അഞ്ഞമഞ്ഞമൂലാ.
(ഖ) യേ വാ പന നാമമൂലേന അഞ്ഞമഞ്ഞമൂലാ, സബ്ബേ തേ ധമ്മാ നാമാതി? ആമന്താ.
(൨) മൂലമൂലനയോ
൮൯. (ക) യേ കേചി നാമാ ധമ്മാ, സബ്ബേ തേ നാമമൂലമൂലാതി?
നവേവ നാമമൂലമൂലാനി. അവസേസാ നാമാ ധമ്മാ ന നാമമൂലമൂലാ.
(ഖ) യേ വാ പന നാമമൂലമൂലാ, സബ്ബേ തേ ധമ്മാ നാമാതി? ആമന്താ.
൯൦. (ക) യേ കേചി നാമാ ധമ്മാ, സബ്ബേ തേ നാമമൂലേന ഏകമൂലമൂലാതി?
അഹേതുകം നാമം നാമമൂലേന ന ഏകമൂലമൂലം. സഹേതുകം നാമം നാമമൂലേന ഏകമൂലമൂലം.
(ഖ) യേ വാ പന നാമമൂലേന ഏകമൂലമൂലാ, സബ്ബേ തേ ധമ്മാ നാമാതി?
നാമസമുട്ഠാനം രൂപം നാമമൂലേന ഏകമൂലമൂലം, ന നാമം. നാമം നാമമൂലേന ഏകമൂലമൂലഞ്ചേവ നാമഞ്ച.
൯൧. (ക) യേ കേചി നാമമൂലേന ഏകമൂലമൂലാ ധമ്മാ, സബ്ബേ തേ നാമമൂലേന അഞ്ഞമഞ്ഞമൂലമൂലാതി?
മൂലാനി യാനി ഏകതോ ഉപ്പജ്ജന്തി നാമമൂലാനി ഏകമൂലമൂലാനി ചേവ അഞ്ഞമഞ്ഞമൂലമൂലാനി ച. അവസേസാ നാമമൂലസഹജാതാ ധമ്മാ നാമമൂലേന ഏകമൂലമൂലാ, ന ച അഞ്ഞമഞ്ഞമൂലമൂലാ.
(ഖ) യേ വാ പന നാമമൂലേന അഞ്ഞമഞ്ഞമൂലമൂലാ, സബ്ബേ തേ ധമ്മാ നാമാതി? ആമന്താ.
(൩) മൂലകനയോ
൯൨. (ക) യേ കേചി നാമാ ധമ്മാ, സബ്ബേ തേ നാമമൂലകാതി?
അഹേതുകം നാമം ന നാമമൂലകം. സഹേതുകം നാമം നാമമൂലകം.
(ഖ) യേ വാ പന നാമമൂലകാ, സബ്ബേ തേ ധമ്മാ നാമാതി?
നാമസമുട്ഠാനം രൂപം നാമമൂലകം, ന നാമം. നാമം നാമമൂലകഞ്ചേവ നാമഞ്ച.
൯൩. (ക) യേ കേചി നാമാ ധമ്മാ, സബ്ബേ തേ നാമമൂലേന ഏകമൂലകാതി?
അഹേതുകം നാമം നാമമൂലേന ന ഏകമൂലകം. സഹേതുകം നാമം നാമമൂലേന ഏകമൂലകം.
(ഖ) യേ വാ പന നാമമൂലേന ഏകമൂലകാ, സബ്ബേ തേ ധമ്മാ നാമാതി?
നാമസമുട്ഠാനം രൂപം നാമമൂലേന ഏകമൂലകം, ന നാമം. നാമം നാമമൂലേന ഏകമൂലകഞ്ചേവ നാമഞ്ച.
൯൪. (ക) യേ കേചി നാമമൂലേന ഏകമൂലകാ ധമ്മാ, സബ്ബേ തേ നാമമൂലേന അഞ്ഞമഞ്ഞമൂലകാതി?
മൂലാനി യാനി ഏകതോ ഉപ്പജ്ജന്തി നാമമൂലാനി ഏകമൂലകാനി ചേവ അഞ്ഞമഞ്ഞമൂലകാനി ച. അവസേസാ നാമമൂലസഹജാതാ ധമ്മാ നാമമൂലേന ഏകമൂലകാ, ന ച അഞ്ഞമഞ്ഞമൂലകാ.
(ഖ) യേ വാ പന നാമമൂലേന അഞ്ഞമഞ്ഞമൂലകാ, സബ്ബേ തേ ധമ്മാ നാമാതി? ആമന്താ.
(൪) മൂലമൂലകനയോ
൯൫. (ക) യേ കേചി നാമാ ധമ്മാ, സബ്ബേ തേ നാമമൂലമൂലകാതി?
അഹേതുകം നാമം ന നാമമൂലമൂലകം. സഹേതുകം നാമം നാമമൂലമൂലകം.
(ഖ) യേ വാ പന നാമമൂലമൂലകാ, സബ്ബേ തേ ധമ്മാ നാമാതി?
നാമസമുട്ഠാനം രൂപം നാമമൂലമൂലകം, ന നാമം. നാമം നാമമൂലമൂലകഞ്ചേവ നാമഞ്ച.
൯൬. (ക) യേ കേചി നാമാ ധമ്മാ, സബ്ബേ തേ നാമമൂലേന ഏകമൂലമൂലകാതി?
അഹേതുകം നാമം നാമമൂലേന ന ഏകമൂലമൂലകം. സഹേതുകം നാമം നാമമൂലേന ഏകമൂലമൂലകം.
(ഖ) യേ വാ പന നാമമൂലേന ഏകമൂലമൂലകാ, സബ്ബേ തേ ധമ്മാ നാമാതി?
നാമസമുട്ഠാനം രൂപം നാമമൂലേന ഏകമൂലമൂലകം, ന നാമം. നാമം നാമമൂലേന ഏകമൂലമൂലകഞ്ചേവ നാമഞ്ച.
൯൭. (ക) യേ കേചി നാമമൂലേന ഏകമൂലമൂലകാ ധമ്മാ, സബ്ബേ തേ നാമമൂലേന അഞ്ഞമഞ്ഞമൂലമൂലകാതി?
മൂലാനി യാനി ഏകതോ ഉപ്പജ്ജന്തി നാമമൂലാനി ഏകമൂലമൂലകാനി ചേവ അഞ്ഞമഞ്ഞമൂലമൂലകാനി ച. അവസേസാ നാമമൂലസഹജാതാ ധമ്മാ നാമമൂലേന ഏകമൂലമൂലകാ, ന ച അഞ്ഞമഞ്ഞമൂലമൂലകാ.
(ഖ) യേ വാ പന നാമമൂലേന അഞ്ഞമഞ്ഞമൂലമൂലകാ, സബ്ബേ തേ ധമ്മാ നാമാതി?
ആമന്താ.
മൂലവാരനിദ്ദേസോ.