൧. വിഭങ്ഗവാരോ

നഹേതുപച്ചയോ

൧൭. ദസ്സനേന പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഖന്ധേ പടിച്ച വിചികിച്ഛാസഹഗതോ മോഹോ. (൧)

ഭാവനായ പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നഹേതുപച്ചയാ – ഉദ്ധച്ചസഹഗതേ ഖന്ധേ പടിച്ച ഉദ്ധച്ചസഹഗതോ മോഹോ. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നഹേതുപച്ചയാ – അഹേതുകം നേവദസ്സനേന നഭാവനായ പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധാ; അഹേതുകപടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം പടിച്ച…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ…. (൧)

നആരമ്മണപച്ചയോ

൧൮. ദസ്സനേന പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നആരമ്മണപച്ചയാ – ദസ്സനേന പഹാതബ്ബഹേതുകേ ഖന്ധേ പടിച്ച ചിത്തസമുട്ഠാനം രൂപം. (൧)

ഭാവനായ പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നആരമ്മണപച്ചയാ – ഭാവനായ പഹാതബ്ബഹേതുകേ ഖന്ധേ പടിച്ച ചിത്തസമുട്ഠാനം രൂപം. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നആരമ്മണപച്ചയാ – നേവദസ്സനേന നഭാവനായ പഹാതബ്ബഹേതുകേ ഖന്ധേ പടിച്ച ചിത്തസമുട്ഠാനം രൂപം; വിചികിച്ഛാസഹഗതം ഉദ്ധച്ചസഹഗതം മോഹം പടിച്ച ചിത്തസമുട്ഠാനം രൂപം. പടിസന്ധിക്ഖണേ നേവദസ്സനേന നഭാവനായ പഹാതബ്ബഹേതുകേ ഖന്ധേ പടിച്ച കടത്താരൂപം, ഖന്ധേ പടിച്ച വത്ഥു…പേ… ഏകം മഹാഭൂതം…പേ… അസഞ്ഞസത്താനം…പേ…. (൧)

൧൯. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നആരമ്മണപച്ചയാ – ദസ്സനേന പഹാതബ്ബഹേതുകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; വിചികിച്ഛാസഹഗതേ ഖന്ധേ ച മോഹഞ്ച പടിച്ച ചിത്തസമുട്ഠാനം രൂപം. (൧)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നആരമ്മണപച്ചയാ – ഭാവനായ പഹാതബ്ബഹേതുകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; ഉദ്ധച്ചസഹഗതേ ഖന്ധേ ച മോഹഞ്ച പടിച്ച ചിത്തസമുട്ഠാനം രൂപം. (൧)

നഅധിപതിപച്ചയാദി

൨൦. ദസ്സനേന പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നഅധിപതിപച്ചയാ… (സഹജാതസദിസം) നഅനന്തരപച്ചയാ… നസമനന്തരപച്ചയാ… നഅഞ്ഞമഞ്ഞപച്ചയാ… നഉപനിസ്സയപച്ചയാ.

നപുരേജാതപച്ചയോ

൨൧. ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നപുരേജാതപച്ചയാ – അരൂപേ ദസ്സനേന പഹാതബ്ബഹേതുകം ഏകം ഖന്ധം പടിച്ച…പേ…. (൧)

ദസ്സനേന പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നപുരേജാതപച്ചയാ – അരൂപേ വിചികിച്ഛാസഹഗതേ ഖന്ധേ പടിച്ച വിചികിച്ഛാസഹഗതോ മോഹോ; ദസ്സനേന പഹാതബ്ബഹേതുകേ ഖന്ധേ പടിച്ച ചിത്തസമുട്ഠാനം രൂപം. (൨)

ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി നപുരേജാതപച്ചയാ – അരൂപേ വിചികിച്ഛാസഹഗതം ഏകം ഖന്ധം പടിച്ച തയോ ഖന്ധാ മോഹോ ച…പേ… ദ്വേ ഖന്ധേ…പേ…. (൩)

ഭാവനായ പഹാതബ്ബഹേതുകം ധമ്മം… തീണി (ദസ്സനേന സദിസം).

൨൨. നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നപുരേജാതപച്ചയാ – അരൂപേ നേവദസ്സനേന നഭാവനായ പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ, നേവദസ്സനേന നഭാവനായ പഹാതബ്ബഹേതുകേ ഖന്ധേ പടിച്ച ചിത്തസമുട്ഠാനം രൂപം; വിചികിച്ഛാസഹഗതം ഉദ്ധച്ചസഹഗതം മോഹം പടിച്ച ചിത്തസമുട്ഠാനം രൂപം. പടിസന്ധിക്ഖണേ…പേ… അസഞ്ഞസത്താനം…പേ…. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നപുരേജാതപച്ചയാ – അരൂപേ വിചികിച്ഛാസഹഗതം മോഹം പടിച്ച സമ്പയുത്തകാ ഖന്ധാ. (൨)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി നപുരേജാതപച്ചയാ – അരൂപേ ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ. (൩)

൨൩. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നപുരേജാതപച്ചയാ – അരൂപേ വിചികിച്ഛാസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ…. (൧)

ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നപുരേജാതപച്ചയാ – ദസ്സനേന പഹാതബ്ബഹേതുകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; വിചികിച്ഛാസഹഗതേ ഖന്ധേ ച മോഹഞ്ച പടിച്ച ചിത്തസമുട്ഠാനം രൂപം. (൨)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി നപുരേജാതപച്ചയാ (ഇമേപി ദ്വേ കാതബ്ബാ).

നപച്ഛാജാതപച്ചയാദി

൨൪. ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നപച്ഛാജാതപച്ചയാ… നആസേവനപച്ചയാ.

നകമ്മപച്ചയോ

൨൫. ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നകമ്മപച്ചയാ – ദസ്സനേന പഹാതബ്ബഹേതുകേ ഖന്ധേ പടിച്ച ദസ്സനേന പഹാതബ്ബഹേതുകാ ചേതനാ. (൧)

ഭാവനായ പഹാതബ്ബഹേതുകം ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി നകമ്മപച്ചയാ – ഭാവനായ പഹാതബ്ബഹേതുകേ ഖന്ധേ പടിച്ച ഭാവനായ പഹാതബ്ബഹേതുകാ ചേതനാ. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നകമ്മപച്ചയാ – നേവദസ്സനേന നഭാവനായ പഹാതബ്ബഹേതുകേ ഖന്ധേ പടിച്ച നേവദസ്സനേന നഭാവനായ പഹാതബ്ബഹേതുകാ ചേതനാ; ബാഹിരം… ആഹാരസമുട്ഠാനം… ഉതുസമുട്ഠാനം…പേ…. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നകമ്മപച്ചയാ – വിചികിച്ഛാസഹഗതം മോഹം പടിച്ച സമ്പയുത്തകാ ചേതനാ. (൨)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി നകമ്മപച്ചയാ – ഉദ്ധച്ചസഹഗതം മോഹം പടിച്ച സമ്പയുത്തകാ ചേതനാ. (൩)

൨൬. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നകമ്മപച്ചയാ – വിചികിച്ഛാസഹഗതേ ഖന്ധേ ച മോഹഞ്ച പടിച്ച സമ്പയുത്തകാ ചേതനാ. (൧)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി നകമ്മപച്ചയാ – ഉദ്ധച്ചസഹഗതേ ഖന്ധേ ച മോഹഞ്ച പടിച്ച സമ്പയുത്തകാ ചേതനാ. (൧)

നവിപാകപച്ചയോ

൨൭. ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നവിപാകപച്ചയാ (പടിസന്ധി നത്ഥി).

നആഹാരപച്ചയാദി

൨൮. നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നആഹാരപച്ചയാ – ബാഹിരം… ഉതുസമുട്ഠാനം… അസഞ്ഞസത്താനം…പേ… നഇന്ദ്രിയപച്ചയാ – ബാഹിരം… ആഹാരസമുട്ഠാനം… ഉതുസമുട്ഠാനം, അസഞ്ഞസത്താനം…പേ… മഹാഭൂതേ പടിച്ച രൂപജീവിതിന്ദ്രിയം… നഝാനപച്ചയാ – പഞ്ചവിഞ്ഞാണം…പേ… (മഹാഭൂതാ കാതബ്ബാ) നമഗ്ഗപച്ചയാ – അഹേതുകം നേവദസ്സനേന നഭാവനായ പഹാതബ്ബഹേതുകം ഏകം ഖന്ധം…പേ… അസഞ്ഞസത്താനം…പേ… നസമ്പയുത്തപച്ചയാ.

നവിപ്പയുത്തപച്ചയാദി

൨൯. ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ ദസ്സനേന പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ…പേ…. (൧)

ദസ്സനേന പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ വിചികിച്ഛാസഹഗതേ ഖന്ധേ പടിച്ച വിചികിച്ഛാസഹഗതോ മോഹോ. (൨)

ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി നവിപ്പയുത്തപച്ചയാ – അരൂപേ വിചികിച്ഛാസഹഗതം ഏകം ഖന്ധം പടിച്ച തയോ ഖന്ധാ മോഹോ ച…പേ… ദ്വേ ഖന്ധേ…പേ…. (൩)

ഭാവനായ പഹാതബ്ബഹേതുകം ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ ഭാവനായ… തീണി.

൩൦. നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ നേവദസ്സനേന നഭാവനായ പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ; ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ…. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ വിചികിച്ഛാസഹഗതം മോഹം പടിച്ച സമ്പയുത്തകാ ഖന്ധാ. (൨)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ. (൩)

൩൧. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ വിചികിച്ഛാസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധാ. (൧)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധാ… നോനത്ഥിപച്ചയാ… നോവിഗതപച്ചയാ.