൧. വിഭങ്ഗവാരോ

ഹേതുപച്ചയോ

൭൫. ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ ഹേതുപച്ചയേന പച്ചയോ – ദസ്സനേന പഹാതബ്ബഹേതുകാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

ദസ്സനേന പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ഹേതുപച്ചയേന പച്ചയോ – ദസ്സനേന പഹാതബ്ബഹേതുകാ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൨)

ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ഹേതുപച്ചയേന പച്ചയോ – ദസ്സനേന പഹാതബ്ബഹേതുകാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

ഭാവനായ പഹാതബ്ബഹേതുകോ ധമ്മോ… തീണി.

൭൬. നേവദസ്സനേന നഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ഹേതുപച്ചയേന പച്ചയോ…പേ….

നേവദസ്സനേന നഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ ഹേതുപച്ചയേന പച്ചയോ – വിചികിച്ഛാസഹഗതോ മോഹോ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൨)

നേവദസ്സനേന നഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ധമ്മസ്സ ഹേതുപച്ചയേന പച്ചയോ – ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൩)

നേവദസ്സനേന നഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ഹേതുപച്ചയേന പച്ചയോ – വിചികിച്ഛാസഹഗതോ മോഹോ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൪)

നേവദസ്സനേന നഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ഹേതുപച്ചയേന പച്ചയോ – ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൫)

ആരമ്മണപച്ചയോ

൭൭. ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ ആരമ്മണപച്ചയേന പച്ചയോ – ദസ്സനേന പഹാതബ്ബഹേതുകം രാഗം അസ്സാദേതി അഭിനന്ദതി; തം ആരബ്ഭ ദസ്സനേന പഹാതബ്ബഹേതുകോ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ദസ്സനേന പഹാതബ്ബഹേതുകം ദോമനസ്സം ഉപ്പജ്ജതി. ദിട്ഠിം അസ്സാദേതി അഭിനന്ദതി; തം ആരബ്ഭ ദസ്സനേന പഹാതബ്ബഹേതുകോ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ദസ്സനേന പഹാതബ്ബഹേതുകം ദോമനസ്സം ഉപ്പജ്ജതി. വിചികിച്ഛം ആരബ്ഭ വിചികിച്ഛാ ഉപ്പജ്ജതി, ദിട്ഠി ഉപ്പജ്ജതി, ദസ്സനേന പഹാതബ്ബഹേതുകം ദോമനസ്സം ഉപ്പജ്ജതി. ദസ്സനേന പഹാതബ്ബഹേതുകം ദോമനസ്സം ആരബ്ഭ ദസ്സനേന പഹാതബ്ബഹേതുകം ദോമനസ്സം ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി. (൧)

ദസ്സനേന പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ആരമ്മണപച്ചയേന പച്ചയോ – അരിയാ ദസ്സനേന പഹാതബ്ബഹേതുകേ പഹീനേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി, ദസ്സനേന പഹാതബ്ബഹേതുകേ ഖന്ധേ അനിച്ചതോ…പേ… ചേതോപരിയഞാണേന…പേ… ദസ്സനേന പഹാതബ്ബഹേതുകാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ അനാഗതംസഞാണസ്സ, ആവജ്ജനായ മോഹസ്സ ച ആരമ്മണപച്ചയേന പച്ചയോ. (൨)

ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ആരമ്മണപച്ചയേന പച്ചയോ – ദസ്സനേന പഹാതബ്ബഹേതുകേ ഖന്ധേ ആരബ്ഭ വിചികിച്ഛാസഹഗതാ ഖന്ധാ ച മോഹോ ച ഉപ്പജ്ജന്തി. (൩)

൭൮. ഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ധമ്മസ്സ ആരമ്മണപച്ചയേന പച്ചയോ – ഭാവനായ പഹാതബ്ബഹേതുകം രാഗം അസ്സാദേതി അഭിനന്ദതി; തം ആരബ്ഭ ഭാവനായ പഹാതബ്ബഹേതുകോ രാഗോ ഉപ്പജ്ജതി, ഉദ്ധച്ചം ഉപ്പജ്ജതി, ഭാവനായ പഹാതബ്ബഹേതുകം ദോമനസ്സം ഉപ്പജ്ജതി. ഉദ്ധച്ചം ആരബ്ഭ ഉദ്ധച്ചം ഉപ്പജ്ജതി, ഭാവനായ പഹാതബ്ബഹേതുകം ദോമനസ്സം ഉപ്പജ്ജതി. ഭാവനായ പഹാതബ്ബഹേതുകം ദോമനസ്സം ആരബ്ഭ ഭാവനായ പഹാതബ്ബഹേതുകം ദോമനസ്സം ഉപ്പജ്ജതി, ഉദ്ധച്ചം ഉപ്പജ്ജതി. (൧)

ഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ ആരമ്മണപച്ചയേന പച്ചയോ – ഭാവനായ പഹാതബ്ബഹേതുകം രാഗം അസ്സാദേതി അഭിനന്ദതി; തം ആരബ്ഭ ദസ്സനേന പഹാതബ്ബഹേതുകോ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ദസ്സനേന പഹാതബ്ബഹേതുകം ദോമനസ്സം ഉപ്പജ്ജതി. ഉദ്ധച്ചം ആരബ്ഭ ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ദസ്സനേന പഹാതബ്ബഹേതുകം ദോമനസ്സം ഉപ്പജ്ജതി. ഭാവനായ പഹാതബ്ബഹേതുകം ദോമനസ്സം ആരബ്ഭ ദസ്സനേന പഹാതബ്ബഹേതുകം ദോമനസ്സം ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി. (൨)

ഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ആരമ്മണപച്ചയേന പച്ചയോ – അരിയാ ഭാവനായ പഹാതബ്ബഹേതുകേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി, ഭാവനായ പഹാതബ്ബഹേതുകേ ഖന്ധേ അനിച്ചതോ…പേ… ചേതോപരിയഞാണേന…പേ… ഭാവനായ പഹാതബ്ബഹേതുകാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ മോഹസ്സ ച ആരമ്മണപച്ചയേന പച്ചയോ. (൩)

ഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ആരമ്മണപച്ചയേന പച്ചയോ – ഭാവനായ പഹാതബ്ബഹേതുകേ ഖന്ധേ ആരബ്ഭ വിചികിച്ഛാസഹഗതാ ഖന്ധാ ച മോഹോ ച ഉപ്പജ്ജന്തി. (൪)

ഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ആരമ്മണപച്ചയേന പച്ചയോ – ഭാവനായ പഹാതബ്ബഹേതുകേ ഖന്ധേ ആരബ്ഭ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. (൫)

൭൯. നേവദസ്സനേന നഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ…(വിത്ഥാരേതബ്ബം ദസ്സനത്തികസദിസം) ആവജ്ജനായ മോഹസ്സ ച ആരമ്മണപച്ചയേന പച്ചയോ. (൧)

നേവദസ്സനേന നഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ… (യഥാ ദസ്സനത്തികം). (൨)

നേവദസ്സനേന നഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ… (യഥാ ദസ്സനത്തികം). (൩)

നേവദസ്സനേന നഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ആരമ്മണപച്ചയേന പച്ചയോ – ചക്ഖും ആരബ്ഭ വിചികിച്ഛാസഹഗതാ ഖന്ധാ ച മോഹോ ച ഉപ്പജ്ജന്തി. സോതം…പേ… വത്ഥും… നേവദസ്സനേന നഭാവനായ പഹാതബ്ബഹേതുകേ ഖന്ധേ ആരബ്ഭ വിചികിച്ഛാസഹഗതാ ഖന്ധാ ച മോഹോ ച ഉപ്പജ്ജന്തി. (൪)

നേവദസ്സനേന നഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ആരമ്മണപച്ചയേന പച്ചയോ – ചക്ഖും…പേ… വത്ഥും… നേവദസ്സനേന നഭാവനായ പഹാതബ്ബഹേതുകേ ഖന്ധേ ആരബ്ഭ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. (൫)

൮൦. ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ദസ്സനേന പഹാതബ്ബഹേതുകസ്സ ധമ്മസ്സ ആരമ്മണപച്ചയേന പച്ചയോ – വിചികിച്ഛാസഹഗതേ ഖന്ധേ ച മോഹഞ്ച ആരബ്ഭ ദസ്സനേന പഹാതബ്ബഹേതുകാ ഖന്ധാ ഉപ്പജ്ജന്തി. (൧)

ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ആരമ്മണപച്ചയേന പച്ചയോ – വിചികിച്ഛാസഹഗതേ ഖന്ധേ ച മോഹഞ്ച ആരബ്ഭ നേവദസ്സനേന നഭാവനായ പഹാതബ്ബഹേതുകാ ഖന്ധാ ച മോഹോ ച ഉപ്പജ്ജന്തി. (൨)

ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ആരമ്മണപച്ചയേന പച്ചയോ – വിചികിച്ഛാസഹഗതേ ഖന്ധേ ച മോഹഞ്ച ആരബ്ഭ വിചികിച്ഛാസഹഗതാ ഖന്ധാ ച മോഹോ ച ഉപ്പജ്ജന്തി. (൩)

൮൧. ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ദസ്സനേന പഹാതബ്ബഹേതുകസ്സ ധമ്മസ്സ ആരമ്മണപച്ചയേന പച്ചയോ – ഉദ്ധച്ചസഹഗതേ ഖന്ധേ ച മോഹഞ്ച ആരബ്ഭ ദസ്സനേന പഹാതബ്ബഹേതുകാ ഖന്ധാ ഉപ്പജ്ജന്തി. (൧)

ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഭാവനായ പഹാതബ്ബഹേതുകസ്സ ധമ്മസ്സ ആരമ്മണപച്ചയേന പച്ചയോ – ഉദ്ധച്ചസഹഗതേ ഖന്ധേ ച മോഹഞ്ച ആരബ്ഭ ഭാവനായ പഹാതബ്ബഹേതുകാ ഖന്ധാ ഉപ്പജ്ജന്തി. (൨)

ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ആരമ്മണപച്ചയേന പച്ചയോ – ഉദ്ധച്ചസഹഗതേ ഖന്ധേ ച മോഹഞ്ച ആരബ്ഭ നേവദസ്സനേന നഭാവനായ പഹാതബ്ബഹേതുകാ ഖന്ധാ ച മോഹോ ച ഉപ്പജ്ജന്തി. (൩)

ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ആരമ്മണപച്ചയേന പച്ചയോ – ഉദ്ധച്ചസഹഗതേ ഖന്ധേ ച മോഹഞ്ച ആരബ്ഭ വിചികിച്ഛാസഹഗതാ ഖന്ധാ ച മോഹോ ച ഉപ്പജ്ജന്തി. (൪)

ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഭാവനായ പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ആരമ്മണപച്ചയേന പച്ചയോ – ഉദ്ധച്ചസഹഗതേ ഖന്ധേ ച മോഹഞ്ച ആരബ്ഭ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. (൫)

അധിപതിപച്ചയോ

൮൨. ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ അധിപതിപച്ചയേന പച്ചയോ (ദസ്സനത്തികസദിസം, ദസ പഞ്ഹാ).

അനന്തരപച്ചയോ

൮൩. ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ദസ്സനേന പഹാതബ്ബഹേതുകാ ഖന്ധാ പച്ഛിമാനം പച്ഛിമാനം ദസ്സനേന പഹാതബ്ബഹേതുകാനം ഖന്ധാനം അനന്തരപച്ചയേന പച്ചയോ. (൧)

ദസ്സനേന പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ വിചികിച്ഛാസഹഗതാ ഖന്ധാ പച്ഛിമസ്സ പച്ഛിമസ്സ മോഹസ്സ അനന്തരപച്ചയേന പച്ചയോ; ദസ്സനേന പഹാതബ്ബഹേതുകാ ഖന്ധാ വുട്ഠാനസ്സ അനന്തരപച്ചയേന പച്ചയോ. (൨)

ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ വിചികിച്ഛാസഹഗതാ ഖന്ധാ പച്ഛിമാനം പച്ഛിമാനം വിചികിച്ഛാസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ. (൩)

൮൪. ഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഭാവനായ പഹാതബ്ബഹേതുകാ ഖന്ധാ പച്ഛിമാനം പച്ഛിമാനം ഭാവനായ പഹാതബ്ബഹേതുകാനം ഖന്ധാനം അനന്തരപച്ചയേന പച്ചയോ. (൧)

ഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഉദ്ധച്ചസഹഗതാ ഖന്ധാ പച്ഛിമസ്സ പച്ഛിമസ്സ മോഹസ്സ അനന്തരപച്ചയേന പച്ചയോ; ഭാവനായ പഹാതബ്ബഹേതുകാ ഖന്ധാ വുട്ഠാനസ്സ അനന്തരപച്ചയേന പച്ചയോ. (൨)

ഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഉദ്ധച്ചസഹഗതാ ഖന്ധാ പച്ഛിമാനം പച്ഛിമാനം ഉദ്ധച്ചസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ. (൩)

൮൫. നേവദസ്സനേന നഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ വിചികിച്ഛാസഹഗതോ ഉദ്ധച്ചസഹഗതോ മോഹോ പച്ഛിമസ്സ പച്ഛിമസ്സ വിചികിച്ഛാസഹഗതസ്സ ഉദ്ധച്ചസഹഗതസ്സ മോഹസ്സ അനന്തരപച്ചയേന പച്ചയോ; പുരിമാ പുരിമാ നേവദസ്സനേന നഭാവനായ പഹാതബ്ബഹേതുകാ ഖന്ധാ പച്ഛിമാനം പച്ഛിമാനം നേവദസ്സനേന നഭാവനായ പഹാതബ്ബഹേതുകാനം ഖന്ധാനം അനന്തരപച്ചയേന പച്ചയോ; അനുലോമം ഗോത്രഭുസ്സ… അനുലോമം വോദാനസ്സ…പേ… നിരോധാ വുട്ഠഹന്തസ്സ നേവസഞ്ഞാനാസഞ്ഞായതനം ഫലസമാപത്തിയാ അനന്തരപച്ചയേന പച്ചയോ. (൧)

നേവദസ്സനേന നഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ വിചികിച്ഛാസഹഗതോ മോഹോ പച്ഛിമാനം പച്ഛിമാനം വിചികിച്ഛാസഹഗതാനം ഖന്ധാനം അനന്തരപച്ചയേന പച്ചയോ; ആവജ്ജനാ ദസ്സനേന പഹാതബ്ബഹേതുകാനം ഖന്ധാനം അനന്തരപച്ചയേന പച്ചയോ. (൨)

നേവദസ്സനേന നഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ ഉദ്ധച്ചസഹഗതോ മോഹോ പച്ഛിമാനം പച്ഛിമാനം ഉദ്ധച്ചസഹഗതാനം ഖന്ധാനം അനന്തരപച്ചയേന പച്ചയോ; ആവജ്ജനാ ഭാവനായ പഹാതബ്ബഹേതുകാനം ഖന്ധാനം അനന്തരപച്ചയേന പച്ചയോ. (൩)

നേവദസ്സനേന നഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ അനന്തരപച്ചയേന പച്ചയോ – പുരിമോ പുരിമോ വിചികിച്ഛാസഹഗതോ മോഹോ പച്ഛിമാനം പച്ഛിമാനം വിചികിച്ഛാസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ; ആവജ്ജനാ വിചികിച്ഛാസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ. (൪)

നേവദസ്സനേന നഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ അനന്തരപച്ചയേന പച്ചയോ – പുരിമോ പുരിമോ ഉദ്ധച്ചസഹഗതോ മോഹോ പച്ഛിമാനം പച്ഛിമാനം ഉദ്ധച്ചസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ; ആവജ്ജനാ ഉദ്ധച്ചസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ. (൫)

൮൬. ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ദസ്സനേന പഹാതബ്ബഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ വിചികിച്ഛാസഹഗതാ ഖന്ധാ ച മോഹോ ച പച്ഛിമാനം പച്ഛിമാനം വിചികിച്ഛാസഹഗതാനം ഖന്ധാനം അനന്തരപച്ചയേന പച്ചയോ. (൧)

ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ വിചികിച്ഛാസഹഗതാ ഖന്ധാ ച മോഹോ ച പച്ഛിമസ്സ പച്ഛിമസ്സ മോഹസ്സ അനന്തരപച്ചയേന പച്ചയോ; വിചികിച്ഛാസഹഗതാ ഖന്ധാ ച മോഹോ ച വുട്ഠാനസ്സ അനന്തരപച്ചയേന പച്ചയോ. (൨)

ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ വിചികിച്ഛാസഹഗതാ ഖന്ധാ ച മോഹോ ച പച്ഛിമാനം പച്ഛിമാനം വിചികിച്ഛാസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ. (൩)

ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഭാവനായ പഹാതബ്ബഹേതുകസ്സ ധമ്മസ്സ അനന്തരപച്ചയേന പച്ചയോ… തീണി (ദസ്സനേന സദിസം ഗമനം).

സമനന്തരപച്ചയാദി

൮൭. ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ സമനന്തരപച്ചയേന പച്ചയോ… (അനന്തരസദിസം) സഹജാതപച്ചയേന പച്ചയോ… (സംഖിത്തം. പടിച്ചവാരേ സഹജാതസദിസം) അഞ്ഞമഞ്ഞപച്ചയേന പച്ചയോ… (സംഖിത്തം. പടിച്ചവാരേ അഞ്ഞമഞ്ഞസദിസം) നിസ്സയപച്ചയേന പച്ചയോ… (സംഖിത്തം. പച്ചയവാരേ നിസ്സയവാരസദിസം. വിസും ഘടനാ നത്ഥി).

ഉപനിസ്സയപച്ചയോ

൮൮. ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, ൫൧അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ദസ്സനേന പഹാതബ്ബഹേതുകം രാഗം ഉപനിസ്സായ പാണം ഹനതി…പേ… സങ്ഘം ഭിന്ദതി. ദസ്സനേന പഹാതബ്ബഹേതുകം ദോസം… മോഹം… ദിട്ഠിം… പത്ഥനം ഉപനിസ്സായ പാണം ഹനതി…പേ… സങ്ഘം ഭിന്ദതി. ദസ്സനേന പഹാതബ്ബഹേതുകോ രാഗോ… ദോസോ… മോഹോ… ദിട്ഠി… പത്ഥനാ ദസ്സനേന പഹാതബ്ബഹേതുകസ്സ രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൧)

ദസ്സനേന പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ദസ്സനേന പഹാതബ്ബഹേതുകം രാഗം ഉപനിസ്സായ ദാനം ദേതി…പേ… സമാപത്തിം ഉപ്പാദേതി. ദസ്സനേന പഹാതബ്ബഹേതുകം ദോസം… മോഹം… ദിട്ഠിം… പത്ഥനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി. ദസ്സനേന പഹാതബ്ബഹേതുകോ രാഗോ…പേ… പത്ഥനാ… സദ്ധായ…പേ… പഞ്ഞായ… കായികസ്സ സുഖസ്സ, കായികസ്സ ദുക്ഖസ്സ ഫലസമാപത്തിയാ മോഹസ്സ ച ഉപനിസ്സയപച്ചയേന പച്ചയോ. (൨)

ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ദസ്സനേന പഹാതബ്ബഹേതുകോ രാഗോ… ദോസോ… മോഹോ… ദിട്ഠി… പത്ഥനാ വിചികിച്ഛാസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൩)

൮൯. ഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഭാവനായ പഹാതബ്ബഹേതുകോ രാഗോ… ദോസോ… മോഹോ… മാനോ… പത്ഥനാ ഭാവനായ പഹാതബ്ബഹേതുകസ്സ രാഗസ്സ… ദോസസ്സ… മോഹസ്സ… മാനസ്സ… പത്ഥനായ ഉപനിസ്സയപച്ചയേന പച്ചയോ. (൧)

ഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഭാവനായ പഹാതബ്ബഹേതുകം രാഗം ഉപനിസ്സായ പാണം ഹനതി…പേ… സങ്ഘം ഭിന്ദതി. ഭാവനായ പഹാതബ്ബഹേതുകം ദോസം… മോഹം… മാനം… പത്ഥനം ഉപനിസ്സായ പാണം ഹനതി…പേ… സങ്ഘം ഭിന്ദതി. ഭാവനായ പഹാതബ്ബഹേതുകോ രാഗോ…പേ… പത്ഥനാ ദസ്സനേന പഹാതബ്ബഹേതുകസ്സ രാഗസ്സ… ദോസസ്സ… മോഹസ്സ… ദിട്ഠിയാ… പത്ഥനായ ഉപനിസ്സയപച്ചയേന പച്ചയോ. സകഭണ്ഡേ ഛന്ദരാഗോ പരഭണ്ഡേ ഛന്ദരാഗസ്സ ഉപനിസ്സയപച്ചയേന പച്ചയോ. സകപരിഗ്ഗഹേ ഛന്ദരാഗോ പരപരിഗ്ഗഹേ ഛന്ദരാഗസ്സ ഉപനിസ്സയപച്ചയേന പച്ചയോ. (൨)

ഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഭാവനായ പഹാതബ്ബഹേതുകം രാഗം ഉപനിസ്സായ ദാനം ദേതി…പേ… സമാപത്തിം ഉപ്പാദേതി. ഭാവനായ പഹാതബ്ബഹേതുകം ദോസം… മോഹം… മാനം… പത്ഥനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി. ഭാവനായ പഹാതബ്ബഹേതുകോ രാഗോ…പേ… പത്ഥനാ സദ്ധായ…പേ… പഞ്ഞായ… കായികസ്സ സുഖസ്സ, കായികസ്സ ദുക്ഖസ്സ ഫലസമാപത്തിയാ മോഹസ്സ ച ഉപനിസ്സയപച്ചയേന പച്ചയോ. (൩)

ഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ഉപനിസ്സയപച്ചയേന പച്ചയോ…. പകതൂപനിസ്സയോ – ഭാവനായ പഹാതബ്ബഹേതുകോ രാഗോ…പേ… പത്ഥനാ വിചികിച്ഛാസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൪)

ഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഭാവനായ പഹാതബ്ബഹേതുകോ രാഗോ…പേ… പത്ഥനാ ഉദ്ധച്ചസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൫)

൯൦. നേവദസ്സനേന നഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സമാപത്തിം ഉപ്പാദേതി. സീലം…പേ… പഞ്ഞം… കായികം സുഖം… കായികം ദുക്ഖം… ഉതും… ഭോജനം… സേനാസനം… മോഹം ഉപനിസ്സായ ദാനം ദേതി…പേ… സദ്ധാ…പേ… മോഹോ സദ്ധായ…പേ… ഫലസമാപത്തിയാ മോഹസ്സ ച ഉപനിസ്സയപച്ചയേന പച്ചയോ. (൧)

നേവദസ്സനേന നഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദിട്ഠിം ഗണ്ഹാതി. സീലം…പേ… പഞ്ഞം… കായികം സുഖം… കായികം ദുക്ഖം…പേ… സേനാസനം… മോഹം ഉപനിസ്സായ പാണം ഹനതി…പേ… സങ്ഘം ഭിന്ദതി. സദ്ധാ…പേ… സേനാസനം മോഹോ ച ദസ്സനേന പഹാതബ്ബഹേതുകസ്സ രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൨)

നേവദസ്സനേന നഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി…പേ… മോഹം ഉപനിസ്സായ മാനം ജപ്പേതി. സദ്ധാ…പേ… സേനാസനം മോഹോ ച ഭാവനായ പഹാതബ്ബഹേതുകസ്സ രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൩)

നേവദസ്സനേന നഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധാ…പേ… പഞ്ഞാ… കായികം സുഖം… കായികം ദുക്ഖം…പേ… സേനാസനം മോഹോ ച വിചികിച്ഛാസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൪)

നേവദസ്സനേന നഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധാ…പേ… സേനാസനം മോഹോ ച ഉദ്ധച്ചസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൫)

൯൧. ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ദസ്സനേന പഹാതബ്ബഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – വിചികിച്ഛാസഹഗതാ ഖന്ധാ ച മോഹോ ച ദസ്സനേന പഹാതബ്ബഹേതുകസ്സ രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൧)

ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – വിചികിച്ഛാസഹഗതാ ഖന്ധാ ച മോഹോ ച സദ്ധായ…പേ… പഞ്ഞായ… കായികസ്സ സുഖസ്സ, കായികസ്സ ദുക്ഖസ്സ ഫലസമാപത്തിയാ മോഹസ്സ ച ഉപനിസ്സയപച്ചയേന പച്ചയോ. (൨)

ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – വിചികിച്ഛാസഹഗതാ ഖന്ധാ ച മോഹോ ച വിചികിച്ഛാസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൩)

൯൨. ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ദസ്സനേന പഹാതബ്ബഹേതുകസ്സ ധമ്മസ്സ ഉപനിസ്സയപച്ചയേന പച്ചയോ. പകതൂപനിസ്സയോ – ഉദ്ധച്ചസഹഗതാ ഖന്ധാ ച മോഹോ ച ദസ്സനേന പഹാതബ്ബഹേതുകസ്സ രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൧)

ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഭാവനായ പഹാതബ്ബഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഉദ്ധച്ചസഹഗതാ ഖന്ധാ ച മോഹോ ച ഭാവനായ പഹാതബ്ബഹേതുകസ്സ രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൨)

ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഉദ്ധച്ചസഹഗതാ ഖന്ധാ ച മോഹോ ച സദ്ധായ…പേ… ഫലസമാപത്തിയാ മോഹസ്സ ച ഉപനിസ്സയപച്ചയേന പച്ചയോ. (൩)

ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ഉപനിസ്സയപച്ചയേന പച്ചയോ. പകതൂപനിസ്സയോ – ഉദ്ധച്ചസഹഗതാ ഖന്ധാ ച മോഹോ ച വിചികിച്ഛാസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൪)

ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഭാവനായ പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഉദ്ധച്ചസഹഗതാ ഖന്ധാ ച മോഹോ ച ഉദ്ധച്ചസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൫)

പുരേജാതപച്ചയോ

൯൩. നേവദസ്സനേന നഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും അനിച്ചതോ…പേ… വിപസ്സതി, സോതം…പേ… വത്ഥും അനിച്ചതോ…പേ… വിപസ്സതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നേവദസ്സനേന നഭാവനായ പഹാതബ്ബഹേതുകാനം ഖന്ധാനം മോഹസ്സ ച പുരേജാതപച്ചയേന പച്ചയോ. (൧)

നേവദസ്സനേന നഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി; തം ആരബ്ഭ ദസ്സനേന പഹാതബ്ബഹേതുകോ രാഗോ…പേ… ദിട്ഠി…പേ… വിചികിച്ഛാ…പേ… ദസ്സനേന പഹാതബ്ബഹേതുകം ദോമനസ്സം ഉപ്പജ്ജതി. വത്ഥുപുരേജാതം – വത്ഥു ദസ്സനേന പഹാതബ്ബഹേതുകാനം ഖന്ധാനം പുരേജാതപച്ചയേന പച്ചയോ. (൨)

നേവദസ്സനേന നഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി; തം ആരബ്ഭ ഭാവനായ പഹാതബ്ബഹേതുകോ രാഗോ ഉപ്പജ്ജതി, ഉദ്ധച്ചം ഉപ്പജ്ജതി, ഭാവനായ പഹാതബ്ബഹേതുകം ദോമനസ്സം ഉപ്പജ്ജതി. വത്ഥുപുരേജാതം – വത്ഥു ഭാവനായ പഹാതബ്ബഹേതുകാനം ഖന്ധാനം പുരേജാതപച്ചയേന പച്ചയോ. (൩)

നേവദസ്സനേന നഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും ആരബ്ഭ വിചികിച്ഛാസഹഗതാ ഖന്ധാ ച മോഹോ ച ഉപ്പജ്ജന്തി. വത്ഥുപുരേജാതം – വത്ഥു വിചികിച്ഛാസഹഗതാനം ഖന്ധാനം മോഹസ്സ ച പുരേജാതപച്ചയേന പച്ചയോ. (൪)

നേവദസ്സനേന നഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും ആരബ്ഭ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. വത്ഥുപുരേജാതം – വത്ഥു ഉദ്ധച്ചസഹഗതാനം ഖന്ധാനം മോഹസ്സ ച പുരേജാതപച്ചയേന പച്ചയോ. (൫)

പച്ഛാജാതപച്ചയോ

൯൪. ദസ്സനേന പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ദസ്സനേന പഹാതബ്ബഹേതുകാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ഭാവനായ പഹാതബ്ബഹേതുകാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

നേവദസ്സനേന നഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ നേവദസ്സനേന നഭാവനായ പഹാതബ്ബഹേതുകാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ വിചികിച്ഛാസഹഗതാ ഖന്ധാ ച മോഹോ ച പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ഉദ്ധച്ചസഹഗതാ ഖന്ധാ ച മോഹോ ച പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ആസേവനപച്ചയോ

൯൫. ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ ദസ്സനേന പഹാതബ്ബഹേതുകാ ഖന്ധാ പച്ഛിമാനം പച്ഛിമാനം ദസ്സനേന പഹാതബ്ബഹേതുകാനം ഖന്ധാനം ആസേവനപച്ചയേന പച്ചയോ. (൧)

ദസ്സനേന പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ വിചികിച്ഛാസഹഗതാ ഖന്ധാ പച്ഛിമസ്സ പച്ഛിമസ്സ മോഹസ്സ ആസേവനപച്ചയേന പച്ചയോ. (൨)

ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ആസേവനപച്ചയേന പച്ചയോ – പുരിമാ പുരിമാ വിചികിച്ഛാസഹഗതാ ഖന്ധാ പച്ഛിമാനം പച്ഛിമാനം വിചികിച്ഛാസഹഗതാനം ഖന്ധാനം മോഹസ്സ ച ആസേവനപച്ചയേന പച്ചയോ.

ഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ധമ്മസ്സ (സംഖിത്തം) തീണി.

നേവദസ്സനേന നഭാവനായ പഹാതബ്ബഹേതുകോ ധമ്മോ…പേ…. (ആസേവനമൂലകേ വുട്ഠാനസ്സപി ആവജ്ജനായപി പഹാതബ്ബം, സത്തരസ പഞ്ഹാ പരിപുണ്ണാ, അനന്തരസദിസാ).

കമ്മപച്ചയോ

൯൬. ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ കമ്മപച്ചയേന പച്ചയോ – ദസ്സനേന പഹാതബ്ബഹേതുകാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

ദസ്സനേന പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ ദസ്സനേന പഹാതബ്ബഹേതുകാ ചേതനാ മോഹസ്സ ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. നാനാക്ഖണികാ – ദസ്സനേന പഹാതബ്ബഹേതുകാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൨)

ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ കമ്മപച്ചയേന പച്ചയോ – ദസ്സനേന പഹാതബ്ബഹേതുകാ ചേതനാ സമ്പയുത്തകാനം ഖന്ധാനം മോഹസ്സ ച ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

൯൭. ഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ധമ്മസ്സ കമ്മപച്ചയേന പച്ചയോ – ഭാവനായ പഹാതബ്ബഹേതുകാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

ഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ കമ്മപച്ചയേന പച്ചയോ – ഭാവനായ പഹാതബ്ബഹേതുകാ ചേതനാ മോഹസ്സ ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൨)

ഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ കമ്മപച്ചയേന പച്ചയോ – ഭാവനായ പഹാതബ്ബഹേതുകാ ചേതനാ സമ്പയുത്തകാനം ഖന്ധാനം മോഹസ്സ ച ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

൯൮. നേവദസ്സനേന നഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നേവദസ്സനേന നഭാവനായ പഹാതബ്ബഹേതുകാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. പടിസന്ധിക്ഖണേ…പേ…. നാനാക്ഖണികാ – നേവദസ്സനേന നഭാവനായ പഹാതബ്ബഹേതുകാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

വിപാകപച്ചയോ

൯൯. നേവദസ്സനേന നഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ വിപാകപച്ചയേന പച്ചയോ (പവത്തിപടിസന്ധി) വിപാകാ ഖന്ധാ വത്ഥുസ്സ…പേ….

ആഹാരപച്ചയോ

൧൦൦. ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ ആഹാരപച്ചയേന പച്ചയോ – ദസ്സനേന പഹാതബ്ബഹേതുകാ ആഹാരാ സമ്പയുത്തകാനം ഖന്ധാനം ആഹാരപച്ചയേന പച്ചയോ. (൧)

ദസ്സനേന പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ആഹാരപച്ചയേന പച്ചയോ – ദസ്സനേന പഹാതബ്ബഹേതുകാ ആഹാരാ മോഹസ്സ ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ. (൨)

ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ ആഹാരപച്ചയേന പച്ചയോ – ദസ്സനേന പഹാതബ്ബഹേതുകാ ആഹാരാ സമ്പയുത്തകാനം ഖന്ധാനം മോഹസ്സ ച ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ. (൩)

ഭാവനായ പഹാതബ്ബഹേതുകോ ധമ്മോ… തീണി (ദസ്സനേന സദിസം).

നേവദസ്സനേന നഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ആഹാരപച്ചയേന പച്ചയോ – നേവദസ്സനേന നഭാവനായ പഹാതബ്ബഹേതുകാ ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ. പടിസന്ധിക്ഖണേ…പേ… കബളീകാരോ ആഹാരോ ഇമസ്സ കായസ്സ ആഹാരപച്ചയേന പച്ചയോ.

ഇന്ദ്രിയപച്ചയാദി

൧൦൧. ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ ഇന്ദ്രിയപച്ചയേന പച്ചയോ… തീണി (ആഹാരസദിസം. മോഹോ കാതബ്ബോ).

ഭാവനായ പഹാതബ്ബഹേതുകോ ധമ്മോ… തീണി.

നേവദസ്സനേന നഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ ഇന്ദ്രിയപച്ചയേന പച്ചയോ – നേവദസ്സനേന നഭാവനായ പഹാതബ്ബഹേതുകാ ഇന്ദ്രിയാ സമ്പയുത്തകാനം ഖന്ധാനം…പേ… ചക്ഖുന്ദ്രിയം ചക്ഖുവിഞ്ഞാണസ്സ…പേ… കായിന്ദ്രിയം കായവിഞ്ഞാണസ്സ…പേ… രൂപജീവിതിന്ദ്രിയം കടത്താരൂപാനം ഇന്ദ്രിയപച്ചയേന പച്ചയോ… ഝാനപച്ചയേന പച്ചയോ… മഗ്ഗപച്ചയേന പച്ചയോ… (ഇമേ സഹേതുകാ കാതബ്ബാ) സമ്പയുത്തപച്ചയേന പച്ചയോ (പടിച്ചവാരേ സമ്പയുത്തവാരസദിസം).

വിപ്പയുത്തപച്ചയോ

൧൦൨. ദസ്സനേന പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (ദസ്സനത്തികസദിസം).

ഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (ദസ്സനത്തികസദിസം).

നേവദസ്സനേന നഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (ദസ്സനത്തികസദിസം). പച്ഛാജാതാ – നേവദസ്സനേന നഭാവനായ പഹാതബ്ബഹേതുകാ ഖന്ധാ ച മോഹോ ച പുരേജാതസ്സ ഇമസ്സ കായസ്സ…പേ…. (൧)

നേവദസ്സനേന നഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ദസ്സനേന പഹാതബ്ബഹേതുകാനം ഖന്ധാനം…പേ…. (൨)

നേവദസ്സനേന നഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ഭാവനായ പഹാതബ്ബഹേതുകാനം ഖന്ധാനം…പേ…. (൩)

നേവദസ്സനേന നഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു വിചികിച്ഛാസഹഗതാനം ഖന്ധാനം മോഹസ്സ ച വിപ്പയുത്തപച്ചയേന പച്ചയോ. (൪)

നേവദസ്സനേന നഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ഉദ്ധച്ചസഹഗതാനം ഖന്ധാനം മോഹസ്സ ച വിപ്പയുത്തപച്ചയേന പച്ചയോ. (൫)

൧൦൩. ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – വിചികിച്ഛാസഹഗതാ ഖന്ധാ ച മോഹോ ച ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – വിചികിച്ഛാസഹഗതാ ഖന്ധാ ച മോഹോ ച പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – ഉദ്ധച്ചസഹഗതാ ഖന്ധാ ച മോഹോ ച ചിത്തസമുട്ഠാനാനം രൂപാനം…പേ…. പച്ഛാജാതാ – ഉദ്ധച്ചസഹഗതാ ഖന്ധാ ച മോഹോ ച പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

അത്ഥിപച്ചയാദി

൧൦൪. ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ അത്ഥിപച്ചയേന പച്ചയോ – ദസ്സനേന പഹാതബ്ബഹേതുകോ ഏകോ ഖന്ധോ തിണ്ണന്നം ഖന്ധാനം…പേ…. (൧)

ദസ്സനേന പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – ദസ്സനേന പഹാതബ്ബഹേതുകാ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. സഹജാതാ – വിചികിച്ഛാസഹഗതാ ഖന്ധാ മോഹസ്സ ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പച്ഛാജാതാ – ദസ്സനേന പഹാതബ്ബഹേതുകാ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

ദസ്സനേന പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ അത്ഥിപച്ചയേന പച്ചയോ – ദസ്സനേന പഹാതബ്ബഹേതുകോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. വിചികിച്ഛാസഹഗതോ ഏകോ ഖന്ധോ തിണ്ണന്നം ഖന്ധാനം മോഹസ്സ ച ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ…. (൩)

ഭാവനായ പഹാതബ്ബഹേതുകോ ധമ്മോ… തീണി.

൧൦൫. നേവദസ്സനേന നഭാവനായ പഹാതബ്ബഹേതുകോ ധമ്മോ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – നേവദസ്സനേന നഭാവനായ പഹാതബ്ബഹേതുകോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… വിചികിച്ഛാസഹഗതോ ഉദ്ധച്ചസഹഗതോ മോഹോ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പടിസന്ധിക്ഖണേ…പേ… അസഞ്ഞസത്താനം…പേ…. പുരേജാതം – ചക്ഖും…പേ… വത്ഥും അനിച്ചതോ…പേ… ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… ചക്ഖായതനം…പേ… കായായതനം…പേ… വത്ഥു നേവദസ്സനേന നഭാവനായ പഹാതബ്ബഹേതുകാനം ഖന്ധാനം മോഹസ്സ ച അത്ഥിപച്ചയേന പച്ചയോ. പച്ഛാജാതാ – നേവദസ്സനേന നഭാവനായ പഹാതബ്ബഹേതുകാ ഖന്ധാ ച മോഹോ ച പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ; കബളീകാരോ ആഹാരോ ഇമസ്സ കായസ്സ…പേ… രൂപജീവിതിന്ദ്രിയം കടത്താരൂപാനം…പേ…. (൧)

നേവദസ്സനേന നഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – വിചികിച്ഛാസഹഗതോ മോഹോ സമ്പയുത്തകാനം ഖന്ധാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അസ്സാദേതി അഭിനന്ദതി; തം ആരബ്ഭ ദസ്സനേന പഹാതബ്ബഹേതുകോ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ദസ്സനേന പഹാതബ്ബഹേതുകം ദോമനസ്സം ഉപ്പജ്ജതി, വത്ഥു ദസ്സനേന പഹാതബ്ബഹേതുകാനം ഖന്ധാനം അത്ഥിപച്ചയേന പച്ചയോ. (൨)

നേവദസ്സനേന നഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അസ്സാദേതി അഭിനന്ദതി…പേ… വത്ഥു ഭാവനായ പഹാതബ്ബഹേതുകാനം ഖന്ധാനം അത്ഥിപച്ചയേന പച്ചയോ. (൩)

നേവദസ്സനേന നഭാവനായ പഹാതബ്ബഹേതുകോ ധമ്മോ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – വിചികിച്ഛാസഹഗതോ മോഹോ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പുരേജാതം – ചക്ഖും ആരബ്ഭ വിചികിച്ഛാസഹഗതാ ഖന്ധാ ച മോഹോ ച ഉപ്പജ്ജന്തി…പേ… വത്ഥും ആരബ്ഭ…പേ… വത്ഥു വിചികിച്ഛാസഹഗതാനം ഖന്ധാനം മോഹസ്സ ച അത്ഥിപച്ചയേന പച്ചയോ. (൪)

നേവദസ്സനേന നഭാവനായ പഹാതബ്ബഹേതുകോ ധമ്മോ ഭാവനായ പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പുരേജാതം – ചക്ഖും ആരബ്ഭ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി…പേ… വത്ഥും ആരബ്ഭ…പേ… വത്ഥു ഉദ്ധച്ചസഹഗതാനം ഖന്ധാനം മോഹസ്സ ച അത്ഥിപച്ചയേന പച്ചയോ. (൫)

൧൦൬. ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ദസ്സനേന പഹാതബ്ബഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ദസ്സനേന പഹാതബ്ബഹേതുകോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ …പേ… ദ്വേ ഖന്ധാ…പേ… വിചികിച്ഛാസഹഗതോ ഏകോ ഖന്ധോ ച മോഹോ ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ…. (൧)

ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ നേവദസ്സനേന നഭാവനായ പഹാതബ്ബഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതാ – ദസ്സനേന പഹാതബ്ബഹേതുകാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. സഹജാതാ – വിചികിച്ഛാസഹഗതാ ഖന്ധാ ച മോഹോ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. സഹജാതാ – വിചികിച്ഛാസഹഗതാ ഖന്ധാ ച വത്ഥു ച മോഹസ്സ അത്ഥിപച്ചയേന പച്ചയോ. പച്ഛാജാതാ – വിചികിച്ഛാസഹഗതാ ഖന്ധാ ച മോഹോ ച പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ദസ്സനേന പഹാതബ്ബഹേതുകാ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ദസ്സനേന പഹാതബ്ബഹേതുകാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ദസ്സനേന പഹാതബ്ബഹേതുകസ്സ ച നേവദസ്സനേന നഭാവനായ പഹാതബ്ബഹേതുകസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – വിചികിച്ഛാസഹഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം മോഹസ്സ ച അത്ഥിപച്ചയേന പച്ചയോ…പേ… ദ്വേ ഖന്ധാ…പേ… വിചികിച്ഛാസഹഗതോ ഏകോ ഖന്ധോ ച മോഹോ ച തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ ച മോഹോ ച…പേ…. (൩)

ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഭാവനായ പഹാതബ്ബഹേതുകസ്സ ധമ്മസ്സ അത്ഥിപച്ചയേന പച്ചയോ (സംഖിത്തം. തിസ്സോ പഞ്ഹാ, ദസ്സനേന നയേന വിഭജിതബ്ബാ, ‘‘ഉദ്ധച്ച’’ന്തി നിയാമേതബ്ബം) നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ….