൧. വിഭങ്ഗവാരോ

ഹേതുപച്ചയോ

൧. ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ. (൧)

ദസ്സനേന പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബഹേതുകേ ഖന്ധേ പടിച്ച ചിത്തസമുട്ഠാനം രൂപം. (൨)

ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി ഹേതുപച്ചയാ – ദസ്സനേന പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധാ…പേ…. (൩)

൨. ഭാവനായ പഹാതബ്ബഹേതുകം ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ഭാവനായ പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ. (൧)

ഭാവനായ പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ഭാവനായ പഹാതബ്ബഹേതുകേ ഖന്ധേ പടിച്ച ചിത്തസമുട്ഠാനം രൂപം. (൨)

ഭാവനായ പഹാതബ്ബഹേതുകം ധമ്മം പടിച്ച ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി ഹേതുപച്ചയാ – ഭാവനായ പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൩. നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – നേവദസ്സനേന നഭാവനായ പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം; വിചികിച്ഛാസഹഗതം ഉദ്ധച്ചസഹഗതം മോഹം പടിച്ച ചിത്തസമുട്ഠാനം രൂപം. പടിസന്ധിക്ഖണേ നേവദസ്സനേന നഭാവനായ പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധാ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം പടിച്ച…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – വിചികിച്ഛാസഹഗതം മോഹം പടിച്ച സമ്പയുത്തകാ ഖന്ധാ. (൨)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ. (൩)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി ഹേതുപച്ചയാ – വിചികിച്ഛാസഹഗതം മോഹം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൪)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി ഹേതുപച്ചയാ – ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൫)

൪. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – വിചികിച്ഛാസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ ച മോഹഞ്ച പടിച്ച ദ്വേ ഖന്ധാ. (൧)

ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബഹേതുകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; വിചികിച്ഛാസഹഗതേ ഖന്ധേ ച മോഹഞ്ച പടിച്ച ചിത്തസമുട്ഠാനം രൂപം. (൨)

ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി ഹേതുപച്ചയാ – വിചികിച്ഛാസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച മോഹഞ്ച പടിച്ച ദ്വേ ഖന്ധാ…പേ…. (൩)

൫. ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ ച മോഹഞ്ച പടിച്ച ദ്വേ ഖന്ധാ. (൧)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ഭാവനായ പഹാതബ്ബഹേതുകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; ഉദ്ധച്ചസഹഗതേ ഖന്ധേ ച മോഹഞ്ച പടിച്ച ചിത്തസമുട്ഠാനം രൂപം. (൨)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി ഹേതുപച്ചയാ – ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ…. (൩)

ആരമ്മണപച്ചയോ

൬. ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – ദസ്സനേന പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

ദസ്സനേന പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതേ ഖന്ധേ പടിച്ച വിചികിച്ഛാസഹഗതോ മോഹോ. (൨)

ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി ആരമ്മണപച്ചയാ – വിചികിച്ഛാസഹഗതം ഏകം ഖന്ധം പടിച്ച തയോ ഖന്ധാ ച മോഹോ ച…പേ… ദ്വേ ഖന്ധേ പടിച്ച ദ്വേ ഖന്ധാ ച മോഹോ ച. (൩)

ഭാവനായ പഹാതബ്ബഹേതുകം ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ… തീണി. (ദസ്സനേന സദിസം വിഭജിതബ്ബം.)

൭. നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – നേവദസ്സനേന നഭാവനായ പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. പടിസന്ധിക്ഖണേ…പേ… വത്ഥും പടിച്ച ഖന്ധാ. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതം മോഹം പടിച്ച സമ്പയുത്തകാ ഖന്ധാ. (൨)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ. (൩)

൮. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ ച മോഹഞ്ച പടിച്ച ദ്വേ ഖന്ധാ. (൧)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ ച മോഹഞ്ച പടിച്ച ദ്വേ ഖന്ധാ. (൧)

അധിപതിപച്ചയോ

൯. ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി അധിപതിപച്ചയാ… തീണി (ഹേതുസദിസാ).

ഭാവനായ പഹാതബ്ബഹേതുകം ധമ്മം പടിച്ച…പേ… തീണി (ഹേതുസദിസാ, അധിപതിയാ മോഹോ നത്ഥി).

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി അധിപതിപച്ചയാ – നേവദസ്സനേന നഭാവനായ പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധാ. ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം. (൧)

൧൦. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി അധിപതിപച്ചയാ – ദസ്സനേന പഹാതബ്ബഹേതുകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി അധിപതിപച്ചയാ – ഭാവനായ പഹാതബ്ബഹേതുകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

അനന്തര-സമനന്തരപച്ചയാ

൧൧. ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി അനന്തരപച്ചയാ. സമനന്തരപച്ചയാ (ആരമ്മണസദിസം).

സഹജാതപച്ചയോ

൧൨. ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ – ദസ്സനേന പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

ദസ്സനേന പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ – ദസ്സനേന പഹാതബ്ബഹേതുകേ ഖന്ധേ പടിച്ച ചിത്തസമുട്ഠാനം രൂപം; വിചികിച്ഛാസഹഗതേ ഖന്ധേ പടിച്ച മോഹോ ചിത്തസമുട്ഠാനഞ്ച രൂപം. (൨)

ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി സഹജാതപച്ചയാ – ദസ്സനേന പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം; വിചികിച്ഛാസഹഗതം ഏകം ഖന്ധം പടിച്ച തയോ ഖന്ധാ മോഹോ ച ചിത്തസമുട്ഠാനഞ്ച രൂപം…പേ…. (൩)

൧൩. ഭാവനായ പഹാതബ്ബഹേതുകം ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ – ഭാവനായ പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

ഭാവനായ പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ – ഭാവനായ പഹാതബ്ബഹേതുകേ ഖന്ധേ പടിച്ച ചിത്തസമുട്ഠാനം രൂപം; ഉദ്ധച്ചസഹഗതേ ഖന്ധേ പടിച്ച മോഹോ ച ചിത്തസമുട്ഠാനഞ്ച രൂപം. (൨)

ഭാവനായ പഹാതബ്ബഹേതുകം ധമ്മം പടിച്ച ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി സഹജാതപച്ചയാ – ഭാവനായ പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം; ഉദ്ധച്ചസഹഗതം ഏകം ഖന്ധം പടിച്ച തയോ ഖന്ധാ മോഹോ ച ചിത്തസമുട്ഠാനഞ്ച രൂപം…പേ…. (൩)

൧൪. നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ – നേവദസ്സനേന നഭാവനായ പഹാതബ്ബഹേതുകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… വിചികിച്ഛാസഹഗതം ഉദ്ധച്ചസഹഗതം മോഹം പടിച്ച ചിത്തസമുട്ഠാനം രൂപം. പടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം പടിച്ച തയോ മഹാഭൂതാ…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം…പേ…. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ – വിചികിച്ഛാസഹഗതം മോഹം പടിച്ച സമ്പയുത്തകാ ഖന്ധാ. (൨)

നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച ഭാവനായ പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ (സംഖിത്തം. ഹേതുസദിസം കാതബ്ബം). (൩)

അഞ്ഞമഞ്ഞപച്ചയാദി

൧൫. ദസ്സനേന പഹാതബ്ബഹേതുകം ധമ്മം പടിച്ച ദസ്സനേന പഹാതബ്ബഹേതുകോ ധമ്മോ ഉപ്പജ്ജതി അഞ്ഞമഞ്ഞപച്ചയാ, നിസ്സയപച്ചയാ, ഉപനിസ്സയപച്ചയാ, പുരേജാതപച്ചയാ, ആസേവനപച്ചയാ, കമ്മപച്ചയാ, വിപാകപച്ചയാ, ആഹാരപച്ചയാ, ഇന്ദ്രിയപച്ചയാ, ഝാനപച്ചയാ, മഗ്ഗപച്ചയാ, സമ്പയുത്തപച്ചയാ, വിപ്പയുത്തപച്ചയാ, അത്ഥിപച്ചയാ, നത്ഥിപച്ചയാ, വിഗതപച്ചയാ, അവിഗതപച്ചയാ.