൧. വിഭങ്ഗവാരോ

ഹേതുപച്ചയോ

൬൩. ദസ്സനേന പഹാതബ്ബഹേതുകം ധമ്മം സംസട്ഠോ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബഹേതുകം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ സംസട്ഠാ ദ്വേ ഖന്ധാ. (൧)

ഭാവനായ പഹാതബ്ബഹേതുകം ധമ്മം സംസട്ഠോ ഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ഭാവനായ പഹാതബ്ബഹേതുകം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ സംസട്ഠാ ദ്വേ ഖന്ധാ. (൧)

നേവദസ്സനേന നഭാവനായ പഹാതബ്ബഹേതുകം ധമ്മം സംസട്ഠോ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – നേവദസ്സനേന നഭാവനായ പഹാതബ്ബഹേതുകം ഏകം ഖന്ധം സംസട്ഠാ തയോ ഖന്ധാ…പേ… പടിസന്ധിക്ഖണേ…പേ…. (൧)

നേവദസ്സനേന നഭാവനായ പഹാതബ്ബഹേതുകം ധമ്മം സംസട്ഠോ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – വിചികിച്ഛാസഹഗതം മോഹം സംസട്ഠാ സമ്പയുത്തകാ ഖന്ധാ. (൨)

നേവദസ്സനേന നഭാവനായ പഹാതബ്ബഹേതുകം ധമ്മം സംസട്ഠോ ഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ഉദ്ധച്ചസഹഗതം മോഹം സംസട്ഠാ സമ്പയുത്തകാ ഖന്ധാ. (൩)

൬൪. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം സംസട്ഠോ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – വിചികിച്ഛാസഹഗതം ഏകം ഖന്ധഞ്ച മോഹഞ്ച സംസട്ഠാ തയോ ഖന്ധാ…പേ… ദ്വേ ഖന്ധാ. (൧)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം ഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ഉദ്ധച്ചസഹഗതം ഏകം ഖന്ധഞ്ച മോഹഞ്ച സംസട്ഠാ തയോ ഖന്ധാ…പേ… ദ്വേ ഖന്ധാ. (൧)

ആരമ്മണപച്ചയോ

൬൫. ദസ്സനേന പഹാതബ്ബഹേതുകം ധമ്മം സംസട്ഠോ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – ദസ്സനേന പഹാതബ്ബഹേതുകം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധാ. (൧)

ദസ്സനേന പഹാതബ്ബഹേതുകം ധമ്മം സംസട്ഠോ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതേ ഖന്ധേ സംസട്ഠോ വിചികിച്ഛാസഹഗതോ മോഹോ. (൨)

ദസ്സനേന പഹാതബ്ബഹേതുകം ധമ്മം സംസട്ഠോ ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി ആരമ്മണപച്ചയാ – വിചികിച്ഛാസഹഗതം ഏകം ഖന്ധം സംസട്ഠാ തയോ ഖന്ധാ മോഹോ ച…പേ… ദ്വേ ഖന്ധേ…പേ…. (൩)

ഭാവനായ പഹാതബ്ബഹേതുകം ധമ്മം സംസട്ഠോ… തീണി.

൬൬. നേവദസ്സനേന നഭാവനായ പഹാതബ്ബഹേതുകം ധമ്മം സംസട്ഠോ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – നേവദസ്സനേന നഭാവനായ പഹാതബ്ബഹേതുകം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ സംസട്ഠാ ദ്വേ ഖന്ധാ. പടിസന്ധിക്ഖണേ…പേ…. (൧)

നേവദസ്സനേന നഭാവനായ പഹാതബ്ബഹേതുകം ധമ്മം സംസട്ഠോ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതം മോഹം സംസട്ഠാ സമ്പയുത്തകാ ഖന്ധാ. (൨)

നേവദസ്സനേന നഭാവനായ പഹാതബ്ബഹേതുകം ധമ്മം സംസട്ഠോ ഭാവനായ പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – ഉദ്ധച്ചസഹഗതം മോഹം സംസട്ഠാ സമ്പയുത്തകാ ഖന്ധാ. (൩)

ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം സംസട്ഠോ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതം ഏകം ഖന്ധഞ്ച മോഹഞ്ച സംസട്ഠാ തയോ ഖന്ധാ…പേ… ദ്വേ ഖന്ധേ ച മോഹഞ്ച സംസട്ഠാ ദ്വേ ഖന്ധാ. (൧)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം സംസട്ഠോ ഭാവനായ പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – ഉദ്ധച്ചസഹഗതം ഏകം ഖന്ധഞ്ച മോഹഞ്ച സംസട്ഠാ തയോ ഖന്ധാ…പേ… ദ്വേ ഖന്ധാ. (൧)

അധിപതിപച്ചയാദി

൬൭. ദസ്സനേന പഹാതബ്ബഹേതുകം ധമ്മം സംസട്ഠോ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി അധിപതിപച്ചയാ – ദസ്സനേന പഹാതബ്ബഹേതുകം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധാ. (൧)

ഭാവനായ പഹാതബ്ബഹേതുകം ധമ്മം സംസട്ഠോ… ഏകം.

നേവദസ്സനേന നഭാവനായ പഹാതബ്ബഹേതുകം ധമ്മം സംസട്ഠോ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി അധിപതിപച്ചയാ – നേവദസ്സനേന നഭാവനായ പഹാതബ്ബഹേതുകം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധാ; അനന്തരപച്ചയാ… സമനന്തരപച്ചയാ.

സഹജാതപച്ചയാദി

൬൮. ദസ്സനേന പഹാതബ്ബഹേതുകം ധമ്മം സംസട്ഠോ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ… അഞ്ഞമഞ്ഞപച്ചയാ… നിസ്സയപച്ചയാ… ഉപനിസ്സയപച്ചയാ… പുരേജാതപച്ചയാ… ആസേവനപച്ചയാ… കമ്മപച്ചയാ… വിപാകപച്ചയാ… ആഹാരപച്ചയാ… ഇന്ദ്രിയപച്ചയാ … ഝാനപച്ചയാ… മഗ്ഗപച്ചയാ… സമ്പയുത്തപച്ചയാ… വിപ്പയുത്തപച്ചയാ… അത്ഥിപച്ചയാ… നത്ഥിപച്ചയാ… വിഗതപച്ചയാ… അവിഗതപച്ചയാ….