൧. വിഭങ്ഗവാരോ

നഹേതുപച്ചയോ

൫൨. ദസ്സനേന പഹാതബ്ബഹേതുകം ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഖന്ധേ പച്ചയാ വിചികിച്ഛാസഹഗതോ മോഹോ. (൧)

ഭാവനായ പഹാതബ്ബഹേതുകം ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നഹേതുപച്ചയാ – ഉദ്ധച്ചസഹഗതേ ഖന്ധേ പച്ചയാ ഉദ്ധച്ചസഹഗതോ മോഹോ. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നഹേതുപച്ചയാ – അഹേതുകം നേവദസ്സനേന നഭാവനായ പഹാതബ്ബഹേതുകം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… അഹേതുകപടിസന്ധിക്ഖണേ (പരിപുണ്ണം) ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം; വത്ഥും പച്ചയാ അഹേതുകാ നേവദസ്സനേന നഭാവനായ പഹാതബ്ബഹേതുകാ ഖന്ധാ; വത്ഥും പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

൫൩. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ മോഹോ. (൧)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നഹേതുപച്ചയാ – ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ ഉദ്ധച്ചസഹഗതോ മോഹോ. (൧)

നആരമ്മണപച്ചയോ

൫൪. ദസ്സനേന പഹാതബ്ബഹേതുകം ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നആരമ്മണപച്ചയാ – ദസ്സനേന പഹാതബ്ബഹേതുകേ ഖന്ധേ പച്ചയാ ചിത്തസമുട്ഠാനം രൂപം. (൧)

ഭാവനായ പഹാതബ്ബഹേതുകം ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നആരമ്മണപച്ചയാ – ഭാവനായ പഹാതബ്ബഹേതുകേ ഖന്ധേ പച്ചയാ ചിത്തസമുട്ഠാനം രൂപം. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നആരമ്മണപച്ചയാ – നേവദസ്സനേന നഭാവനായ പഹാതബ്ബഹേതുകേ ഖന്ധേ പച്ചയാ ചിത്തസമുട്ഠാനം രൂപം. പടിസന്ധിക്ഖണേ നേവദസ്സനേന നഭാവനായ പഹാതബ്ബഹേതുകേ ഖന്ധേ പച്ചയാ കടത്താരൂപം; ഖന്ധേ പച്ചയാ വത്ഥു…പേ… ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ…. (൧)

൫൫. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നആരമ്മണപച്ചയാ – ദസ്സനേന പഹാതബ്ബഹേതുകേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; വിചികിച്ഛാസഹഗതേ ഖന്ധേ ച മോഹഞ്ച പച്ചയാ ചിത്തസമുട്ഠാനം രൂപം. (൧)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നആരമ്മണപച്ചയാ – ഭാവനായ പഹാതബ്ബഹേതുകേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; ഉദ്ധച്ചസഹഗതേ ഖന്ധേ ച മോഹഞ്ച പച്ചയാ ചിത്തസമുട്ഠാനം രൂപം. (൧)

നഅധിപതിപച്ചയാദി

൫൬. ദസ്സനേന പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നഅധിപതിപച്ചയാ (സഹജാതസദിസം)… നഅനന്തരപച്ചയാ … നസമനന്തരപച്ചയാ… നഅഞ്ഞമഞ്ഞപച്ചയാ… നഉപനിസ്സയപച്ചയാ… നപുരേജാതപച്ചയാ (പടിച്ചവാരേ പച്ചനീയസദിസം, തേരസ പഞ്ഹാ. നിന്നാനം)… നപച്ഛാജാതപച്ചയാ… നആസേവനപച്ചയാ.

നകമ്മപച്ചയോ

൫൭. ദസ്സനേന പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നകമ്മപച്ചയാ – ദസ്സനേന പഹാതബ്ബഹേതുകേ ഖന്ധേ പച്ചയാ ദസ്സനേന പഹാതബ്ബഹേതുകാ ചേതനാ. (൧)

ഭാവനായ പഹാതബ്ബഹേതുകം ധമ്മം പച്ചയാ ഭാവനായ പഹാതബ്ബഹേതുകോ ധമ്മോ ഉപ്പജ്ജതി നകമ്മപച്ചയാ – ഭാവനായ പഹാതബ്ബഹേതുകേ ഖന്ധേ പച്ചയാ ഭാവനായ പഹാതബ്ബഹേതുകാ ചേതനാ. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നകമ്മപച്ചയാ – നേവദസ്സനേന നഭാവനായ പഹാതബ്ബഹേതുകേ ഖന്ധേ പച്ചയാ നേവദസ്സനേന നഭാവനായ പഹാതബ്ബഹേതുകാ ചേതനാ; ബാഹിരം… ആഹാരസമുട്ഠാനം… ഉതുസമുട്ഠാനം…പേ… വത്ഥും പച്ചയാ നേവദസ്സനേന നഭാവനായ പഹാതബ്ബഹേതുകാ ചേതനാ. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നകമ്മപച്ചയാ – വത്ഥും പച്ചയാ ദസ്സനേന പഹാതബ്ബഹേതുകാ ചേതനാ; വിചികിച്ഛാസഹഗതം മോഹം പച്ചയാ സമ്പയുത്തകാ ചേതനാ. (൨)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ഭാവനായ പഹാതബ്ബഹേതുകോ ധമ്മോ ഉപ്പജ്ജതി നകമ്മപച്ചയാ – വത്ഥും പച്ചയാ ഭാവനായ പഹാതബ്ബഹേതുകാ ചേതനാ; ഉദ്ധച്ചസഹഗതം മോഹം പച്ചയാ സമ്പയുത്തകാ ചേതനാ. (൩)

൫൮. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നകമ്മപച്ചയാ – ദസ്സനേന പഹാതബ്ബഹേതുകേ ഖന്ധേ ച വത്ഥുഞ്ച പച്ചയാ ദസ്സനേന പഹാതബ്ബഹേതുകാ ചേതനാ; വിചികിച്ഛാസഹഗതേ ഖന്ധേ ച മോഹഞ്ച പച്ചയാ സമ്പയുത്തകാ ചേതനാ. (൧)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ഭാവനായ പഹാതബ്ബഹേതുകോ ധമ്മോ ഉപ്പജ്ജതി നകമ്മപച്ചയാ – ഭാവനായ പഹാതബ്ബഹേതുകേ ഖന്ധേ ച വത്ഥുഞ്ച പച്ചയാ ഭാവനായ പഹാതബ്ബഹേതുകാ ചേതനാ; ഉദ്ധച്ചസഹഗതേ ഖന്ധേ ച മോഹഞ്ച പച്ചയാ സമ്പയുത്തകാ ചേതനാ. (൧)

നവിപാകപച്ചയാദി

൫൯. ദസ്സനേന പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നവിപാകപച്ചയാ (പരിപുണ്ണം, പടിസന്ധി നത്ഥി), നആഹാരപച്ചയാ – ബാഹിരം… ഉതുസമുട്ഠാനം… അസഞ്ഞസത്താനം…പേ… നഇന്ദ്രിയപച്ചയാ – ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ… മഹാഭൂതേ പച്ചയാ രൂപജീവിതിന്ദ്രിയം… നഝാനപച്ചയാ – പഞ്ചവിഞ്ഞാണസഹഗതം ഏകം ഖന്ധം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ… നമഗ്ഗപച്ചയാ – അഹേതുകം ഏകം…പേ… നസമ്പയുത്തപച്ചയാ… നവിപ്പയുത്തപച്ചയാ… (പടിച്ചവാരപച്ചനീയേ നവിപ്പയുത്തസദിസം, നിന്നാനം. ഏകാദസ). നോനത്ഥിപച്ചയാ… നോവിഗതപച്ചയാ.