൧. വിഭങ്ഗവാരോ

ഹേതുപച്ചയോ

൩൫. ദസ്സനേന പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ… തീണി (പടിച്ചവാരസദിസം).

ഭാവനായ പഹാതബ്ബഹേതുകം ധമ്മം പച്ചയാ… തീണി (പടിച്ചവാരസദിസം).

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ നേവദസ്സനേന നഭാവനായ… ഏകം (പടിച്ചവാരസദിസം). വത്ഥും പച്ചയാ നേവദസ്സനേന നഭാവനായ പഹാതബ്ബഹേതുകാ ഖന്ധാ. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ ദസ്സനേന പഹാതബ്ബഹേതുകാ ഖന്ധാ; വിചികിച്ഛാസഹഗതം മോഹം പച്ചയാ സമ്പയുത്തകാ ഖന്ധാ. (൨)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ ഭാവനായ പഹാതബ്ബഹേതുകാ ഖന്ധാ; ഉദ്ധച്ചസഹഗതം മോഹം പച്ചയാ സമ്പയുത്തകാ ഖന്ധാ. (൩)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ ദസ്സനേന പഹാതബ്ബഹേതുകാ ഖന്ധാ; മഹാഭൂതേ പച്ചയാ ചിത്തസമുട്ഠാനം രൂപം; വിചികിച്ഛാസഹഗതം മോഹം പച്ചയാ സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൪)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ ഭാവനായ പഹാതബ്ബഹേതുകാ ഖന്ധാ; മഹാഭൂതേ പച്ചയാ ചിത്തസമുട്ഠാനം രൂപം; ഉദ്ധച്ചസഹഗതം മോഹം പച്ചയാ സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൫)

൩൬. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… വിചികിച്ഛാസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച മോഹഞ്ച പച്ചയാ ദ്വേ ഖന്ധാ. (൧)

ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബഹേതുകേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; വിചികിച്ഛാസഹഗതേ ഖന്ധേ ച മോഹഞ്ച പച്ചയാ ചിത്തസമുട്ഠാനം രൂപം. (൨)

ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി ഹേതുപച്ചയാ – ദസ്സനേന പഹാതബ്ബഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ; ദസ്സനേന പഹാതബ്ബഹേതുകേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; വിചികിച്ഛാസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ…. (൩)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ… തീണി.

ആരമ്മണപച്ചയോ

൩൭. ദസ്സനേന പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ… തീണി (പടിച്ചവാരേ ആരമ്മണസദിസാ).

ഭാവനായ പഹാതബ്ബഹേതുകം ധമ്മം പച്ചയാ… തീണി (പടിച്ചവാരസദിസാ).

൩൮. നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – നേവദസ്സനേന നഭാവനായ പഹാതബ്ബഹേതുകം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധാ. പടിസന്ധിക്ഖണേ…പേ… വത്ഥും പച്ചയാ ഖന്ധാ. ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം; വത്ഥും പച്ചയാ നേവദസ്സനേന നഭാവനായ പഹാതബ്ബഹേതുകാ ഖന്ധാ. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – വത്ഥും പച്ചയാ ദസ്സനേന പഹാതബ്ബഹേതുകാ ഖന്ധാ; വിചികിച്ഛാസഹഗതം മോഹം പച്ചയാ സമ്പയുത്തകാ ഖന്ധാ. (൨)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ഭാവനായ പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – വത്ഥും പച്ചയാ ഭാവനായ പഹാതബ്ബഹേതുകാ ഖന്ധാ; ഉദ്ധച്ചസഹഗതം മോഹം പച്ചയാ സമ്പയുത്തകാ ഖന്ധാ. (൩)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി ആരമ്മണപച്ചയാ – വത്ഥും പച്ചയാ വിചികിച്ഛാസഹഗതാ ഖന്ധാ ച മോഹോ ച. (൪)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി ആരമ്മണപച്ചയാ – വത്ഥും പച്ചയാ ഉദ്ധച്ചസഹഗതാ ഖന്ധാ ച മോഹോ ച. (൫)

൩൯. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – ദസ്സനേന പഹാതബ്ബഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധാ; വിചികിച്ഛാസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച മോഹഞ്ച പച്ചയാ ദ്വേ ഖന്ധാ. (൧)

ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ മോഹോ. (൨)

ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി ആരമ്മണപച്ചയാ – വിചികിച്ഛാസഹഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ മോഹോ ച…പേ… ദ്വേ ഖന്ധേ ച വത്ഥുഞ്ച…പേ…. (൩)

൪൦. ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ഭാവനായ പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – ഭാവനായ പഹാതബ്ബഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധാ; ഉദ്ധച്ചസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ…പേ… ദ്വേ ഖന്ധാ. (൧)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ആരമ്മണപച്ചയാ – ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ ഉദ്ധച്ചസഹഗതോ മോഹോ. (൨)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി ആരമ്മണപച്ചയാ – ഉദ്ധച്ചസഹഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ മോഹോ ച…പേ… ദ്വേ ഖന്ധേ ച…പേ…. (൩)

അധിപതിപച്ചയാദി

൪൧. ദസ്സനേന പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി അധിപതിപച്ചയാ… തീണി.

ഭാവനായ പഹാതബ്ബഹേതുകം ധമ്മം പച്ചയാ… തീണി.

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി അധിപതിപച്ചയാ – ഏകം…പേ… വത്ഥും പച്ചയാ നേവദസ്സനേന നഭാവനായ പഹാതബ്ബഹേതുകാ ഖന്ധാ. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി അധിപതിപച്ചയാ – വത്ഥും പച്ചയാ ദസ്സനേന പഹാതബ്ബഹേതുകാ ഖന്ധാ. (൨)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ഭാവനായ പഹാതബ്ബഹേതുകോ ധമ്മോ ഉപ്പജ്ജതി അധിപതിപച്ചയാ – വത്ഥും പച്ചയാ ഭാവനായ പഹാതബ്ബഹേതുകാ ഖന്ധാ. (൩)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി അധിപതിപച്ചയാ – വത്ഥും പച്ചയാ ദസ്സനേന പഹാതബ്ബഹേതുകാ ഖന്ധാ; മഹാഭൂതേ പച്ചയാ ചിത്തസമുട്ഠാനം രൂപം. (൪)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി അധിപതിപച്ചയാ – വത്ഥും പച്ചയാ ഭാവനായ പഹാതബ്ബഹേതുകാ ഖന്ധാ; മഹാഭൂതേ പച്ചയാ ചിത്തസമുട്ഠാനം രൂപം. (൫)

൪൨. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി അധിപതിപച്ചയാ – ദസ്സനേന പഹാതബ്ബഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ…. (൧)

ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി അധിപതിപച്ചയാ – ദസ്സനേന പഹാതബ്ബഹേതുകേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൨)

ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി അധിപതിപച്ചയാ – ദസ്സനേന പഹാതബ്ബഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… ദസ്സനേന പഹാതബ്ബഹേതുകേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൩)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ഭാവനായ പഹാതബ്ബഹേതുകോ ധമ്മോ ഉപ്പജ്ജതി അധിപതിപച്ചയാ – ഭാവനായ പഹാതബ്ബഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… തീണി… (ദസ്സനേന സദിസാ) അനന്തരപച്ചയാ… സമനന്തരപച്ചയാ.

സഹജാതപച്ചയോ

൪൩. ദസ്സനേന പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ – ദസ്സനേന പഹാതബ്ബഹേതുകം ഏകം ഖന്ധം പച്ചയാ തയോ ഖന്ധാ…പേ…. (൧)

ദസ്സനേന പഹാതബ്ബഹേതുകം ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ – ദസ്സനേന പഹാതബ്ബഹേതുകേ ഖന്ധേ പച്ചയാ ചിത്തസമുട്ഠാനം രൂപം; വിചികിച്ഛാസഹഗതേ ഖന്ധേ പച്ചയാ വിചികിച്ഛാസഹഗതോ മോഹോ ചിത്തസമുട്ഠാനഞ്ച രൂപം. (൨)

ദസ്സനേന പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി സഹജാതപച്ചയാ – ദസ്സനേന പഹാതബ്ബഹേതുകം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… വിചികിച്ഛാസഹഗതം ഏകം ഖന്ധം പച്ചയാ തയോ ഖന്ധാ മോഹോ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

ഭാവനായ പഹാതബ്ബഹേതുകം ധമ്മം പച്ചയാ… തീണി (സംഖിത്തം. ദസ്സനേന സദിസാ ).

൪൪. നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ – നേവദസ്സനേന നഭാവനായ പഹാതബ്ബഹേതുകം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… വിചികിച്ഛാസഹഗതം ഉദ്ധച്ചസഹഗതം മോഹം പച്ചയാ ചിത്തസമുട്ഠാനം രൂപം. പടിസന്ധിക്ഖണേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ; ഏകം മഹാഭൂതം പച്ചയാ തയോ മഹാഭൂതാ…പേ… അസഞ്ഞസത്താനം…പേ… ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം; വത്ഥും പച്ചയാ നേവദസ്സനേന നഭാവനായ പഹാതബ്ബഹേതുകാ ഖന്ധാ. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ – വത്ഥും പച്ചയാ ദസ്സനേന പഹാതബ്ബഹേതുകാ ഖന്ധാ; വിചികിച്ഛാസഹഗതം മോഹം പച്ചയാ സമ്പയുത്തകാ ഖന്ധാ. (൨)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ഭാവനായ പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ – വത്ഥും പച്ചയാ ഭാവനായ പഹാതബ്ബഹേതുകാ ഖന്ധാ; ഉദ്ധച്ചസഹഗതം മോഹം പച്ചയാ സമ്പയുത്തകാ ഖന്ധാ. (൩)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി സഹജാതപച്ചയാ – വത്ഥും പച്ചയാ ദസ്സനേന പഹാതബ്ബഹേതുകാ ഖന്ധാ; മഹാഭൂതേ പച്ചയാ ചിത്തസമുട്ഠാനം രൂപം; വിചികിച്ഛാസഹഗതം മോഹം പച്ചയാ സമ്പയുത്തകാ ഖന്ധാ ചിത്തസമുട്ഠാനഞ്ച രൂപം; വത്ഥും പച്ചയാ വിചികിച്ഛാസഹഗതാ ഖന്ധാ ച മോഹോ ച. (൪)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി സഹജാതപച്ചയാ – വത്ഥും പച്ചയാ ഭാവനായ പഹാതബ്ബഹേതുകാ ഖന്ധാ; മഹാഭൂതേ പച്ചയാ ചിത്തസമുട്ഠാനം രൂപം; ഉദ്ധച്ചസഹഗതം മോഹം പച്ചയാ സമ്പയുത്തകാ ഖന്ധാ ചിത്തസമുട്ഠാനഞ്ച രൂപം; വത്ഥും പച്ചയാ ഉദ്ധച്ചസഹഗതാ ഖന്ധാ ച മോഹോ ച. (൫)

൪൫. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ – ദസ്സനേന പഹാതബ്ബഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… വിചികിച്ഛാസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ…പേ…. (൧)

ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ – ദസ്സനേന പഹാതബ്ബഹേതുകേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; വിചികിച്ഛാസഹഗതേ ഖന്ധേ ച മോഹഞ്ച പച്ചയാ ചിത്തസമുട്ഠാനം രൂപം; വിചികിച്ഛാസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ മോഹോ. (൨)

ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി സഹജാതപച്ചയാ – ദസ്സനേന പഹാതബ്ബഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… ദസ്സനേന പഹാതബ്ബഹേതുകേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; വിചികിച്ഛാസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ; ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… വിചികിച്ഛാസഹഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ മോഹോ ച…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ മോഹോ ച. (൩)

ഭാവനായ പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ഭാവനായ പഹാതബ്ബഹേതുകോ ധമ്മോ ഉപ്പജ്ജതി സഹജാതപച്ചയാ… തീണി.

അഞ്ഞമഞ്ഞപച്ചയാദി

൪൬. ദസ്സനേന പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി അഞ്ഞമഞ്ഞപച്ചയാ… നിസ്സയപച്ചയാ… ഉപനിസ്സയപച്ചയാ… പുരേജാതപച്ചയാ… ആസേവനപച്ചയാ… കമ്മപച്ചയാ… വിപാകപച്ചയാ… ആഹാരപച്ചയാ… ഇന്ദ്രിയപച്ചയാ… ഝാനപച്ചയാ… മഗ്ഗപച്ചയാ… സമ്പയുത്തപച്ചയാ.

വിപ്പയുത്തപച്ചയോ

൪൭. ദസ്സനേന പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി വിപ്പയുത്തപച്ചയാ – ദസ്സനേന പഹാതബ്ബഹേതുകം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധാ, ഖന്ധാ വത്ഥും വിപ്പയുത്തപച്ചയാ. (൧)

ദസ്സനേന പഹാതബ്ബഹേതുകം ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി വിപ്പയുത്തപച്ചയാ – ദസ്സനേന പഹാതബ്ബഹേതുകേ ഖന്ധേ പച്ചയാ ചിത്തസമുട്ഠാനം രൂപം, ഖന്ധേ വിപ്പയുത്തപച്ചയാ. വിചികിച്ഛാസഹഗതേ ഖന്ധേ പച്ചയാ മോഹോ ചിത്തസമുട്ഠാനഞ്ച രൂപം, മോഹോ വത്ഥും വിപ്പയുത്തപച്ചയാ. ചിത്തസമുട്ഠാനം രൂപം ഖന്ധേ വിപ്പയുത്തപച്ചയാ. (൨)

ദസ്സനേന പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി വിപ്പയുത്തപച്ചയാ – ദസ്സനേന പഹാതബ്ബഹേതുകം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ഖന്ധാ വത്ഥും വിപ്പയുത്തപച്ചയാ. ചിത്തസമുട്ഠാനം രൂപം ഖന്ധേ വിപ്പയുത്തപച്ചയാ. വിചികിച്ഛാസഹഗതം ഏകം ഖന്ധം പച്ചയാ തയോ ഖന്ധാ മോഹോ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ഖന്ധാ ച മോഹോ ച വത്ഥും വിപ്പയുത്തപച്ചയാ. ചിത്തസമുട്ഠാനം രൂപം ഖന്ധേ വിപ്പയുത്തപച്ചയാ. (൩)

ഭാവനായ പഹാതബ്ബഹേതുകം ധമ്മം പച്ചയാ ഭാവനായ പഹാതബ്ബഹേതുകോ ധമ്മോ ഉപ്പജ്ജതി വിപ്പയുത്തപച്ചയാ… തീണി (ദസ്സനേന സദിസാ).

൪൮. നേവദസ്സനേന നഭാവനായ പഹാതബ്ബഹേതുകം ധമ്മം നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി വിപ്പയുത്തപച്ചയാ – നേവദസ്സനേന നഭാവനായ പഹാതബ്ബഹേതുകം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം… ദ്വേ ഖന്ധേ…പേ… ഖന്ധാ വത്ഥും വിപ്പയുത്തപച്ചയാ. ചിത്തസമുട്ഠാനം രൂപം ഖന്ധേ വിപ്പയുത്തപച്ചയാ. വിചികിച്ഛാസഹഗതം ഉദ്ധച്ചസഹഗതം മോഹം പച്ചയാ ചിത്തസമുട്ഠാനം രൂപം, മോഹം വിപ്പയുത്തപച്ചയാ. പടിസന്ധിക്ഖണേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ. ഖന്ധാ വത്ഥും വിപ്പയുത്തപച്ചയാ. വത്ഥു ഖന്ധേ വിപ്പയുത്തപച്ചയാ. ഏകം മഹാഭൂതം പച്ചയാ തയോ മഹാഭൂതാ…പേ… മഹാഭൂതേ പച്ചയാ ചിത്തസമുട്ഠാനം രൂപം കടത്താരൂപം ഉപാദാരൂപം, ഖന്ധേ വിപ്പയുത്തപച്ചയാ. ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം; വത്ഥും പച്ചയാ നേവദസ്സനേന നഭാവനായ പഹാതബ്ബഹേതുകാ ഖന്ധാ. (൧)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി വിപ്പയുത്തപച്ചയാ – വത്ഥും പച്ചയാ ദസ്സനേന പഹാതബ്ബഹേതുകാ ഖന്ധാ, വത്ഥും വിപ്പയുത്തപച്ചയാ. വിചികിച്ഛാസഹഗതം മോഹം പച്ചയാ സമ്പയുത്തകാ ഖന്ധാ, വത്ഥും വിപ്പയുത്തപച്ചയാ. (൨)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ഭാവനായ പഹാതബ്ബഹേതുകോ ധമ്മോ ഉപ്പജ്ജതി വിപ്പയുത്തപച്ചയാ – വത്ഥും പച്ചയാ ഭാവനായ പഹാതബ്ബഹേതുകാ ഖന്ധാ, വത്ഥും വിപ്പയുത്തപച്ചയാ. ഉദ്ധച്ചസഹഗതം മോഹം പച്ചയാ സമ്പയുത്തകാ ഖന്ധാ, വത്ഥും വിപ്പയുത്തപച്ചയാ. (൩)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി വിപ്പയുത്തപച്ചയാ – വത്ഥും പച്ചയാ ദസ്സനേന പഹാതബ്ബഹേതുകാ ഖന്ധാ; മഹാഭൂതേ പച്ചയാ ചിത്തസമുട്ഠാനം രൂപം, ഖന്ധാ വത്ഥും വിപ്പയുത്തപച്ചയാ. ചിത്തസമുട്ഠാനം രൂപം, ഖന്ധേ വിപ്പയുത്തപച്ചയാ. വിചികിച്ഛാസഹഗതം മോഹം പച്ചയാ സമ്പയുത്തകാ ഖന്ധാ ചിത്തസമുട്ഠാനഞ്ച രൂപം, ഖന്ധാ വത്ഥും വിപ്പയുത്തപച്ചയാ. ചിത്തസമുട്ഠാനം രൂപം മോഹം വിപ്പയുത്തപച്ചയാ. വത്ഥും പച്ചയാ വിചികിച്ഛാസഹഗതാ ഖന്ധാ ച മോഹോ ച, വത്ഥും വിപ്പയുത്തപച്ചയാ. (൪)

നേവദസ്സനേന നഭാവനായ പഹാതബ്ബഹേതുകം ധമ്മം പച്ചയാ ഭാവനായ പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി വിപ്പയുത്തപച്ചയാ – വത്ഥും പച്ചയാ ഭാവനായ പഹാതബ്ബഹേതുകാ ഖന്ധാ…പേ… (ദസ്സനേന സദിസം). (൫)

൪൯. ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി വിപ്പയുത്തപച്ചയാ – ദസ്സനേന പഹാതബ്ബഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… വത്ഥും വിപ്പയുത്തപച്ചയാ. വിചികിച്ഛാസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… വത്ഥും വിപ്പയുത്തപച്ചയാ. (൧)

ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി വിപ്പയുത്തപച്ചയാ – ദസ്സനേന പഹാതബ്ബഹേതുകേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, ഖന്ധേ വിപ്പയുത്തപച്ചയാ. വിചികിച്ഛാസഹഗതേ ഖന്ധേ ച മോഹഞ്ച പച്ചയാ ചിത്തസമുട്ഠാനം രൂപം, ഖന്ധേ ച മോഹഞ്ച വിപ്പയുത്തപച്ചയാ. വിചികിച്ഛാസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ മോഹോ, വത്ഥും വിപ്പയുത്തപച്ചയാ. (൨)

ദസ്സനേന പഹാതബ്ബഹേതുകഞ്ച നേവദസ്സനേന നഭാവനായ പഹാതബ്ബഹേതുകഞ്ച ധമ്മം പച്ചയാ ദസ്സനേന പഹാതബ്ബഹേതുകോ ച നേവദസ്സനേന നഭാവനായ പഹാതബ്ബഹേതുകോ ച ധമ്മാ ഉപ്പജ്ജന്തി വിപ്പയുത്തപച്ചയാ – ദസ്സനേന പഹാതബ്ബഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… ദസ്സനേന പഹാതബ്ബഹേതുകേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, ഖന്ധാ വത്ഥും വിപ്പയുത്തപച്ചയാ. ചിത്തസമുട്ഠാനം രൂപം ഖന്ധേ വിപ്പയുത്തപച്ചയാ. വിചികിച്ഛാസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ… ഖന്ധാ വത്ഥും വിപ്പയുത്തപച്ചയാ. ചിത്തസമുട്ഠാനം രൂപം, ഖന്ധേ ച മോഹഞ്ച വിപ്പയുത്തപച്ചയാ. വിചികിച്ഛാസഹഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ മോഹോ ച…പേ… ദ്വേ ഖന്ധേ ച…പേ… വത്ഥും വിപ്പയുത്തപച്ചയാ. (൩)

ഭാവനായ പഹാതബ്ബഹേതുകഞ്ച…പേ… തീണി (ദസ്സനേന സദിസാ).

അത്ഥിപച്ചയാദി

൫൦. ദസ്സനേന പഹാതബ്ബഹേതുകം ധമ്മം പച്ചയാ ദസ്സനേന പഹാതബ്ബഹേതുകോ ധമ്മോ ഉപ്പജ്ജതി അത്ഥിപച്ചയാ… നത്ഥിപച്ചയാ… വിഗതപച്ചയാ… അവിഗതപച്ചയാ.