൧. പച്ചയാനുലോമം

ഹേതുപച്ചയോ

൫൯. സവിതക്കസവിചാരം ധമ്മം സംസട്ഠോ സവിതക്കസവിചാരോ ധമ്മോ ഉപ്പജ്ജതി ഹേതുപച്ചയാ – സവിതക്കസവിചാരം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

സവിതക്കസവിചാരം ധമ്മം സംസട്ഠോ അവിതക്കവിചാരമത്തോ ധമ്മോ…പേ… സവിതക്കസവിചാരേ ഖന്ധേ സംസട്ഠോ വിതക്കോ. പടിസന്ധിക്ഖണേ…പേ…. (൨)

സവിതക്കസവിചാരം ധമ്മം സംസട്ഠോ സവിതക്കസവിചാരോ ച അവിതക്കവിചാരമത്തോ ച ധമ്മാ…പേ… സവിതക്കസവിചാരം ഏകം ഖന്ധം സംസട്ഠാ തയോ ഖന്ധാ വിതക്കോ ച…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൩)

൬൦. അവിതക്കവിചാരമത്തം ധമ്മം സംസട്ഠോ അവിതക്കവിചാരമത്തോ ധമ്മോ ഉപ്പജ്ജതി ഹേതുപച്ചയാ – അവിതക്കവിചാരമത്തം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

അവിതക്കവിചാരമത്തം ധമ്മം സംസട്ഠോ സവിതക്കസവിചാരോ ധമ്മോ…പേ… വിതക്കം സംസട്ഠാ സവിതക്കസവിചാരാ ഖന്ധാ. പടിസന്ധിക്ഖണേ…പേ…. (൨)

അവിതക്കവിചാരമത്തം ധമ്മം സംസട്ഠോ അവിതക്കഅവിചാരോ ധമ്മോ…പേ… അവിതക്കവിചാരമത്തേ ഖന്ധേ സംസട്ഠോ വിചാരോ. പടിസന്ധിക്ഖണേ അവിതക്കവിചാരമത്തേ ഖന്ധേ സംസട്ഠോ വിചാരോ. (൩)

അവിതക്കവിചാരമത്തം ധമ്മം സംസട്ഠോ അവിതക്കവിചാരമത്തോ ച അവിതക്കഅവിചാരോ ച ധമ്മാ …പേ… അവിതക്കവിചാരമത്തം ഏകം ഖന്ധം സംസട്ഠാ തയോ ഖന്ധാ വിചാരോ ച…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൪)

൬൧. അവിതക്കഅവിചാരം ധമ്മം സംസട്ഠോ അവിതക്കഅവിചാരോ ധമ്മോ ഉപ്പജ്ജതി ഹേതുപച്ചയാ – അവിതക്കഅവിചാരം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ സംസട്ഠാ…പേ… പടിസന്ധിക്ഖണേ…പേ…. (൧)

അവിതക്കഅവിചാരം ധമ്മം സംസട്ഠോ അവിതക്കവിചാരമത്തോ ധമ്മോ…പേ… വിചാരം സംസട്ഠാ അവിതക്കവിചാരമത്താ ഖന്ധാ. പടിസന്ധിക്ഖണേ വിചാരം സംസട്ഠാ…പേ…. (൨)

അവിതക്കവിചാരമത്തഞ്ച അവിതക്കഅവിചാരഞ്ച ധമ്മം സംസട്ഠോ അവിതക്കവിചാരമത്തോ ധമ്മോ…പേ… അവിതക്കവിചാരമത്തം ഏകം ഖന്ധഞ്ച വിചാരഞ്ച സംസട്ഠാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

സവിതക്കസവിചാരഞ്ച അവിതക്കവിചാരമത്തഞ്ച ധമ്മം സംസട്ഠോ സവിതക്കസവിചാരോ ധമ്മോ ഉപ്പജ്ജതി ഹേതുപച്ചയാ – സവിതക്കസവിചാരം ഏകം ഖന്ധഞ്ച വിതക്കഞ്ച സംസട്ഠാ തയോ ഖന്ധാ…പേ… ദ്വേ ഖന്ധേ ച വിതക്കഞ്ച…പേ… പടിസന്ധിക്ഖണേ…പേ…. (൧)

(ഹേതുപച്ചയം അനുമജ്ജന്തേന സബ്ബേ പച്ചയാ വിത്ഥാരേതബ്ബാ).

സുദ്ധം

൬൨. ഹേതുയാ ഏകാദസ, ആരമ്മണേ അധിപതിയാ അനന്തരേ സമനന്തരേ സഹജാതേ അഞ്ഞമഞ്ഞേ നിസ്സയേ ഉപനിസ്സയേ പുരേജാതേ ആസേവനേ കമ്മേ വിപാകേ ആഹാരേ ഇന്ദ്രിയേ ഝാനേ മഗ്ഗേ സമ്പയുത്തേ വിപ്പയുത്തേ അത്ഥിയാ നത്ഥിയാ വിഗതേ അവിഗതേ സബ്ബത്ഥ ഏകാദസ.

അനുലോമം.