൨. പച്ചയപച്ചനീയം

൪൯. പച്ചനീയേ – നഹേതുയാ തേത്തിംസ പഞ്ഹാ, സത്തസു ഠാനേസു സത്ത മോഹാ ഉദ്ധരിതബ്ബാ മൂലപദേസുയേവ. നആരമ്മണേ സത്ത ചിത്തസമുട്ഠാനാ ഉദ്ധരിതബ്ബാ.

നഅധിപതിപച്ചയോ

൫൦. സവിതക്കസവിചാരമൂലകാ സത്ത പഞ്ഹാ നഅധിപതിയാ കാതബ്ബാ.

അവിതക്കവിചാരമത്തം ധമ്മം പച്ചയാ അവിതക്കവിചാരമത്തോ ധമ്മോ ഉപ്പജ്ജതി നഅധിപതിപച്ചയാ – അവിതക്കവിചാരമത്തേ ഖന്ധേ പച്ചയാ അവിതക്കവിചാരമത്താ അധിപതി, വിപാകം അവിതക്കവിചാരമത്തം ഏകം ഖന്ധം പച്ചയാ തയോ ഖന്ധാ…പേ… പടിസന്ധിക്ഖണേ…പേ…. (൧)

അവിതക്കവിചാരമത്തം ധമ്മം പച്ചയാ (യഥാ പടിച്ചനയേ തഥാ പഞ്ച പഞ്ഹാ കാതബ്ബാ).

൫൧. അവിതക്കഅവിചാരം ധമ്മം പച്ചയാ അവിതക്കഅവിചാരോ ധമ്മോ ഉപ്പജ്ജതി…പേ… അവിതക്കഅവിചാരേ ഖന്ധേ പച്ചയാ അവിതക്കഅവിചാരാ അധിപതി, വിപാകം അവിതക്കഅവിചാരം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… വിപാകം വിചാരം പച്ചയാ ചിത്തസമുട്ഠാനം രൂപം. പടിസന്ധിക്ഖണേ…പേ… വത്ഥും പച്ചയാ അവിതക്കഅവിചാരാ അധിപതി, വത്ഥും പച്ചയാ വിപാകാ അവിതക്കഅവിചാരാ ഖന്ധാ ച വിചാരോ ച…പേ…. (൧)

അവിതക്കഅവിചാരം ധമ്മം പച്ചയാ സവിതക്കസവിചാരോ ധമ്മോ…പേ… വത്ഥും പച്ചയാ സവിതക്കസവിചാരാ ഖന്ധാ. പടിസന്ധിക്ഖണേ…പേ…. (൨)

അവിതക്കഅവിചാരം ധമ്മം പച്ചയാ അവിതക്കവിചാരമത്തോ ധമ്മോ…പേ… വിചാരം പച്ചയാ അവിതക്കവിചാരമത്താ അധിപതി, വത്ഥും പച്ചയാ അവിതക്കവിചാരമത്താ അധിപതി, വിപാകം വിചാരം പച്ചയാ അവിതക്കവിചാരമത്താ ഖന്ധാ, വത്ഥും പച്ചയാ വിപാകാ അവിതക്കവിചാരമത്താ ഖന്ധാ. പടിസന്ധിക്ഖണേ…പേ…. (൩)

അവിതക്കഅവിചാരം ധമ്മം പച്ചയാ സവിതക്കസവിചാരോ ച അവിതക്കഅവിചാരോ ച ധമ്മാ…പേ… വത്ഥും പച്ചയാ സവിതക്കസവിചാരാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം. പടിസന്ധിക്ഖണേ…പേ…. (൪)

അവിതക്കഅവിചാരം ധമ്മം പച്ചയാ അവിതക്കവിചാരമത്തോ ച അവിതക്കഅവിചാരോ ച ധമ്മാ…പേ… വിപാകം വിചാരം പച്ചയാ അവിതക്കവിചാരമത്താ ഖന്ധാ ചിത്തസമുട്ഠാനഞ്ച രൂപം, വത്ഥും പച്ചയാ വിപാകാ അവിതക്കവിചാരമത്താ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം, വത്ഥും പച്ചയാ വിതക്കോ, മഹാഭൂതേ പച്ചയാ ചിത്തസമുട്ഠാനം രൂപം, വത്ഥും പച്ചയാ വിപാകാ അവിതക്കവിചാരമത്താ ഖന്ധാ ച വിചാരോ ച. പടിസന്ധിക്ഖണേ…പേ…. (൫)

അവിതക്കഅവിചാരം ധമ്മം പച്ചയാ സവിതക്കസവിചാരോ ച അവിതക്കവിചാരമത്തോ ച ധമ്മാ…പേ… വത്ഥും പച്ചയാ സവിതക്കസവിചാരാ ഖന്ധാ ച വിതക്കോ ച. പടിസന്ധിക്ഖണേ…പേ…. (൬)

(പഠമഘടനായം സമ്പുണ്ണാ സത്ത പഞ്ഹാ കാതബ്ബാ.)

൫൨. അവിതക്കവിചാരമത്തഞ്ച അവിതക്കഅവിചാരഞ്ച ധമ്മം പച്ചയാ സവിതക്കസവിചാരോ ധമ്മോ ഉപ്പജ്ജതി…പേ… വിതക്കഞ്ച വത്ഥുഞ്ച പച്ചയാ സവിതക്കസവിചാരാ ഖന്ധാ. പടിസന്ധിക്ഖണേ…പേ….

അവിതക്കവിചാരമത്തഞ്ച അവിതക്കഅവിചാരഞ്ച ധമ്മം പച്ചയാ അവിതക്കവിചാരമത്തോ ധമ്മോ ഉപ്പജ്ജതി…പേ… അവിതക്കവിചാരമത്തേ ഖന്ധേ ച വിചാരഞ്ച പച്ചയാ അവിതക്കവിചാരമത്താ അധിപതി, അവിതക്കവിചാരമത്തേ ഖന്ധേ ച വത്ഥുഞ്ച പച്ചയാ അവിതക്കവിചാരമത്താ അധിപതി, വിപാകം അവിതക്കവിചാരമത്തം ഏകം ഖന്ധഞ്ച വിചാരഞ്ച പച്ചയാ…പേ… വിപാകം അവിതക്കവിചാരമത്തം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ….

(പടിസന്ധിക്ഖണേ പഞ്ച പഞ്ഹാ കാതബ്ബാ. യത്ഥ അവിതക്കവിചാരമത്തം ആഗച്ഛതി തത്ഥ വിപാകം കാതബ്ബം. നഅധിപതിമൂലകേ സത്തതിംസ പഞ്ഹാ കാതബ്ബാ.)

നഅനന്തരപച്ചയാദി

൫൩. നഅനന്തരമ്പി [നഅനന്തരേപി (ക.)] നസമനന്തരമ്പി നഅഞ്ഞമഞ്ഞമ്പി നഉപനിസ്സയമ്പി സത്ത പഞ്ഹാ രൂപംയേവ. നപുരേജാതേ സത്തതിംസ പടിച്ചവാരപച്ചനീയസദിസം. നപച്ഛാജാതേ സത്തതിംസ, നആസേവനേപി സദിസം. യത്ഥ അവിതക്കവിചാരമത്തോപി ആഗച്ഛതി, തത്ഥ വിപാകാ കാതബ്ബാ.

നകമ്മപച്ചയോ

൫൪. സവിതക്കസവിചാരം ധമ്മം പച്ചയാ സവിതക്കസവിചാരോ ധമ്മോ ഉപ്പജ്ജതി നകമ്മപച്ചയാ – സവിതക്കസവിചാരേ ഖന്ധേ പച്ചയാ സവിതക്കസവിചാരാ ചേതനാ. (൧)

അവിതക്കവിചാരമത്തം ധമ്മം പച്ചയാ അവിതക്കവിചാരമത്തോ ധമ്മോ…പേ… അവിതക്കവിചാരമത്തേ ഖന്ധേ പച്ചയാ അവിതക്കവിചാരമത്താ ചേതനാ. സവിതക്കസവിചാരോ ധമ്മോ…പേ… വിതക്കം പച്ചയാ സവിതക്കസവിചാരാ ചേതനാ. (൨)

അവിതക്കഅവിചാരം ധമ്മം പച്ചയാ അവിതക്കഅവിചാരോ ധമ്മോ…പേ… അവിതക്കഅവിചാരാ ചേതനാ…പേ… (പരിപുണ്ണം കാതബ്ബം) സവിതക്കസവിചാരോ…പേ… വത്ഥും പച്ചയാ സവിതക്കസവിചാരാ ചേതനാ. അവിതക്കവിചാരമത്തോ…പേ… വിചാരം പച്ചയാ അവിതക്കവിചാരമത്താ ചേതനാ. വത്ഥും പച്ചയാ അവിതക്കവിചാരമത്താ ചേതനാ. (൩)

൫൫. സവിതക്കസവിചാരഞ്ച അവിതക്കഅവിചാരഞ്ച ധമ്മം പച്ചയാ സവിതക്കസവിചാരോ ധമ്മോ…പേ… സവിതക്കസവിചാരേ ഖന്ധേ ച വത്ഥുഞ്ച പച്ചയാ സവിതക്കസവിചാരാ ചേതനാ. (൧)

അവിതക്കവിചാരമത്തഞ്ച അവിതക്കഅവിചാരഞ്ച ധമ്മം പച്ചയാ സവിതക്കസവിചാരോ ധമ്മോ…പേ… വിതക്കഞ്ച വത്ഥുഞ്ച പച്ചയാ സവിതക്കസവിചാരാ ചേതനാ. (൧)

അവിതക്കവിചാരമത്തഞ്ച അവിതക്കഅവിചാരഞ്ച ധമ്മം പച്ചയാ അവിതക്കവിചാരമത്തോ ധമ്മോ…പേ… അവിതക്കവിചാരമത്തേ ഖന്ധേ ച വിചാരഞ്ച പച്ചയാ അവിതക്കവിചാരമത്താ ചേതനാ. അവിതക്കവിചാരമത്തേ ഖന്ധേ ച വത്ഥുഞ്ച പച്ചയാ അവിതക്കവിചാരമത്താ ചേതനാ. (൨)

സവിതക്കസവിചാരഞ്ച അവിതക്കവിചാരമത്തഞ്ച ധമ്മം പച്ചയാ സവിതക്കസവിചാരോ ധമ്മോ…പേ… സവിതക്കസവിചാരേ ഖന്ധേ ച വിതക്കഞ്ച പച്ചയാ സവിതക്കസവിചാരാ ചേതനാ. (൧)

സവിതക്കസവിചാരഞ്ച അവിതക്കവിചാരമത്തഞ്ച അവിതക്കഅവിചാരഞ്ച ധമ്മം പച്ചയാ സവിതക്കസവിചാരോ ധമ്മോ ഉപ്പജ്ജതി നകമ്മപച്ചയാ – സവിതക്കസവിചാരേ ഖന്ധേ ച വിതക്കഞ്ച വത്ഥുഞ്ച പച്ചയാ സവിതക്കസവിചാരാ ചേതനാ. (൧)

(നവിപാകേ സത്തതിംസ പഞ്ഹാ കാതബ്ബാ. നആഹാര-നഇന്ദ്രിയ-നഝാന-നമഗ്ഗ-നസമ്പയുത്തനവിപ്പയുത്ത-നോനത്ഥി-നോവിഗതപച്ചയാ വിത്ഥാരേതബ്ബാ.)