൧. വിഭങ്ഗവാരോ

ഹേതുപച്ചയോ

൧. ഉപ്പന്നോ ധമ്മോ ഉപ്പന്നസ്സ ധമ്മസ്സ ഹേതുപച്ചയേന പച്ചയോ – ഉപ്പന്നാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. പടിസന്ധിക്ഖണേ ഉപ്പന്നാ ഹേതൂ സമ്പയുത്തകാനം ഖന്ധാനം കടത്താ ച രൂപാനം ഹേതുപച്ചയേന പച്ചയോ. (൧)

ആരമ്മണപച്ചയോ

൨. ഉപ്പന്നോ ധമ്മോ ഉപ്പന്നസ്സ ധമ്മസ്സ ആരമ്മണപച്ചയേന പച്ചയോ – ഉപ്പന്നം ചക്ഖും അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി. ഉപ്പന്നം സോതം… ഘാനം… ജിവ്ഹം… കായം… രൂപേ… സദ്ദേ… ഗന്ധേ… രസേ… ഫോട്ഠബ്ബേ… വത്ഥും… ഉപ്പന്നേ ഖന്ധേ അനിച്ചതോ ദുക്ഖതോ അനത്തതോ വിപസ്സതി…പേ… ദോമനസ്സം ഉപ്പജ്ജതി. ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, രൂപായതനം ചക്ഖുവിഞ്ഞാണസ്സ …പേ… ഫോട്ഠബ്ബായതനം കായവിഞ്ഞാണസ്സ…പേ… ഉപ്പന്നാ ഖന്ധാ ഇദ്ധിവിധഞാണസ്സ ആവജ്ജനായ ആരമ്മണപച്ചയേന പച്ചയോ. (൧)

൩. അനുപ്പന്നോ ധമ്മോ ഉപ്പന്നസ്സ ധമ്മസ്സ ആരമ്മണപച്ചയേന പച്ചയോ – അനുപ്പന്നേ രൂപേ… സദ്ദേ… ഗന്ധേ… രസേ… ഫോട്ഠബ്ബേ… അനുപ്പന്നേ ഖന്ധേ അനിച്ചതോ ദുക്ഖതോ അനത്തതോ വിപസ്സതി…പേ… ദോമനസ്സം ഉപ്പജ്ജതി. അനുപ്പന്നാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

൪. ഉപ്പാദീ ധമ്മോ ഉപ്പന്നസ്സ ധമ്മസ്സ ആരമ്മണപച്ചയേന പച്ചയോ – ഉപ്പാദിം ചക്ഖും…പേ… കായം… രൂപേ… ഗന്ധേ… രസേ… ഫോട്ഠബ്ബേ… വത്ഥും… ഉപ്പാദീ ഖന്ധേ അനിച്ചതോ ദുക്ഖതോ അനത്തതോ…പേ… ദോമനസ്സം ഉപ്പജ്ജതി. ഉപ്പാദീ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

അധിപതിപച്ചയോ

൫. ഉപ്പന്നോ ധമ്മോ ഉപ്പന്നസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ഉപ്പന്നം ചക്ഖും ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. ഉപ്പന്നം സോതം… ഘാനം… ജിവ്ഹം… കായം… രൂപേ… സദ്ദേ… ഗന്ധേ… രസേ… ഫോട്ഠബ്ബേ… വത്ഥും… ഉപ്പന്നേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി…പേ…. സഹജാതാധിപതി – ഉപ്പന്നാ അധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

അനുപ്പന്നോ ധമ്മോ ഉപ്പന്നസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – അനുപ്പന്നേ രൂപേ… സദ്ദേ… ഗന്ധേ… രസേ… ഫോട്ഠബ്ബേ… അനുപ്പന്നേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൧)

ഉപ്പാദീ ധമ്മോ ഉപ്പന്നസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ഉപ്പാദിം ചക്ഖും…പേ… കായം… രൂപേ…പേ… ഫോട്ഠബ്ബേ… വത്ഥും… ഉപ്പാദീ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൧)

സഹജാതപച്ചയോ

൬. ഉപ്പന്നോ ധമ്മോ ഉപ്പന്നസ്സ ധമ്മസ്സ സഹജാതപച്ചയേന പച്ചയോ – ഉപ്പന്നോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം സഹജാതപച്ചയേന പച്ചയോ…പേ… ദ്വേ ഖന്ധാ ദ്വിന്നം ഖന്ധാനം ചിത്തസമുട്ഠാനാനഞ്ച രൂപാനം സഹജാതപച്ചയേന പച്ചയോ. പടിസന്ധിക്ഖണേ ഉപ്പന്നോ ഏകോ ഖന്ധോ തിണ്ണന്നം ഖന്ധാനം കടത്താ ച രൂപാനം സഹജാതപച്ചയേന പച്ചയോ…പേ… ദ്വേ ഖന്ധാ ദ്വിന്നം ഖന്ധാനം കടത്താ ച രൂപാനം സഹജാതപച്ചയേന പച്ചയോ. ഖന്ധാ വത്ഥുസ്സ സഹജാതപച്ചയേന പച്ചയോ. വത്ഥു ഖന്ധാനം സഹജാതപച്ചയേന പച്ചയോ. ഏകം മഹാഭൂതം തിണ്ണന്നം മഹാഭൂതാനം സഹജാതപച്ചയേന പച്ചയോ…പേ… ദ്വേ മഹാഭൂതാ…പേ… മഹാഭൂതാ ചിത്തസമുട്ഠാനാനം രൂപാനം കടത്താരൂപാനം ഉപാദാരൂപാനം സഹജാതപച്ചയേന പച്ചയോ. ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ… ദ്വേ മഹാഭൂതാ…പേ… മഹാഭൂതാ കടത്താരൂപാനം ഉപാദാരൂപാനം സഹജാതപച്ചയേന പച്ചയോ. (൧)

അഞ്ഞമഞ്ഞപച്ചയോ

൭. ഉപ്പന്നോ ധമ്മോ ഉപ്പന്നസ്സ ധമ്മസ്സ അഞ്ഞമഞ്ഞപച്ചയേന പച്ചയോ – ഉപ്പന്നോ ഏകോ ഖന്ധോ തിണ്ണന്നം ഖന്ധാനം അഞ്ഞമഞ്ഞപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ ഉപ്പന്നോ ഏകോ ഖന്ധോ തിണ്ണന്നം ഖന്ധാനം വത്ഥുസ്സ ച അഞ്ഞമഞ്ഞപച്ചയേന പച്ചയോ. ദ്വേ ഖന്ധാ…പേ… ഖന്ധാ വത്ഥുസ്സ അഞ്ഞമഞ്ഞപച്ചയേന പച്ചയോ. വത്ഥു ഖന്ധാനം അഞ്ഞമഞ്ഞപച്ചയേന പച്ചയോ. ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം തിണ്ണന്നം മഹാഭൂതാനം അഞ്ഞമഞ്ഞപച്ചയേന പച്ചയോ…പേ… ദ്വേ മഹാഭൂതാ…പേ…. (൧)

നിസ്സയപച്ചയോ

൮. ഉപ്പന്നോ ധമ്മോ ഉപ്പന്നസ്സ ധമ്മസ്സ നിസ്സയപച്ചയേന പച്ചയോ – ഉപ്പന്നോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം നിസ്സയപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ…പേ… ഖന്ധാ വത്ഥുസ്സ…പേ… വത്ഥു ഖന്ധാനം…പേ… ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ… മഹാഭൂതാ ചിത്തസമുട്ഠാനാനം രൂപാനം കടത്താരൂപാനം ഉപാദാരൂപാനം ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു ഉപ്പന്നാനം ഖന്ധാനം നിസ്സയപച്ചയേന പച്ചയോ. (൧)

ഉപനിസ്സയപച്ചയോ

൯. ഉപ്പന്നോ ധമ്മോ ഉപ്പന്നസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, പകതൂപനിസ്സയോ…പേ… പകതൂപനിസ്സയോ – ഉപ്പന്നം ഉതും ഉപനിസ്സായ ഝാനം ഉപ്പാദേതി, വിപസ്സനം…പേ… മഗ്ഗം…പേ… അഭിഞ്ഞം…പേ… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി. ഉപ്പന്നം ഭോജനം…പേ… സേനാസനം ഉപനിസ്സായ ഝാനം ഉപ്പാദേതി വിപസ്സനം…പേ… മഗ്ഗം…പേ… അഭിഞ്ഞം…പേ… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി. ഉപ്പന്നം ഉതു… ഭോജനം… സേനാസനം ഉപ്പന്നായ സദ്ധായ…പേ… പഞ്ഞായ, കായികസ്സ സുഖസ്സ, കായികസ്സ ദുക്ഖസ്സ, മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൧)

അനുപ്പന്നോ ധമ്മോ ഉപ്പന്നസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അനുപ്പന്നം വണ്ണസമ്പദം പത്ഥയമാനോ ദാനം ദേതി, സീലം സമാദിയതി, ഉപോസഥകമ്മം കരോതി. അനുപ്പന്നം സദ്ദസമ്പദം… ഗന്ധസമ്പദം… രസസമ്പദം… ഫോട്ഠബ്ബസമ്പദം… അനുപ്പന്നേ ഖന്ധേ പത്ഥയമാനോ ദാനം ദേതി, സീലം സമാദിയതി, ഉപോസഥകമ്മം കരോതി. അനുപ്പന്നാ വണ്ണസമ്പദാ…പേ… അനുപ്പന്നാ ഖന്ധാ ഉപ്പന്നായ സദ്ധായ…പേ… പഞ്ഞായ, കായികസ്സ സുഖസ്സ, കായികസ്സ ദുക്ഖസ്സ, മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൧)

ഉപ്പാദീ ധമ്മോ ഉപ്പന്നസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഉപ്പാദിം ചക്ഖുസമ്പദം പത്ഥയമാനോ ദാനം ദേതി, സീലം സമാദിയതി, ഉപോസഥകമ്മം കരോതി. ഉപ്പാദിം സോതസമ്പദം…പേ… കായസമ്പദം…പേ… വണ്ണസമ്പദം … ഗന്ധസമ്പദം… രസസമ്പദം… ഫോട്ഠബ്ബസമ്പദം… ഉപ്പാദീ ഖന്ധേ പത്ഥയമാനോ ദാനം ദേതി, സീലം സമാദിയതി, ഉപോസഥകമ്മം കരോതി. ഉപ്പാദീ ചക്ഖുസമ്പദാ…പേ… കായസമ്പദാ… വണ്ണസമ്പദാ…പേ… ഫോട്ഠബ്ബസമ്പദാ… ഉപ്പാദീ ഖന്ധാ ഉപ്പന്നായ സദ്ധായ…പേ… പഞ്ഞായ, കായികസ്സ സുഖസ്സ, കായികസ്സ ദുക്ഖസ്സ, മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൧)

പുരേജാതപച്ചയോ

൧൦. ഉപ്പന്നോ ധമ്മോ ഉപ്പന്നസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… വത്ഥു ഉപ്പന്നാനം ഖന്ധാനം പുരേജാതപച്ചയേന പച്ചയോ. (൧)

പച്ഛാജാതപച്ചയോ

൧൧. ഉപ്പന്നോ ധമ്മോ ഉപ്പന്നസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ഉപ്പന്നാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

കമ്മപച്ചയോ

൧൨. ഉപ്പന്നോ ധമ്മോ ഉപ്പന്നസ്സ ധമ്മസ്സ കമ്മപച്ചയേന പച്ചയോ – ഉപ്പന്നാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. പടിസന്ധിക്ഖണേ ഉപ്പന്നാ ചേതനാ സമ്പയുത്തകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

വിപാകപച്ചയോ

൧൩. ഉപ്പന്നോ ധമ്മോ ഉപ്പന്നസ്സ ധമ്മസ്സ വിപാകപച്ചയേന പച്ചയോ – വിപാകോ ഉപ്പന്നോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം വിപാകപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ ഉപ്പന്നോ ഏകോ ഖന്ധോ തിണ്ണന്നം ഖന്ധാനം കടത്താ ച രൂപാനം…പേ… ദ്വേ ഖന്ധാ…പേ… ഖന്ധാ വത്ഥുസ്സ വിപാകപച്ചയേന പച്ചയോ. (൧)

ആഹാരപച്ചയോ

൧൪. ഉപ്പന്നോ ധമ്മോ ഉപ്പന്നസ്സ ധമ്മസ്സ ആഹാരപച്ചയേന പച്ചയോ – ഉപ്പന്നാ ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ. പടിസന്ധിക്ഖണേ…പേ… കബളീകാരോ ആഹാരോ ഇമസ്സ കായസ്സ ആഹാരപച്ചയേന പച്ചയോ. (൧)

ഇന്ദ്രിയപച്ചയോ

൧൫. ഉപ്പന്നോ ധമ്മോ ഉപ്പന്നസ്സ ധമ്മസ്സ ഇന്ദ്രിയപച്ചയേന പച്ചയോ – ഉപ്പന്നാ ഇന്ദ്രിയാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഇന്ദ്രിയപച്ചയേന പച്ചയോ. പടിസന്ധിക്ഖണേ…പേ… ചക്ഖുന്ദ്രിയം ചക്ഖുവിഞ്ഞാണസ്സ…പേ… കായിന്ദ്രിയം കായവിഞ്ഞാണസ്സ…പേ… രൂപജീവിതിന്ദ്രിയം കടത്താരൂപാനം ഇന്ദ്രിയപച്ചയേന പച്ചയോ. (൧)

ഝാനപച്ചയാദി

൧൬. ഉപ്പന്നോ ധമ്മോ ഉപ്പന്നസ്സ ധമ്മസ്സ ഝാനപച്ചയേന പച്ചയോ… മഗ്ഗപച്ചയേന പച്ചയോ… സമ്പയുത്തപച്ചയേന പച്ചയോ… വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – ഉപ്പന്നാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പടിസന്ധിക്ഖണേ ഉപ്പന്നാ ഖന്ധാ കടത്താരൂപാനം വിപ്പയുത്തപച്ചയേന പച്ചയോ. ഖന്ധാ വത്ഥുസ്സ, വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ …പേ… കായായതനം കായവിഞ്ഞാണസ്സ… വത്ഥു ഉപ്പന്നാനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – ഉപ്പന്നാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

അത്ഥിപച്ചയോ

൧൭. ഉപ്പന്നോ ധമ്മോ ഉപ്പന്നസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – ഉപ്പന്നോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ…പേ… ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ…. പുരേജാതം – ചക്ഖും അനിച്ചതോ…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതുധാതുയാ സദ്ദം സുണാതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ അത്ഥിപച്ചയേന പച്ചയോ. ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു ഉപ്പന്നാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – ഉപ്പന്നാ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. കബളീകാരോ ആഹാരോ ഇമസ്സ കായസ്സ അത്ഥിപച്ചയേന പച്ചയോ. രൂപജീവിതിന്ദ്രിയം കടത്താരൂപാനം അത്ഥിപച്ചയേന പച്ചയോ. (൧)

അവിഗതപച്ചയോ

൧൮. ഉപ്പന്നോ ധമ്മോ ഉപ്പന്നസ്സ ധമ്മസ്സ അവിഗതപച്ചയേന പച്ചയോ…പേ….