൧. വിഭങ്ഗവാരോ

നഹേതുപച്ചയോ

൮. മഗ്ഗാരമ്മണം ധമ്മം പടിച്ച മഗ്ഗാരമ്മണോ ധമ്മോ ഉപ്പജ്ജതി നഹേതുപച്ചയാ – അഹേതുകം മഗ്ഗാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

നഅധിപതിപച്ചയോ

൯. മഗ്ഗാരമ്മണം ധമ്മം പടിച്ച മഗ്ഗാരമ്മണോ ധമ്മോ ഉപ്പജ്ജതി നഅധിപതിപച്ചയാ – മഗ്ഗാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

മഗ്ഗാരമ്മണം ധമ്മം പടിച്ച മഗ്ഗാധിപതി ധമ്മോ ഉപ്പജ്ജതി നഅധിപതിപച്ചയാ – മഗ്ഗാരമ്മണം ഏകം ഖന്ധം പടിച്ച മഗ്ഗാധിപതീ തയോ ഖന്ധാ…പേ… ദ്വേ ഖന്ധേ…പേ…. (൨)

മഗ്ഗാരമ്മണം ധമ്മം പടിച്ച മഗ്ഗാരമ്മണോ ച മഗ്ഗാധിപതി ച ധമ്മാ ഉപ്പജ്ജന്തി നഅധിപതിപച്ചയാ – മഗ്ഗാരമ്മണം ഏകം ഖന്ധം പടിച്ച മഗ്ഗാരമ്മണാ ച മഗ്ഗാധിപതീ ച തയോ ഖന്ധാ…പേ… ദ്വേ ഖന്ധേ…പേ…. (൩)

൧൦. മഗ്ഗഹേതുകം ധമ്മം പടിച്ച മഗ്ഗഹേതുകോ ധമ്മോ ഉപ്പജ്ജതി നഅധിപതിപച്ചയാ – മഗ്ഗഹേതുകേ ഖന്ധേ പടിച്ച മഗ്ഗഹേതുകാധിപതി. (൧)

മഗ്ഗഹേതുകം ധമ്മം പടിച്ച മഗ്ഗാധിപതി ധമ്മോ ഉപ്പജ്ജതി നഅധിപതിപച്ചയാ – മഗ്ഗഹേതുകേ ഖന്ധേ പടിച്ച മഗ്ഗാധിപതി അധിപതി. (൨)

മഗ്ഗഹേതുകം ധമ്മം പടിച്ച മഗ്ഗഹേതുകോ ച മഗ്ഗാധിപതി ച ധമ്മാ ഉപ്പജ്ജന്തി നഅധിപതിപച്ചയാ – മഗ്ഗഹേതുകേ ഖന്ധേ പടിച്ച മഗ്ഗഹേതുകോ ച മഗ്ഗാധിപതി ച അധിപതി. (൩)

൧൧. മഗ്ഗാധിപതിം ധമ്മം പടിച്ച മഗ്ഗാധിപതി ധമ്മോ ഉപ്പജ്ജതി നഅധിപതിപച്ചയാ – മഗ്ഗാധിപതീ ഖന്ധേ പടിച്ച മഗ്ഗാധിപതി അധിപതി. മഗ്ഗാധിപതിം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

മഗ്ഗാധിപതിം ധമ്മം പടിച്ച മഗ്ഗാരമ്മണോ ധമ്മോ ഉപ്പജ്ജതി നഅധിപതിപച്ചയാ – മഗ്ഗാധിപതിം ഏകം ഖന്ധം പടിച്ച മഗ്ഗാരമ്മണാ തയോ ഖന്ധാ…പേ… ദ്വേ ഖന്ധേ…പേ…. (൨)

മഗ്ഗാധിപതിം ധമ്മം പടിച്ച മഗ്ഗഹേതുകോ ധമ്മോ ഉപ്പജ്ജതി നഅധിപതിപച്ചയാ – മഗ്ഗാധിപതീ ഖന്ധേ പടിച്ച മഗ്ഗഹേതുകോ അധിപതി. (൩)

മഗ്ഗാധിപതിം ധമ്മം പടിച്ച മഗ്ഗാരമ്മണോ ച മഗ്ഗാധിപതി ച ധമ്മാ ഉപ്പജ്ജന്തി നഅധിപതിപച്ചയാ – മഗ്ഗാധിപതിം ഏകം ഖന്ധം പടിച്ച മഗ്ഗാരമ്മണാ ച മഗ്ഗാധിപതീ ച തയോ ഖന്ധാ…പേ… ദ്വേ ഖന്ധേ…പേ…. (൪)

മഗ്ഗാധിപതിം ധമ്മം പടിച്ച മഗ്ഗഹേതുകോ ച മഗ്ഗാധിപതി ച ധമ്മാ ഉപ്പജ്ജന്തി നഅധിപതിപച്ചയാ – മഗ്ഗാധിപതീ ഖന്ധേ പടിച്ച മഗ്ഗഹേതുകോ ച മഗ്ഗാധിപതി ച അധിപതി. (൫)

൧൨. മഗ്ഗാരമ്മണഞ്ച മഗ്ഗാധിപതിഞ്ച ധമ്മം പടിച്ച മഗ്ഗാരമ്മണോ ധമ്മോ ഉപ്പജ്ജതി നഅധിപതിപച്ചയാ – മഗ്ഗാരമ്മണഞ്ച മഗ്ഗാധിപതിഞ്ച ഏകം ഖന്ധം പടിച്ച മഗ്ഗാരമ്മണാ തയോ ഖന്ധാ…പേ… ദ്വേ ഖന്ധേ…പേ…. (൧)

മഗ്ഗാരമ്മണഞ്ച മഗ്ഗാധിപതിഞ്ച ധമ്മം പടിച്ച മഗ്ഗാധിപതി ധമ്മോ ഉപ്പജ്ജതി നഅധിപതിപച്ചയാ – മഗ്ഗാരമ്മണഞ്ച മഗ്ഗാധിപതിഞ്ച ഏകം ഖന്ധം പടിച്ച മഗ്ഗാധിപതീ തയോ ഖന്ധാ…പേ… ദ്വേ ഖന്ധേ…പേ…. (൨)

മഗ്ഗാരമ്മണഞ്ച മഗ്ഗാധിപതിഞ്ച ധമ്മം പടിച്ച മഗ്ഗാരമ്മണോ ച മഗ്ഗാധിപതി ച ധമ്മാ ഉപ്പജ്ജന്തി നഅധിപതിപച്ചയാ – മഗ്ഗാരമ്മണഞ്ച മഗ്ഗാധിപതിഞ്ച ഏകം ഖന്ധം പടിച്ച മഗ്ഗാരമ്മണാ ച മഗ്ഗാധിപതീ ച തയോ ഖന്ധാ…പേ… ദ്വേ ഖന്ധേ…പേ…. (൩)

൧൩. മഗ്ഗഹേതുകഞ്ച മഗ്ഗാധിപതിഞ്ച ധമ്മം പടിച്ച മഗ്ഗഹേതുകോ ധമ്മോ ഉപ്പജ്ജതി നഅധിപതിപച്ചയാ – മഗ്ഗഹേതുകേ ച മഗ്ഗാധിപതീ ച ഖന്ധേ പടിച്ച മഗ്ഗഹേതുകോ അധിപതി. (൧)

മഗ്ഗഹേതുകഞ്ച മഗ്ഗാധിപതിഞ്ച ധമ്മം പടിച്ച മഗ്ഗാധിപതി ധമ്മോ ഉപ്പജ്ജതി നഅധിപതിപച്ചയാ – മഗ്ഗഹേതുകേ ച മഗ്ഗാധിപതീ ച ഖന്ധേ പടിച്ച മഗ്ഗാധിപതി അധിപതി. (൨)

മഗ്ഗഹേതുകഞ്ച മഗ്ഗാധിപതിഞ്ച ധമ്മം പടിച്ച മഗ്ഗഹേതുകോ ച മഗ്ഗാധിപതി ച ധമ്മാ ഉപ്പജ്ജന്തി നഅധിപതിപച്ചയാ – മഗ്ഗഹേതുകേ ച മഗ്ഗാധിപതീ ച ഖന്ധേ പടിച്ച മഗ്ഗഹേതുകോ ച മഗ്ഗാധിപതി ച അധിപതി. (൩)

നപുരേജാതപച്ചയാദി

൧൪. മഗ്ഗാരമ്മണം ധമ്മം പടിച്ച മഗ്ഗാരമ്മണോ ധമ്മോ ഉപ്പജ്ജതി നപുരേജാതപച്ചയാ… നപച്ഛാജാതപച്ചയാ (പരിപുണ്ണാ ദ്വേപി).

നആസേവനപച്ചയോ

൧൫. മഗ്ഗാരമ്മണം ധമ്മം പടിച്ച മഗ്ഗാരമ്മണോ ധമ്മോ ഉപ്പജ്ജതി നആസേവനപച്ചയാ – മഗ്ഗാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

മഗ്ഗാരമ്മണം ധമ്മം പടിച്ച മഗ്ഗാധിപതി ധമ്മോ ഉപ്പജ്ജതി നആസേവനപച്ചയാ – മഗ്ഗാരമ്മണം ഏകം ഖന്ധം പടിച്ച മഗ്ഗാധിപതീ തയോ ഖന്ധാ…പേ… ദ്വേ ഖന്ധേ…പേ…. (൨)

മഗ്ഗാരമ്മണം ധമ്മം പടിച്ച മഗ്ഗാരമ്മണോ ച മഗ്ഗാധിപതി ച ധമ്മാ ഉപ്പജ്ജന്തി നആസേവനപച്ചയാ – മഗ്ഗാരമ്മണം ഏകം ഖന്ധം പടിച്ച മഗ്ഗാരമ്മണാ ച മഗ്ഗാധിപതീ ച തയോ ഖന്ധാ…പേ… ദ്വേ ഖന്ധേ…പേ…. (൩)

൧൬. മഗ്ഗാധിപതിം ധമ്മം പടിച്ച മഗ്ഗാധിപതി ധമ്മോ ഉപ്പജ്ജതി നആസേവനപച്ചയാ – മഗ്ഗാധിപതിം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

മഗ്ഗാധിപതിം ധമ്മം പടിച്ച മഗ്ഗാരമ്മണോ ധമ്മോ ഉപ്പജ്ജതി നആസേവനപച്ചയാ – മഗ്ഗാധിപതിം ഏകം ഖന്ധം പടിച്ച മഗ്ഗാരമ്മണാ തയോ ഖന്ധാ…പേ… ദ്വേ ഖന്ധേ…പേ…. (൨)

മഗ്ഗാധിപതിം ധമ്മം പടിച്ച മഗ്ഗാരമ്മണോ ച മഗ്ഗാധിപതി ച ധമ്മാ ഉപ്പജ്ജന്തി നആസേവനപച്ചയാ – മഗ്ഗാധിപതിം ഏകം ഖന്ധം പടിച്ച മഗ്ഗാരമ്മണാ ച മഗ്ഗാധിപതീ ച തയോ ഖന്ധാ…പേ… ദ്വേ ഖന്ധേ…പേ…. (൩)

൧൭. മഗ്ഗാരമ്മണഞ്ച മഗ്ഗാധിപതിഞ്ച ധമ്മം പടിച്ച മഗ്ഗാരമ്മണോ ധമ്മോ ഉപ്പജ്ജതി നആസേവനപച്ചയാ – മഗ്ഗാരമ്മണഞ്ച മഗ്ഗാധിപതിഞ്ച ഏകം ഖന്ധം പടിച്ച മഗ്ഗാരമ്മണാ തയോ ഖന്ധാ…പേ… ദ്വേ ഖന്ധേ…പേ…. (൧)

മഗ്ഗാരമ്മണഞ്ച മഗ്ഗാധിപതിഞ്ച ധമ്മം പടിച്ച മഗ്ഗാധിപതി ധമ്മോ ഉപ്പജ്ജതി നആസേവനപച്ചയാ – മഗ്ഗാരമ്മണഞ്ച മഗ്ഗാധിപതിഞ്ച ഏകം ഖന്ധം പടിച്ച മഗ്ഗാധിപതീ തയോ ഖന്ധാ…പേ… ദ്വേ ഖന്ധേ…പേ…. (൨)

മഗ്ഗാരമ്മണഞ്ച മഗ്ഗാധിപതിഞ്ച ധമ്മം പടിച്ച മഗ്ഗാരമ്മണോ ച മഗ്ഗാധിപതി ച ധമ്മാ ഉപ്പജ്ജന്തി നആസേവനപച്ചയാ – മഗ്ഗാരമ്മണഞ്ച മഗ്ഗാധിപതിഞ്ച ഏകം ഖന്ധം പടിച്ച മഗ്ഗാരമ്മണാ ച മഗ്ഗാധിപതീ ച തയോ ഖന്ധാ…പേ… ദ്വേ ഖന്ധേ…പേ…. (൩)

നകമ്മപച്ചയോ

൧൮. മഗ്ഗാരമ്മണം ധമ്മം പടിച്ച മഗ്ഗാരമ്മണോ ധമ്മോ ഉപ്പജ്ജതി നകമ്മപച്ചയാ – മഗ്ഗാരമ്മണേ ഖന്ധേ പടിച്ച മഗ്ഗാരമ്മണാ ചേതനാ. (൧)

മഗ്ഗാരമ്മണം ധമ്മം പടിച്ച മഗ്ഗാധിപതി ധമ്മോ ഉപ്പജ്ജതി നകമ്മപച്ചയാ – മഗ്ഗാരമ്മണേ ഖന്ധേ പടിച്ച മഗ്ഗാധിപതി ചേതനാ. (൨)

മഗ്ഗാരമ്മണം ധമ്മം പടിച്ച മഗ്ഗാരമ്മണോ ച മഗ്ഗാധിപതി ച ധമ്മാ ഉപ്പജ്ജന്തി നകമ്മപച്ചയാ – മഗ്ഗാരമ്മണേ ഖന്ധേ പടിച്ച മഗ്ഗാരമ്മണാ ച മഗ്ഗാധിപതി ച ചേതനാ. (൩)

൧൯. മഗ്ഗഹേതുകം ധമ്മം പടിച്ച മഗ്ഗഹേതുകോ ധമ്മോ ഉപ്പജ്ജതി നകമ്മപച്ചയാ – മഗ്ഗഹേതുകേ ഖന്ധേ പടിച്ച മഗ്ഗഹേതുകാ ചേതനാ. (൧)

മഗ്ഗഹേതുകം ധമ്മം പടിച്ച മഗ്ഗാധിപതി ധമ്മോ ഉപ്പജ്ജതി നകമ്മപച്ചയാ – മഗ്ഗഹേതുകേ ഖന്ധേ പടിച്ച മഗ്ഗാധിപതി ചേതനാ. (൨)

മഗ്ഗഹേതുകം ധമ്മം പടിച്ച മഗ്ഗഹേതുകോ ച മഗ്ഗാധിപതി ച ധമ്മാ ഉപ്പജ്ജന്തി നകമ്മപച്ചയാ – മഗ്ഗഹേതുകേ ഖന്ധേ പടിച്ച മഗ്ഗഹേതുകോ ച മഗ്ഗാധിപതി ച ചേതനാ. (൩)

൨൦. മഗ്ഗാധിപതിം ധമ്മം പടിച്ച മഗ്ഗാധിപതി ധമ്മോ ഉപ്പജ്ജതി നകമ്മപച്ചയാ – മഗ്ഗാധിപതീ ഖന്ധേ പടിച്ച മഗ്ഗാധിപതി ചേതനാ (പഞ്ച പഞ്ഹാ).

മഗ്ഗാരമ്മണഞ്ച മഗ്ഗാധിപതിഞ്ച ധമ്മം പടിച്ച മഗ്ഗാരമ്മണോ ധമ്മോ ഉപ്പജ്ജതി നകമ്മപച്ചയാ (പഠമഘടനേ തീണി).

മഗ്ഗഹേതുകഞ്ച മഗ്ഗാധിപതിഞ്ച ധമ്മം പടിച്ച മഗ്ഗഹേതുകോ ധമ്മോ ഉപ്പജ്ജതി നകമ്മപച്ചയാ (ദുതിയഘടനേ തീണി പഞ്ഹാ).

നവിപാകപച്ചയോ

൨൧. മഗ്ഗാരമ്മണം ധമ്മം പടിച്ച മഗ്ഗാരമ്മണോ ധമ്മോ ഉപ്പജ്ജതി നവിപാകപച്ചയാ (പരിപുണ്ണം).

നമഗ്ഗപച്ചയോ

൨൨. മഗ്ഗാരമ്മണം ധമ്മം പടിച്ച മഗ്ഗാരമ്മണോ ധമ്മോ ഉപ്പജ്ജതി നമഗ്ഗപച്ചയാ – അഹേതുകം മഗ്ഗാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

നവിപ്പയുത്തപച്ചയോ

൨൩. മഗ്ഗാരമ്മണം ധമ്മം പടിച്ച മഗ്ഗാരമ്മണോ ധമ്മോ ഉപ്പജ്ജതി നവിപ്പയുത്തപച്ചയാ (പരിപുണ്ണം, അരൂപന്തി നിയാമേതബ്ബം).