൧. വിഭങ്ഗവാരോ

ഹേതുപച്ചയോ

൧. മിച്ഛത്തനിയതം ധമ്മം പടിച്ച മിച്ഛത്തനിയതോ ധമ്മോ ഉപ്പജ്ജതി ഹേതുപച്ചയാ – മിച്ഛത്തനിയതം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ. (൧)

മിച്ഛത്തനിയതം ധമ്മം പടിച്ച അനിയതോ ധമ്മോ ഉപ്പജ്ജതി ഹേതുപച്ചയാ – മിച്ഛത്തനിയതേ ഖന്ധേ പടിച്ച ചിത്തസമുട്ഠാനം രൂപം. (൨)

മിച്ഛത്തനിയതം ധമ്മം പടിച്ച മിച്ഛത്തനിയതോ ച അനിയതോ ച ധമ്മാ ഉപ്പജ്ജന്തി ഹേതുപച്ചയാ – മിച്ഛത്തനിയതം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൨. സമ്മത്തനിയതം ധമ്മം പടിച്ച സമ്മത്തനിയതോ ധമ്മോ ഉപ്പജ്ജതി ഹേതുപച്ചയാ… തീണി.

൩. അനിയതം ധമ്മം പടിച്ച അനിയതോ ധമ്മോ ഉപ്പജ്ജതി ഹേതുപച്ചയാ – അനിയതം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ അനിയതം ഏകം ഖന്ധം പടിച്ച തയോ ഖന്ധാ കടത്താ ച രൂപം, ദ്വേ ഖന്ധേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം പടിച്ച തയോ മഹാഭൂതാ…പേ… ദ്വേ മഹാഭൂതാ,. മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

൪. മിച്ഛത്തനിയതഞ്ച അനിയതഞ്ച ധമ്മം പടിച്ച അനിയതോ ധമ്മോ ഉപ്പജ്ജതി ഹേതുപച്ചയാ – മിച്ഛത്തനിയതേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

സമ്മത്തനിയതഞ്ച അനിയതഞ്ച ധമ്മം പടിച്ച അനിയതോ ധമ്മോ ഉപ്പജ്ജതി ഹേതുപച്ചയാ – സമ്മത്തനിയതേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

ആരമ്മണപച്ചയോ

൫. മിച്ഛത്തനിയതം ധമ്മം പടിച്ച മിച്ഛത്തനിയതോ ധമ്മോ ഉപ്പജ്ജതി ആരമ്മണപച്ചയാ – മിച്ഛത്തനിയതം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

സമ്മത്തനിയതം ധമ്മം പടിച്ച സമ്മത്തനിയതോ ധമ്മോ ഉപ്പജ്ജതി ആരമ്മണപച്ചയാ – സമ്മത്തനിയതം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

അനിയതം ധമ്മം പടിച്ച അനിയതോ ധമ്മോ ഉപ്പജ്ജതി ആരമ്മണപച്ചയാ – അനിയതം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ അനിയതം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… വത്ഥും പടിച്ച ഖന്ധാ (സബ്ബേ പച്ചയാ ഇമിനാ കാരണേന വിത്ഥാരേതബ്ബാ. സംഖിത്തം).