൧. വിഭങ്ഗവാരോ

നഹേതുപച്ചയോ

൧൯. അനിയതം ധമ്മം പച്ചയാ അനിയതോ ധമ്മോ ഉപ്പജ്ജതി നഹേതുപച്ചയാ – അഹേതുകം അനിയതം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ. ഏകം മഹാഭൂതം…പേ… അസഞ്ഞസത്താനം…പേ… ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം. വത്ഥും പച്ചയാ അഹേതുകാ അനിയതാ ഖന്ധാ. വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നആരമ്മണപച്ചയോ

൨൦. മിച്ഛത്തനിയതം ധമ്മം പച്ചയാ അനിയതോ ധമ്മോ ഉപ്പജ്ജതി നആരമ്മണപച്ചയാ – മിച്ഛത്തനിയതേ ഖന്ധേ പച്ചയാ ചിത്തസമുട്ഠാനം രൂപം (കുസലത്തികസദിസം, പഞ്ച കാതബ്ബാ).

നഅധിപതിപച്ചയോ

൨൧. മിച്ഛത്തനിയതം ധമ്മം പച്ചയാ മിച്ഛത്തനിയതോ ധമ്മോ ഉപ്പജ്ജതി നഅധിപതിപച്ചയാ – മിച്ഛത്തനിയതേ ഖന്ധേ പച്ചയാ മിച്ഛത്തനിയതാധിപതി. (൧)

സമ്മത്തനിയതം ധമ്മം പച്ചയാ സമ്മത്തനിയതോ ധമ്മോ ഉപ്പജ്ജതി നഅധിപതിപച്ചയാ – സമ്മത്തനിയതേ ഖന്ധേ പച്ചയാ സമ്മത്തനിയതാധിപതി. (൧)

അനിയതം ധമ്മം പച്ചയാ അനിയതോ ധമ്മോ ഉപ്പജ്ജതി നഅധിപതിപച്ചയാ – അനിയതം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ …പേ… അസഞ്ഞസത്താനം…പേ… ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം. വത്ഥും പച്ചയാ അനിയതാ ഖന്ധാ. (൧)

അനിയതം ധമ്മം പച്ചയാ മിച്ഛത്തനിയതോ ധമ്മോ ഉപ്പജ്ജതി നഅധിപതിപച്ചയാ – വത്ഥും പച്ചയാ മിച്ഛത്തനിയതാധിപതി. (൨)

അനിയതം ധമ്മം പച്ചയാ സമ്മത്തനിയതോ ധമ്മോ ഉപ്പജ്ജതി നഅധിപതിപച്ചയാ – വത്ഥും പച്ചയാ സമ്മത്തനിയതാധിപതി. (൩)

മിച്ഛത്തനിയതഞ്ച അനിയതഞ്ച ധമ്മം പച്ചയാ മിച്ഛത്തനിയതോ ധമ്മോ ഉപ്പജ്ജതി നഅധിപതിപച്ചയാ – മിച്ഛത്തനിയതേ ഖന്ധേ ച വത്ഥുഞ്ച പച്ചയാ മിച്ഛത്തനിയതാധിപതി. (൧)

സമ്മത്തനിയതഞ്ച അനിയതഞ്ച ധമ്മം പച്ചയാ സമ്മത്തനിയതോ ധമ്മോ ഉപ്പജ്ജതി നഅധിപതിപച്ചയാ – സമ്മത്തനിയതേ ഖന്ധേ ച വത്ഥുഞ്ച പച്ചയാ സമ്മത്തനിയതാധിപതി. (൧)

നഅനന്തരപച്ചയാദി

൨൨. മിച്ഛത്തനിയതം ധമ്മം പച്ചയാ അനിയതോ ധമ്മോ ഉപ്പജ്ജതി നഅനന്തരപച്ചയാ…പേ… നോനത്ഥിപച്ചയാ… നോവിഗതപച്ചയാ.