൧. വിഭങ്ഗവാരോ

ഹേതുപച്ചയോ

൧൪. മിച്ഛത്തനിയതം ധമ്മം പച്ചയാ മിച്ഛത്തനിയതോ ധമ്മോ ഉപ്പജ്ജതി ഹേതുപച്ചയാ… തീണി.

സമ്മത്തനിയതം ധമ്മം പച്ചയാ സമ്മത്തനിയതോ ധമ്മോ ഉപ്പജ്ജതി ഹേതുപച്ചയാ… തീണി.

൧൫. അനിയതം ധമ്മം പച്ചയാ അനിയതോ ധമ്മോ ഉപ്പജ്ജതി ഹേതുപച്ചയാ – അനിയതം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ; ഏകം മഹാഭൂതം പച്ചയാ…പേ… വത്ഥും പച്ചയാ അനിയതാ ഖന്ധാ. (൧)

അനിയതം ധമ്മം പച്ചയാ മിച്ഛത്തനിയതോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ മിച്ഛത്തനിയതാ ഖന്ധാ. (൨)

അനിയതം ധമ്മം പച്ചയാ സമ്മത്തനിയതോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ സമ്മത്തനിയതാ ഖന്ധാ. (൩)

അനിയതം ധമ്മം പച്ചയാ മിച്ഛത്തനിയതോ ച അനിയതോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ മിച്ഛത്തനിയതാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം. (൪)

അനിയതം ധമ്മം പച്ചയാ സമ്മത്തനിയതോ ച അനിയതോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ സമ്മത്തനിയതാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം. (൫)

൧൬. മിച്ഛത്തനിയതഞ്ച അനിയതഞ്ച ധമ്മം പച്ചയാ മിച്ഛത്തനിയതോ ധമ്മോ ഉപ്പജ്ജതി ഹേതുപച്ചയാ – മിച്ഛത്തനിയതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ…. (൧)

മിച്ഛത്തനിയതഞ്ച അനിയതഞ്ച ധമ്മം പച്ചയാ അനിയതോ ധമ്മോ ഉപ്പജ്ജതി ഹേതുപച്ചയാ – മിച്ഛത്തനിയതേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൨)

മിച്ഛത്തനിയതഞ്ച അനിയതഞ്ച ധമ്മം പച്ചയാ മിച്ഛത്തനിയതോ ച അനിയതോ ച ധമ്മാ ഉപ്പജ്ജന്തി ഹേതുപച്ചയാ – മിച്ഛത്തനിയതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… മിച്ഛത്തനിയതേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൩)

സമ്മത്തനിയതഞ്ച അനിയതഞ്ച ധമ്മം പച്ചയാ സമ്മത്തനിയതോ ധമ്മോ ഉപ്പജ്ജതി ഹേതുപച്ചയാ (തീണി പഞ്ഹാ, മിച്ഛത്തസദിസം).

ആരമ്മണപച്ചയാദി

൧൭. മിച്ഛത്തനിയതം ധമ്മം പച്ചയാ മിച്ഛത്തനിയതോ ധമ്മോ ഉപ്പജ്ജതി ആരമ്മണപച്ചയാ… (സംഖിത്തം, കുസലത്തികേ പച്ചയവാരസദിസം വിഭജിതബ്ബം)… അവിഗതപച്ചയാ.