൧. വിഭങ്ഗവാരോ

നഹേതുപച്ചയോ

൪. പരിത്താരമ്മണം ധമ്മം പടിച്ച പരിത്താരമ്മണോ ധമ്മോ ഉപ്പജ്ജതി നഹേതുപച്ചയാ – അഹേതുകം പരിത്താരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ. അഹേതുകപടിസന്ധിക്ഖണേ പരിത്താരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ, വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

മഹഗ്ഗതാരമ്മണം ധമ്മം പടിച്ച മഹഗ്ഗതാരമ്മണോ ധമ്മോ ഉപ്പജ്ജതി നഹേതുപച്ചയാ – അഹേതുകം മഹഗ്ഗതാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ, വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

അപ്പമാണാരമ്മണം ധമ്മം പടിച്ച അപ്പമാണാരമ്മണോ ധമ്മോ ഉപ്പജ്ജതി നഹേതുപച്ചയാ – അഹേതുകം അപ്പമാണാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ. (൧)

നഅധിപതിപച്ചയോ

൫. പരിത്താരമ്മണം ധമ്മം പടിച്ച പരിത്താരമ്മണോ ധമ്മോ ഉപ്പജ്ജതി നഅധിപതിപച്ചയാ – പരിത്താരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ. പടിസന്ധിക്ഖണേ…പേ…. (൧)

മഹഗ്ഗതാരമ്മണം ധമ്മം പടിച്ച മഹഗ്ഗതാരമ്മണോ ധമ്മോ ഉപ്പജ്ജതി നഅധിപതിപച്ചയാ – മഹഗ്ഗതാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ. പടിസന്ധിക്ഖണേ…പേ…. (൧)

അപ്പമാണാരമ്മണം ധമ്മം പടിച്ച അപ്പമാണാരമ്മണോ ധമ്മോ ഉപ്പജ്ജതി നഅധിപതിപച്ചയാ – അപ്പമാണാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ. (൧)

നപുരേജാതപച്ചയാദി

൬. പരിത്താരമ്മണം ധമ്മം പടിച്ച പരിത്താരമ്മണോ ധമ്മോ ഉപ്പജ്ജതി നപുരേജാതപച്ചയാ – അരൂപേ പരിത്താരമ്മണം ഏകം ഖന്ധം പടിച്ച തയോ ഖന്ധാ…പേ… പടിസന്ധിക്ഖണേ…പേ…. (൧)

മഹഗ്ഗതാരമ്മണം ധമ്മം പടിച്ച മഹഗ്ഗതാരമ്മണോ ധമ്മോ ഉപ്പജ്ജതി നപുരേജാതപച്ചയാ – അരൂപേ മഹഗ്ഗതാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ (മഹഗ്ഗതാരമ്മണേ പടിസന്ധി നത്ഥി). (൧)

അപ്പമാണാരമ്മണം ധമ്മം പടിച്ച അപ്പമാണാരമ്മണോ ധമ്മോ ഉപ്പജ്ജതി നപുരേജാതപച്ചയാ – അരൂപേ അപ്പമാണാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ (നപച്ഛാജാതപച്ചയഞ്ച നആസേവനപച്ചയഞ്ച നഅധിപതിസദിസം).

നകമ്മപച്ചയോ

൭. പരിത്താരമ്മണം ധമ്മം പടിച്ച പരിത്താരമ്മണോ ധമ്മോ ഉപ്പജ്ജതി നകമ്മപച്ചയാ – പരിത്താരമ്മണേ ഖന്ധേ പടിച്ച പരിത്താരമ്മണാ ചേതനാ. (൧)

മഹഗ്ഗതാരമ്മണം ധമ്മം പടിച്ച മഹഗ്ഗതാരമ്മണോ ധമ്മോ ഉപ്പജ്ജതി നകമ്മപച്ചയാ – മഹഗ്ഗതാരമ്മണേ ഖന്ധേ പടിച്ച മഹഗ്ഗതാരമ്മണാ ചേതനാ. (൧)

അപ്പമാണാരമ്മണം ധമ്മം പടിച്ച അപ്പമാണാരമ്മണോ ധമ്മോ ഉപ്പജ്ജതി നകമ്മപച്ചയാ – അപ്പമാണാരമ്മണേ ഖന്ധേ പടിച്ച അപ്പമാണാരമ്മണാ ചേതനാ. (൧)

നവിപാകപച്ചയാദി

൮. പരിത്താരമ്മണം ധമ്മം പടിച്ച പരിത്താരമ്മണോ ധമ്മോ ഉപ്പജ്ജതി നവിപാകപച്ചയാ (പടിസന്ധി നത്ഥി)… നഝാനപച്ചയാ – പഞ്ചവിഞ്ഞാണസഹഗതം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ…നമഗ്ഗപച്ചയാ – അഹേതുകം പരിത്താരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ; അഹേതുകപടിസന്ധിക്ഖണേ…പേ… ദ്വേ ഖന്ധാ…പേ….

മഹഗ്ഗതാരമ്മണം ധമ്മം പടിച്ച മഹഗ്ഗതാരമ്മണോ ധമ്മോ ഉപ്പജ്ജതി നമഗ്ഗപച്ചയാ – അഹേതുകം മഹഗ്ഗതാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ. (൧)

അപ്പമാണാരമ്മണം ധമ്മം പടിച്ച അപ്പമാണാരമ്മണോ ധമ്മോ ഉപ്പജ്ജതി നമഗ്ഗപച്ചയാ – അഹേതുകം അപ്പമാണാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ. (൧)

നവിപ്പയുത്തപച്ചയോ

൯. പരിത്താരമ്മണം ധമ്മം പടിച്ച പരിത്താരമ്മണോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ പരിത്താരമ്മണം ഏകം ഖന്ധം പടിച്ച തയോ ഖന്ധാ…പേ…. (൧)

മഹഗ്ഗതാരമ്മണം ധമ്മം പടിച്ച മഹഗ്ഗതാരമ്മണോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ മഹഗ്ഗതാരമ്മണം ഏകം ഖന്ധം പടിച്ച തയോ ഖന്ധാ…പേ…. (൧)

അപ്പമാണാരമ്മണം ധമ്മം പടിച്ച അപ്പമാണാരമ്മണോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ അപ്പമാണാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ. (൧)