൧. പച്ചയാനുലോമം

൨. സങ്ഖ്യാവാരോ

൩൪. ഹേതുയാ തീണി, ആരമ്മണേ സത്ത, അധിപതിയാ സത്ത, അനന്തരേ നവ, സമനന്തരേ നവ, സഹജാതേ തീണി, അഞ്ഞമഞ്ഞേ തീണി, നിസ്സയേ തീണി, ഉപനിസ്സയേ നവ, ആസേവനേ പഞ്ച, കമ്മേ പഞ്ച, വിപാകേ തീണി, ആഹാരേ തീണി, ഇന്ദ്രിയേ ഝാനേ മഗ്ഗേ സമ്പയുത്തേ അത്ഥിയാ തീണി, നത്ഥിയാ നവ, വിഗതേ നവ, അവിഗതേ തീണി (ഏവം ഗണേതബ്ബം).

അനുലോമം.

പച്ചനീയുദ്ധാരോ

൩൫. പരിത്താരമ്മണോ ധമ്മോ പരിത്താരമ്മണസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൧)

പരിത്താരമ്മണോ ധമ്മോ മഹഗ്ഗതാരമ്മണസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ. (൨)

പരിത്താരമ്മണോ ധമ്മോ അപ്പമാണാരമ്മണസ്സ ധമ്മസ്സ ഉപനിസ്സയപച്ചയേന പച്ചയോ. (൩)

൩൬. മഹഗ്ഗതാരമ്മണോ ധമ്മോ മഹഗ്ഗതാരമ്മണസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

മഹഗ്ഗതാരമ്മണോ ധമ്മോ പരിത്താരമ്മണസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൨)

മഹഗ്ഗതാരമ്മണോ ധമ്മോ അപ്പമാണാരമ്മണസ്സ ധമ്മസ്സ ഉപനിസ്സയപച്ചയേന പച്ചയോ. (൩)

൩൭. അപ്പമാണാരമ്മണോ ധമ്മോ അപ്പമാണാരമ്മണസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

അപ്പമാണാരമ്മണോ ധമ്മോ പരിത്താരമ്മണസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൨)

അപ്പമാണാരമ്മണോ ധമ്മോ മഹഗ്ഗതാരമ്മണസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ. (൩)