൨. സങ്ഖ്യാവാരോ

൮൭. ഹേതുയാ സത്ത, ആരമ്മണേ സത്ത, അധിപതിയാ സത്ത, അനന്തരേ നവ, സമനന്തരേ നവ, സഹജാതേ ഏകാദസ, അഞ്ഞമഞ്ഞേ സത്ത, നിസ്സയേ തേരസ, ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ ചത്താരി, കമ്മേ സത്ത, വിപാകേ ആഹാരേ ഇന്ദ്രിയേ ഝാനേ മഗ്ഗേ സത്ത, സമ്പയുത്തേ തീണി, വിപ്പയുത്തേ പഞ്ച, അത്ഥിയാ തേരസ, നത്ഥിയാ നവ, വിഗതേ നവ, അവിഗതേ തേരസ (ഏവം ഗണേതബ്ബം).

അനുലോമം.

പച്ചനീയുദ്ധാരോ

൮൮. പരിത്തോ ധമ്മോ പരിത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

പരിത്തോ ധമ്മോ മഹഗ്ഗതസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

പരിത്തോ ധമ്മോ അപ്പമാണസ്സ ധമ്മസ്സ ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

മഹഗ്ഗതോ ധമ്മോ മഹഗ്ഗതസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

മഹഗ്ഗതോ ധമ്മോ പരിത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ … ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ. (൨)

മഹഗ്ഗതോ ധമ്മോ അപ്പമാണസ്സ ധമ്മസ്സ ഉപനിസ്സയപച്ചയേന പച്ചയോ. (൩)

മഹഗ്ഗതോ ധമ്മോ പരിത്തസ്സ ച മഹഗ്ഗതസ്സ ച ധമ്മസ്സ സഹജാതപച്ചയേന പച്ചയോ… കമ്മപച്ചയേന പച്ചയോ. (൪)

൮൯. അപ്പമാണോ ധമ്മോ അപ്പമാണസ്സ ധമ്മസ്സ സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

അപ്പമാണോ ധമ്മോ പരിത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

അപ്പമാണോ ധമ്മോ മഹഗ്ഗതസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ. (൩)

അപ്പമാണോ ധമ്മോ പരിത്തസ്സ ച അപ്പമാണസ്സ ച ധമ്മസ്സ സഹജാതപച്ചയേന പച്ചയോ. (൪)

പരിത്തോ ച അപ്പമാണോ ച ധമ്മാ പരിത്തസ്സ ധമ്മസ്സ സഹജാതം, പച്ഛാജാതം, ആഹാരം, ഇന്ദ്രിയം. (൧)

പരിത്തോ ച അപ്പമാണോ ച ധമ്മാ അപ്പമാണസ്സ ധമ്മസ്സ സഹജാതം, പുരേജാതം. (൨)

പരിത്തോ ച മഹഗ്ഗതോ ച ധമ്മാ പരിത്തസ്സ ധമ്മസ്സ സഹജാതം, പച്ഛാജാതം, ആഹാരം, ഇന്ദ്രിയം. (൧)

പരിത്തോ ച മഹഗ്ഗതോ ച ധമ്മാ മഹഗ്ഗതസ്സ ധമ്മസ്സ സഹജാതം, പുരേജാതം. (൨)