൧. വിഭങ്ഗവാരോ

ഹേതുപച്ചയോ

൧. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി ഹേതുപച്ചയാ – പരിത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ പരിത്തം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം പടിച്ച തയോ മഹാഭൂതാ…പേ… ദ്വേ മഹാഭൂതേ പടിച്ച ചിത്തസമുട്ഠാനം രൂപം…പേ…. (൧)

പരിത്തം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി ഹേതുപച്ചയാ – പടിസന്ധിക്ഖണേ വത്ഥും പടിച്ച മഹഗ്ഗതാ ഖന്ധാ. (൨)

പരിത്തം ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി ഹേതുപച്ചയാ – പടിസന്ധിക്ഖണേ വത്ഥും പടിച്ച മഹഗ്ഗതാ ഖന്ധാ, മഹാഭൂതേ പടിച്ച കടത്താരൂപം. (൩)

൨. മഹഗ്ഗതം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി ഹേതുപച്ചയാ – മഹഗ്ഗതം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

മഹഗ്ഗതം ധമ്മം പടിച്ച പരിത്തോ ധമ്മോ ഉപ്പജ്ജതി ഹേതുപച്ചയാ – മഹഗ്ഗതേ ഖന്ധേ പടിച്ച ചിത്തസമുട്ഠാനം രൂപം. പടിസന്ധിക്ഖണേ മഹഗ്ഗതേ ഖന്ധേ പടിച്ച കടത്താരൂപം. (൨)

മഹഗ്ഗതം ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി ഹേതുപച്ചയാ – മഹഗ്ഗതം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… പടിസന്ധിക്ഖണേ മഹഗ്ഗതം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ…പേ…. (൩)

൩. അപ്പമാണം ധമ്മം പടിച്ച അപ്പമാണോ ധമ്മോ ഉപ്പജ്ജതി ഹേതുപച്ചയാ – അപ്പമാണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

അപ്പമാണം ധമ്മം പടിച്ച പരിത്തോ ധമ്മോ ഉപ്പജ്ജതി ഹേതുപച്ചയാ – അപ്പമാണേ ഖന്ധേ പടിച്ച ചിത്തസമുട്ഠാനം രൂപം. (൨)

അപ്പമാണം ധമ്മം പടിച്ച പരിത്തോ ച അപ്പമാണോ ച ധമ്മാ ഉപ്പജ്ജന്തി ഹേതുപച്ചയാ – അപ്പമാണം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൪. പരിത്തഞ്ച അപ്പമാണഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി ഹേതുപച്ചയാ – അപ്പമാണേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

പരിത്തഞ്ച മഹഗ്ഗതഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി ഹേതുപച്ചയാ – മഹഗ്ഗതേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. പടിസന്ധിക്ഖണേ…പേ…. (൧)

പരിത്തഞ്ച മഹഗ്ഗതഞ്ച ധമ്മം പടിച്ച മഹഗ്ഗതോ ധമ്മോ ഉപ്പജ്ജതി ഹേതുപച്ചയാ – പടിസന്ധിക്ഖണേ മഹഗ്ഗതം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ…. (൨)

പരിത്തഞ്ച മഹഗ്ഗതഞ്ച ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി ഹേതുപച്ചയാ – പടിസന്ധിക്ഖണേ മഹഗ്ഗതം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… മഹഗ്ഗതേ ഖന്ധേ ച മഹാഭൂതേ ച പടിച്ച കടത്താരൂപം. (൩)

ആരമ്മണപച്ചയോ

൫. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി ആരമ്മണപച്ചയാ – പരിത്തം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ… വത്ഥും പടിച്ച ഖന്ധാ. (൧)

പരിത്തം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി ആരമ്മണപച്ചയാ – പടിസന്ധിക്ഖണേ വത്ഥും പടിച്ച മഹഗ്ഗതാ ഖന്ധാ. (൨)

മഹഗ്ഗതം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി ആരമ്മണപച്ചയാ – മഹഗ്ഗതം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

അപ്പമാണം ധമ്മം പടിച്ച അപ്പമാണോ ധമ്മോ ഉപ്പജ്ജതി ആരമ്മണപച്ചയാ – അപ്പമാണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

പരിത്തഞ്ച മഹഗ്ഗതഞ്ച ധമ്മം പടിച്ച മഹഗ്ഗതോ ധമ്മോ ഉപ്പജ്ജതി ആരമ്മണപച്ചയാ – പടിസന്ധിക്ഖണേ മഹഗ്ഗതം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

അധിപതിപച്ചയോ

൬. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി അധിപതിപച്ചയാ – പരിത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ…പേ… ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം. (൧)

മഹഗ്ഗതം ധമ്മം പടിച്ച മഹഗ്ഗതോ ധമ്മോ ഉപ്പജ്ജതി അധിപതിപച്ചയാ – മഹഗ്ഗതം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

മഹഗ്ഗതം ധമ്മം പടിച്ച പരിത്തോ ധമ്മോ ഉപ്പജ്ജതി അധിപതിപച്ചയാ – മഹഗ്ഗതേ ഖന്ധേ പടിച്ച ചിത്തസമുട്ഠാനം രൂപം. (൨)

മഹഗ്ഗതം ധമ്മം പടിച്ച പരിത്തോ ച മഹഗ്ഗതോ ച ധമ്മാ ഉപ്പജ്ജന്തി അധിപതിപച്ചയാ – മഹഗ്ഗതം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

അപ്പമാണം ധമ്മം പടിച്ച അപ്പമാണോ ധമ്മോ ഉപ്പജ്ജതി അധിപതിപച്ചയാ – അപ്പമാണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

അപ്പമാണം ധമ്മം പടിച്ച പരിത്തോ ധമ്മോ ഉപ്പജ്ജതി അധിപതിപച്ചയാ – അപ്പമാണേ ഖന്ധേ പടിച്ച ചിത്തസമുട്ഠാനം രൂപം. (൨)

അപ്പമാണം ധമ്മം പടിച്ച പരിത്തോ ച അപ്പമാണോ ച ധമ്മാ ഉപ്പജ്ജന്തി അധിപതിപച്ചയാ – അപ്പമാണം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൭. പരിത്തഞ്ച അപ്പമാണഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി അധിപതിപച്ചയാ – അപ്പമാണേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

പരിത്തഞ്ച മഹഗ്ഗതഞ്ച ധമ്മം പടിച്ച പരിത്തോ ധമ്മോ ഉപ്പജ്ജതി അധിപതിപച്ചയാ – മഹഗ്ഗതേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

അനന്തരപച്ചയാദി

൮. പരിത്തം ധമ്മം പടിച്ച പരിത്തോ ധമ്മോ ഉപ്പജ്ജതി അനന്തരപച്ചയാ… സമനന്തരപച്ചയാ… സഹജാതപച്ചയാ (സബ്ബേപി മഹാഭൂതാ കാതബ്ബാ)… അഞ്ഞമഞ്ഞപച്ചയാ… നിസ്സയപച്ചയാ… ഉപനിസ്സയപച്ചയാ … പുരേജാതപച്ചയാ (തിസ്സോ പഞ്ഹാ കാതബ്ബാ)… ആസേവനപച്ചയാ (തിസ്സോ പഞ്ഹാ കാതബ്ബാ)… കമ്മപച്ചയാ… വിപാകപച്ചയാ (തേരസ പഞ്ഹാ)… ആഹാരപച്ചയാ… ഇന്ദ്രിയപച്ചയാ… ഝാനപച്ചയാ… മഗ്ഗപച്ചയാ,… സമ്പയുത്തപച്ചയാ… വിപ്പയുത്തപച്ചയാ… അത്ഥിപച്ചയാ… നത്ഥിപച്ചയാ… വിഗതപച്ചയാ… അവിഗതപച്ചയാ.

൧. പച്ചയാനുലോമം

൨. സങ്ഖ്യാവാരോ

൯. ഹേതുയാ തേരസ, ആരമ്മണേ പഞ്ച, അധിപതിയാ നവ, അനന്തരേ പഞ്ച, സമനന്തരേ പഞ്ച, സഹജാതേ തേരസ, അഞ്ഞമഞ്ഞേ സത്ത, നിസ്സയേ തേരസ, ഉപനിസ്സയേ പഞ്ച, പുരേജാതേ തീണി, ആസേവനേ തീണി, കമ്മേ തേരസ, വിപാകേ തേരസ, ആഹാരേ ഇന്ദ്രിയേ ഝാനേ മഗ്ഗേ തേരസ, സമ്പയുത്തേ പഞ്ച, വിപ്പയുത്തേ തേരസ, അത്ഥിയാ തേരസ, നത്ഥിയാ പഞ്ച, വിഗതേ പഞ്ച, അവിഗതേ തേരസ.

അനുലോമം.