൧. വിഭങ്ഗവാരോ

ഹേതുപച്ചയോ

൫൫. പരിത്തോ ധമ്മോ പരിത്തസ്സ ധമ്മസ്സ ഹേതുപച്ചയേന പച്ചയോ – പരിത്താ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. പടിസന്ധിക്ഖണേ…പേ…. (൧)

മഹഗ്ഗതോ ധമ്മോ മഹഗ്ഗതസ്സ ധമ്മസ്സ ഹേതുപച്ചയേന പച്ചയോ… തീണി (പവത്തിപടിസന്ധി കാതബ്ബാ).

അപ്പമാണോ ധമ്മോ അപ്പമാണസ്സ ധമ്മസ്സ ഹേതുപച്ചയേന പച്ചയോ… തീണി.

ആരമ്മണപച്ചയോ

൫൬. പരിത്തോ ധമ്മോ പരിത്തസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി പച്ചവേക്ഖതി, അരിയാ ഗോത്രഭും പച്ചവേക്ഖന്തി, വോദാനം പച്ചവേക്ഖന്തി, പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി. ചക്ഖും…പേ… വത്ഥും… പരിത്തേ ഖന്ധേ അനിച്ചതോ…പേ… വിപസ്സന്തി അസ്സാദേന്തി അഭിനന്ദന്തി, തം ആരബ്ഭ രാഗോ ഉപ്പജ്ജതി …പേ… ദോമനസ്സം ഉപ്പജ്ജതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ ആരമ്മണപച്ചയേന പച്ചയോ. (൧)

പരിത്തോ ധമ്മോ മഹഗ്ഗതസ്സ ധമ്മസ്സ ആരമ്മണപച്ചയേന പച്ചയോ – ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, ചേതോപരിയഞാണേന പരിത്തചിത്തസമങ്ഗിസ്സ ചിത്തം ജാനാതി. പരിത്താ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ പുബ്ബേനിവാസാനുസ്സതിഞാണസ്സ യഥാകമ്മൂപഗഞാണസ്സ അനാഗതംസഞാണസ്സ ആരമ്മണപച്ചയേന പച്ചയോ. (൨)

൫൭. മഹഗ്ഗതോ ധമ്മോ മഹഗ്ഗതസ്സ ധമ്മസ്സ ആരമ്മണപച്ചയേന പച്ചയോ – ചേതോപരിയഞാണേന മഹഗ്ഗതചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ ആരമ്മണപച്ചയേന പച്ചയോ. മഹഗ്ഗതാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ പുബ്ബേനിവാസാനുസ്സതിഞാണസ്സ യഥാകമ്മൂപഗഞാണസ്സ അനാഗതംസഞാണസ്സ ആരമ്മണപച്ചയേന പച്ചയോ. (൧)

മഹഗ്ഗതോ ധമ്മോ പരിത്തസ്സ ധമ്മസ്സ ആരമ്മണപച്ചയേന പച്ചയോ – പഠമം ഝാനം പച്ചവേക്ഖതി…പേ… നേവസഞ്ഞാനാസഞ്ഞായതനം പച്ചവേക്ഖതി, ദിബ്ബം ചക്ഖും പച്ചവേക്ഖതി, ദിബ്ബം സോതധാതും പച്ചവേക്ഖതി, ഇദ്ധിവിധഞാണം പച്ചവേക്ഖതി, ചേതോപരിയഞാണം പച്ചവേക്ഖതി, പുബ്ബേനിവാസാനുസ്സതിഞാണം പച്ചവേക്ഖതി, യഥാകമ്മൂപഗഞാണം പച്ചവേക്ഖതി, അനാഗതംസഞാണം പച്ചവേക്ഖതി. മഹഗ്ഗതേ ഖന്ധേ അനിച്ചതോ…പേ… വിപ്പസ്സതി അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. (൨)

൫൮. അപ്പമാണോ ധമ്മോ അപ്പമാണസ്സ ധമ്മസ്സ ആരമ്മണപച്ചയേന പച്ചയോ – നിബ്ബാനം മഗ്ഗസ്സ, ഫലസ്സ ആരമ്മണപച്ചയേന പച്ചയോ. (൧)

അപ്പമാണോ ധമ്മോ പരിത്തസ്സ ധമ്മസ്സ ആരമ്മണപച്ചയേന പച്ചയോ – അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ, ആവജ്ജനായ ആരമ്മണപച്ചയേന പച്ചയോ. (൨)

അപ്പമാണോ ധമ്മോ മഹഗ്ഗതസ്സ ധമ്മസ്സ ആരമ്മണപച്ചയേന പച്ചയോ – അരിയാ ചേതോപരിയഞാണേന അപ്പമാണചിത്തസമങ്ഗിസ്സ ചിത്തം ജാനന്തി, അപ്പമാണാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ ആരമ്മണപച്ചയേന പച്ചയോ. (൩)

അധിപതിപച്ചയോ

൫൯. പരിത്തോ ധമ്മോ പരിത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ സുചിണ്ണാനി ഗരും കത്വാ പച്ചവേക്ഖതി. സേക്ഖാ ഗോത്രഭും ഗരും കത്വാ പച്ചവേക്ഖന്തി, വോദാനം ഗരും കത്വാ പച്ചവേക്ഖന്തി. ചക്ഖും…പേ… വത്ഥും… പരിത്തേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – പരിത്താധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

മഹഗ്ഗതോ ധമ്മോ മഹഗ്ഗതസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – മഹഗ്ഗതാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

മഹഗ്ഗതോ ധമ്മോ പരിത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – പഠമം ഝാനം ഗരും കത്വാ…പേ… നേവസഞ്ഞാനാസഞ്ഞായതനം…പേ… ദിബ്ബം ചക്ഖും…പേ… അനാഗതംസഞാണം ഗരും കത്വാ പച്ചവേക്ഖതി. മഹഗ്ഗതേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി… ദിട്ഠി ഉപ്പജ്ജതി. സഹജാതാധിപതി – മഹഗ്ഗതാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

മഹഗ്ഗതോ ധമ്മോ പരിത്തസ്സ ച മഹഗ്ഗതസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – മഹഗ്ഗതാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൬൦. അപ്പമാണോ ധമ്മോ അപ്പമാണസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – നിബ്ബാനം മഗ്ഗസ്സ… ഫലസ്സ അധിപതിപച്ചയേന പച്ചയോ. സഹജാതാധിപതി – അപ്പമാണാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

അപ്പമാണോ ധമ്മോ പരിത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി, ഫലം ഗരും കത്വാ പച്ചവേക്ഖന്തി, നിബ്ബാനം ഗരും കത്വാ പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ അധിപതിപച്ചയേന പച്ചയോ. സഹജാതാധിപതി – അപ്പമാണാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

അപ്പമാണോ ധമ്മോ പരിത്തസ്സ ച അപ്പമാണസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – അപ്പമാണാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

അനന്തരപച്ചയോ

൬൧. പരിത്തോ ധമ്മോ പരിത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ പരിത്താ ഖന്ധാ പച്ഛിമാനം പച്ഛിമാനം പരിത്താനം ഖന്ധാനം അനന്തരപച്ചയേന പച്ചയോ. അനുലോമം ഗോത്രഭുസ്സ… അനുലോമം വോദാനസ്സ… ആവജ്ജനാ പരിത്താനം ഖന്ധാനം അനന്തരപച്ചയേന പച്ചയോ. (൧)

പരിത്തോ ധമ്മോ മഹഗ്ഗതസ്സ ധമ്മസ്സ അനന്തരപച്ചയേന പച്ചയോ – പരിത്തം ചുതിചിത്തം മഹഗ്ഗതസ്സ ഉപപത്തിചിത്തസ്സ അനന്തരപച്ചയേന പച്ചയോ. പരിത്താ ഖന്ധാ മഹഗ്ഗതസ്സ വുട്ഠാനസ്സ അനന്തരപച്ചയേന പച്ചയോ. പഠമസ്സ ഝാനസ്സ പരികമ്മം…പേ… നേവസഞ്ഞാനാസഞ്ഞായതനസ്സ പരികമ്മം…പേ… ദിബ്ബസ്സ ചക്ഖുസ്സ പരികമ്മം…പേ… അനാഗതംസഞാണസ്സ പരികമ്മം അനാഗതംസഞാണസ്സ അനന്തരപച്ചയേന പച്ചയോ. (൨)

പരിത്തോ ധമ്മോ അപ്പമാണസ്സ ധമ്മസ്സ അനന്തരപച്ചയേന പച്ചയോ – ഗോത്രഭു മഗ്ഗസ്സ… വോദാനം മഗ്ഗസ്സ… അനുലോമം ഫലസമാപത്തിയാ അനന്തരപച്ചയേന പച്ചയോ. (൩)

൬൨. മഹഗ്ഗതോ ധമ്മോ മഹഗ്ഗതസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ മഹഗ്ഗതാ ഖന്ധാ പച്ഛിമാനം പച്ഛിമാനം മഹഗ്ഗതാനം ഖന്ധാനം അനന്തരപച്ചയേന പച്ചയോ. (൧)

മഹഗ്ഗതോ ധമ്മോ പരിത്തസ്സ ധമ്മസ്സ അനന്തരപച്ചയേന പച്ചയോ – മഹഗ്ഗതം ചുതിചിത്തം പരിത്തസ്സ ഉപപത്തിചിത്തസ്സ അനന്തരപച്ചയേന പച്ചയോ. മഹഗ്ഗതം ഭവങ്ഗം ആവജ്ജനായ അനന്തരപച്ചയേന പച്ചയോ. മഹഗ്ഗതാ ഖന്ധാ പരിത്തസ്സ വുട്ഠാനസ്സ അനന്തരപച്ചയേന പച്ചയോ. (൨)

മഹഗ്ഗതോ ധമ്മോ അപ്പമാണസ്സ ധമ്മസ്സ അനന്തരപച്ചയേന പച്ചയോ – നേവസഞ്ഞാനാസഞ്ഞായതനം നിരോധാ വുട്ഠഹന്തസ്സ ഫലസമാപത്തിയാ അനന്തരപച്ചയേന പച്ചയോ. (൩)

൬൩. അപ്പമാണോ ധമ്മോ അപ്പമാണസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അപ്പമാണാ ഖന്ധാ പച്ഛിമാനം പച്ഛിമാനം അപ്പമാണാനം ഖന്ധാനം അനന്തരപച്ചയേന പച്ചയോ. മഗ്ഗോ ഫലസ്സ… ഫലം ഫലസ്സ അനന്തരപച്ചയേന പച്ചയോ. (൧)

അപ്പമാണോ ധമ്മോ പരിത്തസ്സ ധമ്മസ്സ അനന്തരപച്ചയേന പച്ചയോ – ഫലം പരിത്തസ്സ വുട്ഠാനസ്സ അനന്തരപച്ചയേന പച്ചയോ. (൨)

അപ്പമാണോ ധമ്മോ മഹഗ്ഗതസ്സ ധമ്മസ്സ അനന്തരപച്ചയേന പച്ചയോ – ഫലം മഹഗ്ഗതസ്സ വുട്ഠാനസ്സ അനന്തരപച്ചയേന പച്ചയോ. (൩)

(സമനന്തരപച്ചയം അനന്തരപച്ചയസദിസം.)

സഹജാതപച്ചയോ

൬൪. പരിത്തോ ധമ്മോ പരിത്തസ്സ ധമ്മസ്സ സഹജാതപച്ചയേന പച്ചയോ – പരിത്തോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം സഹജാതപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ…പേ… ഖന്ധാ വത്ഥുസ്സ, വത്ഥു ഖന്ധാനം സഹജാതപച്ചയേന പച്ചയോ; ഏകം മഹാഭൂതം…പേ… അസഞ്ഞസത്താനം…പേ…. (൧)

പരിത്തോ ധമ്മോ മഹഗ്ഗതസ്സ ധമ്മസ്സ സഹജാതപച്ചയേന പച്ചയോ – പടിസന്ധിക്ഖണേ വത്ഥു മഹഗ്ഗതാനം ഖന്ധാനം സഹജാതപച്ചയേന പച്ചയോ. (൨)

൬൫. മഹഗ്ഗതോ ധമ്മോ മഹഗ്ഗതസ്സ ധമ്മസ്സ സഹജാതപച്ചയേന പച്ചയോ – മഹഗ്ഗതോ ഏകോ ഖന്ധോ തിണ്ണന്നം ഖന്ധാനം…പേ… ദ്വേ ഖന്ധാ…പേ… പടിസന്ധിക്ഖണേ…പേ…. (൧)

മഹഗ്ഗതോ ധമ്മോ പരിത്തസ്സ ധമ്മസ്സ സഹജാതപച്ചയേന പച്ചയോ – മഹഗ്ഗതാ ഖന്ധാ ചിത്തസമുട്ഠാനാനം രൂപാനം സഹജാതപച്ചയേന പച്ചയോ. പടിസന്ധിക്ഖണേ മഹഗ്ഗതാ ഖന്ധാ കടത്താരൂപാനം സഹജാതപച്ചയേന പച്ചയോ. (൨)

മഹഗ്ഗതോ ധമ്മോ പരിത്തസ്സ ച മഹഗ്ഗതസ്സ ച ധമ്മസ്സ സഹജാതപച്ചയേന പച്ചയോ – മഹഗ്ഗതോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം സഹജാതപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ…പേ…. (൩)

൬൬. അപ്പമാണോ ധമ്മോ അപ്പമാണസ്സ ധമ്മസ്സ സഹജാതപച്ചയേന പച്ചയോ – അപ്പമാണോ ഏകോ ഖന്ധോ തിണ്ണന്നം ഖന്ധാനം സഹജാതപച്ചയേന പച്ചയോ…പേ…. (൧)

അപ്പമാണോ ധമ്മോ പരിത്തസ്സ ധമ്മസ്സ സഹജാതപച്ചയേന പച്ചയോ – അപ്പമാണാ ഖന്ധാ ചിത്തസമുട്ഠാനാനം രൂപാനം സഹജാതപച്ചയേന പച്ചയോ. (൨)

അപ്പമാണോ ധമ്മോ പരിത്തസ്സ ച അപ്പമാണസ്സ ച ധമ്മസ്സ സഹജാതപച്ചയേന പച്ചയോ – അപ്പമാണോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം സഹജാതപച്ചയേന പച്ചയോ…പേ…. (൩)

൬൭. പരിത്തോ ച അപ്പമാണോ ച ധമ്മാ പരിത്തസ്സ ധമ്മസ്സ സഹജാതപച്ചയേന പച്ചയോ – അപ്പമാണാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം സഹജാതപച്ചയേന പച്ചയോ. (൧)

പരിത്തോ ച മഹഗ്ഗതോ ച ധമ്മാ പരിത്തസ്സ ധമ്മസ്സ സഹജാതപച്ചയേന പച്ചയോ – മഹഗ്ഗതാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം സഹജാതപച്ചയേന പച്ചയോ. പടിസന്ധിക്ഖണേ മഹഗ്ഗതാ ഖന്ധാ ച മഹാഭൂതാ ച കടത്താരൂപാനം സഹജാതപച്ചയേന പച്ചയോ. (൧)

പരിത്തോ ച മഹഗ്ഗതോ ച ധമ്മാ മഹഗ്ഗതസ്സ ധമ്മസ്സ സഹജാതപച്ചയേന പച്ചയോ – പടിസന്ധിക്ഖണേ മഹഗ്ഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം സഹജാതപച്ചയേന പച്ചയോ…പേ…. (൨)

അഞ്ഞമഞ്ഞപച്ചയോ

൬൮. പരിത്തോ ധമ്മോ പരിത്തസ്സ ധമ്മസ്സ അഞ്ഞമഞ്ഞപച്ചയേന പച്ചയോ – പരിത്തോ ഏകോ ഖന്ധോ തിണ്ണന്നം ഖന്ധാനം അഞ്ഞമഞ്ഞപച്ചയേന പച്ചയോ…പേ… പടിസന്ധിക്ഖണേ…പേ… ഖന്ധാ വത്ഥുസ്സ…പേ… വത്ഥു ഖന്ധാനം അഞ്ഞമഞ്ഞപച്ചയേന പച്ചയോ; ഏകം മഹാഭൂതം…പേ… അസഞ്ഞസത്താനം…പേ…. (൧)

പരിത്തോ ധമ്മോ മഹഗ്ഗതസ്സ ധമ്മസ്സ അഞ്ഞമഞ്ഞപച്ചയേന പച്ചയോ…പേ… പടിസന്ധിക്ഖണേ വത്ഥു മഹഗ്ഗതാനം ഖന്ധാനം അഞ്ഞമഞ്ഞപച്ചയേന പച്ചയോ…പേ…. (൨)

മഹഗ്ഗതോ ധമ്മോ മഹഗ്ഗതസ്സ ധമ്മസ്സ അഞ്ഞമഞ്ഞപച്ചയേന പച്ചയോ – മഹഗ്ഗതോ ഏകോ ഖന്ധോ തിണ്ണന്നം ഖന്ധാനം അഞ്ഞമഞ്ഞപച്ചയേന പച്ചയോ…പേ… പടിസന്ധിക്ഖണേ…പേ…. (൧)

മഹഗ്ഗതോ ധമ്മോ പരിത്തസ്സ ധമ്മസ്സ അഞ്ഞമഞ്ഞപച്ചയേന പച്ചയോ – പടിസന്ധിക്ഖണേ മഹഗ്ഗതാ ഖന്ധാ വത്ഥുസ്സ അഞ്ഞമഞ്ഞപച്ചയേന പച്ചയോ. (൨)

മഹഗ്ഗതോ ധമ്മോ പരിത്തസ്സ ച മഹഗ്ഗതസ്സ ച ധമ്മസ്സ അഞ്ഞമഞ്ഞപച്ചയേന പച്ചയോ – പടിസന്ധിക്ഖണേ മഹഗ്ഗതോ ഏകോ ഖന്ധോ തിണ്ണന്നം ഖന്ധാനം വത്ഥുസ്സ ച അഞ്ഞമഞ്ഞപച്ചയേന പച്ചയോ…പേ…. (൩)

അപ്പമാണോ ധമ്മോ അപ്പമാണസ്സ ധമ്മസ്സ അഞ്ഞമഞ്ഞപച്ചയേന പച്ചയോ – അപ്പമാണോ ഏകോ ഖന്ധോ തിണ്ണന്നം ഖന്ധാനം അഞ്ഞമഞ്ഞപച്ചയേന പച്ചയോ…പേ… ദ്വേ ഖന്ധാ…പേ…. (൧)

പരിത്തോ ച മഹഗ്ഗതോ ച ധമ്മാ മഹഗ്ഗതസ്സ ധമ്മസ്സ അഞ്ഞമഞ്ഞപച്ചയേന പച്ചയോ – പടിസന്ധിക്ഖണേ മഹഗ്ഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അഞ്ഞമഞ്ഞപച്ചയേന പച്ചയോ…പേ…. (൧)

നിസ്സയപച്ചയോ

൬൯. പരിത്തോ ധമ്മോ പരിത്തസ്സ ധമ്മസ്സ നിസ്സയപച്ചയേന പച്ചയോ – പരിത്തോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം നിസ്സയപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ…പേ… ഖന്ധാ വത്ഥുസ്സ…പേ… വത്ഥു ഖന്ധാനം നിസ്സയപച്ചയേന പച്ചയോ…പേ… ഏകം മഹാഭൂതം…പേ… അസഞ്ഞസത്താനം ഏകം മഹാഭൂതം…പേ… ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ… വത്ഥു പരിത്താനം ഖന്ധാനം നിസ്സയപച്ചയേന പച്ചയോ. (൧)

പരിത്തോ ധമ്മോ മഹഗ്ഗതസ്സ ധമ്മസ്സ നിസ്സയപച്ചയേന പച്ചയോ – വത്ഥു മഹഗ്ഗതാനം ഖന്ധാനം നിസ്സയപച്ചയേന പച്ചയോ. പടിസന്ധിക്ഖണേ വത്ഥു മഹഗ്ഗതാനം ഖന്ധാനം നിസ്സയപച്ചയേന പച്ചയോ. (൨)

പരിത്തോ ധമ്മോ അപ്പമാണസ്സ ധമ്മസ്സ നിസ്സയപച്ചയേന പച്ചയോ – വത്ഥു അപ്പമാണാനം ഖന്ധാനം നിസ്സയപച്ചയേന പച്ചയോ. (൩)

൭൦. മഹഗ്ഗതോ ധമ്മോ മഹഗ്ഗതസ്സ ധമ്മസ്സ നിസ്സയപച്ചയേന പച്ചയോ – മഹഗ്ഗതോ ഏകോ ഖന്ധോ തിണ്ണന്നം ഖന്ധാനം…പേ… ദ്വേ ഖന്ധാ…പേ… പടിസന്ധിക്ഖണേ…പേ…. (൧)

മഹഗ്ഗതോ ധമ്മോ പരിത്തസ്സ ധമ്മസ്സ നിസ്സയപച്ചയേന പച്ചയോ – മഹഗ്ഗതാ ഖന്ധാ ചിത്തസമുട്ഠാനാനം രൂപാനം നിസ്സയപച്ചയേന പച്ചയോ. പടിസന്ധിക്ഖണേ മഹഗ്ഗതാ ഖന്ധാ കടത്താരൂപാനം നിസ്സയപച്ചയേന പച്ചയോ. (൨)

മഹഗ്ഗതോ ധമ്മോ പരിത്തസ്സ ച മഹഗ്ഗതസ്സ ച ധമ്മസ്സ നിസ്സയപച്ചയേന പച്ചയോ – മഹഗ്ഗതോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം നിസ്സയപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ…പേ…. (൩)

൭൧. അപ്പമാണോ ധമ്മോ അപ്പമാണസ്സ ധമ്മസ്സ നിസ്സയപച്ചയേന പച്ചയോ – അപ്പമാണോ ഏകോ ഖന്ധോ തിണ്ണന്നം ഖന്ധാനം നിസ്സയപച്ചയേന പച്ചയോ…പേ…. (൧)

അപ്പമാണോ ധമ്മോ പരിത്തസ്സ ധമ്മസ്സ നിസ്സയപച്ചയേന പച്ചയോ – അപ്പമാണാ ഖന്ധാ ചിത്തസമുട്ഠാനാനം രൂപാനം നിസ്സയപച്ചയേന പച്ചയോ. (൨)

അപ്പമാണോ ധമ്മോ പരിത്തസ്സ ച അപ്പമാണസ്സ ച ധമ്മസ്സ നിസ്സയപച്ചയേന പച്ചയോ – അപ്പമാണോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം നിസ്സയപച്ചയേന പച്ചയോ…പേ…. (൩)

പരിത്തോ ച അപ്പമാണോ ച ധമ്മാ പരിത്തസ്സ ധമ്മസ്സ നിസ്സയപച്ചയേന പച്ചയോ – അപ്പമാണാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം നിസ്സയപച്ചയേന പച്ചയോ. (൧)

പരിത്തോ ച അപ്പമാണോ ച ധമ്മാ അപ്പമാണസ്സ ധമ്മസ്സ നിസ്സയപച്ചയേന പച്ചയോ – അപ്പമാണോ ഏകോ ഖന്ധോ ച വത്ഥു ച തിണ്ണന്നം ഖന്ധാനം നിസ്സയപച്ചയേന പച്ചയോ…പേ… ദ്വേ ഖന്ധാ…പേ…. (൨)

പരിത്തോ ച മഹഗ്ഗതോ ച ധമ്മാ പരിത്തസ്സ ധമ്മസ്സ നിസ്സയപച്ചയേന പച്ചയോ – മഹഗ്ഗതാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം നിസ്സയപച്ചയേന പച്ചയോ. പടിസന്ധിക്ഖണേ മഹഗ്ഗതാ ഖന്ധാ ച മഹാഭൂതാ ച കടത്താരൂപാനം നിസ്സയപച്ചയേന പച്ചയോ. (൧)

പരിത്തോ ച മഹഗ്ഗതോ ച ധമ്മാ മഹഗ്ഗതസ്സ ധമ്മസ്സ നിസ്സയപച്ചയേന പച്ചയോ – മഹഗ്ഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം നിസ്സയപച്ചയേന പച്ചയോ…പേ… പടിസന്ധിക്ഖണേ മഹഗ്ഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം നിസ്സയപച്ചയേന പച്ചയോ…പേ… ദ്വേ ഖന്ധാ…പേ…. (൨)

ഉപനിസ്സയപച്ചയോ

൭൨. പരിത്തോ ധമ്മോ പരിത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – പരിത്തം സദ്ധം ഉപനിസ്സായ ദാനം ദേതി, സീലം സമാദിയതി, ഉപോസഥകമ്മം കരോതി, വിപസ്സനം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി, പരിത്തം സീലം…പേ… പഞ്ഞം… രാഗം…പേ… പത്ഥനം… കായികം സുഖം…പേ… സേനാസനം ഉപനിസ്സായ ദാനം ദേതി, സീലം…പേ… ഉപോസഥം…പേ… വിപസ്സനം ഉപ്പാദേതി, പാണം ഹനതി…പേ… സങ്ഘം ഭിന്ദതി. പരിത്താ സദ്ധാ…പേ… പഞ്ഞാ, രാഗോ…പേ… പത്ഥനാ, കായികം സുഖം…പേ… സേനാസനം പരിത്തായ സദ്ധായ…പേ… പഞ്ഞായ, രാഗസ്സ…പേ… പത്ഥനായ, കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ. കുസലാകുസലം കമ്മം വിപാകസ്സ ഉപനിസ്സയപച്ചയേന പച്ചയോ. പാണാതിപാതോ പാണാതിപാതസ്സ ഉപനിസ്സയപച്ചയേന പച്ചയോ (ചക്കം കാതബ്ബം). മാതുഘാതികമ്മം മാതുഘാതികമ്മസ്സ ഉപനിസ്സയപച്ചയേന പച്ചയോ (ചക്കം കാതബ്ബം കുസലത്തികസദിസം). (൧)

പരിത്തോ ധമ്മോ മഹഗ്ഗതസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – പരിത്തം സദ്ധം ഉപനിസ്സായ മഹഗ്ഗതം ഝാനം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി. പരിത്തം സീലം…പേ… പഞ്ഞം… രാഗം…പേ… സേനാസനം ഉപനിസ്സായ മഹഗ്ഗതം ഝാനം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി. പരിത്താ സദ്ധാ…പേ… സേനാസനം മഹഗ്ഗതായ സദ്ധായ…പേ… പഞ്ഞായ ഉപനിസ്സയപച്ചയേന പച്ചയോ. പഠമസ്സ ഝാനസ്സ പരികമ്മം…പേ… നേവസഞ്ഞാനാസഞ്ഞായതനസ്സ പരികമ്മം നേവസഞ്ഞാനാസഞ്ഞായതനസ്സ ഉപനിസ്സയപച്ചയേന പച്ചയോ. ദിബ്ബസ്സ ചക്ഖുസ്സ പരികമ്മം…പേ… അനാഗതംസഞാണസ്സ പരികമ്മം…പേ…. (൨)

പരിത്തോ ധമ്മോ അപ്പമാണസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ പരിത്തം സദ്ധം ഉപനിസ്സായ അപ്പമാണം ഝാനം ഉപ്പാദേതി, മഗ്ഗം ഉപ്പാദേതി, ഫലസമാപത്തിം ഉപ്പാദേതി. പരിത്തം സീലം…പേ… പഞ്ഞം… രാഗം…പേ… പത്ഥനം… കായികം സുഖം…പേ… സേനാസനം ഉപനിസ്സായ അപ്പമാണം ഝാനം ഉപ്പാദേതി, മഗ്ഗം ഉപ്പാദേതി, ഫലസമാപത്തിം ഉപ്പാദേതി. പരിത്താ സദ്ധാ…പേ… സേനാസനം അപ്പമാണായ സദ്ധായ…പേ… പഞ്ഞായ, മഗ്ഗസ്സ ഫലസമാപത്തിയാ ഉപനിസ്സയപച്ചയേന പച്ചയോ. പഠമസ്സ മഗ്ഗസ്സ പരികമ്മം പഠമസ്സ മഗ്ഗസ്സ…പേ… ചതുത്ഥസ്സ മഗ്ഗസ്സ പരികമ്മം ചതുത്ഥസ്സ മഗ്ഗസ്സ ഉപനിസ്സയപച്ചയേന പച്ചയോ. (൩)

൭൩. മഹഗ്ഗതോ ധമ്മോ മഹഗ്ഗതസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – മഹഗ്ഗതം സദ്ധം ഉപനിസ്സായ മഹഗ്ഗതം ഝാനം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി. മഹഗ്ഗതം സീലം…പേ… പഞ്ഞം ഉപനിസ്സായ മഹഗ്ഗതം ഝാനം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി. മഹഗ്ഗതാ സദ്ധാ…പേ… പഞ്ഞാ മഹഗ്ഗതായ സദ്ധായ…പേ… പഞ്ഞായ ഉപനിസ്സയപച്ചയേന പച്ചയോ. പഠമം ഝാനം ദുതിയസ്സ ഝാനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ ഉപനിസ്സയപച്ചയേന പച്ചയോ. (൧)

മഹഗ്ഗതോ ധമ്മോ പരിത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – മഹഗ്ഗതം സദ്ധം ഉപനിസ്സായ ദാനം ദേതി, സീലം സമാദിയതി, ഉപോസഥകമ്മം കരോതി, വിപസ്സനം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി, മഹഗ്ഗതം സീലം…പേ… പഞ്ഞം ഉപനിസ്സായ ദാനം ദേതി…പേ… വിപസ്സനം ഉപ്പാദേതി…പേ… മഹഗ്ഗതാ സദ്ധാ…പേ… പഞ്ഞാ പരിത്തായ സദ്ധായ…പേ… പഞ്ഞായ…പേ… കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ. (൨)

മഹഗ്ഗതോ ധമ്മോ അപ്പമാണസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – മഹഗ്ഗതം സദ്ധം ഉപനിസ്സായ അപ്പമാണം ഝാനം ഉപ്പാദേതി, മഗ്ഗം ഉപ്പാദേതി, ഫലസമാപത്തിം ഉപ്പാദേതി. മഹഗ്ഗതം സീലം…പേ… പഞ്ഞം ഉപനിസ്സായ അപ്പമാണം ഝാനം ഉപ്പാദേതി, മഗ്ഗം ഉപ്പാദേതി, ഫലസമാപത്തിം ഉപ്പാദേതി. മഹഗ്ഗതാ സദ്ധാ…പേ… പഞ്ഞാ അപ്പമാണായ സദ്ധായ…പേ… പഞ്ഞായ മഗ്ഗസ്സ ഫലസമാപത്തിയാ ഉപനിസ്സയപച്ചയേന പച്ചയോ. (൩)

൭൪. അപ്പമാണോ ധമ്മോ അപ്പമാണസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അപ്പമാണം സദ്ധം ഉപനിസ്സായ അപ്പമാണം ഝാനം ഉപ്പാദേതി, മഗ്ഗം ഉപ്പാദേതി, ഫലസമാപത്തിം ഉപ്പാദേതി. അപ്പമാണം സീലം…പേ… പഞ്ഞം ഉപനിസ്സായ അപ്പമാണം ഝാനം ഉപ്പാദേതി, മഗ്ഗം ഉപ്പാദേതി, ഫലസമാപത്തിം ഉപ്പാദേതി. അപ്പമാണാ സദ്ധാ…പേ… പഞ്ഞാ അപ്പമാണായ സദ്ധായ…പേ… പഞ്ഞായ ഉപനിസ്സയപച്ചയേന പച്ചയോ. പഠമോ മഗ്ഗോ ദുതിയസ്സ മഗ്ഗസ്സ…പേ… തതിയോ മഗ്ഗോ ചതുത്ഥസ്സ മഗ്ഗസ്സ… മഗ്ഗോ ഫലസമാപത്തിയാ ഉപനിസ്സയപച്ചയേന പച്ചയോ. (൧)

അപ്പമാണോ ധമ്മോ പരിത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അപ്പമാണം സദ്ധം ഉപനിസ്സായ ദാനം ദേതി, സീലം…പേ… ഉപോസഥകമ്മം… വിപസ്സനം ഉപ്പാദേതി. അപ്പമാണം സീലം…പേ… പഞ്ഞം ഉപനിസ്സായ ദാനം ദേതി, സീലം…പേ… ഉപോസഥകമ്മം… വിപസ്സനം… അപ്പമാണാ സദ്ധാ…പേ… പഞ്ഞാ പരിത്തായ സദ്ധായ…പേ… പഞ്ഞായ…പേ… കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ. ഫലസമാപത്തി കായികസ്സ സുഖസ്സ ഉപനിസ്സയപച്ചയേന പച്ചയോ. അരിയാ മഗ്ഗം ഉപനിസ്സായ സങ്ഖാരേ അനിച്ചതോ…പേ… വിപസ്സന്തി, മഗ്ഗോ അരിയാനം അത്ഥപ്പടിസമ്ഭിദായ…പേ… പടിഭാനപ്പടിസമ്ഭിദായ… ഠാനാഠാനകോസല്ലസ്സ ഉപനിസ്സയപച്ചയേന പച്ചയോ. (൨)

അപ്പമാണോ ധമ്മോ മഹഗ്ഗതസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അപ്പമാണം സദ്ധം ഉപനിസ്സായ മഹഗ്ഗതം ഝാനം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി, അപ്പമാണം സീലം…പേ… പഞ്ഞം ഉപനിസ്സായ മഹഗ്ഗതം ഝാനം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി. അപ്പമാണാ സദ്ധാ…പേ… പഞ്ഞാ മഹഗ്ഗതായ സദ്ധായ…പേ… പഞ്ഞായ ഉപനിസ്സയപച്ചയേന പച്ചയോ, അരിയാ മഗ്ഗം ഉപനിസ്സായ അനുപ്പന്നം സമാപത്തിം ഉപ്പാദേന്തി, ഉപ്പന്നം സമാപജ്ജന്തി. (൩)

പുരേജാതപച്ചയോ

൭൫. പരിത്തോ ധമ്മോ പരിത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും അനിച്ചതോ…പേ… വിപസ്സതി അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. സോതം…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ… വത്ഥു പരിത്താനം ഖന്ധാനം പുരേജാതപച്ചയേന പച്ചയോ. (൧)

പരിത്തോ ധമ്മോ മഹഗ്ഗതസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. വത്ഥുപുരേജാതം – വത്ഥു മഹഗ്ഗതാനം ഖന്ധാനം പുരേജാതപച്ചയേന പച്ചയോ. (൨)

പരിത്തോ ധമ്മോ അപ്പമാണസ്സ ധമ്മസ്സ പുരേജാതപച്ചയേന പച്ചയോ. വത്ഥുപുരേജാതം – വത്ഥു അപ്പമാണാനം ഖന്ധാനം പുരേജാതപച്ചയേന പച്ചയോ. (൩)

പച്ഛാജാതപച്ചയോ

൭൬. പരിത്തോ ധമ്മോ പരിത്തസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ പരിത്താ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

മഹഗ്ഗതോ ധമ്മോ പരിത്തസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ മഹഗ്ഗതാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

അപ്പമാണോ ധമ്മോ പരിത്തസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അപ്പമാണാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ആസേവനപച്ചയോ

൭൭. പരിത്തോ ധമ്മോ പരിത്തസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ പരിത്താ ഖന്ധാ പച്ഛിമാനം പച്ഛിമാനം പരിത്താനം ഖന്ധാനം…പേ… അനുലോമം ഗോത്രഭുസ്സ, അനുലോമം വോദാനസ്സ ആസേവനപച്ചയേന പച്ചയോ. (൧)

പരിത്തോ ധമ്മോ മഹഗ്ഗതസ്സ ധമ്മസ്സ ആസേവനപച്ചയേന പച്ചയോ – പഠമസ്സ ഝാനസ്സ പരികമ്മം തസ്സേവ [പഠമസ്സ ഝാനസ്സ (?)] ആസേവനപച്ചയേന പച്ചയോ…പേ… നേവസഞ്ഞാനാസഞ്ഞായതനസ്സ പരികമ്മം തസ്സേവ [നേവസഞ്ഞാനാസഞ്ഞായതനസ്സ (?) അഞ്ഞേസു തികേസു ഓലോകേതബ്ബം] ആസേവനപച്ചയേന പച്ചയോ. ദിബ്ബസ്സ ചക്ഖുസ്സ പരികമ്മം…പേ… അനാഗതംസഞാണസ്സ പരികമ്മം അനാഗതംസഞാണസ്സ ആസേവനപച്ചയേന പച്ചയോ. (൨)

പരിത്തോ ധമ്മോ അപ്പമാണസ്സ ധമ്മസ്സ ആസേവനപച്ചയേന പച്ചയോ – ഗോത്രഭു മഗ്ഗസ്സ… വോദാനം മഗ്ഗസ്സ ആസേവനപച്ചയേന പച്ചയോ. (൩)

മഹഗ്ഗതോ ധമ്മോ മഹഗ്ഗതസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ മഹഗ്ഗതാ ഖന്ധാ പച്ഛിമാനം പച്ഛിമാനം മഹഗ്ഗതാനം ഖന്ധാനം…പേ… ആസേവനപച്ചയേന പച്ചയോ. (൧)

കമ്മപച്ചയോ

൭൮. പരിത്തോ ധമ്മോ പരിത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – പരിത്താ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. പടിസന്ധിക്ഖണേ പരിത്താ ചേതനാ സമ്പയുത്തകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. നാനാക്ഖണികാ – പരിത്താ ചേതനാ വിപാകാനം പരിത്താനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

മഹഗ്ഗതോ ധമ്മോ മഹഗ്ഗതസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – മഹഗ്ഗതാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. പടിസന്ധിക്ഖണേ മഹഗ്ഗതാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. നാനാക്ഖണികാ – മഹഗ്ഗതാ ചേതനാ വിപാകാനം മഹഗ്ഗതാനം ഖന്ധാനം കമ്മപച്ചയേന പച്ചയോ. (൧)

മഹഗ്ഗതോ ധമ്മോ പരിത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – മഹഗ്ഗതാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. പടിസന്ധിക്ഖണേ മഹഗ്ഗതാ ചേതനാ കടത്താരൂപാനം കമ്മപച്ചയേന പച്ചയോ. നാനാക്ഖണികാ – മഹഗ്ഗതാ ചേതനാ കടത്താരൂപാനം കമ്മപച്ചയേന പച്ചയോ. (൨)

മഹഗ്ഗതോ ധമ്മോ പരിത്തസ്സ ച മഹഗ്ഗതസ്സ ച ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – മഹഗ്ഗതാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. പടിസന്ധിക്ഖണേ മഹഗ്ഗതാ ചേതനാ സമ്പയുത്തകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. നാനാക്ഖണികാ – മഹഗ്ഗതാ ചേതനാ വിപാകാനം മഹഗ്ഗതാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൩)

൭൯. അപ്പമാണോ ധമ്മോ അപ്പമാണസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അപ്പമാണാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. നാനാക്ഖണികാ – അപ്പമാണാ ചേതനാ വിപാകാനം അപ്പമാണാനം ഖന്ധാനം കമ്മപച്ചയേന പച്ചയോ. (൧)

അപ്പമാണോ ധമ്മോ പരിത്തസ്സ ധമ്മസ്സ കമ്മപച്ചയേന പച്ചയോ – അപ്പമാണാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. (൨)

അപ്പമാണോ ധമ്മോ പരിത്തസ്സ ച അപ്പമാണസ്സ ച ധമ്മസ്സ കമ്മപച്ചയേന പച്ചയോ – അപ്പമാണാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

വിപാകപച്ചയോ

൮൦. പരിത്തോ ധമ്മോ പരിത്തസ്സ ധമ്മസ്സ വിപാകപച്ചയേന പച്ചയോ – വിപാകോ പരിത്തോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം വിപാകപച്ചയേന പച്ചയോ…പേ… പടിസന്ധിക്ഖണേ…പേ… ഖന്ധാ വത്ഥുസ്സ വിപാകപച്ചയേന പച്ചയോ. (൧)

മഹഗ്ഗതോ ധമ്മോ മഹഗ്ഗതസ്സ ധമ്മസ്സ വിപാകപച്ചയേന പച്ചയോ…പേ… (തിസ്സോ പഞ്ഹാ, പവത്തിപടിസന്ധി കാതബ്ബാ). (൩)

അപ്പമാണോ ധമ്മോ അപ്പമാണസ്സ ധമ്മസ്സ വിപാകപച്ചയേന പച്ചയോ… തീണി (പവത്തിമേവ).

ആഹാരപച്ചയാദി

൮൧. പരിത്തോ ധമ്മോ പരിത്തസ്സ ധമ്മസ്സ ആഹാരപച്ചയേന പച്ചയോ…പേ… ഇന്ദ്രിയപച്ചയേന പച്ചയോ… ഝാനപച്ചയേന പച്ചയോ… മഗ്ഗപച്ചയേന പച്ചയോ… സമ്പയുത്തപച്ചയേന പച്ചയോ… വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – പരിത്താ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പടിസന്ധിക്ഖണേ പരിത്താ ഖന്ധാ കടത്താരൂപാനം വിപ്പയുത്തപച്ചയേന പച്ചയോ. ഖന്ധാ വത്ഥുസ്സ…പേ… വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ വിപ്പയുത്തപച്ചയേന പച്ചയോ…പേ… കായായതനം കായവിഞ്ഞാണസ്സ വിപ്പയുത്തപച്ചയേന പച്ചയോ. വത്ഥു പരിത്താനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – പരിത്താ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

പരിത്തോ ധമ്മോ മഹഗ്ഗതസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം. സഹജാതം – പടിസന്ധിക്ഖണേ വത്ഥു മഹഗ്ഗതാനം ഖന്ധാനം വിപ്പയുത്തപച്ചയേന പച്ചയോ. പുരേജാതം – വത്ഥു മഹഗ്ഗതാനം ഖന്ധാനം വിപ്പയുത്തപച്ചയേന പച്ചയോ. (൨)

പരിത്തോ ധമ്മോ അപ്പമാണസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു അപ്പമാണാനം ഖന്ധാനം വിപ്പയുത്തപച്ചയേന പച്ചയോ. (൩)

൮൨. മഹഗ്ഗതോ ധമ്മോ പരിത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – മഹഗ്ഗതാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പടിസന്ധിക്ഖണേ…പേ… പച്ഛാജാതാ – മഹഗ്ഗതാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

അപ്പമാണോ ധമ്മോ പരിത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – അപ്പമാണാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – അപ്പമാണാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

അത്ഥിപച്ചയോ

൮൩. പരിത്തോ ധമ്മോ പരിത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – പരിത്തോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ…പേ… ഖന്ധാ വത്ഥുസ്സ അത്ഥിപച്ചയേന പച്ചയോ. വത്ഥു ഖന്ധാനം അത്ഥിപച്ചയേന പച്ചയോ; ഏകം മഹാഭൂതം…പേ… അസഞ്ഞസത്താനം…പേ…. പുരേജാതം – ചക്ഖും…പേ… വത്ഥും അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ അത്ഥിപച്ചയേന പച്ചയോ. ചക്ഖായതനം ചക്ഖുവിഞ്ഞാണസ്സ അത്ഥിപച്ചയേന പച്ചയോ…പേ… കായായതനം കായവിഞ്ഞാണസ്സ…പേ… വത്ഥു പരിത്താനം ഖന്ധാനം അത്ഥിപച്ചയേന പച്ചയോ. പച്ഛാജാതാ – പരിത്താ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. കബളീകാരോ ആഹാരോ ഇമസ്സ കായസ്സ അത്ഥിപച്ചയേന പച്ചയോ. രൂപജീവിതിന്ദ്രിയം കടത്താരൂപാനം അത്ഥിപച്ചയേന പച്ചയോ. (൧)

പരിത്തോ ധമ്മോ മഹഗ്ഗതസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതം – പടിസന്ധിക്ഖണേ വത്ഥു മഹഗ്ഗതാനം ഖന്ധാനം അത്ഥിപച്ചയേന പച്ചയോ. പുരേജാതം – ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, വത്ഥു മഹഗ്ഗതാനം ഖന്ധാനം അത്ഥിപച്ചയേന പച്ചയോ. (൨)

പരിത്തോ ധമ്മോ അപ്പമാണസ്സ ധമ്മസ്സ അത്ഥിപച്ചയേന പച്ചയോ. പുരേജാതം – വത്ഥു അപ്പമാണാനം ഖന്ധാനം അത്ഥിപച്ചയേന പച്ചയോ. (൩)

൮൪. മഹഗ്ഗതോ ധമ്മോ മഹഗ്ഗതസ്സ ധമ്മസ്സ അത്ഥിപച്ചയേന പച്ചയോ. മഹഗ്ഗതോ ഏകോ ഖന്ധോ തിണ്ണന്നം ഖന്ധാനം…പേ… ദ്വേ ഖന്ധാ…പേ… പടിസന്ധിക്ഖണേ…പേ…. (൧)

മഹഗ്ഗതോ ധമ്മോ പരിത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – മഹഗ്ഗതാ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പടിസന്ധിക്ഖണേ മഹഗ്ഗതാ ഖന്ധാ കടത്താരൂപാനം അത്ഥിപച്ചയേന പച്ചയോ. പച്ഛാജാതാ – മഹഗ്ഗതാ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

മഹഗ്ഗതോ ധമ്മോ പരിത്തസ്സ ച മഹഗ്ഗതസ്സ ച ധമ്മസ്സ അത്ഥിപച്ചയേന പച്ചയോ – മഹഗ്ഗതോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ…പേ…. (൩)

൮൫. അപ്പമാണോ ധമ്മോ അപ്പമാണസ്സ ധമ്മസ്സ അത്ഥിപച്ചയേന പച്ചയോ – അപ്പമാണോ ഏകോ ഖന്ധോ തിണ്ണന്നം ഖന്ധാനം…പേ…. (൧)

അപ്പമാണോ ധമ്മോ പരിത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – അപ്പമാണാ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – അപ്പമാണാ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

അപ്പമാണോ ധമ്മോ പരിത്തസ്സ ച അപ്പമാണസ്സ ച ധമ്മസ്സ അത്ഥിപച്ചയേന പച്ചയോ – അപ്പമാണോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ…. (൩)

൮൬. പരിത്തോ ച അപ്പമാണോ ച ധമ്മാ പരിത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – അപ്പമാണാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – അപ്പമാണാ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – അപ്പമാണാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൧)

പരിത്തോ ച അപ്പമാണോ ച ധമ്മാ അപ്പമാണസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – അപ്പമാണോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ…. (൨)

പരിത്തോ ച മഹഗ്ഗതോ ച ധമ്മാ പരിത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – മഹഗ്ഗതാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പടിസന്ധിക്ഖണേ മഹഗ്ഗതാ ഖന്ധാ ച മഹാഭൂതാ ച കടത്താരൂപാനം അത്ഥിപച്ചയേന പച്ചയോ. പച്ഛാജാതാ – മഹഗ്ഗതാ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – മഹഗ്ഗതാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൧)

പരിത്തോ ച മഹഗ്ഗതോ ച ധമ്മാ മഹഗ്ഗതസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – മഹഗ്ഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ മഹഗ്ഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച വത്ഥു ച…പേ… നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ. (൨)