൧. വിഭങ്ഗവാരോ

നഹേതുപച്ചയോ

൩൩. പരിത്തം ധമ്മം പച്ചയാ പരിത്തോ ധമ്മോ ഉപ്പജ്ജതി നഹേതുപച്ചയാ – അഹേതുകം പരിത്തം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ; ഏകം മഹാഭൂതം…പേ… അസഞ്ഞസത്താനം…പേ… ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ അഹേതുകാ പരിത്താ ഖന്ധാ, വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നആരമ്മണപച്ചയോ

൩൪. പരിത്തം ധമ്മം പച്ചയാ പരിത്തോ ധമ്മോ ഉപ്പജ്ജതി നആരമ്മണപച്ചയാ (പടിച്ചവാരസദിസം. പഞ്ച).

നഅധിപതിപച്ചയോ

൩൫. പരിത്തം ധമ്മം പച്ചയാ പരിത്തോ ധമ്മോ ഉപ്പജ്ജതി നഅധിപതിപച്ചയാ – പരിത്തം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ൫൩അസഞ്ഞസത്താനം…പേ… ചക്ഖായതനം…പേ… കായായതനം…പേ… വത്ഥും പച്ചയാ പരിത്താ ഖന്ധാ. (൧)

പരിത്തം ധമ്മം പച്ചയാ മഹഗ്ഗതോ ധമ്മോ ഉപ്പജ്ജതി നഅധിപതിപച്ചയാ – വത്ഥും പച്ചയാ മഹഗ്ഗതാധിപതി, വത്ഥും പച്ചയാ വിപാകാ മഹഗ്ഗതാ ഖന്ധാ. പടിസന്ധിക്ഖണേ വത്ഥും പച്ചയാ മഹഗ്ഗതാ ഖന്ധാ. (൨)

പരിത്തം ധമ്മം പച്ചയാ അപ്പമാണോ ധമ്മോ ഉപ്പജ്ജതി നഅധിപതിപച്ചയാ – വത്ഥും പച്ചയാ അപ്പമാണാധിപതി. (൩)

പരിത്തം ധമ്മം പച്ചയാ പരിത്തോ ച മഹഗ്ഗതോ ച ധമ്മാ ഉപ്പജ്ജന്തി നഅധിപതിപച്ചയാ – വത്ഥും പച്ചയാ വിപാകാ മഹഗ്ഗതാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം. പടിസന്ധിക്ഖണേ…പേ…. (൪)

൩൬. മഹഗ്ഗതം ധമ്മം പച്ചയാ മഹഗ്ഗതോ ധമ്മോ ഉപ്പജ്ജതി നഅധിപതിപച്ചയാ – മഹഗ്ഗതേ ഖന്ധേ പച്ചയാ മഹഗ്ഗതാധിപതി, വിപാകം മഹഗ്ഗതം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

മഹഗ്ഗതം ധമ്മം പച്ചയാ പരിത്തോ ധമ്മോ ഉപ്പജ്ജതി നഅധിപതിപച്ചയാ – വിപാകേ മഹഗ്ഗതേ ഖന്ധേ പച്ചയാ ചിത്തസമുട്ഠാനം രൂപം. പടിസന്ധിക്ഖണേ…പേ…. (൨)

മഹഗ്ഗതം ധമ്മം പച്ചയാ പരിത്തോ ച മഹഗ്ഗതോ ച ധമ്മാ ഉപ്പജ്ജന്തി നഅധിപതിപച്ചയാ – വിപാകം മഹഗ്ഗതം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൩)

അപ്പമാണം ധമ്മം പച്ചയാ അപ്പമാണോ ധമ്മോ ഉപ്പജ്ജതി നഅധിപതിപച്ചയാ – അപ്പമാണേ ഖന്ധേ പച്ചയാ അപ്പമാണാധിപതി. (൧)

൩൭. പരിത്തഞ്ച അപ്പമാണഞ്ച ധമ്മം പച്ചയാ അപ്പമാണോ ധമ്മോ ഉപ്പജ്ജതി നഅധിപതിപച്ചയാ – അപ്പമാണേ ഖന്ധേ ച വത്ഥുഞ്ച പച്ചയാ അപ്പമാണാധിപതി. (൧)

പരിത്തഞ്ച മഹഗ്ഗതഞ്ച ധമ്മം പച്ചയാ പരിത്തോ ധമ്മോ ഉപ്പജ്ജതി നഅധിപതിപച്ചയാ – വിപാകേ മഹഗ്ഗതേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. പടിസന്ധിക്ഖണേ…പേ…. (൧)

പരിത്തഞ്ച മഹഗ്ഗതഞ്ച ധമ്മം പച്ചയാ മഹഗ്ഗതോ ധമ്മോ ഉപ്പജ്ജതി നഅധിപതിപച്ചയാ – മഹഗ്ഗതേ ഖന്ധേ ച വത്ഥുഞ്ച പച്ചയാ മഹഗ്ഗതാധിപതി, വിപാകം മഹഗ്ഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൨)

പരിത്തഞ്ച മഹഗ്ഗതഞ്ച ധമ്മം പച്ചയാ പരിത്തോ ച മഹഗ്ഗതോ ച ധമ്മാ ഉപ്പജ്ജന്തി നഅധിപതിപച്ചയാ – വിപാകം മഹഗ്ഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… വിപാകേ മഹഗ്ഗതേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. പടിസന്ധിക്ഖണേ വിപാകം മഹഗ്ഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… വിപാകേ മഹഗ്ഗതേ ഖന്ധേ ച മഹാഭൂതേ ച പച്ചയാ കടത്താരൂപം. (൩)

നഅനന്തരപച്ചയാദി

൩൮. പരിത്തം ധമ്മം പച്ചയാ പരിത്തോ ധമ്മോ ഉപ്പജ്ജതി നഅനന്തരപച്ചയാ… നസമനന്തരപച്ചയാ… നഅഞ്ഞമഞ്ഞപച്ചയാ… നഉപനിസ്സയപച്ചയാ… നപുരേജാതപച്ചയാ… (പടിച്ചവാരസദിസാ ദ്വാദസ പഞ്ഹാ) നപച്ഛാജാതപച്ചയാ… നആസേവനപച്ചയാ… (പരിപുണ്ണം, വിപാകോതി നിദ്ദിസിതബ്ബം ചിത്തസമുട്ഠാനം രൂപം വിപാകോതി ന കാതബ്ബം) നകമ്മപച്ചയാ… നവിപാകപച്ചയാ… (പടിസന്ധിവിപാകോപി നത്ഥി) നആഹാരപച്ചയാ… നഇന്ദ്രിയപച്ചയാ… നഝാനപച്ചയാ… നമഗ്ഗപച്ചയാ… നസമ്പയുത്തപച്ചയാ… നവിപ്പയുത്തപച്ചയാ… നോനത്ഥിപച്ചയാ… നോവിഗതപച്ചയാ.