൧. വിഭങ്ഗവാരോ

നഹേതുപച്ചയോ

൭. നേവസേക്ഖനാസേക്ഖം ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നഹേതുപച്ചയാ – അഹേതുകം നേവസേക്ഖനാസേക്ഖം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നആരമ്മണപച്ചയോ

൮. സേക്ഖം ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നആരമ്മണപച്ചയാ – സേക്ഖേ ഖന്ധേ പടിച്ച ചിത്തസമുട്ഠാനം രൂപം. (൧)

അസേക്ഖം ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നആരമ്മണപച്ചയാ – അസേക്ഖേ ഖന്ധേ പടിച്ച ചിത്തസമുട്ഠാനം രൂപം. (൧)

നേവസേക്ഖനാസേക്ഖം ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നആരമ്മണപച്ചയാ – നേവസേക്ഖനാസേക്ഖേ ഖന്ധേ പടിച്ച ചിത്തസമുട്ഠാനം രൂപം…പേ… പടിസന്ധിക്ഖണേ…പേ… ഖന്ധേ പടിച്ച വത്ഥു…പേ… ഏകം മഹാഭൂതം…പേ… അസഞ്ഞസത്താനം…പേ…. (൧)

സേക്ഖഞ്ച നേവസേക്ഖനാസേക്ഖഞ്ച ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നആരമ്മണപച്ചയാ – സേക്ഖേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

അസേക്ഖഞ്ച നേവസേക്ഖനാസേക്ഖഞ്ച ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നആരമ്മണപച്ചയാ – അസേക്ഖേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

നഅധിപതിപച്ചയാദി

൯. സേക്ഖം ധമ്മം പടിച്ച സേക്ഖോ ധമ്മോ ഉപ്പജ്ജതി നഅധിപതിപച്ചയാ – സേക്ഖേ ഖന്ധേ പടിച്ച സേക്ഖോ അധിപതി. (൧)

അസേക്ഖം ധമ്മം പടിച്ച അസേക്ഖോ ധമ്മോ ഉപ്പജ്ജതി നഅധിപതിപച്ചയാ – അസേക്ഖേ ഖന്ധേ പടിച്ച അസേക്ഖോ അധിപതി. (൧)

നേവസേക്ഖനാസേക്ഖം ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നഅധിപതിപച്ചയാ… (പരിപുണ്ണം, പടിസന്ധിപി മഹാഭൂതാപി സബ്ബേ) നഅനന്തരപച്ചയാ… നസമനന്തരപച്ചയാ… നഅഞ്ഞമഞ്ഞപച്ചയാ… നഉപനിസ്സയപച്ചയാ… നപുരേജാതപച്ചയാ… സത്ത (കുസലത്തികസദിസാ)… നപച്ഛാജാതപച്ചയാ…പേ… നആസേവനപച്ചയാ. വിപാകം സേക്ഖം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

൧൦. സേക്ഖം ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നആസേവനപച്ചയാ – സേക്ഖേ ഖന്ധേ പടിച്ച ചിത്തസമുട്ഠാനം രൂപം. (൨)

സേക്ഖം ധമ്മം പടിച്ച സേക്ഖോ ച നേവസേക്ഖനാസേക്ഖോ ച ധമ്മാ ഉപ്പജ്ജന്തി നആസേവനപച്ചയാ – വിപാകം സേക്ഖം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

അസേക്ഖം ധമ്മം പടിച്ച അസേക്ഖോ ധമ്മോ… തീണി.

നേവസേക്ഖനാസേക്ഖം ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നആസേവനപച്ചയാ… നേവസേക്ഖനാസേക്ഖം (ഏകം, പരിപുണ്ണം, സേക്ഖഞ്ച, നേവസേക്ഖനാസേക്ഖഞ്ച, ഘടനാ പരിപുണ്ണാ, ദ്വേപി കാതബ്ബാ. നവ) നകമ്മപച്ചയാ – സേക്ഖേ ഖന്ധേ പടിച്ച സേക്ഖാ ചേതനാ.

നേവസേക്ഖനാസേക്ഖം ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നകമ്മപച്ചയാ – നേവസേക്ഖനാസേക്ഖേ ഖന്ധേ പടിച്ച നേവസേക്ഖനാസേക്ഖാ ചേതനാ; ബാഹിരം… ആഹാരസമുട്ഠാനം… ഉതുസമുട്ഠാനം… ഏകം മഹാഭൂതം…പേ….

നവിപാകപച്ചയോ

൧൧. സേക്ഖം ധമ്മം പടിച്ച സേക്ഖോ ധമ്മോ ഉപ്പജ്ജതി നവിപാകപച്ചയാ – സേക്ഖം ഏകം ഖന്ധം പടിച്ച തയോ ഖന്ധാ…പേ…. (൧)

സേക്ഖം ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നവിപാകപച്ചയാ – സേക്ഖേ ഖന്ധേ പടിച്ച ചിത്തസമുട്ഠാനം രൂപം.(൨)

സേക്ഖം ധമ്മം പടിച്ച സേക്ഖോ ച നേവസേക്ഖനാസേക്ഖോ ച ധമ്മാ ഉപ്പജ്ജന്തി നവിപാകപച്ചയാ – സേക്ഖം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ…. (൩)

൧൨. നേവസേക്ഖനാസേക്ഖം ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നവിപാകപച്ചയാ (പരിപുണ്ണം, പടിസന്ധി നത്ഥി ).

സേക്ഖഞ്ച നേവസേക്ഖനാസേക്ഖഞ്ച ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നവിപാകപച്ചയാ – സേക്ഖേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

നആഹാരപച്ചയാദി

൧൩. നേവസേക്ഖനാസേക്ഖം ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നആഹാരപച്ചയാ… നഇന്ദ്രിയപച്ചയാ… നഝാനപച്ചയാ… നമഗ്ഗപച്ചയാ.

നസമ്പയുത്തപച്ചയോ

൧൪. സേക്ഖം ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നസമ്പയുത്തപച്ചയാ…പേ… (നആരമ്മണപച്ചയസദിസം).

നവിപ്പയുത്തപച്ചയാദി

സേക്ഖം ധമ്മം പടിച്ച സേക്ഖോ ധമ്മോ ഉപ്പജ്ജതി നവിപ്പയുത്തപച്ചയാ. അരൂപേ സേക്ഖം ഏകം ഖന്ധം പടിച്ച തയോ ഖന്ധാ…പേ…. (൧)

അസേക്ഖം ധമ്മം പടിച്ച അസേക്ഖോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ അസേക്ഖം ഏകം ഖന്ധം പടിച്ച തയോ ഖന്ധാ…പേ…. (൧)

നേവസേക്ഖനാസേക്ഖം ധമ്മം പടിച്ച നേവസേക്ഖനാസേക്ഖോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ നേവസേക്ഖനാസേക്ഖം ഏകം ഖന്ധം പടിച്ച തയോ ഖന്ധാ…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ… നോനത്ഥിപച്ചയാ… നോവിഗതപച്ചയാ.