൨. പച്ചനീയുദ്ധാരോ

൬൯. സേക്ഖോ ധമ്മോ സേക്ഖസ്സ ധമ്മസ്സ സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

സേക്ഖോ ധമ്മോ അസേക്ഖസ്സ ധമ്മസ്സ ഉപനിസ്സയപച്ചയേന പച്ചയോ. (൨)

സേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൩)

സേക്ഖോ ധമ്മോ സേക്ഖസ്സ ച നേവസേക്ഖനാസേക്ഖസ്സ ച ധമ്മസ്സ സഹജാതപച്ചയേന പച്ചയോ. (൪)

൭൦. അസേക്ഖോ ധമ്മോ അസേക്ഖസ്സ ധമ്മസ്സ സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

അസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

അസേക്ഖോ ധമ്മോ അസേക്ഖസ്സ ച നേവസേക്ഖനാസേക്ഖസ്സ ച ധമ്മസ്സ സഹജാതപച്ചയേന പച്ചയോ. (൩)

൭൧. നേവസേക്ഖനാസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

നേവസേക്ഖനാസേക്ഖോ ധമ്മോ സേക്ഖസ്സ ധമ്മസ്സ ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

നേവസേക്ഖനാസേക്ഖോ ധമ്മോ അസേക്ഖസ്സ ധമ്മസ്സ ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

൭൨. സേക്ഖോ ച നേവസേക്ഖനാസേക്ഖോ ച ധമ്മാ സേക്ഖസ്സ ധമ്മസ്സ സഹജാതം, പുരേജാതം. (൧)

സേക്ഖോ ച നേവസേക്ഖനാസേക്ഖോ ച ധമ്മാ നേവസേക്ഖനാസേക്ഖസ്സ ധമ്മസ്സ സഹജാതം, പച്ഛാജാതം, ആഹാരം, ഇന്ദ്രിയം. (൨)

അസേക്ഖോ ച നേവസേക്ഖനാസേക്ഖോ ച ധമ്മാ അസേക്ഖസ്സ ധമ്മസ്സ സഹജാതം, പുരേജാതം. (൧)

അസേക്ഖോ ച നേവസേക്ഖനാസേക്ഖോ ച ധമ്മാ നേവസേക്ഖനാസേക്ഖസ്സ ധമ്മസ്സ സഹജാതം, പച്ഛാജാതം, ആഹാരം, ഇന്ദ്രിയം. (൨)