൧. വിഭങ്ഗവാരോ

ഹേതുപച്ചയോ

൪൨. സേക്ഖോ ധമ്മോ സേക്ഖസ്സ ധമ്മസ്സ ഹേതുപച്ചയേന പച്ചയോ – സേക്ഖാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

സേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ ഹേതുപച്ചയേന പച്ചയോ – സേക്ഖാ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൨)

സേക്ഖോ ധമ്മോ സേക്ഖസ്സ ച നേവസേക്ഖനാസേക്ഖസ്സ ച ധമ്മസ്സ ഹേതുപച്ചയേന പച്ചയോ – സേക്ഖാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

അസേക്ഖോ ധമ്മോ അസേക്ഖസ്സ ധമ്മസ്സ (തീണി).

നേവസേക്ഖനാസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ ഹേതുപച്ചയേന പച്ചയോ – നേവസേക്ഖനാസേക്ഖാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. പടിസന്ധിക്ഖണേ…പേ…. (൧)

ആരമ്മണപച്ചയോ

൪൩. സേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ ആരമ്മണപച്ചയേന പച്ചയോ – അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, സേക്ഖം ഫലം പച്ചവേക്ഖന്തി, ചേതോപരിയഞാണേന സേക്ഖചിത്തസമങ്ഗിസ്സ ചിത്തം ജാനന്തി, സേക്ഖാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

അസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ ആരമ്മണപച്ചയേന പച്ചയോ – അരഹാ അസേക്ഖം ഫലം പച്ചവേക്ഖതി, ചേതോപരിയഞാണേന അസേക്ഖചിത്തസമങ്ഗിസ്സ ചിത്തം ജാനാതി, അസേക്ഖാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

൪൪. നേവസേക്ഖനാസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി…പേ… ഝാനാ വുട്ഠഹിത്വാ ഝാനം പച്ചവേക്ഖതി, അരിയാ നിബ്ബാനം പച്ചവേക്ഖന്തി. നിബ്ബാനം ഗോത്രഭുസ്സ, വോദാനസ്സ, ആവജ്ജനായ ആരമ്മണപച്ചയേന പച്ചയോ. അരിയാ പഹീനേ കിലേസേ പച്ചവേക്ഖന്തി വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി, ചക്ഖും അനിച്ചതോ ദുക്ഖതോ അനത്തതോ വിപസ്സന്തി, അസ്സാദേന്തി അഭിനന്ദന്തി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി, സോതം…പേ… വത്ഥും നേവസേക്ഖനാസേക്ഖേ ഖന്ധേ അനിച്ചതോ ദുക്ഖതോ അനത്തതോ വിപസ്സന്തി, അസ്സാദേന്തി…പേ… ദോമനസ്സം ഉപ്പജ്ജതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, ചേതോപരിയഞാണേന നേവസേക്ഖനാസേക്ഖചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ ആരമ്മണപച്ചയേന പച്ചയോ. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… നേവസേക്ഖനാസേക്ഖാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

നേവസേക്ഖനാസേക്ഖോ ധമ്മോ സേക്ഖസ്സ ധമ്മസ്സ ആരമ്മണപച്ചയേന പച്ചയോ – നിബ്ബാനം മഗ്ഗസ്സ, സേക്ഖസ്സ ഫലസ്സ ആരമ്മണപച്ചയേന പച്ചയോ. (൨)

നേവസേക്ഖനാസേക്ഖോ ധമ്മോ അസേക്ഖസ്സ ധമ്മസ്സ ആരമ്മണപച്ചയേന പച്ചയോ – നിബ്ബാനം അസേക്ഖസ്സ ഫലസ്സ ആരമ്മണപച്ചയേന പച്ചയോ. (൩)

അധിപതിപച്ചയോ

൪൫. സേക്ഖോ ധമ്മോ സേക്ഖസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – സേക്ഖാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

സേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി, സഹജാതാധിപതി. ആരമ്മണാധിപതി – അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി, സേക്ഖം ഫലം ഗരും കത്വാ പച്ചവേക്ഖന്തി. സഹജാതാധിപതി – സേക്ഖാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

സേക്ഖോ ധമ്മോ സേക്ഖസ്സ ച നേവസേക്ഖനാസേക്ഖസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – സേക്ഖാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൪൬. അസേക്ഖോ ധമ്മോ അസേക്ഖസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – അസേക്ഖാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

അസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – അരഹാ അസേക്ഖം ഫലം ഗരും കത്വാ പച്ചവേക്ഖതി. സഹജാതാധിപതി – അസേക്ഖാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

അസേക്ഖോ ധമ്മോ അസേക്ഖസ്സ ച നേവസേക്ഖനാസേക്ഖസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – അസേക്ഖാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൪൭. നേവസേക്ഖനാസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ സുചിണ്ണാനി ഗരും കത്വാ പച്ചവേക്ഖതി, ഝാനാ വുട്ഠഹിത്വാ ഝാനം ഗരും കത്വാ പച്ചവേക്ഖതി, അരിയാ നിബ്ബാനം ഗരും കത്വാ പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ അധിപതിപച്ചയേന പച്ചയോ. ചക്ഖും ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സോതം…പേ… വത്ഥും നേവസേക്ഖനാസേക്ഖേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – നേവസേക്ഖനാസേക്ഖാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

നേവസേക്ഖനാസേക്ഖോ ധമ്മോ സേക്ഖസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – നിബ്ബാനം മഗ്ഗസ്സ, സേക്ഖസ്സ ഫലസ്സ അധിപതിപച്ചയേന പച്ചയോ. (൨)

നേവസേക്ഖനാസേക്ഖോ ധമ്മോ അസേക്ഖസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – നിബ്ബാനം അസേക്ഖസ്സ ഫലസ്സ അധിപതിപച്ചയേന പച്ചയോ. (൩)

അനന്തരപച്ചയോ

൪൮. സേക്ഖോ ധമ്മോ സേക്ഖസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സേക്ഖാ ഖന്ധാ പച്ഛിമാനം പച്ഛിമാനം സേക്ഖാനം ഖന്ധാനം അനന്തരപച്ചയേന പച്ചയോ. മഗ്ഗോ സേക്ഖസ്സ ഫലസ്സ… സേക്ഖം ഫലം സേക്ഖസ്സ ഫലസ്സ അനന്തരപച്ചയേന പച്ചയോ. (൧)

സേക്ഖോ ധമ്മോ അസേക്ഖസ്സ ധമ്മസ്സ അനന്തരപച്ചയേന പച്ചയോ – മഗ്ഗോ അസേക്ഖസ്സ ഫലസ്സ അനന്തരപച്ചയേന പച്ചയോ. (൨)

സേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ അനന്തരപച്ചയേന പച്ചയോ – സേക്ഖം ഫലം വുട്ഠാനസ്സ അനന്തരപച്ചയേന പച്ചയോ. (൩)

൪൯. അസേക്ഖോ ധമ്മോ അസേക്ഖസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അസേക്ഖാ ഖന്ധാ പച്ഛിമാനം പച്ഛിമാനം അസേക്ഖാനം ഖന്ധാനം അനന്തരപച്ചയേന പച്ചയോ. അസേക്ഖം ഫലം അസേക്ഖസ്സ ഫലസ്സ അനന്തരപച്ചയേന പച്ചയോ. (൧)

അസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ അനന്തരപച്ചയേന പച്ചയോ – അസേക്ഖം ഫലം വുട്ഠാനസ്സ അനന്തരപച്ചയേന പച്ചയോ. (൨)

൫൦. നേവസേക്ഖനാസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നേവസേക്ഖനാസേക്ഖാ ഖന്ധാ പച്ഛിമാനം പച്ഛിമാനം നേവസേക്ഖനാസേക്ഖാനം ഖന്ധാനം…പേ… അനുലോമം ഗോത്രഭുസ്സ… അനുലോമം വോദാനസ്സ… ആവജ്ജനാ നേവസേക്ഖനാസേക്ഖാനം ഖന്ധാനം അനന്തരപച്ചയേന പച്ചയോ. (൧)

നേവസേക്ഖനാസേക്ഖോ ധമ്മോ സേക്ഖസ്സ ധമ്മസ്സ അനന്തരപച്ചയേന പച്ചയോ – ഗോത്രഭു മഗ്ഗസ്സ… വോദാനം മഗ്ഗസ്സ… അനുലോമം സേക്ഖായ ഫലസമാപത്തിയാ… നിരോധാ വുട്ഠഹന്തസ്സ നേവസഞ്ഞാനാസഞ്ഞായതനകുസലം സേക്ഖായ ഫലസമാപത്തിയാ അനന്തരപച്ചയേന പച്ചയോ. (൨)

നേവസേക്ഖനാസേക്ഖോ ധമ്മോ അസേക്ഖസ്സ ധമ്മസ്സ അനന്തരപച്ചയേന പച്ചയോ – അനുലോമം അസേക്ഖായ ഫലസമാപത്തിയാ… നിരോധാ വുട്ഠഹന്തസ്സ നേവസഞ്ഞാനാസഞ്ഞായതനകിരിയം അസേക്ഖായ ഫലസമാപത്തിയാ അനന്തരപച്ചയേന പച്ചയോ. (൩)

സമനന്തരപച്ചയോ

൫൧. സേക്ഖോ ധമ്മോ സേക്ഖസ്സ ധമ്മസ്സ സമനന്തരപച്ചയേന പച്ചയോ…പേ… (അനന്തരസദിസം, അട്ഠ പഞ്ഹാ).

സഹജാതപച്ചയാദി

൫൨. സേക്ഖോ ധമ്മോ സേക്ഖസ്സ ധമ്മസ്സ സഹജാതപച്ചയേന പച്ചയോ…പേ… (പടിച്ചവാരേ സഹജാതസദിസം, നവ പഞ്ഹാ) അഞ്ഞമഞ്ഞപച്ചയേന പച്ചയോ (പടിച്ചവാരേ അഞ്ഞമഞ്ഞസദിസം, തീണി. നിസ്സയപച്ചയേ കുസലത്തികേ നിസ്സയപച്ചയസദിസം, തേരസ പഞ്ഹാ).

ഉപനിസ്സയപച്ചയോ

൫൩. സേക്ഖോ ധമ്മോ സേക്ഖസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – പഠമോ മഗ്ഗോ ദുതിയസ്സ മഗ്ഗസ്സ ഉപനിസ്സയപച്ചയേന പച്ചയോ. ദുതിയോ മഗ്ഗോ തതിയസ്സ മഗ്ഗസ്സ ഉപനിസ്സയപച്ചയേന പച്ചയോ. തതിയോ മഗ്ഗോ ചതുത്ഥസ്സ മഗ്ഗസ്സ ഉപനിസ്സയപച്ചയേന പച്ചയോ. മഗ്ഗോ സേക്ഖായ ഫലസമാപത്തിയാ ഉപനിസ്സയപച്ചയേന പച്ചയോ. (൧)

സേക്ഖോ ധമ്മോ അസേക്ഖസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – മഗ്ഗോ അസേക്ഖായ ഫലസമാപത്തിയാ ഉപനിസ്സയപച്ചയേന പച്ചയോ. (൨)

സേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ ഉപനിസ്സയപച്ചയേന പച്ചയ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അരിയാ മഗ്ഗം ഉപനിസ്സായ അനുപ്പന്നം കുസലസമാപത്തിം ഉപ്പാദേന്തി, ഉപ്പന്നം സമാപജ്ജന്തി, സങ്ഖാരേ അനിച്ചതോ…പേ… വിപസ്സന്തി, മഗ്ഗോ അരിയാനം അത്ഥപ്പടിസമ്ഭിദായ…പേ… പടിഭാനപ്പടിസമ്ഭിദായ… ഠാനാഠാനകോസല്ലസ്സ ഉപനിസ്സയപച്ചയേന പച്ചയോ. സേക്ഖാ ഫലസമാപത്തിയാ കായികസ്സ സുഖസ്സ ഉപനിസ്സയപച്ചയേന പച്ചയോ. (൩)

൫൪. അസേക്ഖോ ധമ്മോ അസേക്ഖസ്സ ധമ്മസ്സ ഉപനിസ്സയപച്ചയേന പച്ചയോ. അനന്തരൂപനിസ്സയോ – പുരിമാ പുരിമാ അസേക്ഖാ ഖന്ധാ പച്ഛിമാനം പച്ഛിമാനം അസേക്ഖാനം ഖന്ധാനം…പേ… അസേക്ഖം ഫലം അസേക്ഖസ്സ ഫലസ്സ ഉപനിസ്സയപച്ചയേന പച്ചയോ. (൧)

അസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അസേക്ഖാ ഫലസമാപത്തി കായികസ്സ സുഖസ്സ ഉപനിസ്സയപച്ചയേന പച്ചയോ. (൨)

൫൫. നേവസേക്ഖനാസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – നേവസേക്ഖനാസേക്ഖം സദ്ധം ഉപനിസ്സായ ദാനം ദേതി. സീലം…പേ… ഉപോസഥകമ്മം…പേ… ഝാനം…പേ… വിപസ്സനം…പേ… അഭിഞ്ഞം…പേ… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി. നേവസേക്ഖനാസേക്ഖം സീലം…പേ… പഞ്ഞം… രാഗം…പേ… പത്ഥനം… കായികം സുഖം…പേ… ഉതും… ഭോജനം… സേനാസനം ഉപനിസ്സായ ദാനം ദേതി, സീലം…പേ… സമാപത്തിം ഉപ്പാദേതി, പാണം ഹനതി…പേ… സങ്ഘം ഭിന്ദതി. നേവസേക്ഖനാസേക്ഖാ സദ്ധാ…പേ… പഞ്ഞാ, രാഗോ…പേ… പത്ഥനാ, കായികം സുഖം…പേ… സേനാസനം നേവസേക്ഖനാസേക്ഖായ സദ്ധായ…പേ… പഞ്ഞായ, രാഗസ്സ…പേ… പത്ഥനായ, കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ. പഠമസ്സ ഝാനസ്സ പരികമ്മം പഠമസ്സ ഝാനസ്സ ഉപനിസ്സയപച്ചയേന പച്ചയോ…പേ… നേവസഞ്ഞാനാസഞ്ഞായതനസ്സ പരികമ്മം നേവസഞ്ഞാനാസഞ്ഞായതനസ്സ…പേ… പഠമം ഝാനം ദുതിയസ്സ ഝാനസ്സ ഉപനിസ്സയപച്ചയേന പച്ചയോ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ ഉപനിസ്സയപച്ചയേന പച്ചയോ. (൧)

നേവസേക്ഖനാസേക്ഖോ ധമ്മോ സേക്ഖസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – പഠമസ്സ മഗ്ഗസ്സ പരികമ്മം പഠമസ്സ മഗ്ഗസ്സ ഉപനിസ്സയപച്ചയേന പച്ചയോ…പേ… ചതുത്ഥസ്സ മഗ്ഗസ്സ പരികമ്മം ചതുത്ഥസ്സ മഗ്ഗസ്സ ഉപനിസ്സയപച്ചയേന പച്ചയോ. (൨)

നേവസേക്ഖനാസേക്ഖോ ധമ്മോ അസേക്ഖസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – കായികം സുഖം… കായികം ദുക്ഖം… ഉതും… ഭോജനം… സേനാസനം അസേക്ഖായ ഫലസമാപത്തിയാ ഉപനിസ്സയപച്ചയേന പച്ചയോ. (൩)

പുരേജാതപച്ചയോ

൫൬. നേവസേക്ഖനാസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും അനിച്ചതോ…പേ… വിപസ്സതി, അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. സോതം…പേ… വത്ഥും അനിച്ചതോ ദുക്ഖതോ അനത്തതോ വിപസ്സതി…പേ… ദോമനസ്സം ഉപ്പജ്ജതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ, വത്ഥു നേവസേക്ഖനാസേക്ഖാനം ഖന്ധാനം പുരേജാതപച്ചയേന പച്ചയോ. (൧)

നേവസേക്ഖനാസേക്ഖോ ധമ്മോ സേക്ഖസ്സ ധമ്മസ്സ പുരേജാതപച്ചയേന പച്ചയോ. വത്ഥുപുരേജാതം – വത്ഥു സേക്ഖാനം ഖന്ധാനം പുരേജാതപച്ചയേന പച്ചയോ. (൨)

നേവസേക്ഖനാസേക്ഖോ ധമ്മോ അസേക്ഖസ്സ ധമ്മസ്സ പുരേജാതപച്ചയേന പച്ചയോ. വത്ഥുപുരേജാതം – വത്ഥു അസേക്ഖാനം ഖന്ധാനം പുരേജാതപച്ചയേന പച്ചയോ. (൩)

പച്ഛാജാതപച്ചയോ

൫൭. സേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ സേക്ഖാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

അസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അസേക്ഖാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

നേവസേക്ഖനാസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ നേവസേക്ഖനാസേക്ഖാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ആസേവനപച്ചയോ

൫൮. നേവസേക്ഖനാസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ നേവസേക്ഖനാസേക്ഖാ ഖന്ധാ പച്ഛിമാനം പച്ഛിമാനം നേവസേക്ഖനാസേക്ഖാനം ഖന്ധാനം ആസേവനപച്ചയേന പച്ചയോ. അനുലോമം ഗോത്രഭുസ്സ… അനുലോമം വോദാനസ്സ ആസേവനപച്ചയേന പച്ചയോ. (൧)

നേവസേക്ഖനാസേക്ഖോ ധമ്മോ സേക്ഖസ്സ ധമ്മസ്സ ആസേവനപച്ചയേന പച്ചയോ – ഗോത്രഭു മഗ്ഗസ്സ… വോദാനം മഗ്ഗസ്സ ആസേവനപച്ചയേന പച്ചയോ. (൨)

കമ്മപച്ചയോ

൫൯. സേക്ഖോ ധമ്മോ സേക്ഖസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – സേക്ഖാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. നാനാക്ഖണികാ – സേക്ഖാ ചേതനാ വിപാകാനം സേക്ഖാനം ഖന്ധാനം കമ്മപച്ചയേന പച്ചയോ. (൧)

സേക്ഖോ ധമ്മോ അസേക്ഖസ്സ ധമ്മസ്സ കമ്മപച്ചയേന പച്ചയോ. നാനാക്ഖണികാ – സേക്ഖാ ചേതനാ അസേക്ഖാനം ഖന്ധാനം കമ്മപച്ചയേന പച്ചയോ. (൨)

സേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ കമ്മപച്ചയേന പച്ചയോ. സഹജാതാ – സേക്ഖാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. (൩)

സേക്ഖോ ധമ്മോ സേക്ഖസ്സ ച നേവസേക്ഖനാസേക്ഖസ്സ ച ധമ്മസ്സ കമ്മപച്ചയേന പച്ചയോ – സേക്ഖാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൪)

൬൦. അസേക്ഖോ ധമ്മോ അസേക്ഖസ്സ ധമ്മസ്സ കമ്മപച്ചയേന പച്ചയോ – അസേക്ഖാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

അസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ കമ്മപച്ചയേന പച്ചയോ – അസേക്ഖാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. (൨)

അസേക്ഖോ ധമ്മോ അസേക്ഖസ്സ ച നേവസേക്ഖനാസേക്ഖസ്സ ച ധമ്മസ്സ കമ്മപച്ചയേന പച്ചയോ – അസേക്ഖാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

൬൧. നേവസേക്ഖനാസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നേവസേക്ഖനാസേക്ഖാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. പടിസന്ധിക്ഖണേ…പേ…. നാനാക്ഖണികാ – നേവസേക്ഖനാസേക്ഖാ ചേതനാ വിപാകാനം നേവസേക്ഖനാസേക്ഖാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

വിപാകപച്ചയോ

൬൨. സേക്ഖോ ധമ്മോ സേക്ഖസ്സ ധമ്മസ്സ വിപാകപച്ചയേന പച്ചയോ – വിപാകോ സേക്ഖോ ഏകോ ഖന്ധോ തിണ്ണന്നം ഖന്ധാനം…പേ… (സേക്ഖമൂലകേ തീണി ).

അസേക്ഖോ ധമ്മോ അസേക്ഖസ്സ ധമ്മസ്സ വിപാകപച്ചയേന പച്ചയോ – അസേക്ഖോ ഏകോ ഖന്ധോ തിണ്ണന്നം ഖന്ധാനം…പേ… (അസേക്ഖമൂലകേ തീണി).

നേവസേക്ഖനാസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ വിപാകപച്ചയേന പച്ചയോ – വിപാകോ നേവസേക്ഖനാസേക്ഖോ ഏകോ ഖന്ധോ തിണ്ണന്നം ഖന്ധാനം…പേ… പടിസന്ധിക്ഖണേ…പേ… ഖന്ധാ വത്ഥുസ്സ വിപാകപച്ചയേന പച്ചയോ. (൧)

ആഹാരപച്ചയാദി

൬൩. സേക്ഖോ ധമ്മോ സേക്ഖസ്സ ധമ്മസ്സ ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ… ഝാനപച്ചയേന പച്ചയോ… മഗ്ഗപച്ചയേന പച്ചയോ… സമ്പയുത്തപച്ചയേന പച്ചയോ…പേ….

വിപ്പയുത്തപച്ചയോ

൬൪. സേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – സേക്ഖാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – സേക്ഖാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ (൧).

അസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സേക്ഖസദിസം).

നേവസേക്ഖനാസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – നേവസേക്ഖനാസേക്ഖാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പടിസന്ധിക്ഖണേ നേവസേക്ഖനാസേക്ഖാ ഖന്ധാ കടത്താരൂപാനം വിപ്പയുത്തപച്ചയേന പച്ചയോ. ഖന്ധാ വത്ഥുസ്സ വിപ്പയുത്തപച്ചയേന പച്ചയോ. വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ, വത്ഥു നേവസേക്ഖനാസേക്ഖാനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – നേവസേക്ഖനാസേക്ഖാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

നേവസേക്ഖനാസേക്ഖോ ധമ്മോ സേക്ഖസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു സേക്ഖാനം ഖന്ധാനം വിപ്പയുത്തപച്ചയേന പച്ചയോ. (൨)

നേവസേക്ഖനാസേക്ഖോ ധമ്മോ അസേക്ഖസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു അസേക്ഖാനം ഖന്ധാനം വിപ്പയുത്തപച്ചയേന പച്ചയോ. (൩)

അത്ഥിപച്ചയോ

൬൫. സേക്ഖോ ധമ്മോ സേക്ഖസ്സ ധമ്മസ്സ അത്ഥിപച്ചയേന പച്ചയോ – സേക്ഖോ ഏകോ ഖന്ധോ തിണ്ണന്നം ഖന്ധാനം…പേ…. (൧)

സേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – സേക്ഖാ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – സേക്ഖാ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

സേക്ഖോ ധമ്മോ സേക്ഖസ്സ ച നേവസേക്ഖനാസേക്ഖസ്സ ച ധമ്മസ്സ അത്ഥിപച്ചയേന പച്ചയോ – സേക്ഖോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ…. (൩)

അസേക്ഖോ ധമ്മോ അസേക്ഖസ്സ ധമ്മസ്സ അത്ഥിപച്ചയേന പച്ചയോ…പേ… തീണി (സേക്ഖസദിസം).

൬൬. നേവസേക്ഖനാസേക്ഖോ ധമ്മോ നേവസേക്ഖനാസേക്ഖസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – നേവസേക്ഖനാസേക്ഖോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ…പേ… ഖന്ധാ വത്ഥുസ്സ അത്ഥിപച്ചയേന പച്ചയോ. വത്ഥു ഖന്ധാനം അത്ഥിപച്ചയേന പച്ചയോ, ഏകം മഹാഭൂതം…പേ… ബാഹിരം…പേ… അസഞ്ഞസത്താനം…പേ…. പുരേജാതം – ചക്ഖും അനിച്ചതോ ദുക്ഖതോ അനത്തതോ വിപസ്സതി; അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. സോതം…പേ… വത്ഥും അനിച്ചതോ…പേ… വിപസ്സതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ… വത്ഥു നേവസേക്ഖനാസേക്ഖാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – നേവസേക്ഖനാസേക്ഖാ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. കബളീകാരോ ആഹാരോ ഇമസ്സ കായസ്സ അത്ഥിപച്ചയേന പച്ചയോ. രൂപജീവിതിന്ദ്രിയം കടത്താരൂപാനം അത്ഥിപച്ചയേന പച്ചയോ. (൧)

നേവസേക്ഖനാസേക്ഖോ ധമ്മോ സേക്ഖസ്സ ധമ്മസ്സ അത്ഥിപച്ചയേന പച്ചയോ. പുരേജാതം – വത്ഥു സേക്ഖാനം ഖന്ധാനം അത്ഥിപച്ചയേന പച്ചയോ. (൨)

നേവസേക്ഖനാസേക്ഖോ ധമ്മോ അസേക്ഖസ്സ ധമ്മസ്സ അത്ഥിപച്ചയേന പച്ചയോ. പുരേജാതം – വത്ഥു അസേക്ഖാനം ഖന്ധാനം അത്ഥിപച്ചയേന പച്ചയോ. (൩)

൬൭. സേക്ഖോ ച നേവസേക്ഖനാസേക്ഖോ ച ധമ്മാ സേക്ഖസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – സേക്ഖോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ…. (൧)

സേക്ഖോ ച നേവസേക്ഖനാസേക്ഖോ ച ധമ്മാ നേവസേക്ഖനാസേക്ഖസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – സേക്ഖാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – സേക്ഖാ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – സേക്ഖാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

അസേക്ഖോ ച നേവസേക്ഖനാസേക്ഖോ ച ധമ്മാ അസേക്ഖസ്സ ധമ്മസ്സ അത്ഥിപച്ചയേന പച്ചയോ…പേ… (ദ്വേ പഞ്ഹാ കാതബ്ബാ, സേക്ഖസദിസാ).