൧. വിഭങ്ഗവാരോ

ഹേതുപച്ചയോ

൧൮. സേക്ഖം ധമ്മം പച്ചയാ സേക്ഖോ ധമ്മോ ഉപ്പജ്ജതി ഹേതുപച്ചയാ… തീണി (പടിച്ചവാരസദിസം).

അസേക്ഖം ധമ്മം പച്ചയാ അസേക്ഖോ ധമ്മോ ഉപ്പജ്ജതി ഹേതുപച്ചയാ… തീണി (പടിച്ചവാരസദിസം).

൧൯. നേവസേക്ഖനാസേക്ഖം ധമ്മം പച്ചയാ നേവസേക്ഖനാസേക്ഖോ ധമ്മോ ഉപ്പജ്ജതി ഹേതുപച്ചയാ (പരിപുണ്ണം), മഹാഭൂതേ പച്ചയാ ചിത്തസമുട്ഠാനം രൂപം കടത്താരൂപം ഉപാദാരൂപം, വത്ഥും പച്ചയാ നേവസേക്ഖനാസേക്ഖാ ഖന്ധാ. (൧)

നേവസേക്ഖനാസേക്ഖം ധമ്മം പച്ചയാ സേക്ഖോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ സേക്ഖാ ഖന്ധാ. (൨)

നേവസേക്ഖനാസേക്ഖം ധമ്മം പച്ചയാ അസേക്ഖോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ അസേക്ഖാ ഖന്ധാ. (൩)

നേവസേക്ഖനാസേക്ഖം ധമ്മം പച്ചയാ സേക്ഖോ ച നേവസേക്ഖനാസേക്ഖോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ സേക്ഖാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം. (൪)

നേവസേക്ഖനാസേക്ഖം ധമ്മം പച്ചയാ അസേക്ഖോ ച നേവസേക്ഖനാസേക്ഖോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ അസേക്ഖാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം. (൫)

൨൦. സേക്ഖഞ്ച നേവസേക്ഖനാസേക്ഖഞ്ച ധമ്മം പച്ചയാ സേക്ഖോ ധമ്മോ ഉപ്പജ്ജതി ഹേതുപച്ചയാ – സേക്ഖം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധാ. (൧)

സേക്ഖഞ്ച നേവസേക്ഖനാസേക്ഖഞ്ച ധമ്മം പച്ചയാ നേവസേക്ഖനാസേക്ഖോ ധമ്മോ ഉപ്പജ്ജതി ഹേതുപച്ചയാ – സേക്ഖേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൨)

സേക്ഖഞ്ച നേവസേക്ഖനാസേക്ഖഞ്ച ധമ്മം പച്ചയാ സേക്ഖോ ച നേവസേക്ഖനാസേക്ഖോ ച ധമ്മാ ഉപ്പജ്ജന്തി ഹേതുപച്ചയാ – സേക്ഖം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധാ. സേക്ഖേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൩)

അസേക്ഖഞ്ച നേവസേക്ഖനാസേക്ഖഞ്ച ധമ്മം പച്ചയാ… തീണി (സേക്ഖസദിസാ).

ആരമ്മണപച്ചയോ

൨൧. സേക്ഖം ധമ്മം പച്ചയാ സേക്ഖോ ധമ്മോ ഉപ്പജ്ജതി ആരമ്മണപച്ചയാ… ഏകം.

അസേക്ഖം ധമ്മം പച്ചയാ അസേക്ഖോ ധമ്മോ… ഏകം.

നേവസേക്ഖനാസേക്ഖം ധമ്മം പച്ചയാ നേവസേക്ഖനാസേക്ഖോ ധമ്മോ ഉപ്പജ്ജതി ആരമ്മണപച്ചയാ… ഏകം, വത്ഥും പച്ചയാ നേവസേക്ഖനാസേക്ഖാ ഖന്ധാ, ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ നേവസേക്ഖനാസേക്ഖാ ഖന്ധാ. (൧)

നേവസേക്ഖനാസേക്ഖം ധമ്മം പച്ചയാ സേക്ഖോ ധമ്മോ ഉപ്പജ്ജതി ആരമ്മണപച്ചയാ – വത്ഥും പച്ചയാ സേക്ഖാ ഖന്ധാ. (൨)

നേവസേക്ഖനാസേക്ഖം ധമ്മം പച്ചയാ അസേക്ഖോ ധമ്മോ ഉപ്പജ്ജതി ആരമ്മണപച്ചയാ – വത്ഥും പച്ചയാ അസേക്ഖാ ഖന്ധാ. (൩)

സേക്ഖഞ്ച നേവസേക്ഖനാസേക്ഖഞ്ച ധമ്മം പച്ചയാ സേക്ഖോ ധമ്മോ ഉപ്പജ്ജതി ആരമ്മണപച്ചയാ – സേക്ഖം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധാ. (൧)

അസേക്ഖഞ്ച നേവസേക്ഖനാസേക്ഖഞ്ച ധമ്മം പച്ചയാ അസേക്ഖോ ധമ്മോ ഉപ്പജ്ജതി ആരമ്മണപച്ചയാ – അസേക്ഖം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധാ. (൧)

അധിപതിപച്ചയാദി

൨൨. സേക്ഖം ധമ്മം പച്ചയാ സേക്ഖോ ധമ്മോ ഉപ്പജ്ജതി അധിപതിപച്ചയാ… അനന്തരപച്ചയാ… സമനന്തരപച്ചയാ… സഹജാതപച്ചയാ… അഞ്ഞമഞ്ഞപച്ചയ… നിസ്സയപച്ചയാ … ഉപനിസ്സയപച്ചയാ… പുരേജാതപച്ചയാ… ആസേവനപച്ചയാ – സേക്ഖം ഏകം ഖന്ധം പച്ചയാ തയോ ഖന്ധാ…പേ…

നേവസേക്ഖനാസേക്ഖം ധമ്മം പച്ചയാ നേവസേക്ഖനാസേക്ഖോ ധമ്മോ ഉപ്പജ്ജതി ആസേവനപച്ചയാ – നേവസേക്ഖനാസേക്ഖം ഏകം ഖന്ധം പച്ചയാ…പേ… വത്ഥും പച്ചയാ നേവസേക്ഖനാസേക്ഖാ ഖന്ധാ. (൧)

നേവസേക്ഖനാസേക്ഖം ധമ്മം പച്ചയാ സേക്ഖോ ധമ്മോ ഉപ്പജ്ജതി ആസേവനപച്ചയാ – വത്ഥും പച്ചയാ സേക്ഖാ ഖന്ധാ. (൨)

സേക്ഖഞ്ച നേവസേക്ഖനാസേക്ഖഞ്ച ധമ്മം പച്ചയാ സേക്ഖോ ധമ്മോ ഉപ്പജ്ജതി ആസേവനപച്ചയാ – സേക്ഖം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധാ. (൧)

കമ്മപച്ചയാദി

൨൩. സേക്ഖം ധമ്മം പച്ചയാ സേക്ഖോ ധമ്മോ ഉപ്പജ്ജതി കമ്മപച്ചയാ… വിപാകപച്ചയാ – വിപാകം സേക്ഖം ഏകം ഖന്ധം…പേ… ആഹാരപച്ചയാ… ഇന്ദ്രിയപച്ചയാ… ഝാനപച്ചയാ… മഗ്ഗപച്ചയാ… സമ്പയുത്തപച്ചയാ… വിപ്പയുത്തപച്ചയാ… അത്ഥിപച്ചയാ… നത്ഥിപച്ചയാ… വിഗതപച്ചയാ… അവിഗതപച്ചയാ.