൧. വിഭങ്ഗവാരോ

നഹേതുപച്ചയോ

൮. ആചയഗാമിം ധമ്മം പടിച്ച ആചയഗാമീ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നേവാചയഗാമിനാപചയഗാമിം ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി നഹേതുപച്ചയാ – അഹേതുകം നേവാചയഗാമിനാപചയഗാമിം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ…. (൧)

നആരമ്മണപച്ചയോ

൯. ആചയഗാമിം ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി നആരമ്മണപച്ചയാ – ആചയഗാമീ ഖന്ധേ പടിച്ച ചിത്തസമുട്ഠാനം രൂപം. (൧)

അപചയഗാമിം ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി നആരമ്മണപച്ചയാ – അപചയഗാമീ ഖന്ധേ പടിച്ച ചിത്തസമുട്ഠാനം രൂപം. (൧)

നേവാചയഗാമിനാപചയഗാമിം ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി നആരമ്മണപച്ചയാ – നേവാചയഗാമിനാപചയഗാമീ ഖന്ധേ പടിച്ച ചിത്തസമുട്ഠാനം രൂപം. പടിസന്ധിക്ഖണേ…പേ… ഖന്ധേ പടിച്ച വത്ഥു…പേ… ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ…. (൧)

ആചയഗാമിഞ്ച നേവാചയഗാമിനാപചയഗാമിഞ്ച ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി നആരമ്മണപച്ചയാ – ആചയഗാമീ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

അപചയഗാമിഞ്ച നേവാചയഗാമിനാപചയഗാമിഞ്ച ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി നആരമ്മണപച്ചയാ – അപചയഗാമീ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

നഅധിപതിപച്ചയോ

൧൦. ആചയഗാമിം ധമ്മം പടിച്ച ആചയഗാമീ ധമ്മോ ഉപ്പജ്ജതി നഅധിപതിപച്ചയാ… തീണി.

അപചയഗാമിം ധമ്മം പടിച്ച അപചയഗാമീ ധമ്മോ ഉപ്പജ്ജതി നഅധിപതിപച്ചയാ – അപചയഗാമീ ഖന്ധേ പടിച്ച അപചയഗാമീ അധിപതി. (൧)

നേവാചയഗാമിനാപചയഗാമിം ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി നഅധിപതിപച്ചയാ – നേവാചയഗാമിനാപചയഗാമിം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ…. (൧)

ആചയഗാമിഞ്ച നേവാചയഗാമിനാപചയഗാമിഞ്ച ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി നഅധിപതിപച്ചയാ – ആചയഗാമീ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

നഅനന്തരപച്ചയാദി

൧൧. ആചയഗാമിം ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി നഅനന്തരപച്ചയാ… നസമനന്തരപച്ചയാ… നഅഞ്ഞമഞ്ഞപച്ചയാ… നഉപനിസ്സയപച്ചയാ… നപുരേജാതപച്ചയാ (കുസലത്തികസദിസാ സത്ത പഞ്ഹാ)… നപച്ഛാജാതപച്ചയാ.

നആസേവനപച്ചയോ

൧൨. ആചയഗാമിം ധമ്മം പടിച്ച ആചയഗാമീ ധമ്മോ ഉപ്പജ്ജതി നആസേവനപച്ചയാ… തീണി.

അപചയഗാമിം ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി നആസേവനപച്ചയാ – അപചയഗാമീ ഖന്ധേ പടിച്ച ചിത്തസമുട്ഠാനം രൂപം. (൧)

നേവാചയഗാമിനാപചയഗാമിം ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി നആസേവനപച്ചയാ (ഏകാ പഞ്ഹാ സബ്ബേ മഹാഭൂതാ കാതബ്ബാ).

ആചയഗാമിഞ്ച നേവാചയഗാമിനാപചയഗാമിഞ്ച ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി നആസേവനപച്ചയാ – ആചയഗാമീ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

അപചയഗാമിഞ്ച നേവാചയഗാമിനാപചയഗാമിഞ്ച ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി നആസേവനപച്ചയാ – അപചയഗാമീ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

നകമ്മപച്ചയോ

൧൩. ആചയഗാമിം ധമ്മം പടിച്ച ആചയഗാമീ ധമ്മോ ഉപ്പജ്ജതി നകമ്മപച്ചയാ – ആചയഗാമീ ഖന്ധേ പടിച്ച ആചയഗാമീ ചേതനാ. (൧)

അപചയഗാമിം ധമ്മം പടിച്ച അപചയഗാമീ ധമ്മോ ഉപ്പജ്ജതി നകമ്മപച്ചയാ – അപചയഗാമീ ഖന്ധേ പടിച്ച അപചയഗാമീ ചേതനാ. (൧)

നേവാചയഗാമിനാപചയഗാമിം ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി നകമ്മപച്ചയാ – നേവാചയഗാമിനാപചയഗാമീ ഖന്ധേ പടിച്ച നേവാചയഗാമിനാപചയഗാമീ ചേതനാ; ബാഹിരം… ആഹാരസമുട്ഠാനം… ഉതുസമുട്ഠാനം… ഏകം മഹാഭൂതം…പേ…. (൧)

നവിപാകപച്ചയാദി

൧൪. ആചയഗാമിം ധമ്മം പടിച്ച ആചയഗാമീ ധമ്മോ ഉപ്പജ്ജതി നവിപാകപച്ചയാ (പരിപുണ്ണം, പടിസന്ധി നത്ഥി)… നആഹാരപച്ചയാ… നഇന്ദ്രിയപച്ചയാ… നഝാനപച്ചയാ… നമഗ്ഗപച്ചയാ… നസമ്പയുത്തപച്ചയാ… നവിപ്പയുത്തപച്ചയാ (തീണി)… നോനത്ഥിപച്ചയാ… നോവിഗതപച്ചയാ.