൨. സങ്ഖ്യാവാരോ

സുദ്ധം

൬൮. ഹേതുയാ സത്ത, ആരമ്മണേ സത്ത, അധിപതിയാ ദസ, അനന്തരേ ഛ, സമനന്തരേ ഛ, സഹജാതേ നവ, അഞ്ഞമഞ്ഞേ തീണി, നിസ്സയേ തേരസ, ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ തീണി, കമ്മേ സത്ത, വിപാകേ ഏകം, ആഹാരേ സത്ത, ഇന്ദ്രിയേ സത്ത, ഝാനേ സത്ത, മഗ്ഗേ സത്ത, സമ്പയുത്തേ തീണി, വിപ്പയുത്തേ പഞ്ച, അത്ഥിയാ തേരസ, നത്ഥിയാ ഛ, വിഗതേ ഛ, അവിഗതേ തേരസ.

അനുലോമം.

പച്ചനീയുദ്ധാരോ

൬൯. ആചയഗാമീ ധമ്മോ ആചയഗാമിസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

ആചയഗാമീ ധമ്മോ അപചയഗാമിസ്സ ധമ്മസ്സ ഉപനിസ്സയപച്ചയേന പച്ചയോ. (൨)

ആചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ. (൩)

ആചയഗാമീ ധമ്മോ ആചയഗാമിസ്സ ച നേവാചയഗാമിനാപചയഗാമിസ്സ ച ധമ്മസ്സ സഹജാതപച്ചയേന പച്ചയോ. (൪)

൭൦. അപചയഗാമീ ധമ്മോ അപചയഗാമിസ്സ ധമ്മസ്സ സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

അപചയഗാമീ ധമ്മോ ആചയഗാമിസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ. (൨)

അപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൩)

അപചയഗാമീ ധമ്മോ അപചയഗാമിസ്സ ച നേവാചയഗാമിനാപചയഗാമിസ്സ ച ധമ്മസ്സ സഹജാതപച്ചയേന പച്ചയോ. (൪)

൭൧. നേവാചയഗാമിനാപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

നേവാചയഗാമിനാപചയഗാമീ ധമ്മോ ആചയഗാമിസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

നേവാചയഗാമിനാപചയഗാമീ ധമ്മോ അപചയഗാമിസ്സ ധമ്മസ്സ ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

൭൨. ആചയഗാമീ ച നേവാചയഗാമിനാപചയഗാമീ ച ധമ്മാ ആചയഗാമിസ്സ ധമ്മസ്സ സഹജാതം, പുരേജാതം. (൧)

ആചയഗാമീ ച നേവാചയഗാമിനാപചയഗാമീ ച ധമ്മാ നേവാചയഗാമിനാപചയഗാമിസ്സ ധമ്മസ്സ സഹജാതം, പച്ഛാജാതം, ആഹാരം, ഇന്ദ്രിയം. (൨)

അപചയഗാമീ ച നേവാചയഗാമിനാപചയഗാമീ ച ധമ്മാ അപചയഗാമിസ്സ ധമ്മസ്സ സഹജാതം, പുരേജാതം. (൧)

അപചയഗാമീ ച നേവാചയഗാമിനാപചയഗാമീ ച ധമ്മാ നേവാചയഗാമിനാപചയഗാമിസ്സ ധമ്മസ്സ സഹജാതം, പച്ഛാജാതം, ആഹാരം, ഇന്ദ്രിയം. (൨)