൧. വിഭങ്ഗവാരോ

ഹേതുപച്ചയോ

൪൫. ആചയഗാമീ [ആചയഗാമി (സീ. സ്യാ.) ഏവമുപരിപി] ധമ്മോ ആചയഗാമിസ്സ ധമ്മസ്സ ഹേതുപച്ചയേന പച്ചയോ – ആചയഗാമീ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

ആചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ ഹേതുപച്ചയേന പച്ചയോ – ആചയഗാമീ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൨)

ആചയഗാമീ ധമ്മോ ആചയഗാമിസ്സ ച നേവാചയഗാമിനാപചയഗാമിസ്സ ച ധമ്മസ്സ ഹേതുപച്ചയേന പച്ചയോ – ആചയഗാമീ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

അപചയഗാമീ ധമ്മോ അപചയഗാമിസ്സ ധമ്മസ്സ ഹേതുപച്ചയേന പച്ചയോ… തീണി.

നേവാചയഗാമിനാപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ ഹേതുപച്ചയേന പച്ചയോ – നേവാചയഗാമിനാപചയഗാമീ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. പടിസന്ധിക്ഖണേ നേവാചയഗാമിനാപചയഗാമീ ഹേതൂ സമ്പയുത്തകാനം ഖന്ധാനം കടത്താ ച രൂപാനം ഹേതുപച്ചയേന പച്ചയോ. (൧)

ആരമ്മണപച്ചയോ

൪൬. ആചയഗാമീ ധമ്മോ ആചയഗാമിസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി പച്ചവേക്ഖതി, ഝാനാ വുട്ഠഹിത്വാ ഝാനം പച്ചവേക്ഖതി. സേക്ഖാ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി. സേക്ഖാ വാ പുഥുജ്ജനാ വാ ആചയഗാമീ ഖന്ധേ അനിച്ചതോ ദുക്ഖതോ അനത്തതോ വിപസ്സന്തി, അസ്സാദേന്തി അഭിനന്ദന്തി, തം ആരബ്ഭ രാഗോ ഉപ്പജ്ജതി, ദിട്ഠി…പേ… വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി, ചേതോപരിയഞാണേന ആചയഗാമിചിത്തസമങ്ഗിസ്സ ചിത്തം ജാനന്തി, ആകാസാനഞ്ചായതനകുസലം വിഞ്ഞാണഞ്ചായതനകുസലസ്സ ആരമ്മണപച്ചയേന പച്ചയോ. ആകിഞ്ചഞ്ഞായതനകുസലം നേവസഞ്ഞാനാസഞ്ഞായതനകുസലസ്സ…പേ… ആചയഗാമീ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ ആരമ്മണപച്ചയേന പച്ചയോ. (൧)

ആചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ ആരമ്മണപച്ചയേന പച്ചയോ – അരഹാ പഹീനേ കിലേസേ പച്ചവേക്ഖതി, പുബ്ബേ സമുദാചിണ്ണേ കിലേസേ ജാനാതി, ആചയഗാമീ ഖന്ധേ അനിച്ചതോ ദുക്ഖതോ അനത്തതോ വിപസ്സതി; ചേതോപരിയഞാണേന ആചയഗാമിചിത്തസമങ്ഗിസ്സ ചിത്തം ജാനാതി. സേക്ഖാ വാ പുഥുജ്ജനാ വാ ആചയഗാമീ ഖന്ധേ അനിച്ചതോ ദുക്ഖതോ അനത്തതോ വിപസ്സന്തി, കുസലേ നിരുദ്ധേ വിപാകോ തദാരമ്മണതാ ഉപ്പജ്ജതി, ആചയഗാമീ ഖന്ധേ അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി, അകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി, ആകാസാനഞ്ചായതനകുസലം വിഞ്ഞാണഞ്ചായതനവിപാകസ്സ ച കിരിയസ്സ ച ആരമ്മണപച്ചയേന പച്ചയോ. ആകിഞ്ചഞ്ഞായതനകുസലം നേവസഞ്ഞാനാസഞ്ഞായതനവിപാകസ്സ ച കിരിയസ്സ ച ആരമ്മണപച്ചയേന പച്ചയോ. ആചയഗാമീ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

൪൭. അപചയഗാമീ ധമ്മോ ആചയഗാമിസ്സ ധമ്മസ്സ ആരമ്മണപച്ചയേന പച്ചയോ – സേക്ഖാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ചേതോപരിയഞാണേന അപചയഗാമിചിത്തസമങ്ഗിസ്സ ചിത്തം ജാനന്തി, അപചയഗാമീ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആരമ്മണപച്ചയേന പച്ചയോ. (൧)

അപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ ആരമ്മണപച്ചയേന പച്ചയോ – അരഹാ മഗ്ഗാ വുട്ഠഹിത്വാ മഗ്ഗം പച്ചവേക്ഖതി, ചേതോപരിയഞാണേന അപചയഗാമിചിത്തസമങ്ഗിസ്സ ചിത്തം ജാനാതി, അപചയഗാമീ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

൪൮. നേവാചയഗാമിനാപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ ആരമ്മണപച്ചയേന പച്ചയോ – അരഹാ ഫലം പച്ചവേക്ഖതി, നിബ്ബാനം പച്ചവേക്ഖതി, നിബ്ബാനം ഫലസ്സ ആവജ്ജനായ ആരമ്മണപച്ചയേന പച്ചയോ. അരഹാ ചക്ഖും അനിച്ചതോ ദുക്ഖതോ അനത്തതോ വിപസ്സതി, സോതം…പേ… വത്ഥും… നേവാചയഗാമിനാപചയഗാമീ ഖന്ധേ അനിച്ചതോ ദുക്ഖതോ അനത്തതോ വിപസ്സതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, ചേതോപരിയഞാണേന നേവാചയഗാമിനാപചയഗാമിചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനകിരിയം വിഞ്ഞാണഞ്ചായതനകിരിയസ്സ ആരമ്മണപച്ചയേന പച്ചയോ. ആകിഞ്ചഞ്ഞായതനകിരിയം നേവസഞ്ഞാനാസഞ്ഞായതനകിരിയസ്സ…പേ… രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… നേവാചയഗാമിനാപചയഗാമീ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ ആവജ്ജനായ ആരമ്മണപച്ചയേന പച്ചയോ. (൧)

നേവാചയഗാമിനാപചയഗാമീ ധമ്മോ ആചയഗാമിസ്സ ധമ്മസ്സ ആരമ്മണപച്ചയേന പച്ചയോ – സേക്ഖാ ഫലം പച്ചവേക്ഖന്തി, നിബ്ബാനം പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ ആരമ്മണപച്ചയേന പച്ചയോ. സേക്ഖാ വാ പുഥുജ്ജനാ വാ ചക്ഖും അനിച്ചതോ ദുക്ഖതോ അനത്തതോ വിപസ്സന്തി, അസ്സാദേന്തി അഭിനന്ദന്തി; തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. സോതം…പേ… വത്ഥും… നേവാചയഗാമിനാപചയഗാമീ ഖന്ധേ അനിച്ചതോ ദുക്ഖതോ അനത്തതോ വിപസ്സന്തി, അസ്സാദേന്തി അഭിനന്ദന്തി; തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ…പേ… ഉദ്ധച്ചം…പേ… ദോമനസ്സം…പേ… ദിബ്ബേന ചക്ഖുനാ രൂപം പസ്സന്തി, ദിബ്ബായ സോതധാതുയാ സദ്ദം സുണന്തി, ചേതോപരിയഞാണേന നേവാചയഗാമിനാപചയഗാമിചിത്തസമങ്ഗിസ്സ ചിത്തം ജാനന്തി, നേവാചയഗാമിനാപചയഗാമീ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ ആരമ്മണപച്ചയേന പച്ചയോ. (൨)

നേവാചയഗാമിനാപചയഗാമീ ധമ്മോ അപചയഗാമിസ്സ ധമ്മസ്സ ആരമ്മണപച്ചയേന പച്ചയോ – നിബ്ബാനം മഗ്ഗസ്സ ആരമ്മണപച്ചയേന പച്ചയോ. (൩)

അധിപതിപച്ചയോ

൪൯. ആചയഗാമീ ധമ്മോ ആചയഗാമിസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ സുചിണ്ണാനി ഗരും കത്വാ പച്ചവേക്ഖതി, ഝാനാ വുട്ഠഹിത്വാ ഝാനം ഗരും കത്വാ പച്ചവേക്ഖതി, ആചയഗാമീ ഖന്ധേ ഗരും കത്വാ അസ്സാദേതി അഭിനന്ദതി; തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – ആചയഗാമീ അധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

ആചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – ആചയഗാമീ അധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

ആചയഗാമീ ധമ്മോ ആചയഗാമിസ്സ ച നേവാചയഗാമിനാപചയഗാമിസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – ആചയഗാമീ അധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൫൦. അപചയഗാമീ ധമ്മോ അപചയഗാമിസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – അപചയഗാമീ അധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

അപചയഗാമീ ധമ്മോ ആചയഗാമിസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – സേക്ഖാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി. (൨)

അപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – അരഹാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖതി. സഹജാതാധിപതി – അപചയഗാമീ അധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൩)

അപചയഗാമീ ധമ്മോ അപചയഗാമിസ്സ ച നേവാചയഗാമിനാപചയഗാമിസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – അപചയഗാമീ അധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൪)

൫൧. നേവാചയഗാമിനാപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – അരഹാ ഫലം ഗരും കത്വാ പച്ചവേക്ഖതി, നിബ്ബാനം ഗരും കത്വാ പച്ചവേക്ഖതി, നിബ്ബാനം ഫലസ്സ അധിപതിപച്ചയേന പച്ചയോ. സഹജാതാധിപതി – നേവാചയഗാമിനാപചയഗാമീ അധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

നേവാചയഗാമിനാപചയഗാമീ ധമ്മോ ആചയഗാമിസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – സേക്ഖാ ഫലം ഗരും കത്വാ പച്ചവേക്ഖന്തി, നിബ്ബാനം ഗരും കത്വാ പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ അധിപതിപച്ചയേന പച്ചയോ. ചക്ഖും ഗരും കത്വാ അസ്സാദേതി…പേ… വത്ഥും… നേവാചയഗാമിനാപചയഗാമീ ഖന്ധേ ഗരും കത്വാ അസ്സാദേതി അഭിനന്ദതി; തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

നേവാചയഗാമിനാപചയഗാമീ ധമ്മോ അപചയഗാമിസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – നിബ്ബാനം മഗ്ഗസ്സ അധിപതിപച്ചയേന പച്ചയോ. (൩)

അനന്തരപച്ചയോ

൫൨. ആചയഗാമീ ധമ്മോ ആചയഗാമിസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ആചയഗാമീ ഖന്ധാ പച്ഛിമാനം പച്ഛിമാനം ആചയഗാമീനം ഖന്ധാനം അനന്തരപച്ചയേന പച്ചയോ. അനുലോമം ഗോത്രഭുസ്സ… അനുലോമം വോദാനസ്സ അനന്തരപച്ചയേന പച്ചയോ. (൧)

ആചയഗാമീ ധമ്മോ അപചയഗാമിസ്സ ധമ്മസ്സ അനന്തരപച്ചയേന പച്ചയോ – ഗോത്രഭു മഗ്ഗസ്സ… വോദാനം മഗ്ഗസ്സ അനന്തരപച്ചയേന പച്ചയോ. (൨)

ആചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ അനന്തരപച്ചയേന പച്ചയോ – ആചയഗാമീ ഖന്ധാ വുട്ഠാനസ്സ അനന്തരപച്ചയേന പച്ചയോ. സേക്ഖാനം അനുലോമം ഫലസമാപത്തിയാ, നിരോധാ വുട്ഠഹന്തസ്സ നേവസഞ്ഞാനാസഞ്ഞായതനകുസലം ഫലസമാപത്തിയാ അനന്തരപച്ചയേന പച്ചയോ. (൩)

അപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ അനന്തരപച്ചയേന പച്ചയോ – മഗ്ഗോ ഫലസ്സ അനന്തരപച്ചയേന പച്ചയോ. (൧)

നേവാചയഗാമിനാപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നേവാചയഗാമിനാപചയഗാമീ ഖന്ധാ പച്ഛിമാനം പച്ഛിമാനം നേവാചയഗാമിനാപചയഗാമീനം ഖന്ധാനം അനന്തരപച്ചയേന പച്ചയോ. ഭവങ്ഗം ആവജ്ജനായ… കിരിയം വുട്ഠാനസ്സ… അരഹതോ അനുലോമം ഫലസമാപത്തിയാ… നിരോധാ വുട്ഠഹന്തസ്സ നേവസഞ്ഞാനാസഞ്ഞായതനകിരിയം ഫലസമാപത്തിയാ അനന്തരപച്ചയേന പച്ചയോ. (൧)

നേവാചയഗാമിനാപചയഗാമീ ധമ്മോ ആചയഗാമിസ്സ ധമ്മസ്സ അനന്തരപച്ചയേന പച്ചയോ – ആവജ്ജനാ ആചയഗാമീനം ഖന്ധാനം അനന്തരപച്ചയേന പച്ചയോ. (൨)

സമനന്തരപച്ചയാദി

൫൩. ആചയഗാമീ ധമ്മോ ആചയഗാമിസ്സ ധമ്മസ്സ സമനന്തരപച്ചയേന പച്ചയോ…പേ… (അനന്തരസദിസം). (സഹജാതപച്ചയേ പടിച്ചവാരേ സഹജാതവാരസദിസാ നവ പഞ്ഹാ. അഞ്ഞമഞ്ഞപച്ചയേ പടിച്ചവാരേ അഞ്ഞമഞ്ഞസദിസം തീണി. നിസ്സയപച്ചയേ പച്ചയവാരേ നിസ്സയവാരസദിസം. ചത്താരിപി ഹി വിസും ഘടനാ നത്ഥി. തേരസ പഞ്ഹാ.)

ഉപനിസ്സയപച്ചയോ

൫൪. ആചയഗാമീ ധമ്മോ ആചയഗാമിസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ആചയഗാമിം സദ്ധം ഉപനിസ്സായ ദാനം ദേതി, സീലം…പേ… ഉപോസഥകമ്മം…പേ… ഝാനം…പേ… വിപസ്സനം…പേ… അഭിഞ്ഞം…പേ… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി, ആചയഗാമിം സീലം… സുതം… ചാഗം… പഞ്ഞം… രാഗം… ദോസം… മോഹം… മാനം… ദിട്ഠിം… പത്ഥനം ഉപനിസ്സായ ദാനം ദേതി. സീലം…പേ… ഉപോസഥകമ്മം…പേ… ഝാനം…പേ… വിപസ്സനം…പേ… അഭിഞ്ഞം…പേ… സമാപത്തിം…പേ… പാണം ഹനതി…പേ… സങ്ഘം ഭിന്ദതി. ആചയഗാമീ സദ്ധാ…പേ… പഞ്ഞാ, രാഗോ…പേ… പത്ഥനാ ആചയഗാമിയാ സദ്ധായ…പേ… പഞ്ഞായ, രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. പഠമസ്സ ഝാനസ്സ പരികമ്മം പഠമസ്സ ഝാനസ്സ ഉപനിസ്സയപച്ചയേന പച്ചയോ…പേ…. നേവസഞ്ഞാനാസഞ്ഞായതനസ്സ പരികമ്മം നേവസഞ്ഞാനാസഞ്ഞായതനസ്സ ഉപനിസ്സയപച്ചയേന പച്ചയോ. പഠമം ഝാനം ദുതിയസ്സ ഝാനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ ഉപനിസ്സയപച്ചയേന പച്ചയോ. (൧)

ആചയഗാമീ ധമ്മോ അപചയഗാമിസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – പഠമസ്സ മഗ്ഗസ്സ പരികമ്മം പഠമസ്സ മഗ്ഗസ്സ…പേ… ചതുത്ഥസ്സ മഗ്ഗസ്സ പരികമ്മം ചതുത്ഥസ്സ മഗ്ഗസ്സ ഉപനിസ്സയപച്ചയേന പച്ചയോ. (൨)

ആചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ആചയഗാമിം സദ്ധം ഉപനിസ്സായ അത്താനം ആതാപേതി പരിതാപേതി പരിയിട്ഠിമൂലകം ദുക്ഖം പച്ചനുഭോതി. ആചയഗാമിം സീലം…പേ… പഞ്ഞം. രാഗം…പേ… പത്ഥനം ഉപനിസ്സായ അത്താനം ആതാപേതി പരിതാപേതി പരിയിട്ഠിമൂലകം ദുക്ഖം പച്ചനുഭോതി. ആചയഗാമീ സദ്ധാ…പേ… പഞ്ഞാ. രാഗോ…പേ… പത്ഥനാ, കായികസ്സ സുഖസ്സ, കായികസ്സ ദുക്ഖസ്സ ഫലസമാപത്തിയാ ഉപനിസ്സയപച്ചയേന പച്ചയോ. കുസലാകുസലം കമ്മം വിപാകസ്സ ഉപനിസ്സയപച്ചയേന പച്ചയോ. (൩)

൫൫. അപചയഗാമീ ധമ്മോ അപചയഗാമിസ്സ ധമ്മസ്സ ഉപനിസ്സയപച്ചയേന പച്ചയോ. പകതൂപനിസ്സയോ – പഠമോ മഗ്ഗോ ദുതിയസ്സ മഗ്ഗസ്സ…പേ… തതിയോ മഗ്ഗോ ചതുത്ഥസ്സ മഗ്ഗസ്സ ഉപനിസ്സയപച്ചയേന പച്ചയോ. (൧)

അപചയഗാമീ ധമ്മോ ആചയഗാമിസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സേക്ഖാ മഗ്ഗം ഉപനിസ്സായ അനുപ്പന്നം കുസലസമാപത്തിം ഉപ്പാദേന്തി, ഉപ്പന്നം സമാപജ്ജന്തി, സങ്ഖാരേ അനിച്ചതോ ദുക്ഖതോ അനത്തതോ വിപസ്സന്തി, മഗ്ഗോ സേക്ഖാനം അത്ഥപ്പടിസമ്ഭിദായ…പേ… പടിഭാനപടിസമ്ഭിദായ ഠാനാഠാനകോസല്ലസ്സ ഉപനിസ്സയപച്ചയേന പച്ചയോ. (൨)

അപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അരഹാ മഗ്ഗം ഉപനിസ്സായ അനുപ്പന്നം കിരിയസമാപത്തിം ഉപ്പാദേതി, ഉപ്പന്നം സമാപജ്ജതി…പേ… ഠാനാഠാനകോസല്ലസ്സ ഉപനിസ്സയപച്ചയേന പച്ചയോ. മഗ്ഗോ ഫലസമാപത്തിയാ ഉപനിസ്സയപച്ചയേന പച്ചയോ. (൩)

൫൬. നേവാചയഗാമിനാപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – കായികം സുഖം ഉപനിസ്സായ അത്താനം ആതാപേതി പരിതാപേതി പരിയിട്ഠിമൂലകം ദുക്ഖം പച്ചനുഭോതി. കായികം ദുക്ഖം… ഉതും… ഭോജനം… സേനാസനം ഉപനിസ്സായ അത്താനം ആതാപേതി പരിതാപേതി…പേ… കായികം സുഖം… കായികം ദുക്ഖം… ഉതു… ഭോജനം… സേനാസനം കായികസ്സ സുഖസ്സ, കായികസ്സ ദുക്ഖസ്സ ഫലസമാപത്തിയാ ഉപനിസ്സയപച്ചയേന പച്ചയോ. അരഹാ കായികം സുഖം ഉപനിസ്സായ അനുപ്പന്നം കിരിയസമാപത്തിം ഉപ്പാദേതി…പേ… വിപസ്സതി. കായികം ദുക്ഖം… ഉതും… ഭോജനം… സേനാസനം ഉപനിസ്സായ…പേ… വിപസ്സതി. (൧)

നേവാചയഗാമീനാപചയഗാമീ ധമ്മോ ആചയഗാമിസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – കായികം സുഖം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, പാണം ഹനതി…പേ… സങ്ഘം ഭിന്ദതി. കായികം ദുക്ഖം… ഉതും… ഭോജനം… സേനാസനം ഉപനിസ്സായ ദാനം ദേതി…പേ… സങ്ഘം ഭിന്ദതി, കായികം സുഖം…പേ… സേനാസനം ആചയഗാമിയാ സദ്ധായ…പേ… പഞ്ഞായ, രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൨)

നേവാചയഗാമിനാപചയഗാമീ ധമ്മോ അപചയഗാമിസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – കായികം സുഖം ഉപനിസ്സായ മഗ്ഗം ഉപ്പാദേതി. കായികം ദുക്ഖം …പേ… സേനാസനം ഉപനിസ്സായ മഗ്ഗം ഉപ്പാദേതി, കായികം സുഖം, കായികം ദുക്ഖം…പേ… സേനാസനം മഗ്ഗസ്സ ഉപനിസ്സയപച്ചയേന പച്ചയോ. (൩)

പുരേജാതപച്ചയോ

൫൭. നേവാചയഗാമിനാപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – അരഹാ ചക്ഖും…പേ… വത്ഥും അനിച്ചതോ ദുക്ഖതോ അനത്തതോ വിപസ്സതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നേവാചയഗാമിനാപചയഗാമീനം ഖന്ധാനം പുരേജാതപച്ചയേന പച്ചയോ. (൧)

നേവാചയഗാമിനാപചയഗാമീ ധമ്മോ ആചയഗാമിസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – സേക്ഖാ വാ പുഥുജ്ജനാ വാ ചക്ഖും…പേ… വത്ഥും അനിച്ചതോ ദുക്ഖതോ അനത്തതോ വിപസ്സന്തി, അസ്സാദേന്തി അഭിനന്ദന്തി; തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. വത്ഥുപുരേജാതം – വത്ഥു ആചയഗാമീനം ഖന്ധാനം പുരേജാതപച്ചയേന പച്ചയോ. (൨)

നേവാചയഗാമിനാപചയഗാമീ ധമ്മോ അപചയഗാമിസ്സ ധമ്മസ്സ പുരേജാതപച്ചയേന പച്ചയോ. വത്ഥുപുരേജാതം – വത്ഥു അപചയഗാമീനം ഖന്ധാനം പുരേജാതപച്ചയേന പച്ചയോ. (൩)

പച്ഛാജാതപച്ചയോ

൫൮. ആചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ആചയഗാമീ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

അപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അപചയഗാമീ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

നേവാചയഗാമിനാപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ നേവാചയഗാമിനാപചയഗാമീ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ.

ആസേവനപച്ചയോ

൫൯. ആചയഗാമീ ധമ്മോ ആചയഗാമിസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ ആചയഗാമീ ഖന്ധാ പച്ഛിമാനം പച്ഛിമാനം ആചയഗാമീനം ഖന്ധാനം ആസേവനപച്ചയേന പച്ചയോ. അനുലോമം ഗോത്രഭുസ്സ… അനുലോമം വോദാനസ്സ ആസേവനപച്ചയേന പച്ചയോ. (൧)

ആചയഗാമീ ധമ്മോ അപചയഗാമിസ്സ ധമ്മസ്സ ആസേവനപച്ചയേന പച്ചയോ – ഗോത്രഭു മഗ്ഗസ്സ… വോദാനം മഗ്ഗസ്സ ആസേവനപച്ചയേന പച്ചയോ. (൨)

നേവാചയഗാമിനാപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ നേവാചയഗാമിനാപചയഗാമീ ഖന്ധാ പച്ഛിമാനം പച്ഛിമാനം നേവാചയഗാമിനാപചയഗാമീനം ഖന്ധാനം ആസേവനപച്ചയേന പച്ചയോ. (൧)

കമ്മപച്ചയോ

൬൦. ആചയഗാമീ ധമ്മോ ആചയഗാമിസ്സ ധമ്മസ്സ കമ്മപച്ചയേന പച്ചയോ – ആചയഗാമീ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

ആചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – ആചയഗാമീ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. നാനാക്ഖണികാ – ആചയഗാമീ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൨)

ആചയഗാമീ ധമ്മോ ആചയഗാമിസ്സ ച നേവാചയഗാമിനാപചയഗാമിസ്സ ച ധമ്മസ്സ കമ്മപച്ചയേന പച്ചയോ – ആചയഗാമീ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

൬൧. അപചയഗാമീ ധമ്മോ അപചയഗാമിസ്സ ധമ്മസ്സ കമ്മപച്ചയേന പച്ചയോ – അപചയഗാമീ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

അപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അപചയഗാമീ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. നാനാക്ഖണികാ – അപചയഗാമീ ചേതനാ വിപാകാനം ഖന്ധാനം കമ്മപച്ചയേന പച്ചയോ. (൨)

അപചയഗാമീ ധമ്മോ അപചയഗാമിസ്സ ച നേവാചയഗാമിനാപചയഗാമിസ്സ ച ധമ്മസ്സ കമ്മപച്ചയേന പച്ചയോ – അപചയഗാമീ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

നേവാചയഗാമിനാപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ കമ്മപച്ചയേന പച്ചയോ – നേവാചയഗാമിനാപചയഗാമീ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. പടിസന്ധിക്ഖണേ നേവാചയഗാമിനാപചയഗാമീ ചേതനാ സമ്പയുത്തകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

വിപാകപച്ചയോ

൬൨. നേവാചയഗാമിനാപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ വിപാകപച്ചയേന പച്ചയോ – വിപാകോ നേവാചയഗാമിനാപചയഗാമീ ഏകോ ഖന്ധോ തിണ്ണന്നം ഖന്ധാനം…പേ… പടിസന്ധിക്ഖണേ…പേ… ഖന്ധാ വത്ഥുസ്സ വിപാകപച്ചയേന പച്ചയോ. (൧)

ആഹാരപച്ചയാദി

൬൩. ആചയഗാമീ ധമ്മോ ആചയഗാമിസ്സ ധമ്മസ്സ ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ… ഝാനപച്ചയേന പച്ചയോ… മഗ്ഗപച്ചയേന പച്ചയോ… സമ്പയുത്തപച്ചയേന പച്ചയോ.

വിപ്പയുത്തപച്ചയോ

൬൪. ആചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – ആചയഗാമീ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – ആചയഗാമീ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

അപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – അപചയഗാമീ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – അപചയഗാമീ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

നേവാചയഗാമിനാപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – നേവാചയഗാമിനാപചയഗാമീ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പടിസന്ധിക്ഖണേ നേവാചയഗാമിനാപചയഗാമീ ഖന്ധാ കടത്താരൂപാനം വിപ്പയുത്തപച്ചയേന പച്ചയോ. ഖന്ധാ വത്ഥുസ്സ വിപ്പയുത്തപച്ചയേന പച്ചയോ. വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നേവാചയഗാമിനാപചയഗാമീനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – നേവാചയഗാമിനാപചയഗാമീ ഖന്ധാ പുരേജാതസ്സ ഇമസ്സ കായസ്സ…പേ…. (൧)

നേവാചയഗാമിനാപചയഗാമീ ധമ്മോ ആചയഗാമിസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ആചയഗാമീനം ഖന്ധാനം വിപ്പയുത്തപച്ചയേന പച്ചയോ. (൨)

നേവാചയഗാമിനാപചയഗാമീ ധമ്മോ അപചയഗാമിസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു അപചയഗാമീനം ഖന്ധാനം വിപ്പയുത്തപച്ചയേന പച്ചയോ. (൩)

അത്ഥിപച്ചയാദി

൬൫. ആചയഗാമീ ധമ്മോ ആചയഗാമിസ്സ ധമ്മസ്സ അത്ഥിപച്ചയേന പച്ചയോ – ആചയഗാമീ ഏകോ ഖന്ധോ തിണ്ണന്നം ഖന്ധാനം…പേ…. (൧)

ആചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – ആചയഗാമീ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – ആചയഗാമീ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

ആചയഗാമീ ധമ്മോ ആചയഗാമിസ്സ ച നേവാചയഗാമിനാപചയഗാമിസ്സ ച ധമ്മസ്സ അത്ഥിപച്ചയേന പച്ചയോ – ആചയഗാമീ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ…. (൩)

അപചയഗാമീ ധമ്മോ… തീണി (ആചയഗാമിനയേന കാതബ്ബം).

൬൬. നേവാചയഗാമിനാപചയഗാമീ ധമ്മോ നേവാചയഗാമിനാപചയഗാമിസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – നേവാചയഗാമിനാപചയഗാമീ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ…പേ… ഖന്ധാ വത്ഥുസ്സ അത്ഥിപച്ചയേന പച്ചയോ. വത്ഥു ഖന്ധാനം അത്ഥിപച്ചയേന പച്ചയോ. ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ…. പുരേജാതം – അരഹാ ചക്ഖും…പേ… വത്ഥും അനിച്ചതോ ദുക്ഖതോ അനത്തതോ വിപസ്സതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നേവാചയഗാമിനാപചയഗാമീനം ഖന്ധാനം അത്ഥിപച്ചയേന പച്ചയോ. പച്ഛാജാതാ – നേവാചയഗാമിനാപചയഗാമീ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. കബളീകാരോ ആഹാരോ ഇമസ്സ കായസ്സ…പേ… രൂപജീവിതിന്ദ്രിയം കടത്താരൂപാനം…പേ…. (൧)

നേവാചയഗാമിനാപചയഗാമീ ധമ്മോ ആചയഗാമിസ്സ ധമ്മസ്സ അത്ഥിപച്ചയേന പച്ചയോ. പുരേജാതം – സേക്ഖാ വാ പുഥുജ്ജനാ വാ ചക്ഖും അനിച്ചതോ ദുക്ഖതോ അനത്തതോ വിപസ്സന്തി, അസ്സാദേന്തി അഭിനന്ദന്തി; തം ആരബ്ഭ രാഗോ…പേ… ദോമനസ്സം ഉപ്പജ്ജതി, സോതം…പേ… വത്ഥും അനിച്ചതോ…പേ… വിപസ്സന്തി, അസ്സാദേന്തി അഭിനന്ദന്തി; തം ആരബ്ഭ രാഗോ…പേ… ദോമനസ്സം ഉപ്പജ്ജതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, വത്ഥു ആചയഗാമീനം ഖന്ധാനം അത്ഥിപച്ചയേന പച്ചയോ. (൨)

നേവാചയഗാമിനാപചയഗാമീ ധമ്മോ അപചയഗാമിസ്സ ധമ്മസ്സ അത്ഥിപച്ചയേന പച്ചയോ. പുരേജാതം – വത്ഥു അപചയഗാമീനം ഖന്ധാനം അത്ഥിപച്ചയേന പച്ചയോ. (൩)

൬൭. ആചയഗാമീ ച നേവാചയഗാമിനാപചയഗാമീ ച ധമ്മാ ആചയഗാമിസ്സ ധമ്മസ്സ അത്ഥിപച്ചയേന പച്ചയോ സഹജാതം, പുരേജാതം. സഹജാതോ – ആചയഗാമീ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ…. (൧)

ആചയഗാമീ ച നേവാചയഗാമിനാപചയഗാമീ ച ധമ്മാ നേവാചയഗാമിനാപചയഗാമിസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – ആചയഗാമീ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – ആചയഗാമീ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ആചയഗാമീ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

അപചയഗാമീ ച നേവാചയഗാമിനാപചയഗാമീ ച ധമ്മാ അപചയഗാമിസ്സ ധമ്മസ്സ അത്ഥിപച്ചയേന പച്ചയോ (ദ്വേ കാതബ്ബാ ദസ്സിതനയേന), നത്ഥിപച്ചയേന പച്ചയോ, വിഗതപച്ചയേന പച്ചയോ, അവിഗതപച്ചയേന പച്ചയോ.