൧. വിഭങ്ഗവാരോ

ഹേതുപച്ചയോ

൧. ആചയഗാമിം ധമ്മം പടിച്ച ആചയഗാമീ ധമ്മോ ഉപ്പജ്ജതി ഹേതുപച്ചയാ – ആചയഗാമിം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

ആചയഗാമിം ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി ഹേതുപച്ചയാ – ആചയഗാമീ ഖന്ധേ പടിച്ച ചിത്തസമുട്ഠാനം രൂപം. (൨)

ആചയഗാമിം ധമ്മം പടിച്ച ആചയഗാമീ ച നേവാചയഗാമിനാപചയഗാമീ ച ധമ്മാ ഉപ്പജ്ജന്തി ഹേതുപച്ചയാ – ആചയഗാമിം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. (൩)

൨. അപചയഗാമിം ധമ്മം പടിച്ച അപചയഗാമീ ധമ്മോ ഉപ്പജ്ജതി ഹേതുപച്ചയാ – അപചയഗാമിം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

അപചയഗാമിം ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി ഹേതുപച്ചയാ – അപചയഗാമീ ഖന്ധേ പടിച്ച ചിത്തസമുട്ഠാനം രൂപം. (൨)

അപചയഗാമിം ധമ്മം പടിച്ച അപചയഗാമീ ച നേവാചയഗാമിനാപചയഗാമീ ച ധമ്മാ ഉപ്പജ്ജന്തി ഹേതുപച്ചയാ – അപചയഗാമിം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. (൩)

൩. നേവാചയഗാമിനാപചയഗാമിം ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി ഹേതുപച്ചയാ – നേവാചയഗാമിനാപചയഗാമിം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ നേവാചയഗാമിനാപചയഗാമിം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം പടിച്ച തയോ മഹാഭൂതാ…പേ… ദ്വേ മഹാഭൂതേ പടിച്ച ദ്വേ മഹാഭൂതാ; മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

ആചയഗാമിഞ്ച നേവാചയഗാമിനാപചയഗാമിഞ്ച ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി ഹേതുപച്ചയാ – ആചയഗാമീ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

അപചയഗാമിഞ്ച നേവാചയഗാമിനാപചയഗാമിഞ്ച ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി ഹേതുപച്ചയാ – അപചയഗാമീ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

ആരമ്മണപച്ചയോ

൪. ആചയഗാമിം ധമ്മം പടിച്ച ആചയഗാമീ ധമ്മോ ഉപ്പജ്ജതി ആരമ്മണപച്ചയാ – ആചയഗാമിം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

അപചയഗാമിം ധമ്മം പടിച്ച അപചയഗാമീ ധമ്മോ ഉപ്പജ്ജതി ആരമ്മണപച്ചയാ – അപചയഗാമിം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

നേവാചയഗാമിനാപചയഗാമിം ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി ആരമ്മണപച്ചയാ – നേവാചയഗാമിനാപചയഗാമിം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. പടിസന്ധിക്ഖണേ…പേ… വത്ഥും പടിച്ച ഖന്ധാ. (൧)

അധിപതിപച്ചയോ

൫. ആചയഗാമിം ധമ്മം പടിച്ച ആചയഗാമീ ധമ്മോ ഉപ്പജ്ജതി അധിപതിപച്ചയാ… തീണി.

അപചയഗാമിം ധമ്മം പടിച്ച അപചയഗാമീ ധമ്മോ ഉപ്പജ്ജതി അധിപതിപച്ചയാ… തീണി.

നേവാചയഗാമിനാപചയഗാമിം ധമ്മം പടിച്ച നേവാചയഗാമിനാപചയഗാമീ ധമ്മോ… ഏകം (പടിസന്ധി നത്ഥി); ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം. (൧)

ആചയഗാമിഞ്ച നേവാചയഗാമിനാപചയഗാമിഞ്ച ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി അധിപതിപച്ചയാ – ആചയഗാമീ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

അപചയഗാമിഞ്ച നേവാചയഗാമിനാപചയഗാമിഞ്ച ധമ്മം പടിച്ച നേവാചയഗാമിനാപചയഗാമീ ധമ്മോ ഉപ്പജ്ജതി അധിപതിപച്ചയാ – അപചയഗാമീ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

അനന്തരപച്ചയാദി

൬. ആചയഗാമിം ധമ്മം പടിച്ച, ആചയഗാമീ ധമ്മോ ഉപ്പജ്ജതി അനന്തരപച്ചയാ… സമനന്തരപച്ചയാ … സഹജാതപച്ചയാ (സബ്ബേപി മഹാഭൂതാ കാതബ്ബാ)… അഞ്ഞമഞ്ഞപച്ചയാ (ചിത്തസമുട്ഠാനമ്പി കടത്താരൂപമ്പി ഉപാദാരൂപമ്പി നത്ഥി)… നിസ്സയപച്ചയാ… ഉപനിസ്സയപച്ചയാ… പുരേജാതപച്ചയാ… ആസേവനപച്ചയാ… കമ്മപച്ചയാ… വിപാകപച്ചയാ… ആഹാരപച്ചയാ… ഇന്ദ്രിയപച്ചയാ… ഝാനപച്ചയാ… മഗ്ഗപച്ചയാ… സമ്പയുത്തപച്ചയാ… വിപ്പയുത്തപച്ചയാ… അത്ഥിപച്ചയാ… നത്ഥിപച്ചയാ… വിഗതപച്ചയാ… അവിഗതപച്ചയാ….