൧൦. ദസമനയോ

൧൦. വിപ്പയുത്തേനവിപ്പയുത്തപദനിദ്ദേസോ

൩൫൩. രൂപക്ഖന്ധേന യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ, തേ ധമ്മാ കതിഹി ഖന്ധേഹി കതിഹായതനേഹി കതിഹി ധാതൂഹി വിപ്പയുത്താ? തേ ധമ്മാ ചതൂഹി ഖന്ധേഹി ഏകേനായതനേന സത്തഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൫൪. വേദനാക്ഖന്ധേന യേ ധമ്മാ… സഞ്ഞാക്ഖന്ധേന യേ ധമ്മാ… സങ്ഖാരക്ഖന്ധേന യേ ധമ്മാ… വിഞ്ഞാണക്ഖന്ധേന യേ ധമ്മാ… മനായതനേന യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ…പേ… തേ ധമ്മാ ഏകേന ഖന്ധേന ദസഹായതനേഹി ദസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൫൫. ചക്ഖായതനേന യേ ധമ്മാ…പേ… ഫോട്ഠബ്ബായതനേന യേ ധമ്മാ… ചക്ഖുധാതുയാ യേ ധമ്മാ…പേ… ഫോട്ഠബ്ബധാതുയാ യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ചതൂഹി ഖന്ധേഹി ഏകേനായതനേന സത്തഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൫൬. ചക്ഖുവിഞ്ഞാണധാതുയാ യേ ധമ്മാ…പേ… മനോവിഞ്ഞാണധാതുയാ യേ ധമ്മാ… സമുദയസച്ചേന യേ ധമ്മാ… മഗ്ഗസച്ചേന യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൫൭. നിരോധസച്ചേന യേ ധമ്മാ… ചക്ഖുന്ദ്രിയേന യേ ധമ്മാ…പേ… കായിന്ദ്രിയേന യേ ധമ്മാ.. ഇത്ഥിന്ദ്രിയേന യേ ധമ്മാ… പുരിസിന്ദ്രിയേന യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ചതൂഹി ഖന്ധേഹി ഏകേനായതനേന സത്തഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൫൮. മനിന്ദ്രിയേന യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി ദസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൫൯. സുഖിന്ദ്രിയേന യേ ധമ്മാ… ദുക്ഖിന്ദ്രിയേന യേ ധമ്മാ… സോമനസ്സിന്ദ്രിയേന യേ ധമ്മാ… ദോമനസ്സിന്ദ്രിയേന യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൬൦. ഉപേക്ഖിന്ദ്രിയേന യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി ഏകാദസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൬൧. സദ്ധിന്ദ്രിയേന യേ ധമ്മാ… വീരിയിന്ദ്രിയേന യേ ധമ്മാ… സതിന്ദ്രിയേന യേ ധമ്മാ… സമാധിന്ദ്രിയേന യേ ധമ്മാ… പഞ്ഞിന്ദ്രിയേന യേ ധമ്മാ… അനഞ്ഞാതഞ്ഞസ്സാമീതിന്ദ്രിയേന യേ ധമ്മാ… അഞ്ഞിന്ദ്രിയേന യേ ധമ്മാ… അഞ്ഞാതാവിന്ദ്രിയേന യേ ധമ്മാ… അവിജ്ജായ യേ ധമ്മാ… അവിജ്ജാപച്ചയാ സങ്ഖാരേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൬൨. സങ്ഖാരപച്ചയാ വിഞ്ഞാണേന യേ ധമ്മാ… സളായതനപച്ചയാ ഫസ്സേന യേ ധമ്മാ… ഫസ്സപച്ചയാ വേദനായ യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി ദസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൬൩. വേദനാപച്ചയാ തണ്ഹായ യേ ധമ്മാ… തണ്ഹാപച്ചയാ ഉപാദാനേന യേ ധമ്മാ… കമ്മഭവേന യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൬൪. രൂപഭവേന യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ന കേഹിചി ഖന്ധേഹി ന കേഹിചി ആയതനേഹി തീഹി ധാതൂഹി വിപ്പയുത്താ.

൩൬൫. അസഞ്ഞാഭവേന യേ ധമ്മാ… ഏകവോകാരഭവേന യേ ധമ്മാ… പരിദേവേന യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ചതൂഹി ഖന്ധേഹി ഏകേനായതനേന സത്തഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൬൬. അരൂപഭവേന യേ ധമ്മാ… നേവസഞ്ഞാനാസഞ്ഞാഭവേന യേ ധമ്മാ… ചതുവോകാരഭവേന യേ ധമ്മാ… സോകേന യേ ധമ്മാ… ദുക്ഖേന യേ ധമ്മാ… ദോമനസ്സേന യേ ധമ്മാ… ഉപായാസേന യേ ധമ്മാ… സതിപട്ഠാനേന യേ ധമ്മാ… സമ്മപ്പധാനേന യേ ധമ്മാ… ഇദ്ധിപാദേന യേ ധമ്മാ… ഝാനേന യേ ധമ്മാ… അപ്പമഞ്ഞായ യേ ധമ്മാ… പഞ്ചഹി ഇന്ദ്രിയേഹി യേ ധമ്മാ… പഞ്ചഹി ബലേഹി യേ ധമ്മാ… സത്തഹി ബോജ്ഝങ്ഗേഹി യേ ധമ്മാ… അരിയേന അട്ഠങ്ഗികേന മഗ്ഗേന യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൬൭. ഫസ്സേന യേ ധമ്മാ… വേദനായ യേ ധമ്മാ… സഞ്ഞായ യേ ധമ്മാ… ചേതനായ യേ ധമ്മാ… ചിത്തേന യേ ധമ്മാ… മനസികാരേന യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി ദസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൬൮. അധിമോക്ഖേന യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി പന്നരസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൧. തികം

൩൬൯. കുസലേഹി ധമ്മേഹി യേ ധമ്മാ… അകുസലേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൭൦. സുഖായ വേദനായ സമ്പയുത്തേഹി ധമ്മേഹി യേ ധമ്മാ… ദുക്ഖായ വേദനായ സമ്പയുത്തേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി പന്നരസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൭൧. അദുക്ഖമസുഖായ വേദനായ സമ്പയുത്തേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി ഏകാദസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൭൨. വിപാകേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി ദസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൭൩. വിപാകധമ്മധമ്മേഹി യേ ധമ്മാ… സംകിലിട്ഠസംകിലേസികേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൭൪. നേവവിപാകനവിപാകധമ്മധമ്മേഹി യേ ധമ്മാ… അനുപാദിന്നുപാദാനിയേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ന കേഹിചി ഖന്ധേഹി ന കേഹിചി ആയതനേഹി പഞ്ചഹി ധാതൂഹി വിപ്പയുത്താ.

൩൭൫. അനുപാദിന്നഅനുപാദാനിയേഹി ധമ്മേഹി യേ ധമ്മാ… അസംകിലിട്ഠഅസംകിലേസികേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ന കേഹിചി ഖന്ധേഹി ന കേഹിചി ആയതനേഹി ഛഹി ധാതൂഹി വിപ്പയുത്താ.

൩൭൬. സവിതക്കസവിചാരേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി പന്നരസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൭൭. അവിതക്കവിചാരമത്തേഹി ധമ്മേഹി യേ ധമ്മാ… പീതിസഹഗതേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൭൮. അവിതക്കഅവിചാരേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ന കേഹിചി ഖന്ധേഹി ന കേഹിചി ആയതനേഹി ഏകായ ധാതുയാ വിപ്പയുത്താ.

൩൭൯. സുഖസഹഗതേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി പന്നരസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൮൦. ഉപേക്ഖാസഹഗതേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി ഏകാദസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൮൧. ദസ്സനേന പഹാതബ്ബേഹി ധമ്മേഹി യേ ധമ്മാ… ഭാവനായ പഹാതബ്ബേഹി ധമ്മേഹി യേ ധമ്മാ… ദസ്സനേന പഹാതബ്ബഹേതുകേഹി ധമ്മേഹി യേ ധമ്മാ… ഭാവനായ പഹാതബ്ബഹേതുകേഹി ധമ്മേഹി യേ ധമ്മാ… ആചയഗാമീഹി ധമ്മേഹി യേ ധമ്മാ… അപചയഗാമീഹി ധമ്മേഹി യേ ധമ്മാ… സേക്ഖേഹി ധമ്മേഹി യേ ധമ്മാ… അസേക്ഖേഹി ധമ്മേഹി യേ ധമ്മാ… മഹഗ്ഗതേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൮൨. അപ്പമാണേഹി ധമ്മേഹി യേ ധമ്മാ… പണീതേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ന കേഹിചി ഖന്ധേഹി ന കേഹിചി ആയതനേഹി ഛഹി ധാതൂഹി വിപ്പയുത്താ.

൩൮൩. പരിത്താരമ്മണേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി ദസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൮൪. മഹഗ്ഗതാരമ്മണേഹി ധമ്മേഹി യേ ധമ്മാ… അപ്പമാണാരമ്മണേഹി ധമ്മേഹി യേ ധമ്മാ… ഹീനേഹി ധമ്മേഹി യേ ധമ്മാ… മിച്ഛത്തനിയതേഹി ധമ്മേഹി യേ ധമ്മാ… സമ്മത്തനിയതേഹി ധമ്മേഹി യേ ധമ്മാ… മഗ്ഗാരമ്മണേഹി ധമ്മേഹി യേ ധമ്മാ… മഗ്ഗഹേതുകേഹി ധമ്മേഹി യേ ധമ്മാ… മഗ്ഗാധിപതീഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൮൫. അനുപ്പന്നേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ന കേഹിചി ഖന്ധേഹി ന കേഹിചി ആയതനേഹി പഞ്ചഹി ധാതൂഹി വിപ്പയുത്താ.

൩൮൬. അതീതാരമ്മണേഹി ധമ്മേഹി യേ ധമ്മാ… അനാഗതാരമ്മണേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൮൭. പച്ചുപ്പന്നാരമ്മണേഹി ധമ്മേഹി യേ ധമ്മാ… അജ്ഝത്താരമ്മണേഹി ധമ്മേഹി യേ ധമ്മാ… ബഹിദ്ധാരമ്മണേഹി ധമ്മേഹി യേ ധമ്മാ… അജ്ഝത്തബഹിദ്ധാരമ്മണേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി ദസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൮൮. സനിദസ്സനസപ്പടിഘേഹി ധമ്മേഹി യേ ധമ്മാ… അനിദസ്സനസപ്പടിഘേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ചതൂഹി ഖന്ധേഹി ഏകേനായതനേന സത്തഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൨. ദുകം

൩൮൯. ഹേതൂഹി ധമ്മേഹി യേ ധമ്മാ… സഹേതുകേഹി ധമ്മേഹി യേ ധമ്മാ… ഹേതുസമ്പയുത്തേഹി ധമ്മേഹി യേ ധമ്മാ… ഹേതൂഹി ചേവ സഹേതുകേഹി ച ധമ്മേഹി യേ ധമ്മാ… സഹേതുകേഹി ചേവ ന ച ഹേതൂഹി ധമ്മേഹി യേ ധമ്മാ… ഹേതൂഹി ചേവ ഹേതുസമ്പയുത്തേഹി ച ധമ്മേഹി യേ ധമ്മാ… ഹേതുസമ്പയുത്തേഹി ചേവ ന ച ഹേതൂഹി ധമ്മേഹി യേ ധമ്മാ… ന ഹേതുസഹേതുകേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൯൦. അപ്പച്ചയേഹി ധമ്മേഹി യേ ധമ്മാ… അസങ്ഖതേഹി ധമ്മേഹി യേ ധമ്മാ… സനിദസ്സനേഹി ധമ്മേഹി യേ ധമ്മാ… സപ്പടിഘേഹി ധമ്മേഹി യേ ധമ്മാ… രൂപീഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ചതൂഹി ഖന്ധേഹി ഏകേനായതനേന സത്തഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൯൧. ലോകുത്തരേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ന കേഹിചി ഖന്ധേഹി ന കേഹിചി ആയതനേഹി ഛഹി ധാതൂഹി വിപ്പയുത്താ.

൩൯൨. ആസവേഹി ധമ്മേഹി യേ ധമ്മാ… ആസവസമ്പയുത്തേഹി ധമ്മേഹി യേ ധമ്മാ… ആസവേഹി ചേവ സാസവേഹി ച ധമ്മേഹി യേ ധമ്മാ… ആസവേഹി ചേവ ആസവസമ്പയുത്തേഹി ച ധമ്മേഹി യേ ധമ്മാ… ആസവസമ്പയുത്തേഹി ചേവ നോ ച ആസവേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൯൩. അനാസവേഹി ധമ്മേഹി യേ ധമ്മാ… ആസവവിപ്പയുത്തേഹി അനാസവേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ന കേഹിചി ഖന്ധേഹി ന കേഹിചി ആയതനേഹി ഛഹി ധാതൂഹി വിപ്പയുത്താ.

൩൯൪. സംയോജനേഹി ധമ്മേഹി യേ ധമ്മാ… ഗന്ഥേഹി ധമ്മേഹി യേ ധമ്മാ… ഓഘേഹി ധമ്മേഹി യേ ധമ്മാ… യോഗേഹി ധമ്മേഹി യേ ധമ്മാ… നീവരണേഹി ധമ്മേഹി യേ ധമ്മാ… പരാമാസേഹി ധമ്മേഹി യേ ധമ്മാ… പരാമാസസമ്പയുത്തേഹി ധമ്മേഹി യേ ധമ്മാ… പരാമാസേഹി ചേവ പരാമട്ഠേഹി ച ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൯൫. അപരാമട്ഠേഹി ധമ്മേഹി യേ ധമ്മാ… പരാമാസവിപ്പയുത്തേഹി അപരാമട്ഠേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ന കേഹിചി ഖന്ധേഹി ന കേഹിചി ആയതനേഹി ഛഹി ധാതൂഹി വിപ്പയുത്താ.

൩൯൬. സാരമ്മണേഹി ധമ്മേഹി യേ ധമ്മാ… ചിത്തേഹി ധമ്മേഹി യേ ധമ്മാ… ചേതസികേഹി ധമ്മേഹി യേ ധമ്മാ… ചിത്തസമ്പയുത്തേഹി ധമ്മേഹി യേ ധമ്മാ… ചിത്തസംസട്ഠേഹി ധമ്മേഹി യേ ധമ്മാ… ചിത്തസംസട്ഠസമുട്ഠാനേഹി ധമ്മേഹി യേ ധമ്മാ… ചിത്തസംസട്ഠസമുട്ഠാനസഹഭൂഹി ധമ്മേഹി യേ ധമ്മാ… ചിത്തസംസട്ഠസമുട്ഠാനാനുപരിവത്തീഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി ദസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൯൭. അനാരമ്മണേഹി [അനുപാദിണ്ണേഹി (സീ. ക.)] ധമ്മേഹി യേ ധമ്മാ… ചിത്തവിപ്പയുത്തേഹി ധമ്മേഹി യേ ധമ്മാ… ചിത്തവിസംസട്ഠേഹി ധമ്മേഹി യേ ധമ്മാ… ഉപാദാധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ചതൂഹി ഖന്ധേഹി ഏകേനായതനേന സത്തഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൩൯൮. അനുപാദിന്നേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ന കേഹിചി ഖന്ധേഹി ന കേഹിചി ആയതനേഹി പഞ്ചഹി ധാതൂഹി വിപ്പയുത്താ.

൩൯൯. ഉപാദാനേഹി ധമ്മേഹി യേ ധമ്മാ… കിലേസേഹി ധമ്മേഹി യേ ധമ്മാ… സംകിലിട്ഠേഹി ധമ്മേഹി യേ ധമ്മാ… കിലേസസമ്പയുത്തേഹി ധമ്മേഹി യേ ധമ്മാ… കിലേസേഹി ചേവ സംകിലേസികേഹി ച ധമ്മേഹി യേ ധമ്മാ… കിലേസേഹി ചേവ സംകിലിട്ഠേഹി ച ധമ്മേഹി യേ ധമ്മാ… സംകിലിട്ഠേഹി ചേവ നോ ച കിലേസേഹി ധമ്മേഹി യേ ധമ്മാ… കിലേസേഹി ചേവ കിലേസസമ്പയുത്തേഹി ച ധമ്മേഹി യേ ധമ്മാ… കിലേസസമ്പയുത്തേഹി ചേവ നോ ച കിലേസേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൪൦൦. അസംകിലേസികേഹി ധമ്മേഹി യേ ധമ്മാ… കിലേസവിപ്പയുത്തേഹി അസംകിലേസികേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ന കേഹിചി ഖന്ധേഹി ന കേഹിചി ആയതനേഹി ഛഹി ധാതൂഹി വിപ്പയുത്താ.

൪൦൧. ദസ്സനേന പഹാതബ്ബേഹി ധമ്മേഹി യേ ധമ്മാ… ഭാവനായ പഹാതബ്ബേഹി ധമ്മേഹി യേ ധമ്മാ… ദസ്സനേന പഹാതബ്ബഹേതുകേഹി ധമ്മേഹി യേ ധമ്മാ… ഭാവനായ പഹാതബ്ബഹേതുകേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൪൦൨. സവിതക്കേഹി ധമ്മേഹി യേ ധമ്മാ… സവിചാരേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി പന്നരസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൪൦൩. അവിതക്കേഹി ധമ്മേഹി യേ ധമ്മാ… അവിചാരേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ന കേഹിചി ഖന്ധേഹി ന കേഹിചി ആയതനേഹി ഏകായ ധാതുയാ വിപ്പയുത്താ.

൪൦൪. സപ്പീതികേഹി ധമ്മേഹി യേ ധമ്മാ… പീതിസഹഗതേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൪൦൫. സുഖസഹഗതേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി പന്നരസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൪൦൬. ഉപേക്ഖാസഹഗതേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ഏകേന ഖന്ധേന ദസഹായതനേഹി ഏകാദസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

൪൦൭. ന കാമാവചരേഹി ധമ്മേഹി യേ ധമ്മാ… അപരിയാപന്നേഹി ധമ്മേഹി യേ ധമ്മാ… അനുത്തരേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ… തേ ധമ്മാ ന കേഹിചി ഖന്ധേഹി ന കേഹിചി ആയതനേഹി ഛഹി ധാതൂഹി വിപ്പയുത്താ.

൪൦൮. രൂപാവചരേഹി ധമ്മേഹി യേ ധമ്മാ… അരൂപാവചരേഹി ധമ്മേഹി യേ ധമ്മാ… നിയ്യാനികേഹി ധമ്മേഹി യേ ധമ്മാ… നിയതേഹി ധമ്മേഹി യേ ധമ്മാ… സരണേഹി ധമ്മേഹി യേ ധമ്മാ വിപ്പയുത്താ, തേഹി ധമ്മേഹി യേ ധമ്മാ വിപ്പയുത്താ, തേ ധമ്മാ കതിഹി ഖന്ധേഹി കതിഹായതനേഹി കതിഹി ധാതൂഹി വിപ്പയുത്താ? തേ ധമ്മാ ഏകേന ഖന്ധേന ദസഹായതനേഹി സോളസഹി ധാതൂഹി വിപ്പയുത്താ; ഏകേനായതനേന ഏകായ ധാതുയാ കേഹിചി വിപ്പയുത്താ.

ധമ്മായതനം ധമ്മധാതു, ദുക്ഖസച്ചഞ്ച ജീവിതം;

സളായതനം നാമരൂപം, ചത്താരോ ച മഹാഭവാ.

ജാതി ജരാ ച മരണം, തികേസ്വേകൂനവീസതി;

ഗോച്ഛകേസു ച പഞ്ഞാസ, അട്ഠ ചൂളന്തരേ പദാ.

മഹന്തരേ പന്നരസ, അട്ഠാരസ തതോ പരേ;

തേവീസ പദസതം ഏതം, സമ്പയോഗേ ന ലബ്ഭതീതി.

വിപ്പയുത്തേനവിപ്പയുത്തപദനിദ്ദേസോ ദസമോ.