൫. ഇന്ദ്രിയം

൫൦. ചക്ഖുന്ദ്രിയം കതിഹി ഖന്ധേഹി കതിഹായതനേഹി കതിഹി ധാതൂഹി സങ്ഗഹിതം? ചക്ഖുന്ദ്രിയം ഏകേന ഖന്ധേന ഏകേനായതനേന ഏകായ ധാതുയാ സങ്ഗഹിതം. കതിഹി അസങ്ഗഹിതം? ചതൂഹി ഖന്ധേഹി ഏകാദസഹായതനേഹി സത്തരസഹി ധാതൂഹി അസങ്ഗഹിതം.

൫൧. സോതിന്ദ്രിയം… ഘാനിന്ദ്രിയം… ജിവ്ഹിന്ദ്രിയം… കായിന്ദ്രിയം… ഇത്ഥിന്ദ്രിയം … പുരിസിന്ദ്രിയം ഏകേന ഖന്ധേന ഏകേനായതനേന ഏകായ ധാതുയാ സങ്ഗഹിതം. കതിഹി അസങ്ഗഹിതം? ചതൂഹി ഖന്ധേഹി ഏകാദസഹായതനേഹി സത്തരസഹി ധാതൂഹി അസങ്ഗഹിതം.

൫൨. മനിന്ദ്രിയം ഏകേന ഖന്ധേന ഏകേനായതനേന സത്തഹി ധാതൂഹി സങ്ഗഹിതം. കതിഹി അസങ്ഗഹിതം? ചതൂഹി ഖന്ധേഹി ഏകാദസഹായതനേഹി ഏകാദസഹി ധാതൂഹി അസങ്ഗഹിതം.

൫൩. ജീവിതിന്ദ്രിയം ദ്വീഹി ഖന്ധേഹി ഏകേനായതനേന ഏകായ ധാതുയാ സങ്ഗഹിതം. കതിഹി അസങ്ഗഹിതം? തീഹി ഖന്ധേഹി ഏകാദസഹായതനേഹി സത്തരസഹി ധാതൂഹി അസങ്ഗഹിതം.

൫൪. സുഖിന്ദ്രിയം … ദുക്ഖിന്ദ്രിയം… സോമനസ്സിന്ദ്രിയം… ദോമനസ്സിന്ദ്രിയം… ഉപേക്ഖിന്ദ്രിയം… സദ്ധിന്ദ്രിയം… വീരിയിന്ദ്രിയം… സതിന്ദ്രിയം… സമാധിന്ദ്രിയം… പഞ്ഞിന്ദ്രിയം… അനഞ്ഞാതഞ്ഞസ്സാമീതിന്ദ്രിയം… അഞ്ഞിന്ദ്രിയം… അഞ്ഞാതാവിന്ദ്രിയം ഏകേന ഖന്ധേന ഏകേനായതനേന ഏകായ ധാതുയാ സങ്ഗഹിതം. കതിഹി അസങ്ഗഹിതം? ചതൂഹി ഖന്ധേഹി ഏകാദസഹായതനേഹി സത്തരസഹി ധാതൂഹി അസങ്ഗഹിതം.

(ഏകമൂലകം.)

൫൫. ചക്ഖുന്ദ്രിയഞ്ച സോതിന്ദ്രിയഞ്ച ഏകേന ഖന്ധേന ദ്വീഹായതനേഹി ദ്വീഹി ധാതൂഹി സങ്ഗഹിതാ. കതിഹി അസങ്ഗഹിതാ? ചതൂഹി ഖന്ധേഹി ദസഹായതനേഹി സോളസഹി ധാതൂഹി അസങ്ഗഹിതാ.

൫൬. ചക്ഖുന്ദ്രിയഞ്ച ഘാനിന്ദ്രിയഞ്ച… ചക്ഖുന്ദ്രിയഞ്ച ജിവ്ഹിന്ദ്രിയഞ്ച… ചക്ഖുന്ദ്രിയഞ്ച കായിന്ദ്രിയഞ്ച… ചക്ഖുന്ദ്രിയഞ്ച ഇത്ഥിന്ദ്രിയഞ്ച… ചക്ഖുന്ദ്രിയഞ്ച പുരിസിന്ദ്രിയഞ്ച ഏകേന ഖന്ധേന ദ്വീഹായതനേഹി ദ്വീഹി ധാതൂഹി സങ്ഗഹിതാ. കതിഹി അസങ്ഗഹിതാ? ചതൂഹി ഖന്ധേഹി ദസഹായതനേഹി സോളസഹി ധാതൂഹി അസങ്ഗഹിതാ.

൫൭. ചക്ഖുന്ദ്രിയഞ്ച മനിന്ദ്രിയഞ്ച ദ്വീഹി ഖന്ധേഹി ദ്വീഹായതനേഹി അട്ഠഹി ധാതൂഹി സങ്ഗഹിതാ. കതിഹി അസങ്ഗഹിതാ? തീഹി ഖന്ധേഹി ദസഹായതനേഹി ദസഹി ധാതൂഹി അസങ്ഗഹിതാ.

൫൮. ചക്ഖുന്ദ്രിയഞ്ച ജീവിതിന്ദ്രിയഞ്ച ദ്വീഹി ഖന്ധേഹി ദ്വീഹായതനേഹി ദ്വീഹി ധാതൂഹി സങ്ഗഹിതാ. കതിഹി അസങ്ഗഹിതാ? തീഹി ഖന്ധേഹി ദസഹായതനേഹി സോളസഹി ധാതൂഹി അസങ്ഗഹിതാ.

൫൯. ചക്ഖുന്ദ്രിയഞ്ച സുഖിന്ദ്രിയഞ്ച… ചക്ഖുന്ദ്രിയഞ്ച ദുക്ഖിന്ദ്രിയഞ്ച… ചക്ഖുന്ദ്രിയഞ്ച സോമനസ്സിന്ദ്രിയഞ്ച… ചക്ഖുന്ദ്രിയഞ്ച ദോമനസ്സിന്ദ്രിയഞ്ച… ചക്ഖുന്ദ്രിയഞ്ച ഉപേക്ഖിന്ദ്രിയഞ്ച… ചക്ഖുന്ദ്രിയഞ്ച സദ്ധിന്ദ്രിയഞ്ച… ചക്ഖുന്ദ്രിയഞ്ച വീരിയിന്ദ്രിയഞ്ച… ചക്ഖുന്ദ്രിയഞ്ച സതിന്ദ്രിയഞ്ച… ചക്ഖുന്ദ്രിയഞ്ച സമാധിന്ദ്രിയഞ്ച… ചക്ഖുന്ദ്രിയഞ്ച പഞ്ഞിന്ദ്രിയഞ്ച… ചക്ഖുന്ദ്രിയഞ്ച അനഞ്ഞാതഞ്ഞസ്സാമീതിന്ദ്രിയഞ്ച… ചക്ഖുന്ദ്രിയഞ്ച അഞ്ഞിന്ദ്രിയഞ്ച… ചക്ഖുന്ദ്രിയഞ്ച അഞ്ഞാതാവിന്ദ്രിയഞ്ച ദ്വീഹി ഖന്ധേഹി ദ്വീഹായതനേഹി ദ്വീഹി ധാതൂഹി സങ്ഗഹിതാ. കതിഹി അസങ്ഗഹിതാ? തീഹി ഖന്ധേഹി ദസഹായതനേഹി സോളസഹി ധാതൂഹി അസങ്ഗഹിതാ.

(ദുകമൂലകം.)

൬൦. ബാവീസതിന്ദ്രിയാനി കതിഹി ഖന്ധേഹി കതിഹായതനേഹി കതിഹി ധാതൂഹി സങ്ഗഹിതാനി? ബാവീസതിന്ദ്രിയാനി ചതൂഹി ഖന്ധേഹി സത്തഹായതനേഹി തേരസഹി ധാതൂഹി സങ്ഗഹിതാനി. കതിഹി അസങ്ഗഹിതാനി? ഏകേന ഖന്ധേന പഞ്ചഹായതനേഹി പഞ്ചഹി ധാതൂഹി അസങ്ഗഹിതാനി.