നമോ തസ്സ ഭഗവതോ അരഹതോ സമ്മാസമ്ബുദ്ധസ്സ.

വേസ്സന്തരാഗീതി

[ക]

ബാത്തിംസലക്ഖണൂപേത,

ദാതബ്ബം ദദതം വര;

വേസ്സന്തരത്ത മാപാദി,

സഞ്ചരം ഭവസാഗരേ.

[ഖ]

ദ്വന്ദംദ്വന്ദം സഞ്ചരന്തീ,

ജനാനന്ദേ യസോധീരേ;

മദ്ദിത്തം സമുപാഗഞ്ഛി,

ത്വംപിതേന ഭവണ്ണവേ.

[ഗ]

തുമ്ഹംദാനി പവക്ഖാമി,

ഉപത്തിം നന്ദിനിം തഹിം;

ദജ്ജഹ്വോവോ മമോകാസം,

കവയോ പ്യാഭിനന്ദഥ.

൧. ഏകനവുതേഹിതോ കപ്പേ,

വിപസ്സീനാമ നായകോ;

വിനേയ്യേ താരയംഖേമം,

ലോകേ ഉപ്പജ്ജിചക്ഖുമാ.

൨. ഖേമാരാമമ്ഹി സമ്ബുദ്ധോ,

മിഗദായേ മനോരമേ;

നിസ്സായ ബന്ധുമതിംസോ,

വിഹാസി നഗരംതദാ.

൩. രജ്ജംധമ്മേന കാരേസി,

നഗരേതമ്ഹി ബന്ധുമാ;

രാജാതസ്സ ദുവേധീതാ,

ആസും സബ്ബങ്ഗസോഭണാ.

൪. ഏകോഹി ഏകദാരാജാ,

ബന്ധുമസ്സ സുപേസയി;

സഹസ്സഗ്ഘനികം സോണ്ണ-

മാലഞ്ചാ നഗ്ഘ ചന്ദനം.

൫. അദാസി ബന്ധുമാരാജാ,

പിതാജേട്ഠായ ചന്ദനം;

സോണ്ണമാലം കനിട്ഠായ,

തഹിം വിയായ ധീതുയാ.

൬. ഉഭോതാപീതി ചിന്തേസും,

നത്ഥത്ഥോവത തേഹിനോ;

ഭഗ്യവന്തസ്സ പൂജേമ,

സംപസാദേന ചേതസാ.

൭. തതോസാചന്ദനം ചുണ്ണം-

കാരാപേത്വാന ജേട്ഠകാ;

ഗന്ത്വാന വിഹാരം സോണ്ണ,

വണ്ണംപൂജേസി നായകം.

൮. വികിരിത്വാ തു സാഗന്ധ,

കുടിയം സേസചന്ദനം;

ഏവഞ്ഹി പത്ഥനം കാസി,

ബുദ്ധമാതാ ഭവാമഹം.

൯. കാരേത്വാ സോണ്ണമാലംതു,

ഉരച്ഛദ പസാദനം;

പൂജേസി ഹേമവണ്ണംസാ,

ഭഗവന്തം കനിട്ഠകാ.

൧൦. ഏവമ്പി പത്ഥനംകാസി,

ഇദംമമ പസാദനം;

സരീരേ നിച്ചലാ ഠാതു,

ചരന്തിയാ ഭവാഭവം.

൧൧. ഉഭോപി രാജകഞ്ഞാതാ,

ഠത്വാന യാവതാ യുകം;

ഉപപജ്ജിംസു സോവഗ്ഗം,

ചുതാസുഖ പമോദനം.

൧൨. മനുസ്സദേവ ലോകേസു,

സംസരിംസു സുഖംദുവേ;

ഏകനവുതി കപ്പാനി,

മുച്ചിത്വാ പായദുക്ഖതോ.

൧൩. കസ്സപസ്സ കാലേതാസു,

കനിട്ഠാ കികിരാജിനോ;

ധീതാ ഉരച്ഛദാനാമ,

ഹുത്വാന പരിനിബ്ബുതാ.

൧൪. ജേട്ഠകാ പന ധീതാസി,

കികിസ്സ രാജിനോ തഹിം;

ധമ്മാനാമ ദമിതാ സാ,

കോമാര ബ്രഹ്മചാരിനീ.

൧൫. തതോച വിത്വാന സാ ദേവ,

മനുസ്സേസു പുനപ്പുനം;

സംസരന്തീ മഹേസീസി,

പൂരിന്ദദസ്സ ഏകദാ.

൧൬. രത്തചന്ദന ലേപേന,

ലിമ്പിത ദേഹിനീ ഹിസാ;

കതപുഞ്ഞ വിസേസേന,

നാമേന ഫുസ്സതീഹ്വിതാ.

൧൭. ദേവിന്ദോ അഞ്ഞദാദിസ്വാ,

പരിക്ഖീണായുകം വിയം;

ദേവിം തം പരിവാരേന,

മഹതാ നേസിനന്ദനം.

൧൮. സിരീസയന പിട്ഠമ്ഹി,

തംസയാവിയ മാഘവാ;

ഠിതോ സയനപസ്സമ്ഹി,

ഫുസ്സതിം ഏതദബ്രവീ.

൧൯. വരേതേദസദസ്സാമി,

ഫുസ്സതേവരവണ്ണികേ;

ത്വംഞ്ഹിഇച്ഛസിയേലദ്ധും,

ലഭാപേസ്സാമിതേവരേ.

൨൦. സുത്വാതം ഫുസ്സതീദേവീ,

ലോമഹം സനരൂപിനീ;

ഖീണായുതമജാനന്തീ,

അത്തനോ ഏതദബ്രവീ.

൨൧. പാപംനു ത്വയി ദേവിംന്ദ,

കതംമേ അപ്പിയാഥതേ;

രമ്മാമേ ചവനം ഇച്ഛം,

മഞ്ഞേഭണംതി ഈദിസം.

൨൨. നതേഭദ്ദേ കതംപാപം,

നചമേ അപ്പിയാതുവം;

പുഞ്ഞംതുതേ പരിക്ഖീണം,

തസ്മാ തേ വംവദാമഹം.

൨൩. സന്തികേ മരണം തുയ്ഹം,

വിനാഭാവോ ഭവിസ്സതി;

പടിഗ്ഗണ്ഹാഹി മേ ഏതേ,

വരേദസ പവച്ഛതോ.

൨൪. സക്കസ്സവചനം സുത്വാ,

ഞാത്വാമരണ മത്തനോ;

വരേസാ ലദ്ധുമിച്ഛന്തീ,

ദേവിന്ദമേത ദബ്രവീ.

൨൫. ഇതോ ചുതാസഹസ്സക്ഖി,

സീവിരാജനിവേസനേ;

മഹേസീ ഫുസ്സതീനാമ,

നീലനേത്താ യഥാമിഗീ.

൨൬. അസ്സം നീലഭമുകാഹം,

ലഭേയ്യം പുത്തമുത്തമം;

ധാരേന്തി യാചമേഗബ്ഭം,

മജ്ഝിമങ്ഗം അനുന്നതം.

൨൭. പലിതാന വിരൂഹന്തു,

അലമ്ബാച പയോരോ;

കായേരജോ നലിമ്പേഥ,

വജ്ഝഞ്ചാപി പമോചയേ.

൨൮. യേയാചിതാ വരാഭദ്ദേ,

തയാദസ മയാതവ;

ദിന്നാതേ തുട്ഠചിത്തേന,

സബ്ബേലച്ഛസി മാനുസേ.

൨൯. തതോചവിത്വാന സാദേവ-

ലോകാ നിബ്ബത്തി ഇച്ഛിയം;

മഹേസിയാ പടിസന്ധി-

വസേന മദ്ദരാജിനോ.

൩൦. ദസമാ സച്ചയേനേസാ,

ധീതരം മദ്ദരാജിനീ;

ഹേട്ഠാസുസേതച്ഛത്തസ്സ,

വിജായി സേട്ഠരൂപിനിം.

൩൧. രത്തചന്ദന ലേപേന,

ഏസാലിമ്പി തദേഹിനീ;

തേനസ്സാ ബ്രാഹ്മണാനാമം,

അകംസു ഫുസ്സതീഇതി.

൩൨. സഞ്ഞാകാര ദോളാരുള-

മങ്ഗലാദീനി കാതുന;

മഹതാ പരിഹാരേന,

പോസിംസു ഖത്തിയാനിയോ.

൩൩. മധൂരഖീര സമ്പന്നാ,

സിനിദ്ധപീണ യോബ്ബനാ;

ധാതിയോ ഖത്തിയാനീതം,

ഖീരംപായിംസു യാപനം.

൩൪. സങ്കമന്തീവ വുദ്ധാസാ,