൬. ചമ്പേയ്യക്ഖന്ധക

പുച്ഛാ – സുദ്ധം ആവുസോ ഭിക്ഖും അനാപത്തികം അവത്ഥുസ്മിം അകാരണേ ഉക്ഖിപന്തസ്സ ദുക്കടം ഭഗവതാ കത്ഥ പഞ്ഞത്തം, കം ആരബ്ഭ കിസ്മിം വത്ഥുസ്മിം പഞ്ഞത്തം.

വിസ്സജ്ജനാ – ചമ്പായം ഭന്തേ സമ്ബഹുലേ ഭിക്ഖൂ ആരബ്ഭ പഞ്ഞത്തം, ഭഗവതി ഭന്തേ ചമ്പായം വിഹരതി സമ്ബഹുലാ ഭിക്ഖൂ കാസീസു വാസഭഗാമേ സുദ്ധം കസ്സപഗോത്തം ഭിക്ഖും അനാപത്തികം അവത്ഥുസ്മിം അകാരണേ ഉക്ഖിപിംസു, തസ്മിം ഭന്തേ വത്ഥുസ്മിം പഞ്ഞത്തം.

പുച്ഛാ – ചമ്പേയ്യകം പുച്ഛിസ്സം, സനിദാനം സനിദ്ദേസം. സമുക്കട്ഠപദാനം ആവുസോ കതി ആപത്തിയോ.

വിസ്സജ്ജനാ – ചമ്പേയ്യകം വിസ്സജ്ജിസ്സം, സനിദാനം സനിദ്ദേസം. സമുക്കട്ഠപദാനം ഭന്തേ ഏകാ ആപത്തി.