9. Ambapiṇḍiyattheraapadānaṃ

40. ‘‘Romaso nāma nāmena, dānavo iti vissuto;

Ambapiṇḍī mayā dinnā [ambapiṇḍo mayā dinno (syā.)], vipassissa mahesino.

41. ‘‘Ekanavutito kappe, yamambamadadiṃ tadā;

Duggatiṃ nābhijānāmi, ambadānassidaṃ phalaṃ.

42. ‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā ambapiṇḍiyo thero imā gāthāyo abhāsitthāti.

Ambapiṇḍiyattherassāpadānaṃ navamaṃ.